وتباسى ەڭ كىشكەنتاي شاڭىراق، مەملەكەت سان مىڭداعان شاڭىراق.
2020 ـ جىلى 10-ايدىڭ 1-كۇنى
جۇڭچيۋ مەرەكەسى مەن مەملەكەت مەرەكەسى بىرگە كەلدى. وتانىمىزدىڭ ۇشقان قۇستاي دامۋى اتا مەكەنىمىزدى ونان ارى كورىكتەندىرىپ، تيانشاننىڭ تۇستىگى مەن تەرىستىگى باس قوسىپ، مەرەكەنى تويلادى.
نەگىزگى ساتى ۇگىتشىسى جانار نۇرمۇقان: بالامدى وتاندى ٴسۇيۋ جانە باس قوسۋدىڭ ماڭىزدىلىعىن ۇعىنۋعا تاربيەلەيمىن
جانار نۇرمۇقان (وڭنان 1 -ادام) وتباسىنداعىلارمەن بىرگە جۇڭچيۋ مەرەكەسىن وتكىزۋدە.
جانار نۇرمۇقان ىلە قازاق اۆتونوميالى وبلىسى كۇنەس اۋدانى قارابۋرا قالاشىعى ساعا الەۋمەتتىك اۋماعىنىڭ كادرى . ول 2019 - جىلى «نەگىزگى ساتى نازاريا ۇگىتىندەگى وزات قىزمەتكەر» بولىپ باعالاندى. وتكەن جىلدار سەكىلدى جانار مەن كۇيەۋى ايكۇلشەنى ەرتەرەك ساتىپ الىپ، وتباسىنداعىلار مەرەكەنى بىرگە تويلادى.
جانار بىلاي دەدى: ”بيىل جۇڭچيۋ مەرەكەسى مەن مەملەكەت مەرەكەسى ٴدال ٴبىر كۇندە كەلدى. مەن ەكى ۇلىما مەملەكەت دەگەن وتانىمىز، مەملەكەت بولعاندا عانا وتباسى بولادى، وتباسىن سۇيۋدە، ٴسوز جوق، وتاندى ٴسۇيۋ كەرەك ەكەنىن ايتتىم. جۇڭچيۋ مەرەكەسى ٴاربىر كىشكەنتاي شاڭىراقتىڭ باس قوسۋى عانا ەمەس، وتان ۇلى شاڭىراعىنىڭ دا باس قوسۋى. ٴار ۇلت حالقى ٴبىر ٴۇيلى جانداي جاقىن، بۇل جۇڭچيۋ مەرەكەسىندە باس قوسۋدىڭ ٴمانى“.
شينجياڭنان حۋبەي ولكەسىنە كومەككە بارعان سەسترا يۇي شياۋيان: ٴتىپتى دە كوپ وتباسىنىڭ باس قوسۋى − ەڭ ۇلكەن ارمانىم
يۇي شياۋيان (سولدان 1 -ادام) وتباسىنداعىلارمەن بىرگە جۇڭچيۋ مەرەكەسىنىڭ باس قوسۋ داستارقانىنان بىرگە ٴلاززاتتاندى.
يۇي شياۋيان قاشقار ايماقتىق 2 ـ حالىق شيپاحاناسىنىڭ جەدەل دياگنوز قويۋ، سالماقتى ناۋقاس مەديتسينالىق ٴبولىمى اۋىر ناۋقاس گرۋپپاسىنىڭ سەسترالار باستىعى. بيىل جۇڭچيۋ مەرەكەسىندەگى باس قوسۋ ول جانە ونىڭ وتباسىنداعىلار جونىنەن ەرەكشە مانگە يە. ويتكەنى، بۇل ونىڭ جىل باسىندا ۋحانعا كومەككە بارىپ، شينجياڭعا قايتىپ كەلگەننەن كەيىنگى تۇڭعىش رەت قولى ٴتيىپ وتباسىنداعىلارمەن بىرگە باس قوسۋ تاماعىن جەۋى. مەملەكەت مەرەكەسى دەمالىسى اياقتالىسىمەن، ول تاعى دا ۋحانعا بارىپ، ٴبىر جىلدىق ۇيرەنۋدە بولادى.
يۇي شياۋيان بىلاي دەدى: ”بيىل وتباسىمداعىلارمەن باس قوسۋعا كوپ رەت بارا المادىم، جۇڭچيۋ مەرەكەسىندە باس قوسقانىما وتە باقىتتى سەزىنۋدەمىن. اجالعا اراشاشى، جارالىعا جەبەۋشى بولۋ ەمدەۋ قىزمەتكەرلەرىنىڭ بورىشى، ٴتىپتى دە كوپ وتباسىن باس قوستىرۋعا قۇلشىنۋ − مەنىڭ ەڭ ۇلكەن ارمانىم “.
ساقا پارتيا مۇشەسى شۇي چينيۇي: ”ۇلىم“ نۇرتاي تىلەۋحان باس قوسۋدى ٴتىپتى دە جىلۋلىققا بولەدى
شۇي چينيۇي (سولدان 1 -ادام) مەن ”ۇلى“ نۇرتاي تىلەۋحان (وڭنان 1 -ادام) جۇڭچيۋ مەرەكەسىن بىرگە وتكىزدى.
شۇي چينيۇي، قارامايلى قالاسى ورقى رايونى ليۋشۋ كوشەسى ٴمالى باسقارماسى ليۋيۋان الەۋمەتتىك اۋماعىنداعى قوسىننان شەگىنگەن اسكەر ٴارى ساقا پارتيا مۇشەسى. بالالارى قاسىندا بولماعاندىقتان، قاريا جالعىز تۇرمىس كەشىرىپ كەلگەن. بيىل ونىڭ ورقى رايوندىق ساياسي كەڭەس ورگانىنىڭ ليۋشۋ كوشەسى ٴمالى باسقارماسى ليۋيۋان الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ٴبىرىنشى شۋجيى نۇرتاي تىلەۋحانمەن تۋىستاسقانىنىڭ ٴۇشىنشى جىلى. تۋىستاسقان ٴبىرىنشى جىلدان باستا، ”ۇلى“ نۇرتاي جۇڭچيۋ مەرەكەسىن ونىمەن بىرگە وتكىزىپ كەلەدى. بيىل”قوس مەرەكە“ كەلىپ، نۇرتاي ايكۇلشە جانە جەمىس ـ جيدەكتى كۇنى بۇرىن دايىندادى.
شۇي چينيۇي بىلاي دەدى: ”نۇرتايدىڭ سەرىك بولۋىندا مەيىر-شاپاعاتتى سەزىندىم، ۇلتتار ىنتىماعىنىڭ كۇشىن دە سەزىندىم، ’ۇلىم‘ نۇرتاي باس قوسۋدى ٴتىپتى دە مەيىرىمگە بولەدى“.
الەۋمەتتىك اۋماقتىڭ كادرى چىن يۇيشين: تۇرعىندار دا مەنىڭ وتباسىمداعىلار
چىن يۇيشين (سولدان 1 - ادام) مەن وتباسىنداعىلار جۇڭچيۋ مەرەكەسىن كۇنى بۇرىن قۇتتىقتادى.
بيىل 22 جاستاعى چىن يۇيشين ٴۇرىمجى جوعارى، جاڭا تەحنيكا اشۋ رايونى (جاڭا قالا رايونى) باجياحۋ اۋماعى لييۇيشان وڭتۇستىك جولى الەۋمەتتىك اۋماعىنىڭ كادرى. ىندەت مەزگىلىندە تۇرعىنداردىڭ دەنە تەمپەراتۋراسىن ولشەۋ ٴۇشىن، ول ٴار كۇنى ليفتكە وتىرىپ 26 قاباتقا شىققاننان كەيىن، قايتا ٴبىر-ٴبىر قاباتتان ٴجۇرىپ تۇسەدى. ونىڭ قىزمەتىنىڭ قاربالاس ەكەنىن ٴبىلىپ، بيىل ”قوس مەرەكە“ قارساڭىندا، وتباسىنداعىلار ونىمەن بىرگە باس قوسۋ تاماعىن كۇنى بۇرىن جەدى. ونىڭ جۇڭچيۋ مەرەكەسىندە قاربالاستىققا تۇسكەنىنە تۇرعىنداردىڭ جانى اشىدى،ٴبىراق چىن يۇيشين بىلاي دەدى: كۇندىز - ٴتۇنى بىرگە بولاتىن تۇرعىندار دا مەنىڭ وتباسىمداعىلار، بيىل جۇڭچيۋ مەرەكەسىندە، ماعان كوپتەگەن ”وتباسى مۇشەلەرىنىڭ“ سەرىك بولۋى دا توتەنشە باقىتتى ٴىس بولدى.
ەمدەۋ قىزمەتكەرى جاۋ شۋەحۇڭ: جۇڭچيۋ مەرەكەسى − وتاننىڭ گۇلدەنىپ ـ كوركەيۋىنىڭ ايعاعى
جاۋ شۋەحۇڭ (ارتقى قاتارداعى سولدان 1 -ادام) وتباسىنداعىلارمەن بىرگە جۇڭچيۋ مەرەكەسىنىڭ باس قوسۋ تاماعىن جەدى.
جاۋ شۋەحۇڭ شينجياڭ مەديتسينا داشۋەسىنە قاراستى 6 ـ شيپاحاناسى جۇرەك ىشكى اۋرۋلار ٴبولىمىنىڭ سەستراسى.
بيىل جىل باسىندا ول ۋحانداعى ىندەت شايقاسىنا قاتىناستى. ەندى عانا وتكەن جازدا، ول تاعى دا قىزمەتتەستەرىمەن بىرگە اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارىپ-ەمدەۋگە بەلگىلەنگەن شيپاحاناسىندا جاڭا تيپتى ايدارشا وكپە قابىنۋ ىندەتىنە شالدىققانداردى ەمدەۋگە قاتىناستى. جاۋ شۋەحۇڭ بىلاي دەدى : ”بيىلعى جۇڭچيۋ مەرەكەسى مەن مەملەكەت مەرەكەسى ٴدال ٴبىر كۇندە كەلدى، جاڭا تيپتى ايدارشا ۆيرۋس وكپە قابىنۋ ىندەتىنە شالدىققانداردى ەمدەۋگە ەكى رەت قاتىناسىپ، وتان انامىزدىڭ قۇدىرەتىن جانە مەيىرىمىن شىنايى سەزىندىم. جۇڭچيۋ مەرەكەسىندە، بارلىق كىشكەنتاي شاڭىراق باس قوسىپ، ۇلى وتانىمىزدىڭ گۇلدەنىپ - كوركەيۋىنە، تىنىش - ىنتىماقتىلىعىنا كۋا بولۋدا “.
”جاڭا اسكەر“ ٴمادينا زىمىن: ميلليونداعان كىشكەنتاي شاڭىراق وتان ۇلى شاڭىراعىنىڭ مەيىرىن ۇيىستىردى
ٴمادينا زىمىن كۇيەۋىمەن بىرگە ايكۇلشە جەپ، جۇڭچيۋ مەرەكەسىن وتكىزدى.
ٴمادينا ٴزىمىن ٴۇرىمجى قالاسى چىنگۋاڭ الەۋمەتتىك اۋماعىنىڭ كادرى. بيىل 5 ـ ايدا قىزمەتكە ەندى عانا قاتىناسقان ول، وسى الەۋمەتتىك اۋماقتاعى ”جاڭا اسكەر“ ەسەپتەلەدى، ٴبىراق ونىڭ مۇقيات قىزمەت پوزيتسياسى جانە ٴوزىن ارناۋ رۋحىنا قىزمەتتەستەرى مەن تۇرعىندار باس بارماعىن شىعاردى. جۇڭچيۋ مەرەكەسى كۇنى ايەلى ٴمادينانىڭ قىزمەتتىڭ ٴبىرىنشى شەبىندە تاپجىلماي تۇرىپ قىزمەت ىستەيتىنىن بىلگەن كۇيەۋى مامەتجان تۇرداحۇن اي كۇلشەنى الدىن الا ساتىپ الىپ، ونىمەن بىرگە مەرەكەنى قۇتتىقتاپ، باس قوسۋ تاماعىن جەدى. ٴمادينا بىلاي دەدى:”جۇڭچيۋ مەرەكەسى باس قوسۋدى ٴتىپتى دە سالت سەزىمى سەزىندىردى، باس قوسۋدىڭ ماڭىزى تەك كىشكەنتاي شاڭىراقتىڭ باس قوسۋى عانا ەمەس، بۇكىل ەلدەگى ٴار ۇلت حالقى وسى كۇنى بىرگە قۇتتىقتاپ، سان مىڭداعان وتباسى وتان ۇلى شاڭىراعىنىڭ مەيىرىن ۇيىستىردى“.
ماقالاسىن جازىپ، سۋرەتىن تۇسىرگەن ٴتىلشى يۇي مىڭفان، ەرىكتى تىلشىلەر ساۋ تيان، حى پەيجۋان
اۋدارعان: قادىر ماقان
