− باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
شينجياڭ قىزمەتىن جاقسى ىستەي الۋ - الماۋدا، ەڭ ءتۇبىرلىسى، پارتيانىڭ باسشىلىعى پارمەندى دە قۋاتتى بولعان - بولماعاندىعىندا. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ تەرەڭ اتاپ كورسەتتى: پارتيامىزدىڭ اۋەلگى ماقساتى مەن بورىشى − شينجياڭداعى ءار ۇلت حالقىن قامتىعان جۇڭگو حالقىن باقىتقا كەنەلتۋ، شينجياڭداعى ءار ۇلتتى قامتىعان جۇڭحۋا ۇلتىنىڭ گۇلدەنۋىن جۇزەگە اسىرۋ. باس شۋجي شي جينپيڭ ءار دارەجەلى پارتكومداردان جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا تۋرالانىپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋدى تالاپ ەتتى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، شينجياڭ قىزمەتىن ستراتەگيالىق جانە جالپى جاعداي بيىگىنەن باعامداپ، جوبالاپ، ورنالاستىرىپ، شينجياڭدى جونگە سالۋ زاڭدىلىعىنا دەگەن تانىم مەن يگەرۋدى تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، جاڭا جاعدايدا شينجياڭ قىزمەتىن جاقسى ىستەۋگە ءتۇبىرلى بويسۇنۋ ولشەمىن ازىرلەپ، شينجياڭ قىزمەتىنىڭ ماڭىزدى ناتيجەلەرگە قول جەتكىزۋىن جەبەدى، شينجياڭدا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، باياندى تىنىشتىققا قادام تاستاۋعا بەرىك نەگىز قالادى. ءبىر قىدىرۋ ناتيجەلەرگە قول جەتۋ پارتيانىڭ جالپى جاعدايدى تۇگەل يگەرۋ، ءار جاقتى سايكەستىرۋدەي باسشىلىق ۇيتقىلىق رولىن تولىق ايگىلەپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كورنەكتى ابزالدىلىعىن تەرەڭ ايگىلەدى. اماليات شينجياڭ قىزمەتىن جاقسى ىستەۋدىڭ تەتىگى پارتيادا ەكەندىگىن، جۇڭگو كوممۋنيستىك پارتياسىنىڭ باسشىلىعىنا مىزعىماستان تاباندى بولعاندا، جۇڭگوشا سوتسياليزم جولىمەن مىزعىماستان جۇرگەندە، ۇلتتىق وڭىرلىك اۆتونوميا تۇزىمىنە مىزعىماستان تاباندى بولعاندا جانە ونى كەمەلدەندىرگەندە عانا، شينجياڭدا باياندى تىنىشتىق اۋقىمىن ساقتاۋعا، باياندى جونگە سالۋعا بولاتىندىعىن دالەلدەدى.
بيلىك جۇرگىزۋدىڭ تەتىگى جۇرت تىلەگىنە يە بولۋدا. پارتيانىڭ شينجياڭ قىزمەتىنە باسشىلىعىن كۇشەيتۋدە كادرلار قوسىنى قۇرىلىسى سىندى تەتىكتى شىن مانىندە ويداعىداي يگەرۋ كەرەك. مۇرات - سەنىم تاربيەسىن قاجىماس تاباندىلىقپەن كۇشەيتىپ، ساياسي جاقتان جاتتىقتىرۋدى كورنەكتىلەندىرىپ، كادرلاردىڭ ساياسي ساپاسىن پارىقتاۋدى ۇدايىلاندىرىپ، ءار دارەجەلى باسشىلىق ۇقىقتى قاشاندا ادال، كىرشىكسىز، جاۋاپكەرشىلىك ارقالايتىن كادرلاردىڭ قولىندا مىقتاپ مەڭگەرۋىنە شىنايى كەپىلدىك ەتۋ كەرەك. تاربيەلەۋ - باۋلۋ سەرپىنىن ارتتىرىپ، شينجياڭ كادرلار قوسىنىن تاربيەلەۋ - باۋلۋ جوباسىن اقىلداسىپ جاساپ، نازاريالىق نەگىزى مىعىم، ساياساتتى يگەرۋى جەتكىلىكتى، امالياتتىق قابىلەتى كۇشتى كادرلار قوسىنىن كۇش سالا جەتىلدىرۋ كەرەك. پارتياعا ادال، ءمورالدى دا قابىلەتتى، جوعارى ساپالى از ۇلت كادرلار قوسىنىن قۇرۋدى ماڭىزدى مىندەت رەتىندە ءارقاشان بوساڭسىماي يگەرۋ كەرەك. ادام ىستەتۋدىڭ ايقىن باعدارىن ورناتىپ، ساياسيدا ىسىلعان، باتىلدىقپەن جاۋاپكەرشىلىك ارقالايتىن تاڭداۋلى از ۇلت كادرلارىنا تولىق سەنىم ارتىپ، باتىل ىنتىماقتاسىپ، جۇرەكتىلىكپەن تاڭداپ ءوسىرىپ، باتىلدىقپەن ىستەتۋ كەرەك. باس شۋجي شي جينپيڭ باسا دارىپتەگەندەي، ”شينجياڭداعى ءار ۇلت كادرلارى سەنىم ارتۋعا بولاتىن، جاۋىنگەرلىك قۋاتقا يە كادرلار“، ولاردى ساياسي جاقتان ىنتالاندىرىپ، قىزمەت جاعىندا قولداپ، مامىلە جاعىندا قامتاماسىز ەتىپ، تۇرمىس جاعىنان كوڭىل ءبولىپ، كوڭىل كۇي جاقتان قامقورلىق جاساپ، ءونىمدى شارالاردى اقىلداسىپ، قولدانىپ، شينجياڭنىڭ كادر - دارىندىلار قوسىنىن ورنىقتىرىپ، ءار دارەجەلى كادرلاردى ۇلت رۋحى مەن ءداۋىر رۋحىن اسقاقتاتىپ، توراڭعى رۋحىن جانە بيڭتۋان رۋحىن امالياتتا ايگىلەپ، جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرۋ كەرەك.
شينجياڭ قىزمەتىن ويداعىداي ىستەۋ − بۇكىل پارتيانىڭ، بۇكىل ەلدىڭ ءىرى ءىسى، ءسوز جوق، بۇكىل ەل ءبىر تۇتاس جۇيە يدەياسىن مىقتاپ ورناتىپ، پارتيا ورتالىق كوميتەتى ءبىر تۇتاس باسشىلىق ەتەتىن، ورتالىقتىڭ تاراۋلارى قولداۋ كورسەتىپ، جەتەكشىلىك ەتەتىن، ءارقايسى ولكە - قالالار كومەك بەرىپ، سايكەسەتىن، شينجياڭ تۇلعالىق رولىن ساۋلەلەندىرەتىن قىزمەت مەحانيزمىن كەمەلدەندىرۋ كەرەك. باس شۋجي شي جينپيڭ العا قويعان تالاپتار بويىنشا، ورتالىق شينجياڭ قىزمەتىن سايكەستىرۋ گرۋپپاسى پارتيا ورتالىق كوميتەتىنىڭ باسشىلىعىندا شينجياڭ قىزمەتى جونىندەگى جاعدايدى تۇجىرىمداۋدى، ساياساتتاردى زەرتتەۋدى، سايكەستىرۋ - جەتەكشىلىك ەتۋدى، قۋزاۋ - تەكسەرۋدى كۇشەيتىپ، كەلەلى ماسەلەلەر جونىندە دەر كەزىندە قىزمەت پىكىرىن ورتاعا قويۋ؛ ورتالىقتىڭ قاتىستى تاراۋلارى ءوز قىزمەت جاۋاپكەرشىلىگىن اتقارىپ، تىعىز سايكەسىپ، ىشكەرىلەي تەكسەرىپ - زەرتتەپ، قۋزاپ - جەتەكشىلىك ەتىپ، ماسەلەلەردى دەر كەزىندە بايقاپ، قيىنشىلىقتاردى شەشۋگە كومەكتەسۋ؛ شينجياڭ اۆتونوميالى رايوندىق پارتكوم ءبىرىنشى شەپتە تۇرىپ، نەگىزگى تۇلعالىق جاۋاپكەرشىلىگىن ويداعىداي اتقارىپ، قىزمەتتەردى تياناقتاندىرۋدى ويداعىداي يگەرۋ؛ ىشكى وڭىردەگى ءارقايسى ولكە، اۆتونوميالى رايون، قالالار شينجياڭعا قاتىستى قىزمەتتى شىنايى ويداعىداي ىستەپ، شينجياڭنىڭ ورنىقتىلىعى مەن دامۋىنا قولداۋ كورسەتۋ؛ شينجياڭعا كومەكتەسكەن ولكە - قالالار شينجياڭمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋگە ۇزاق ۋاقىت تاباندى بولىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ؛ بيڭتۋاننىڭ ۇيىمدىق ارتىقشىلىعى مەن جۇمىلدىرۋ قابىلەتىن ۇزدىكسىز كۇشەيتىپ، رەفورمانى ۇزدىكسىز تەرەڭدەتىپ، ەرەكشە رولىن اناعۇرلىم ويداعىداي ساۋلەلەندىرۋ كەرەك.
شينجياڭ قىزمەتىن جاقسى ىستەۋدىڭ بورىشى داڭقتى، جاۋاپكەرشىلىگى كەلەلى، ەڭبەگى وسى زاماندا ىستەلىپ، پايداسى ماڭگىلىك كورىنەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، شينجياڭنىڭ اناعۇرلىم تاماشا ەرتەڭىن بىرگە جاراتايىق!
(شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)
