تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى

چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتارلىلار قاتىناستى

  9 - ايدىڭ 30 - كۇنى قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى ءۇرىمجى حالىق الاڭىندا سالتاناتپەن وتكىزىلدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 9 - ايدىڭ 30 - كۇنى ۇرىمجىدەن حابارلايدى. جايناعان گۇل شوقتارى قاھارماندارعا دەگەن تەرەڭ ساعىنىشتى ايگىلەپ، ايبىندى ەسكەرتكىش قاھارماندار رۋحىنا دەگەن قۇرمەتتىڭ بەلگىسىندەي اسقاق تۇر. 9 - ايدىڭ 30 - كۇنى تۇستەن بۇرىن قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى ءۇرىمجى حالىق الاڭىندا سالتاناتپەن وتكىزىلدى. اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى بۇكىل رايونداعى ءار ۇلت، ءار سالا كادر - جۇرتشىلىعىنىڭ ۋاكىلدەرىمەن بىرگە حالىق قاھارماندارىنا قۇرمەتپەن گۇل شارباق قويىپ، قاھارمانداردىڭ وراسان ۇلى ەڭبەكتەرىن ساعىنا ەسكە الىپ، توڭكەرىستىك اعا بۋىن قۇربانداردىڭ مۇراتىنا مۇراگەرلىك ەتىپ، اۋەلگى ماقساتتان اينىماۋ، بورىش ارقالاۋ، ماڭگى كۇرەسۋدەي قۇدىرەتتى كۇش - قۋاتتى قاۋلاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋداعى اسقاق سەزىمدەرى مەن بەرىك سەنىمدەرىن جەتكىزدى.

  ءۇرىمجى حالىق الاڭى ايبىندى دا جىم - جىرت كۇيدە، بەس جۇلدىزدى قىزىل تۋ جەلبىرەپ، جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشى بيىككە بوي سوزىپ قاسقايىپ تۇر. چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، لي ۋي، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشاندار سالتقا قاتىناستى. اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ سالتتى باسقاردى.

  ساعات 11دە حالىق قاھارماندارىنا قۇرمەتپەن گۇل شارباق قويۋ سالتى رەسمي باستالدى. ايبىندى دا اسقاق «ەرىكتىلەر مارشى» ورىندالىپ، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

  مەملەكەت ءانى شىرقالىپ بولعاننان كەيىن، بۇكىل الاڭداعىلار جىم - جىرت كۇيگە شومىپ، شينجياڭنىڭ ازاتتىعىنا جانە قۇرىلىس ىستەرىنە ەرلىكپەن ءومىرىن ارناعان قۇرباندارعا، بولشەكتەۋشىلىككە قارسى تۇرۋ كۇرەسىندە جانە لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ەرلىكپەن ءومىرىن ارناعان قۇرباندارعا ءۇنسىز ازا ءبىلدىردى.

  ءۇنسىز ازا ءبىلدىرۋ اياقتالعاننان كەيىن، ءار ۇلت جاس وسپىرىمدەرى «ءبىز كوممۋنيزم ءىزباسارلارىمىز» ءانىن شىرقادى ءارى پيونەرلەر وتريادىنىڭ سالەمىن جاسادى.

  شارشى توپتىڭ الدىنا اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى، ءارقايسى دەموكراتيالىق پارتيا - توپتار، اۆتونوميالى رايوندىق ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر، ءۇرىمجى قالاسىنداعى ءار ۇلت، ءار سالا جۇرتشىلىعى، جۇڭگو پيونەرلەر وتريادى اتىنان ۇسىنىلعان 9 گۇل شارباق رەتىمەن قويىلدى. گۇل شارباقتىڭ قىزىل تورعىن لەنتاسىنا ”حالىق قاھارماندارى ماڭگى جاسايدى“ دەگەن التىن ارىپپەن جازىلعان سوزدەر ەرەكشە كوز تارتادى، ول شينجياڭداعى 25 ميلليوننان استام ءار ۇلت ۇلاندارىنىڭ توڭكەرىستىك اعا بۋىن قۇرباندارعا، قاھارمان قۇرباندارعا دەگەن شەكسىز ساعىنىشتارى مەن وسكەلەڭ قۇرمەتتەرىن ايگىلەپ تۇر.

  تەرەڭ سۇيىسپەنشىلىككە تولى گۇل قويۋ مۋزيكاسىنىڭ سۇيەمەلىندە، 18 قۇرمەت قاراۋىلى گۇل شارباقتاردى كوتەرىپ، ەسكەرتكىشكە قاراي باياۋ قادام تاستاپ، گۇل شارباقتاردى ەسكەرتكىش تۇعىرىنا اكەلىپ قويدى.

  چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، لي ۋيلار ءۇنسىز قۇرمەتپەن ەسكەرتكىش تۇعىرىنا شىعىپ، گۇل شارباقتاردىڭ الدىندا كوز الماي قاراپ تۇردى، گۇل شارباقتاردىڭ تورعىن لەنتاسىن مۇقيات رەتتەدى. ىلە - شالا اۆتونوميالى رايوننىڭ پارتيا، ۇكىمەت، ارميا جانە شينجياڭ ءوندىرىس - قۇرىلىس بيڭتۋانىنىڭ باسشىلارى، ءار ۇلت، ءار سالاداعى كادر - جۇرتشىلىق باياۋ قاداممەن اينالىپ، جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشىنە ىززەت - قۇرمەتپەن قارادى.

  سالتقا قاتىناسقان ءار ۇلت، ءار سالا كادر - جۇرتشىلىعى مىنانى ءبىلدىردى: ءبىزدىڭ بۇگىنگىدەي تىنىش تا جاراسىمدى باقىتتى تۇرمىسىمىز سانسىز قاھارمان قۇرباننىڭ باستارىن ءباي تىگىپ، ىستىق قاندارىن توككەن بوداۋىنان كەلگەن، ولاردىڭ ىزگى ىستەرى مەن رۋحى ءبىزدى ۇزدىكسىز العا ۇمتىلۋعا جىگەرلەندىرەتىن قۇدىرەتتى كۇش، ولاردىڭ وشپەس ەڭبەكتەرىن ەستە ماڭگى ساقتاپ، ولاردىڭ ەرلىكپەن كۇرەس جۇرگىزگەن ۇلى مۇراتىنا ءتىپتى دە جاقسى مۇراگەرلىك ەتىپ، مۇراتتان اينىماي، ءبىر تىلەكپەن كۇش شىعارىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، رەفورما، دامۋ، ورنىقتىلىقتىڭ ءتۇرلى قىزمەتتەرىن تىڭعىلىقتى ويداعىداي ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋىمىز كەرەك.

  اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى، ت .ب حالىق قاھارماندارىنا قۇرمەتپەن گۇل شارباق قويۋ سالتىنا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.