قالالىق مادەنيەت ۇيىندە ٴبىر قالا تۇرعىنى جاقۇتتان ورنەكتەگەن سۋرەت «قومنىڭ تال ٴتۇسى» اتتى تۋىندىنى تاماشالاۋدا.
ٴۇرىمجى كەشكى گازەتىنىڭ حابارى (ماقالاسىن جازىپ، سۋرەتىن تۇسىرگەن ٴتىلشى ۋاڭ چاڭتۇڭ) مەملەكەت مەرەكەسى، جۇڭچيۋ مەرەكەسى تاياپ قالدى، ىندەتتەن ساقتانۋ- تىزگىندەۋ شارالارىن ۇدايىلاندىرۋدى ويداعىداي ىستەۋ العى شارتىندا، ٴۇرىمجى قالالىق مادەنيەت، مۇراجاي ورىندارى باي مازمۇندى مادەنيەت قيمىلدارىن دەن قويا جوسپارلادى.
قالالىق مادەنيەت ٴۇيى جاقۇت قۇراما سۋرەت كورمەسىن تەگىن اشادى
بۇگىننەن باستاپ ەكى مەرەكە كەزىنە دەيىن، اۆتونوميالى رايون دارەجەلى بەيزاتتىق مادەني مۇرا جاقۇت قۇراما سۋرەتى ٴتۇرىن جالعاستىرۋشى گىڭ جياڭنىڭ تۋىندى كورمەسى قالالىق مادەنيەت ۇيىندە وتكىزىلەدى، قالا تۇرعىندارىنىڭ كورمەنى اقىسىز كورۋىنە بولادى . 9-ايدىڭ 27-كۇنى قالالىق مادەنيەت ٴۇيىنىڭ 1 - قابات كورمە زالىندا تۋىندى كورمەسى ورنالاستىرىلىپ بولدى، ىندەتتەن ساقتانۋ-تىزگىندەۋ شارالارىن ۇدايىلاندىرۋ العى شارتىندا، ادامداردى شەكتەۋ ٴتاسىلىن قولدانىپ، كورەرمەندەر قابىلدانادى، ٴار كۇنى 100 اداممەن شەكتەلەدى.
كورمە زالىنداعى 60تان استام تۋىندى شينجياڭنىڭ تابيعي كورىنىسى مەن ەل-جۇرت جايىن نەگىزگى تاقىرىپ ەتكەن، ٴتۇرلى تۋىندىعا جيىنى حايلان، بيشي، كريستال اقىق، حوتان قاس تاسى، جينسى قاس تاسى سياقتى 20دان استام ٴتۇر پايدالانىلىپ، سىزۋ، بۇركۋ، ٴۇيۋ، جاپسىرۋ، اشەكەيلەۋ، ويۋلاۋ سياقتى كوپ ٴتۇرلى تەحنيكالىق تاسىلدەردى جاپپاي قولدانىپ، ٴداستۇرلى سىزبا تۋىندىلارىنا جاڭا ٴمان بەرىلگەن.
گىڭ جياڭ بىلاي دەدى: بەيزاتتىق مادەني مۇرانى جالعاستىرۋشى بولعاندىعىمنان ٴداستۇرلى كوركەمونەرگە جاڭا فاكتور مەن جاڭا مازمۇن ٴسىڭىرىپ، جاڭاشا ومىرشەڭدىك قاۋلاتتىم، ٴتىپتى دە كوپ ادامنىڭ جاقۇت قۇراما سۋرەتتى ٴتۇسىنۋىن ٴۇمىت ەتەمىن.
قالالىق مۇراجايدىڭ ەكى ورنىنىڭ دارەجەسى ٴوسىرىلىپ، قايتا قۇرىلدى
تاياۋدا ٴۇرىمجى قالالىق مۇراجاي (ٴۇرىمجى قالالىق توڭكەرىستىك تاريحي ەسكەرتكىش ورنىن باسقارۋ ورتالىعى) ٴۇرىمجى قالاسىنداعى ەكى ورىنداعى توڭكەرىستىك تاريحي ەسكەرتكىش ورنىنىڭ دارەجەسىن ٴوسىرۋ، قايتا قۇرۋدى ورىندادى ٴارى ادامداردى شەكتەۋ ٴتاسىلىن قولدانىپ، ساياحاتشىلاردى قابىلدايدى.
ەكى ورىنداعى دارەجەسىن ٴوسىرىپ، قايتا قۇرىلعان توڭكەرىستىك تاريحي ەسكەرتكىش ورنى جەكە - جەكە تيانشان رايونى ميڭدى كوشەسىندەگى ماۋ زىميننىڭ ەجەلگى تۇراعى، تيانشان رايونى شيحوۋ كوشەسىندەگى جۇڭگو جۇمىسشى-ديقان باتىس باعىت ارمياسى باس بولىمشە قوسىنى ەسكەرتكىش سارايى. كوپ مەديالى جابدىقتاردىڭ كورمەگە پايدالانىلۋى وسى رەتكى دارەجەسىن ٴوسىرىپ، قايتا قۇرۋداعى جاڭالىقتاردىڭ ٴبىرى.
ماۋ زىميننىڭ ەجەلگى تۇراعىندا «ماۋ زىمين قۇرباننىڭ ٴومىرى جانە ەڭبەگى كورمەسىندە» جيىنى 8 بولەك، كورمەگە قويىلعان مادەني مۇرا مەن كوشىرىلگەن نۇسقادان جيىنى 41 نۇسقا(گرۋپپا)، كورمە تاقتاسىنان 173ى بار. كورمە ٴتاسىلى ونان ارى كوبەيتىلىپ، تۇسىندىرگىش، تاقتا تەلەۆيزور سياقتى كوپ مەديالى جابدىقتاردى قوسىلىپ، ماتەريالداردىڭ الۋان تۇرلىلىگى كۇشەيتىلدى.
جۇڭگو جۇمىسشى-ديقان قىزىل ارمياسىنىڭ باتىس باعىت ارمياسى باس بولىمشە قوسىنى ەسكەرتكىش سارايىندا كورمەنىڭ ورەسىن ٴوسىرۋ نەگىزىندە، اۆتوماتتى دىبىس باعدارلاۋ جۇيەسى جانە VR ەلىكتەمەلى ۇشۋ جابدىعى قوسىلىپ، كورەرمەندەردىڭ تاماشالاۋ ىنتاسى مەن سەزىمىن ارتتىردى. سونىمەن بىرگە ەسكەرتكىش سارايى اۋلانىڭ ىشكى كورىنىستەرىن قايتادان سالدى. قازىر «ارميا تۋىن مىقتى ۇستاپ، ادال جۇرەكپەن پارتيانى جاقتاۋ»، «قان كەشىپ، وزەننىڭ باتىسىنداعى اسقار چيليانشان تاۋىنان ٴوتۋ»، «چىن يۇن شيڭشيڭشيادا باتىس باعىت ارمياسىنىڭ شينجياڭعا كىرۋىن قارسى الدى» سىندى 3 اشەكەيلى ويما بار. اشەكەيلى ويمالار قاراپايىم دا اسقاق ايبىندى كورىنەدى.
قازىر قالالىق مۇراجاي، ماۋزىميننىڭ ەجەلگى تۇراعى، جۇڭگو جۇمىسشى-ديقان قىزىل ارمياسىنىڭ باتىس باعىت ارمياسى باس باس بولىمشە قوسىنى ەسكەرتكىش سارايى ىندەتتەن ساقتانۋ-تىزگىندەۋ شارالارىن ۇدايىلاندىرۋدى ويداعىداي ىستەۋ العى شارتىندا ٴتارتىپتى اشىلدى. ٴارقايسى ورىنداردىڭ الدىن الا كەلىسۋ تەلەفونى: قالالىق مۇراجاي 6191171؛ ماۋ زىميننىڭ ەجەلگى تۇراعى 2824628؛ جۇڭگو جۇمىسشى-ديقان قىزىل ارمياسىنىڭ باتىس باعىت ارمياسى باس بولىمشە قوسىنى ەسكەرتكىش سارايى 8881439 .
قالالىق كىتاپحانا الدىنالا كەلىسىپ، كىتاپحاناعا كىرۋدى قالپىنا كەلتىردى، ٴار كۇنى 100 اداممەن شەكتەلدى
كەزەكتە، قالالىق كىتاپحانا اشىلدى ٴارى وسىدان بۇرىنعى ٴار اپتاداعى سەيسەنبىدەن جەكسەنبىگە دەيىن كىتاپحانانى اشۋ، دۇيسەنبى كۇنى كىتاپحانانى جابۋ ۋاقىت ورنالاستىرۋى جالعاستى اتقارىلادى. كىتاپحانانى اشۋ قىزمەت ۋاقىتى: ٴار كۇنى ساعات 10نان ساعات 20عا دەيىن بولادى. اشىق اۋماعى ٴۇشىنشى قاباتتاعى كىتاپ قارىز الىپ وقۋ زالىمەن شەكتەلەدى، ٴار كۇنى 100 اداممەن شەكتەلەدى، وقىرماندار ٴۇنحات الەۋمەتتىك تەكشەسى « ٴۇرىمجى قالالىق كىتاپحاناعا» الدىن الا قوسىلىپ، وقىرمان كۋالىك ٴنومىرى ارقىلى شىن-اتى-جونىمەن الدىنالا كەلىسۋ كەرەك. الدىنالا كەلىسۋ ٴساتتى بولعان وقىرماندار وقىرمان كۋالىگىن الىپ، كىتاپحاناعا كىرىپ كىتاپ قارىز الىپ-قايتارۋى كەرەك. كىتاپحاناعا كىرگەندە دەنە تەمپەراتۋراسىن ولشەتۋ، ماسكى تاعۋ كەرەك. الدىنالا كەلىسۋ ٴساتتى بولماعان كىتاپ قايتارماقشى بولعان وقىرماندار قالالىق كىتاپحانانىڭ الدىنداعى كوشە بويىنداعى 24 ساعاتتىق اۆتوماتتى كىتاپ قايتارۋ تەرەزەسى ارقىلى كىتاپ قايتارۋىنا بولادى.
ەكى مەرەكە مەزگىلىندە قالالىق كىتاپحانا تاعى ٴۇنحات الەۋمەتتىك تەكشەسى ارقىلى جۇڭچيۋ مەرەكەسى بىلىمدەرى لەكسياسى، جەلىدە كىتاپ وقۋ جينالىسى سياقتى باي مازمۇندى قيمىلداردى ورىستەتەدى، قالا تۇرعىندارىنىڭ جەلىدە قاتىناسۋىنا بولادى.
قالالىق بەيجيڭ تەاتر ۇيىرمەسى (شينجياڭ بەيجيڭ تەاتر ۇيىرمەسى) تارتىمدى تەاترلاردى جەلىگە شىعارادى
ەكى مەرەكە مەزگىلىندە شينجياڭ جاساعان بەيجيڭ تەاترىنىڭ وسى زامان تەاترى «انار قىزاردى» 2020 ـ جىلى بۇكىل ەلدەگى نەگىزگى ساتى تەاترحانالارى مەن ۇيىرمەلەرىنىڭ ينتەرنەتتەگى بايقاۋى جالعاستى تاراتىلادى، قالا تۇرعىندارىنىڭ ينتەرنەتتە تەاتردى اقىسىز كورۋىنە بولادى.
9-ايدىڭ 26-كۇنىٴتىلشىنىڭ قالالىق بەيجيڭ تەاتر ۇيىرمەسىنەن (شينجياڭ بەيجيڭ تەاتر ۇيىرمەسى) ۇعىسۋىنشا، بىرنەشە كۇننىڭ الدىندا، ورتالىق ۇگىت ٴبولىمى، مادەنيەت جانە ساياحات مينيسترلىگى بىرگە ۇيىمداستىرعان 2020 - جىلعى مەملەكەت بويىنشا نەگىزگى ساتى تەاترحانالارى مەن ۇيىرمەلەرىنىڭ ينتەرنەتتەگى بايقاۋى وتكىزىلىپ، مەملەكەت بويىنشا 33 نەگىزگى ساتى تەاترحاناسى، ۇيىرمەسى 33 تاڭداۋلى تەاتردى قاتىناستىرىپ، مەملەكەت دارەجەلى ”بۇلت اياسى“ نەگىزگى ساتى تەاتر ـ كوركەمونەر سالتاناتىن بىرگە جاراتقان.
شينجياڭنان تاڭدالعان تەاتر «انار قىزاردى» ٴۇرىمجى قالاسىنىڭ دامۋىن ارتقى كورىنىس ەتىپ، انار اۋلاسىندا ەسەيگەن ”كىشكەنتاي قارىنداستىڭ“ وقۋى تابىستى بولىپ، اۋىلىن ۇمىتپاي، اتا مەكەن قۇرىلىسىنا ات سالىسىپ، الەۋمەتتىك اۋماقتاعى بۇقاراعا قىزمەت وتەۋگە كۇش سالۋ حيكاياسى باياندالعان. 2020-جىلعى مەملەكەتتىك نەگىزگى ساتى تەاترحانالارى، ۇيىرمەلەرىنىڭ ينتەرنەتتەگى بايقاۋى ينتەرنەتتە تاراتۋ ٴتاسىلى ارقىلى وتكىزىلەدى. قالا تۇرعىندارى مادەنيەت جانە ساياحات مينيسترلىگىنىڭ جالپىلىق تور بەكەتى، كۋايشوۋ «تۇرمىستى تەز كورىڭىز»، كۋايشوۋ «مي لانفاڭ تەاترحاناسى»، شييۋان Appى، يتۇڭ مادەنيەتى سياقتى تۇعىرلار ارقىلى كونسەرتتى كورۋىنە بولادى.
اۋدارعان: قادىر ماقان
