شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 9 - ايدىڭ 30 - كۇنى ۇرىمجىدەن حابارلايدى. ”13 - بەسجىلدىقتان“ بەرى رايونىمىز قامتاماسىز ەتۋ سيپاتىنداعى تۇرعىن ءۇي قۇرىلىسى سەرپىنىن ۇزدىكسىز ارتتىرىپ، سايكەستى قۇرىلعىلار قۇرىلىسىن جەدەلدەتىپ، كىرىسى تومەن وتباسىلاردىڭ تۇرعىن ءۇي قيىنشىلىعىن قۇلشىنا جاقسارتتى. ”13 - بەسجىلدىق“ مەزگىلىندە، بۇكىل رايون قالا - قالاشىقتاردا قامتاماسىز ەتۋ سيپاتىنداعى بەيقۇت ءۇي قۇرىلىسى بويىنشا ءبىر ميلليون 273 مىڭ 200 تۇرعىن ءۇي سالۋدى جوسپارعا العان، بيىل 9 - ايعا دەيىن، قالا - قالاشىقتارداعى قامتاماسىز ەتۋ سيپاتىنداعى بەيقۇت ءۇي قۇرىلىسى بويىنشا ءبىر ميلليون 281 مىڭ تۇرعىن ءۇي سالىپ، ءتىپتى دە كوپ وتباسىلارى ”بەيقۇت ءۇي ارمانىن“ ىسكە اسىردى.
”13 - بەسجىلدىق“ مەزگىلىندە، رايونىمىز قامتاماسىز ەتۋ سيپاتىنداعى تۇرعىن ءۇي قۇرىلىسىن جوعارى ولشەممەن ىلگەرىلەتىپ، كىرىسى تومەن وتباسىلاردىڭ تۇرعىن ءۇي قيىنشىلىعىن ءونىمدى شەشىپ، قالا، اۋىلدارداعى كىرىسى تومەن تۇرعىنداردىڭ قونىستانۋ شارت - جاعدايىن جاقسارتىپ، قيىنشىلىعى بار بۇقارانىڭ تۇرعىن ءۇي ماسەلەسىن شەشۋدى قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋمەن ءبىر تۇتاس جوسپارلاپ ويلاستىرىپ، ءبىر تۇتاس جوسپارلاپ ورنالاستىردى، اسىرەسە، الەۋمەتتىك جالعا بەرىلەتىن تۇرعىن ۇيلەردىڭ بىركەلكى دامۋىن ىلگەرىلەتۋمەن بىرگە، الەۋمەتتىك جالعا بەرىلەتىن تۇرعىن ۇيلەردى وڭتۇستىك شينجياڭداعى 4 ايماق - وبلىسقا، ءتۇيىندى دامىتىلاتىن كاسىپ سالاسىنا، نەگىزگى ساتىنىڭ ءبىرىنشى شەبىنە بەيىمدەتتى، مۇنىڭ ىشىندە، وڭتۇستىك شينجياڭنىڭ 4 ايماق - وبلىسىنداعى الەۋمەتتىك جالعا بەرىلەتىن تۇرعىن ءۇي بۇكىل رايوننىڭ ％60ىن يەلەدى.
2018 - جىلدان بۇرىن، قۇمىل قالاسى يجوۋ رايونىنىڭ قالا تۇرعىنى گو شيانچياۋدىڭ كونە ءۇيى شياڭياڭ جولى شياڭياڭ 3 - رايونىنداعى تەمىر جولدىڭ ماڭىندا بولاتىن، جەكەلەردىڭ ۇيمە - جۇيمە سالعان ۇيلەرى، تار كوشەلەر جانە بارلىق جەردەن كوزگە شالىناتىن قوقىر - قوقسىقتار كوز كورىم جەردەگى قالا ورتالىعىمەن جاراسپاي كەلگەن، كىرىپ - شىعۋ قولايسىز، جىلىنۋى قيىن بولۋ، قوقىر - قوقسىق توگۋ قيىن بولۋ سول جەردەگى تۇرعىنداردى توتەنشە مازالاپ كەلگەن - دى. كونە قالا رايونىن (لاشىقتى رايون) جاڭالاۋ، دارەجەسىن جوعارىلاتۋ ينجەنەرياسىنىڭ پايداسىنان يگىلىكتەنگەن گو شيانچياۋ وتباسى جاڭا ۇيگە كوشىپ كىرىپ، جاڭبىرلى كۇنى توبەدەن سۋ تامشىلايتىن، قىستى كۇنى جەل ازىناپ تۇراتىن ۇيگە تۇبەگەيلى قوش ايتتى.
قازىر رايونىمىز باسپاناسى جوق قالا - قالاشىقتارداعى ەڭ تومەنگى تۇرمىسى قامتاماسىز ەتىلەتىن وتباسىلاردىڭ قامتاماسىز ەتىلۋگە تيىستىلەرىن تۇگەلدەي قامتاماسىز ەتتى، كىرىسى تومەن، تۇرعىن ءۇي قيىنشىلىعى بار وتباسىلار نەگىزىنەن قامتاماسىز ەتىلدى، كىرىسى ورتا تومەن، تۇرعىن ءۇي قيىنشىلىعى بار وتباسىلاردى قامتاماسىز ەتۋ تارتىپپەن كەڭەيتىلدى، نەگىزگى ساتى قىزمەت كۇشتەرىنىڭ جاتاق قاجەتى نەگىزىنەن قولداۋعا يە بولدى، جاڭادان جۇمىستانعان تۇرعىن ءۇيى جوق جۇمىسشى - قىزمەتشىلەر، قالا - قالاشىقتاردا جۇمىستانعان سىرتتان كەلگەن جۇمىسكەرلەر سياقتى جاڭا قالا تۇرعىندارى شوعىرىن تۇرعىن ۇيمەن قامتاماسىز ەتۋ ورنىقتى كەڭەيدى.
سونىمەن بىرگە، رايونىمىز ساياسات جاعىنان جەتەكشىلىك ەتۋ، قامتاماسىز ەتۋ ولشەمىن تومەندەتۋ ارقىلى اۋىل - قىستاق وقىتۋشىلارى، ورتا تازالىقشىلارى، الەۋمەتتىك قاتىناس سياقتى قيىنشىلىعى بار جۇمىسشى - قىزمەتشىلەردى قامتاماسىز ەتۋ سەرپىنىن ارتتىردى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى جوعارىلادى.
لاشىقتى رايونداردى جاڭالاۋ بارىسىندا، رايونىمىز شاعۋعا لايىق بولسا شاعۋعا، جاڭالاۋعا لايىق بولسا جاڭالاۋعا، سالۋعا لايىق بولسا سالۋعا تاباندى بولدى. الەۋمەتتىك جالعا بەرىلەتىن تۇرعىن ۇيلەرمەن قامتاماسىز ەتۋ جاعىندا شوعىرلى جانە سايكەستى سالۋدى ۇشتاستىرىپ، ناقتى زات پەن اقشاعا تەڭ ءمان بەرىپ، قالالارداعى مەملەكەت مەنشىگىندەگى جەرلەردەن شوعىرلى، جوعارى ءونىمدى پايدالانۋعا باستاپ، قالانىڭ يقۋاتى مەن ساپاسىن جوعارىلاتىپ، بۇقارانىڭ ءوندىرىس، تۇرمىس، قونىس ورتاسىن جاقسارتىپ، قالانىڭ لاس، بىلىققان، ناشار بەت - بەينەسىن وزگەرتتى.
