شينجياڭ گازەتىنىڭ جالپىلىق اقپارات قۇرالدارى تىلشىلەرى
كۇزدىڭ كۇن ساۋلەسى تيانشان الابىنا شۇلەن شۋاعىن توگىپ، الۋان گۇلدەر جاينادى. مەملەكەت مەرەكەسى مەن جۇڭچيۋ مەرەكەسى بىرگە كەلىپ، رايونىمىزداعى ءار ۇلت كادرلارى مەن بۇقارا مەملەكەت مەرەكەسىن بىرگە قۇتتىقتاپ، وتاندى جىرلاپ، ايكۇلشە جەپ، باس قوسۋدى اڭگىمە ەتتى.
10 - ايدىڭ 1 - كۇنى تاڭەرتەڭ حوتان قالاسى جييا اۋىلى شاھ ءمالى قىستاعىنداعى مينحۋان ازىق - تۇلىك مانەرلەۋ زاۆودىنان ايكۇلشەنىڭ حوش ءيىسى اڭقىدى. زاۆود ۇيىندە 20 نەشە جۇمىسكەر ايكۇلشە جاساپ قاربالاستىققا ءتۇستى. مينحۋان ازىق - تۇلىك مانەرلەۋ زاۆودىنىڭ جاۋاپتىسى ءماتياسىن ءماتتۇرسۇن بىلاي دەدى: ”حوتان بايىرعى ايكۇلشەسى − ’ىنتىماق ايكۇلشەسى‘، جاڭعاق، بال سياقتى 8 ءتۇرلى ماتەريالدان جاسالعان قيما تيانشان الابىنداعى ءار ۇلت اعا - باۋىر، اپەكە - سىڭلىلەردىڭ تىعىز ىنتىماقتاسىپ، تاماشا تۇرمىس كەشىرىپ جاتقانىن ايگىلەيدى“.
”جۇڭچيۋ مەرەكەسىنىڭ كەلۋ تاريحىن بىلەسىڭدەر مە...“ 9 - ايدىڭ 30 - كۇنى قاراقاش اۋدانى زاۋا قالاشىعى جاڭاوستەڭ قىستاعىنىڭ قىستاق تۇرعىندار كوميتەتىندە شينجياڭ مەديتسينا داشۋەسى پارتكومىنىڭ ورىنباسار شۋجيى، مەكتەپ باستىعى قايسار ابدۇكەرىم قولىنا ”ىنتىماق“ ، ”باس قوسۋ“ جازۋى تۇسىرىلگەن ايكۇلشەنى الىپ قىستاق تۇرعىندارىنا ءتۇسىندىردى. ”ايكۇلشە باس قوسۋدى كورسەتەدى، جۇڭچيۋ مەرەكەسى باس قوساتىن مەرەكە، ءار ۇلت بۇقاراسىنىڭ جۇڭچيۋ مەرەكەسىن بىرگە وتكىزۋىنىڭ ەرەكشە ءمانى بار، ءبىزدىڭ قازىرگى تۇرمىسىمىز وسى ايكۇلشەدەي كەمەلدى، باقىتتى!“، - دەپ ىزگى تىلەك بىلدىرگەن قايسار تۋىستارىمەن بىرگە ايكۇلشە جەپ، ولەڭ وقىپ، وزگەرىستى اڭگىمەلەپ، وتانعا جانە مەكەنگە دەگەن قويۋ سۇيىسپەنشىلىكتەرىن ءبىلدىردى.
جەمسارى اۋداندىق قورشاعان ورتانى قورعاۋ مەكەمەسىنىڭ چۋانزىگاي قالاشىعى مالشىلىق قىستاعىندا تۇراتىن ۇعىسۋ، تيىمدىلىك جاساۋ، توعىستىرۋ قىزمەت اترەتى قىستاق تۇرعىندارىن ۇيىمداستىرىپ ”بارشا قاۋىم بىرگە قۇتتىقتاپ، مەملەكەت مەرەكەسىن قارسى الۋ. قول ۇستاسا باس قوسىپ جۇڭچيۋ مەرەكەسىن وتكىزۋ“ قيمىلىن ورىستەتتى ءارى جاساعان ايكۇلشەلەرىن قىستاقتاعى قارتتارعا جەتكىزىپ بەردى. قارت پارتيا مۇشەسى سەرىكباي ءسىلامقان ايكۇلشەنى الىپ اسەرلەنە بىلاي دەدى: ”پارتيا بۇقارانى باستاپ تاماشا تۇرمىسقا جەتكىزدى، ءبىز پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز، مەملەكەت گۇلدەنگەن، وتباسى جاراسىمدى باقىتتى تۇرمىستى قاستەرلەۋىمىز كەرەك“.
اقسۋ ايماعىنىڭ توقسۋ اۋدانى ”جۇڭچيۋ مەرەكەسىن قارسى الۋ، مەملەكەت مەرەكەسىن قۇتتىقتاۋ“ اتا - انالار مەن بالالاردىڭ تاقىرىپتىق قيمىلىن ورىستەتتى. قيمىلدىڭ ورىستەتىلۋى بالالارعا تاماشا ەستەلىك قالدىرۋمەن بىرگە، جۇڭگونىڭ ءداستۇرلى مادەنيەتىن ولاردىڭ ساناسىنا تەرەڭ ءسىڭىردى.
(ءتىلشى ءپاريزات ابدۇل، قاتىناسقان تىلشىلەر گى يوۋجۇن، سۇڭ يا - ۋىن، حوتان تىلشىلەر پۋنكتىنەن شى يىڭيىڭ، ەرىكتى تىلشىلەر ياڭ رۇيفاڭ، ۋاڭ يۇييان)
