پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ بيڭتۋاندا قاز - قالپىندا ناقتى تياناقتانۋىنا شىنايى كەپىلدىك ەتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان 9 - ايدىڭ 30 - كۇنى ۇرىمجىدەن حابارلايدى. تاياۋدا بيڭتۋان پارتكومى تۇراقتى كوميتەتتىڭ (كەڭەيتىلگەن) ءماجىلىسىن اشىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزىپ، ۇيرەنىپ، بيڭتۋاننىڭ دايەكتىلەندىرۋ، تياناقتاندىرۋ شارالارىن اقىلداستى. اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، جىڭۋي ۋاڭ جۇنجىڭ ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى ءبىر رەتكى ەرەكشە ماڭىزدى ءماجىلىس. ءماجىلىستىڭ اشىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ جانە بيڭتۋان قىزمەتىنە وسكەلەڭ ءمان بەرگەندىگىن، شينجياڭداعى جانە بيڭتۋانداعى ءار ۇلت كادرلارى مەن بۇقاراسىنا بولعان ىقىلاستى قامقورلىعىن تولىق ايگىلەدى. باس شۋجي شي جينپيڭنىڭ سويلەگەن ماڭىزدى ءسوزى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بايىتتى جانە دامىتتى، بيىكتە تۇرىپ الىسقا كوز جىبەردى، مازمۇنى باي، يدەياسى تەرەڭ، اسا كۇشتى ساياسي سيپاتقا، جالپى جاعدايلىق سيپاتقا، ستراتەگيالىق سيپاتقا يە بولىپ، كەزەكتەگى جانە بۇدان كەيىنگى ءبىر مەزگىلدەگى شينجياڭ جانە بيڭتۋان قىزمەتىنە ايقىن بەتالىس نۇسقاپ، جاڭا داۋىردەگى شينجياڭ جانە بيڭتۋان قىزمەتىنە ءتۇبىرلى بويسۇنۋ ولشەمىن ازىرلەدى.
بيڭتۋانداعى ءار دارەجەلى پارتيا ۇيىمدارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، مۇقيات ۇيرەنىپ، يگەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا بيڭتۋاننىڭ ۇلەسىن قوسۋ كەرەك.
ءماجىلىس مىنالاردى تالاپ ەتتى: ساياسي دەڭگەيدى جوعارىلاتىپ، كەلەلى ءمانىن تانۋ كەرەك. تەرەڭدەي ۇيرەنىپ، يگەرىپ، وي - سانانى جالپى بەتتىك قارۋلاندىرۋ كەرەك. ىجداعاتپەن ۇگىتتەپ، لەكسيا سويلەپ، تاماشا راي قالىپتاستىرۋ كەرەك. كەلەلى جاعدايدى تەرەڭ يگەرىپ، مىندەت - بورىشتى كۇشەيتۋ كەرەك. ستيلدى شىن مانىندە جاقسارتىپ، قىزمەتتەردى تياناقتاندىرۋدى مىقتاپ يگەرۋ كەرەك.
بيڭتۋان باسشىلارىنان پىڭ جيارۇي قاتارلىلار ماجىلىسكە قاتىناستى.
