تيانشان تورى
تيانشان تورى   ›   جاڭالىقتار   ›   شينجياڭ حابارلارى

حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتەيىك

باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى رايونىمىزدا قىزۋ اڭىس قوزعادى −

حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتەيىك

شينجياڭ گازەتىنىڭ جالپىلىق اقپارات قۇرالدارى تىلشىلەرى

  بىرنەشە كۇننەن بەرى رايونىمىزداعى قالىڭ كادر - بۇقارا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەندى. كوپشىلىك جابال مىنالاردى ءبىلدىردى: دامۋ − شينجياڭنىڭ باياندى تىنىشتىعىنىڭ ماڭىزدى نەگىزى، باس شۋجي شي جينپيڭنىڭ ماڭىزدى ءسوزىنىڭ رۋحىن ءتۇبىرلى بويسۇنۋ ولشەمى ەتىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولۋ كەرەك. دامۋدى يگەرۋ، حالىق تۇرمىسىنا تيىمدىلىك جەتكىزۋ ارقىلى بۇقارانىڭ ىستەيتىن ءىسى، تاباتىن تابىسى، ءۇمىتى بولۋىنا مۇمكىندىك جاساپ، پارتيانىڭ ءار ۇلت بۇقاراسى اراسىنداعى ۇيىستىرۋ قۋاتىن ۇزدىكسىز كۇشەيتۋ، وتاندى ءسۇيۋدىڭ، شينجياڭدى ءسۇيۋدىڭ وڭ ەنەرگياسىن ۇزدىكسىز مولايتۋ كەرەك.

وڭىرلىك ابزالدىلىقتى ساۋلەلەندىرىپ، ەسىك اشۋدىڭ بيىك بەلەسىن قالىپتاستىرامىز

  ”شينجياڭنىڭ وڭىرلىك ابزالدىلىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، شينجياڭنىڭ وزىندىك وڭىرلىك سيپاتتى ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزۋ كەرەك“. 9 - ايدىڭ 28 - كۇنى اۆتونوميالى رايوندىق ساۋدا ىستەرى مەڭگەرمەسى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى رۋحىن ۇيرەنۋدى ۇيىمداستىردى، باس شۋجي شي جينپيڭنىڭ ماڭىزدى ءسوزى كوپشىلىكتى قاتتى اسەرلەندىردى. اتالعان مەڭگەرمەنىڭ پارتيا باسشىلىق گرۋپپاسىنىڭ شۋجيى، مەڭگەرمە باستىعى رۇڭ جۇن مىنالاردى ءبىلدىردى: ساۋدا ىستەرى تاراۋلارىنىڭ وزەكتى رايون قۇرىلىسىنداعى رولىن ساۋلەلەندىرىپ، ساۋدانى جەبەۋ تۇعىرىن ويداعىداي پايدالانىپ، ”ءبىر بەلدەۋ، ءبىر جول“ بويىنداعى مەملەكەتتەرمەن جانە رايوندارمەن ەكونوميكا - ساۋدا سەلبەستىگىن كۇشەيتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە كۇشىمىزدى ارنايمىز.

  ”باس شۋجي شي جينپيڭنىڭ ماڭىزدى ءسوزى ادامدى ەكپىندەي ىلگەرىلەۋگە جەلپىندىرەدى“. ءۇرىمجى حالىقارالىق قۇرلىق پورتى اۋماعى باسقارۋ كوميتەتىنىڭ ارناۋلى مىندەتتەگى ورىنباسار مەڭگەرۋشىسى ليۋ شاۋحۋا بىلاي دەدى: قۇرلىق پورت اۋماعى ەل ىشىمەن، شەتەلمەن قارىم - قاتىناستى، سەلبەستىكتى ۇزدىكسىز تەرەڭدەتىپ، ەل ءىشى - سىرتىمەن زات اينالىم توراپ جەلىسىن ورنالاستىرۋدى كەمەلدەندىرىپ، قۇرلىق پورت اۋماعىن ورتا، باتىس، وڭتۇستىك ازياعا جانە شىعىس ەۆروپا ەلدەرىنە باعىتتالعان زات اينالىمى تورابى، حالىقارالىق ساۋدا ورتالىعى جانە سىرتقا باعىتتالعان كاسىپ سالاسى بازاسى ەتىپ قۇرىپ شىعامىز.

  بىلتىر قاشقار ايماعىنىڭ ساۋداگەر شاقىرىپ، قارجى ەنگىزۋ بويىنشا تياناقتاندىرعان قارجىسى سايكەس مەزگىلدەگىدەن %42.3 ارتتى، سىرتقى ساۋدا يمپورت - ەكسپورت جالپى سوماسى %8.9 ارتتى. قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى پارحات روزى مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن تەرەڭ ۇيرەنىپ، جەتە ۇعىنىپ، اشىق ەكونوميكالىق تۇزىلىستە جاڭالىق اشىپ، شينجياڭدا ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن سومداۋعا تىڭ ۇلەس قوسامىز.

نەگىزدى كۇشەيتىپ، ونىمدىلىكتى ارتتىرىپ، تيبىن جاڭالاپ دارەجەسىن وسىرەمىز

  باس شۋجي شي جينپيڭ بىلاي دەپ باسا دارىپتەدى: ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ دارەجەسىن ءوسىرۋدى ىلگەرىلەتىپ، شينجياڭنىڭ ەرەكشە ابزال كاسىپ سالاسىن جەتىلدىرىپ، زورايتىپ، جەرگىلىكتى بۇقارانى كىرىستەرىن ارتتىرىپ، بايۋعا باستاۋ كەرەك.

  ”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن جاپپاي دايەكتىلەندىرىپ، تياناقتاندىرىپ، ستراتەگيالىق سيپاتتى جاڭادان گۇلدەنگەن كاسىپ سالاسىنىڭ دامۋىن كۇش سالا ىلگەرىلەتىپ، جاساۋ كاسىبىنىڭ سيفرلانىپ، توراپتانىپ، زەردەلىلەنىپ دامۋ ورەسىن جوعارىلاتىپ، شينجياڭ ونەركاسىبىنىڭ جوعارى ساپالى دامۋىن ۇزدىكسىز كۇشەيتەمىز“، - دەدى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باستىعى نيجات سىمايىل.

  اۆتونوميالى رايوندىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى شۇي شياۋنيڭ مىنالاردى ءبىلدىردى: ءبىز باس شۋجيدىڭ تالابى بويىنشا شينجياڭنىڭ وڭىرلىك، الەۋمەتتىك ساپا ايگىلى ماركاسىن قالىپتاستىرىپ، شينجياڭ كاسىپ سالاسىنىڭ تيبىن جاڭالاپ دارەجەسىن ءوسىرۋدى تەزدەتىپ، ساپاسىن جوعارىلاتىپ، ونىمدىلىگىن ارتتىرامىز.

  شينجياڭ اۋكاڭ ەرەكشە جابدىق شەكتى سەرىكتەستىگى مەملەكەت دارەجەلى جوعارى، جاڭا تەحنيكالىق كاسىپورىن، بۇل سەرىكتەستىك وندىرگەن اۋادا قالقىمالى تاسىمالداۋ جابدىعىن بازارعا سالعاننان بەرى توتەنشە ءوتىمدى بولدى. سەرىكتەستىكتىڭ باس ديرەكتورى ليۋ حۇڭبو تەبىرەنە بىلاي دەدى: ”باس شۋجيدىڭ ماڭىزدى ءسوزىن ۇيرەنۋ ارقىلى ءبىزدىڭ كۇش - قايراتىمىز ءتىپتى دە تاسقىنداي ءتۇستى. ءبىز، ءسوزسىز، ورايدى تەز يگەرىپ، ىرىقتىلىقپەن ىسكەرلىك كورسەتىپ، كاسىپورىننىڭ جاڭالىق اشۋ قۋاتىن، باسەكەلىك قۋاتىن ۇزدىكسىز كۇشەيتەمىز“.

  حوتان اۋدانى باقشي قالاشىق پارتكومىنىڭ مۇشەسى، كەدەيلەردى سۇيەمەلدەۋ كەڭسەسىنىڭ مەڭگەرۋشىسى جاڭ بۋچيان بىلاي دەدى: ”ءبىز باس شۋجيدىڭ تاپسىرماسىن ەستە بەرىك ساقتاپ، ەرەكشە ابزال كاسىپ سالاسىن جەتىلدىرۋگە، زورايتۋعا كۇش سالىپ، بۇقارانىڭ كىرىسىن ۇزدىكسىز ورنىقتى ارتتىرۋعا شىنايى كەپىلدىك ەتەمىز“.

ەكولوگيانى قورعاۋدىڭ قىزىل سىزىعىن باتىل ساقتايمىز

  ەكولوگيالىق وركەنيەت قۇرۋ حالىقتىڭ باقىتىنا قاتىستى، ۇلتتىڭ كەلەشەگىنە قاتىستى.

  اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ قۇمايتتانۋدان، شولەيتتەنۋدەن ساقتانۋ جانە ونى تىزگىندەۋ باسقارماسىنىڭ ورىنباسار باستىعى ۋاڭ گاڭ مىنالاردى ءبىلدىردى: ”جاسىل تاۋ، تۇنىق سۋ − باعالى بايلىق“ سىندى دامۋ ۇستانىمىن بۇلجىماي دايەكتىلەندىرىپ، قۇمايتتانۋدى، شولەيتتەنۋدى جالپىلىق وڭاۋدى، جۇيەلى وڭاۋدى، قاينارىنان باستاپ وڭاۋدى ءبىر تۇتاس جوسپارلاپ ىلگەرىلەتىپ، كورىكتى شينجياڭ قۇرۋعا كۇش - قۋاتىمىزدى ارنايمىز.

  كوز الدا ونسۋ اۋدانى كوكيار قالاشىعى كۇزگى اعاش ەگۋ قيمىلىن ورنالاستىردى. وسى قالاشىق پارتكومىنىڭ شۋجيى ليۋ جيە مىنالاردى ءبىلدىردى: ءبىز ”كوكيار رۋحىن“ بار كۇشپەن ساۋلەلەندىرىپ، ۇرپاقتان - ۇرپاققا جالعاستىرىپ ىستەپ، تاماشا ەكولوگيالىق ورتانىڭ ءار ۇلت بۇقاراسىنا ءتىپتى دە كوپ تابىس سەزىمىن، باقىت سەزىمىن سيلاۋىنا مۇمكىندىك جاسايمىز.

  ”ءبىز باس شۋجي شي جينپيڭنىڭ تالابىن ەسىمىزگە بەرىك ساقتاپ، ەكولوگيانى قورعاۋدىڭ قىزىل سىزىعىن باتىل ساقتاپ، جاراتىلىستىق بايلىقتى سارىپ ەتىپ، قورشاعان ورتانى ءبۇلدىرۋدى بوداۋ ەتەتىن دامۋ ۇلگىسىن ادا - كۇدە الاستاپ، ادام مەن تابيعاتتىڭ جاراسىمدى بىرگە جاساۋىنا تاباندى بولىپ، حالىقتىڭ ىرىس - قۇتىن ارتتىرامىز“، - دەدى التاي ايماقتىق پارتكومنىڭ ورىنباسار باس حاتشىسى، ايماقتىق جاراتىلىستىق بايلىق مەكەمەسىنىڭ باستىعى جىڭ حۇڭچۋان.

  (ءتىلشى لي چۇنشيا، قاتىناسقان تىلشىلەر حي حۇڭۋي، شى شين، حان چين - يان، ما ينيڭ، جاۋ يۋە، ءپاريزات ابدۇل، ليۋ دۇڭلاي، جاڭ جىلي، جاڭ تيڭ، رىن حۋا، ەرىكتى ءتىلشى حۋ جۇنشيۋ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.