تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايون مەملەكەت تۋىن شىعارۋ سالتىن سالتاناتپەن وتكىزدى

جۇڭحۋا حالىق رەسپۋبليكاسى قۇرىلعاندىعىنىڭ 71 جىلدىعىن قۇتتىقتادى

اۆتونوميالى رايون مەملەكەت تۋىن شىعارۋ سالتىن سالتاناتپەن وتكىزدى

چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى

     10 - ايدىڭ 1 - كۇنى اۆتونوميالى رايون شينجياڭ حالىقارالىق كورمە ورتالىعىندا مەملەكەت تۋىن شىعارۋ سالتىن سالتاناتپەن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 71 جىلدىعىن قىزۋ قۇتتىقتادى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 10 - ايدىڭ 1 - كۇنى ۇرىمجىدەن حابارلايدى. 10 - ايدىڭ 1 - كۇنى تۇستەن بۇرىن اۆتونوميالى رايون شينجياڭ حالىقارالىق كورمە ورتالىعىندا مەملەكەت تۋىن شىعارۋ سالتىن سالتاناتپەن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 71 جىلدىعىن قىزۋ قۇتتىقتادى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى جىڭۋيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتارلىلار ءۇرىمجى قالاسىنداعى ءار ۇلت، ءار سالا كادر - بۇقاراسىنىڭ ۋاكىلدەرىمەن بىرگە قاتىناستى.

  سالتاناتتى مەرەي تويدى بۇكىل ەل بىرگە قۇتتىقتاپ، تيانشان الابى شاتتىق مەرەيىنە شومدى. شينجياڭ حالىقارالىق كورمە ورتالىعى الاڭىندا گۇل - بايشەشەك قۇلپىرىپ، قىزىل تۋ جەلبىرەدى، تاڭ سارىدە كەلگەن ءار ۇلت، ءار سالا كادر - بۇقاراسى رەتتى قاتار تۇزەپ، سالتاناتتى ءساتتىڭ كەلۋىن كۇتتى.

  ساعات 10نان 30 مينۋت مولشەرىندە مەملەكەت تۋىن قورعاۋ اترەتىنىڭ ايباتى اسقاق كوماندير - جاۋىنگەرلەرى مىلتىقتارىن سەرت ۇستاپ، ارشىندى دا نىق قادام باسىپ، بەس جۇلدىزدى قىزىل تۋدى قورعاپ تۋ شىعارۋ تۇعىرىنا كوتەرىلدى.

  ايبىندى «ەرىكتىلەر مارشى» شىرقالدى، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، بەس جۇلدىزدى نارت قىزىل تۋدىڭ باياۋ كوتەرىلىپ، اسقاق جەلبىرەگەنىنە سالتاناتپەن كوز تىكتى.

  ”قارشادايىمىزدان ادام بولۋدى، مۇرات ورناتۋدى، جاسامپازدىقتى ۇيرەنىپ، دەنەنى شىڭداپ، ەڭبەكتى قىزۋ ءسۇيىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش - قۋاتتى ارناۋعا قاي - قاشان دا دايىنبىز!“، بەس جۇلدىزدى قىزىل تۋعا قاراپ تۇرىپ، ءوسپىرىم بالالار بىركەلكى داۋىسپەن ارناۋ ءسوز سويلەدى. سىڭعىرلى، اسقاق بالعىن ءۇن پيونەرلەردىڭ ۇلى وتانعا دەگەن شەكسىز قىزۋ سۇيىسپەنشىلىگى مەن شىنايى تىلەگىن ءبىلدىردى.

  تۋ شىعارۋ سالتىنا قاتىناسقان ءار ۇلت كادر - بۇقاراسى ءبىر اۋىزدان مىنالاردى ءبىلدىردى: تاياۋ جىلداردان بەرى شينجياڭ قىزمەتىندە كەلەلى ناتيجەگە قول جەتتى، شينجياڭنىڭ ەكونوميكاسىنىڭ، قوعامىنىڭ دامۋى جانە حالىق تۇرمىسىنىڭ جاقسارۋى بۇرىن بولماعان تابىسقا قول جەتكىزدى، ات سالىسۋشى، كۋا بولۋشى، يگىلىككە كەنەلۋشى رەتىندە، بۇگىن وسىنداي ەرەكشە كۇندە مەملەكەت تۋىن شىعارۋ سالتىنا قاتىناسقاندىعىمىزعا شەكسىز ماقتانامىز جانە شاتتانامىز، ۇلى وتاننىڭ گۇلدەنىپ - كوركەيۋىنە دەگەن ىزگى تىلەگىمىزدى، باس شۋجي شي جينپيڭدى شىن جۇرەكتەن قادىرلەيتىندىگىمىزدى جانە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جاڭا داۋىردەگى جۇڭگوشا سوتسياليستىك شينجياڭدى قۇرۋعا قۇلشىناتىن باتىل سەنىمىمىز بەن بەكىمىمىزدى شىنايى بىلدىرەمىز. جاڭا ءداۋىردىڭ جاڭا ساپارىندا ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كوكىرەك كەرنەگەن وتاندى ءسۇيۋ ىستىق ىنتامىزدى ەرلىكپەن ەكپىندەي ىلگەرىلەيتىن سارقىلماس قوزعاۋشى كۇشكە اينالدىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇرەكتەس، نيەتتەس بولىپ، قايراتتانا كۇرەس جۇرگىزىپ، ءوز مىندەتىمىزدەگى قىزمەتتەردى تاباندىلىقپەن ويداعىداي ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العاباسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋعا ءوزىمىزدىڭ اقىل - پاراساتىمىز بەن كۇش - قۋاتىمىزدى ارنايمىز.

  اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنداعى مۇشەلەر، اۆتونوميالى رايوندىق جوعارى حالىق سوتىنداعى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار؛ ءۇرىمجى قالالىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القاسىنداعى مۇشەلەر، ءۇرىمجى گارنيزونىنداعى، بيڭتۋان 12 - شىسىنداعى نەگىزگى جاۋاپتى جولداستار، ت. ب، تۋ شىعارۋ سالتىنا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.