شينجياڭ گازەتىنىڭ جالپىلىق اقپارات قۇرالدارى ءتىلشىسى ماي ينيڭ 10 - ايدىڭ 2 - كۇنى ۇرىمجىدەن حابارلايدى. 2016 - جىلعى 223 پويەزدان 2019 - جىلعى 1102 پويەزعا دەيىن، ”13 - بەسجىلدىق“ كەزىندە، شينجياڭنان اتتانعان جۇڭگو - ەۆروپا كەزەكشى پويەزى جىل سايىن ورتا ەسەپپەن ％170تىك قارقىنمەن ارتىپ، تاماشا جوعارى ورلەۋ سىزىعىمەن زىمىرادى.
2014 - جىلى 3 - ايدا ءۇرىمجى - الماتى جۇك تاسىمالى كەزەكشى پويەزى قاتىنادى، سونىمەن شينجياڭ چۇڭچيڭ، حۋبەي، سىچۋان، حىنان، شانشيدان كەيىن باتىسقا بەت العان حالىقارالىق جۇك تاسىمالى كەزەكشى پويەزدارىنىڭ قاتارىنا رەسمي قوسىلدى.
2016 - جىلى 5 - ايدا، جۇڭگو - ەۆروپا كەزەكشى پويەزدارى ءۇرىمجى جيناۋ - توپتاۋ ورتالىعى قۇرىلىپ ىسكە قوسىلىپ، شوعىرلى جيناۋ، توپتاپ تاسىمالداۋ ۇلگىسىن قولدانۋ جونىندە ىزدەنىس جاسادى. 11 - ايدا، شينجياڭ جۇڭگو - ەۆروپا كەزەكشى پويەزىنىڭ (شينجياڭ - ورتا ازيا) قاتىناۋ كولەمى كۇن سايىن ءبىر پويەزعا جەتىپ، تۇتاس ەلدىڭ جەر - جەرىنەن كەلگەن ورتا ازياعا تاسمالداناتىن زاتتار نەگىزىنەن ۇرىمجىدە جينالىپ - توپتالىپ تاسىمالداندى.
2017 - جىلى 11 - ايدا شينجياڭ جۇڭگو - ەۆروپا كەزەكشى پويەزىنان جيىنى 1000 پويەز قاتىناۋداي ۇلكەن وتكەلدەن ءوتتى؛ 2018 - جىلى 10 - ايدا شينجياڭ جۇڭگو - ەۆروپا كەزەكشى پويەزىنان جيىنى 2000 پويەز قاتىنادى، سول جىلى قاتىناۋ سانى تۇڭعىش رەت 1000نان استى، ”جۇڭگو - ەۆروپا كەزەكشى پويەزى شوعىرلى جيناۋ، توپتاپ تاسىمالداۋ ۇلگىسى“ ەركىن ساۋدا سىناق رايونى رەفورماسى سىناق ءتۇيىنى تاجىريبەسى تۇتاس ەل كولەمىندە كوشىرىلىپ جالىپلاستىرىلدى؛ 2020 - جىلى 8 - ايدىڭ سوڭىندا، شينجياڭ جۇڭگو - ەۆروپا كەزەكشى پويەزىنان جيىنى 3903 پويەز قاتىناپ، جۇڭگو - ەۆروپا كەزەكشى پويەزى ءۇرىمجى جيناۋ - توپتاۋ ورتالىعى اشقان لەنيا جەلىسى 21گە جەتىپ، ورتا ازياداعى جانە ەۆروپاداعى 23 مەملەكەت پەن رايونعا تۇتاستىرىلدى.
جۇڭگو - ەۆروپا كەزەكشى پويەزى ءجيى، ۇدايى قاتىناپ، ءتىپتى دە كوپ كاسىپورىنداردىڭ شينجياڭعا ىرگە تەبۋىنە تۇرتكى بولىپ، شينجياڭنىڭ ”جول ەكونوميكاسىنان“ ”كاسىپ سالاسى ەكونوميكاسىنا“ قاراي تيبىن وزگەرتىپ دارەجەسىن جوعارىلاتۋىن ىلگەرىلەتتى.
