تيانشان تورى   ›   جاڭالىقتار   ›   شينجياڭ حابارلارى

مەكەنىمىز تىنىش - امان بولدى، بارشا جۇرت باس قوستى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  گۇل - بايشەشەك قۇلپىرىپ، اي تولىسىپ، قوس مەرەكە قاتار جەتتى، تيانشان الابىنىڭ تۇس - تۇسىنان قىزۋ مەرەيلى مەرەكەلىك لەپ ەستى. جەلبىرەگەن مەملەكەت تۋلارى، شىن كوڭىلدەن شىققان شىنايى تىلەكتەر، باقىتتان كۇلىمدەگەن جىلى جۇزدەر... ادامدار وتباسىلارىمەن، دوستارىمەن باس قوسىپ، نەمەسە جۇپ قۇراعان تۋىستارىمەن بىرگە بولىپ، كوركەم كورىنىستەردەن ءلاززات الىپ، ءدامدى تاعامداردان اۋىز ءتيىپ، اڭگىمە دۇكەن قۇرىسىپ، وتاننىڭ گۇلدەنۋىن بىرگە تىلەپ، تاۋ - وزەندەرىمىزدىڭ اماندىعىنا بىرگە القاۋ ايتتى. مىنە وسىنداي باس قوسقان كورىنىستەر مەن دۋماندى ساتتەر ”كەشىگىپ جەتكەن كوكتەم مەرەكەسىندەي“ اسەر بەرەدى.

  ”اكە، ءوتىپ كەتكەن تۋعان كۇنىڭىزگە سيلىق رەتىندە بۇگىن سىزگە وسى كوركەم كورىنىستى تارتۋ ەتەمىن“، - دەدى لياۋ جينمەي 9 - ايدىڭ 30 - كۇنى ايناداي تۇنىق سايرام كولىنىڭ جاعاسىندا اكەسىنە. ول حۋنان ولكەسى يۋەياڭ قالالىق 1 - حالىق شيپاحاناسىنىڭ جاۋاپتى تەكسەرۋشىسى، بيىل 7 - ايدا شينجياڭنىڭ ىندەتكە قارسى اتتانۋىنا شۇعىل كومەككە كەلىپ، اكەسىنىڭ 70 جاس تۋعان كۇنىن وتكىزۋگە قاتىناسا الماي قالعان - دى. مەرەكە قارساڭىندا، ول ۇسىنىسپەن اكەسىمەن بىرگە شينجياڭعا ساياحاتتاۋعا كەلدى. ”ىندەتكە قارسى اتتانۋ شايقاسىنا قاتىناسقانىمدى ايرىقشا ماقتانىش سەزىنەمىن. بۇگىنگى شينجياڭدا بارلىعىنىڭ قالىپتى ارناعا تۇسكەنىن كورىپ، مەن توككەن تەرىمىزدىڭ ەشقايسىسى زايا كەتپەپتى دەپ سەزىندىم“، - دەدى لياۋ جينمەي.

  10 - ايدىڭ 1 - كۇنى قاشقار ايماقتىق 2 - حالىق شيپاحاناسىنىڭ شۇعىل ەمدەۋ، سالماقتى ناۋقاس مەديتسيناسى ءبولىمى سالماقتى ناۋقاس گرۋپپاسىنىڭ سەسترالار باستىعى يۇي شياۋيان وتباسىنداعىلارمەن قۋانىشپەن قاۋىشىپ، مەرەيلى مەرەكەنى بىرگە وتكىزدى. بۇل جولعى باس قوسۋ ول ءۇشىن ەرەكشە مانگە يە. بۇل ونىڭ جىل باسىندا ۋحانعا شۇعىل كومەككە بارىپ شينجياڭعا قايتقاننان كەيىن العاش رەت بۇكىل وتباسىنداعىلارمەن باس قوسۋ اسىن ءىشۋى بولاتىن. ”مەن قۇتقارۋ - ەمدەۋگە قاتىناسقان جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستىڭ ساۋىققان سوڭ، وتان انامىزدىڭ قۇدىرەتى مەن مەيىرىن شىنايى سەزىندىم دەگەنى ءالى كۇنگە ەسىمدە“، - دەدى يۇي شياۋيان.

  وتباسى − شاعىن مەملەكەت، مەملەكەت − بارشا وتباسىلاردان قۇرالعان جانۇيا. 10 - ايدىڭ 1 - كۇنى كۇنەس اۋدانى قارابۋرا قالاشىعى ساقا الەۋمەتتىك اۋماعىنداعى جانار نۇرمۇقان ەرتەمەن ايكۇلشەلەرىن ءتىزىپ، ۇيىندەگىلەرمەن بىرگە مەرەيلى مەرەكەنى تويلادى. جانار نەگىزگى ساتىداعى ۇگىت - لەكسياشى، ”مەن 2 ۇلىما مەملەكەت، مەملەكەت، مەملەكەت بولعاندا عانا وتباسى بولادى، وتباسىن ءسۇيۋ ءۇشىن، ءسوز جوق، ەڭ الدىمەن وتاندى ءسۇيۋ كەرەك. بيىلعى جۇڭچيۋ مەرەكەسى ءاربىر شاعىن وتباسىلاردىڭ باس قوسۋى عانا ەمەس، ونان دا ماڭىزدىسى، وتان ۇلى شاڭىراعىنىڭ باس قوسۋى دەپ ءتالىم بەردىم“، - دەدى ول.

  مەملەكەت تۋىمەن بىرگە سۋرەتكە ءتۇسىپ، تەرەڭ سۇيىسپەنشىلىكتەرىن سۋرەتپەن كەستەلەپ، ايكۇلشە جاساپ، باس قوسۋ تۋرالى اڭگىمە شەرتتى... 10 - ايدىڭ 1 - كۇنى تۇستەن بۇرىن، ءۇرىمجى قالاسى شۇيموگوۋ رايوندىق پارتكوم ينتەرنەت ينفورماتسياسى كەڭسەسىنىڭ حىجين الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى شياۋ ۋان الەۋمەتتىك اۋماق تۇرعىندارى قوس مەرەكەنى بىرگە تويلاعان سۋرەتتەر مەن بەينەجازبالاردى ۋيچات توبىنا جىبەرگەن سوڭ، ۋيچاتتاعىلار بۇل سۋرەتتەردى لەزدە جالعاپ تاراتا جونەلدى. ”ۇيدەگىلەرمەن بىرگە بولا الماسام دا، الەۋمەتتىك اۋماق تۇرعىندارىمەن بىرگە مەرەيلى مەرەكەنى بىرگە تويلاۋ دا ايرىقشا باقىتتى ءارى ءماندى ءىس بولدى“، - دەدى شياۋ ۋان.

  شۇي چينيۇي قارت قارامايلى قالاسى ورقى رايونى ليۋشۋجيە ءمالىسى ليۋيۋان الەۋمەتتىك اۋماعىنىڭ تۇرعىنى، تالايدان بەرى جالعىز تۇرىپ كەلەدى. بيىلعى جۇڭچيۋ مەرەكەسى ونىڭ ”ۇلى“ نۇرتاي تەلقانمەن بىرگە وتكىزگەن 3 - مەرەكەسى. نۇرتاي قارامايلى قالاسى ورقى رايونى ساياسي كەڭەس ورگانىنىڭ ليۋشۋجيە ءمالىسى ليۋيۋان الەۋمەتتىك اۋماعىندا تۇراتىن ءبىرىنشى شۋجيى، 3 جىلدىڭ الدىندا شۇي چينيۇيمەن جۇپ قۇراپ، تۋىس بولعان. ”نۇرتاي ماعان سەرىك بولىپ، مەن ايرىقشا جىلى مەيىرگە بولەندىم، مەرەكەنى اناعۇرلىم مەرەيلى وتكىزدىم“، - دەدى شۇي چينيۇي قاريا.

  10 - ايدىڭ 1 - كۇنى كەشتە، ءۇرىمجى ”كورىكتى شينجياڭ قۇرىپ، وتان ارمانىن بىرگە جۇزەگە اسىرايىق“ تاقىرىبىنداعى وزگەشە شىراق سالتاناتىمەن ۇلى وتانعا ەڭ شىنايى تىلەك ءبىلدىرىپ، تيانشان پەرزەنتتەرىنىڭ قويۋ وتباسى - وتان سۇيىسپەنشىلىگىن بەينەلەدى. ”مەكەنىمىز تىنىش - امان بولدى، بارشا جۇرت باس قوستى“ دەگەن جازۋ شىققان كەزدە، ءۇرىمجى قالاسىنىڭ تۇرعىنى تيان گى قول تەلەفونىن دەرەۋ الىپ شىعىپ، وسى ءساتتى ەستەلىككە الدى. ”وتانىمىزدىڭ مۇنان دا قۇدىرەتتى بولۋىن تىلەيمىن، وتانىمىزدىڭ شينجياڭىنىڭ اناعۇرلىم كوركەم بولۋىن تىلەيمىن!“، - دەدى تيان گى.

  (ءتىلشى ياڭ يىڭچۇن، لي لين، يۇي مىڭفان، يۇي جياڭيان، ەرىكتى ءتىلشى ساۋ تيان، حى پەيجۋان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى