تيانشان تورى
تيانشان تورى   ›   جاڭالىقتار   ›   ەل ءىشى حابارى

دارقان الەمدىك قۇشاق، تاباندى ءىرى ەلدىك جاۋاپكەرشىلىك

− ءتوراعا شي جينپيڭ بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعى جەلىلەس جوعارى دارەجەلىلەر ماجىلىسىنە قاتىناستى ءارى ماڭىزدى ءسوز سويلەپ، دۇنيە جۇزىنە جۇڭگو ءۇنىن تاراتىپ، جۇڭگو جوباسىن العا قويىپ، جۇڭگونىڭ تۇرعىسىن ەگجەي - تەگجەيلى باياندادى

  شينحۋا اگەنتتىگىنىڭ 10 - ايدىڭ 2 - كۇنى بەيجيڭنەن بەرگەن حابارى. 10 - ايدىڭ 2 - كۇنى مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي ورتالىق اقپارات قۇرالدارىنىڭ تىلشىلىگىن قابىلداعاندا ءتوراعا شي جينپيڭنىڭ بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعى جەلىلەس جوعارى دارەجەلىلەر ماجىلىسىنە قاتىناسۋ جاعدايىن تانىستىرىپ، ءتوراعا شي جينپيڭ العا قويعان كەلەلى ۇستانىمداردى، دارىپتەمەلەردى، سونداي - اق ونىڭ ماڭىزدى ءمانىن، ىقپالىن بايىمدادى.

  ۋاڭ ي بىلاي دەدى: وسى جولعى جەلىلەس ماڭىزدى سوزدەردە ءتوراعا شي جينپيڭ ءداۋىردىڭ الدىڭعى لەگىندە تۇرىپ، دۇنيە ءجۇزى زور جاعدايىن باعامداپ، ادامزاتتىڭ ورتاق جانە بولاشاقتىق مۇددەسىن قورعاۋ تۇرعىسىنان ىندەتتەن كەيىنگى داۋىردە ادامزات قانداي دۇنيە جۇزىنە ءدوپ كەلەدى، جۇڭگو دۇنيە جۇزىنە نەندەي رول اتقارادى، ءبىز قانداي حالىقارالىق ءتارتىپتى قاجەت ەتەمىز دەگەن سياقتى كەلەلى ماسەلەلەرگە جان - جاقتى، جۇيەلى جاۋاپ قايتارىپ، جۇڭگو كوپ جاقتىلىقتى باتىل ۇستانادى، بىرلەسكەن مەملەكەتتەر ۇيىمىنىڭ بەدەلىن باتىل قورعايدى، بەيبىت دامۋ، سەلبەسىپ بىرگە يگىلىككە كەنەلۋ جولىمەن مىزعىماي جۇرەدى، ادامزاتتىڭ تاعدىرلاس ورتاق تۇلعاسىن قۇرۋدى باتىل ىلگەرىلەتەدى سياقتى پرينسيپتىك تۇرعىسىن تۋى ايقىن تۇردە ءبىلدىردى. ءتوراعا شي جينپيڭنىڭ وسى ماڭىزدى بايىمداۋلارى دارقان الەمدىك قۇشاق پەن تاباندى ءىرى ەلدىك جاۋاپكەرشىلىكتى ايگىلەپ، ءار ەلدىڭ جاپپاي قارسى الۋىنا جانە جوعارى باعاسىنا يە بولدى. ءار جاق ءبىر اۋىزدان بىلاي دەپ قارادى: ءتوراعا شي جينپيڭنىڭ جەلىلەس سوزدەرى جانە ودان بايىمدالعان جۇڭگو دارىپتەمەسى كەزەكتەگى جانە الداعى حالىقارالىق ارنانىڭ بىرتىندەي دامۋىنا بەلسەندى جانە تەرەڭ ىقپال جاسايدى، باستىسى، مىناداي 6 جاققا شوعىرلاندى:

  ءبىرىنشى، الەمدىك ىندەتكە قارسى اتتانۋ سەلبەستىگىنە تىڭ قوزعاۋشى كۇش قوستى. بىرىنشىدەن، جۇڭگو تاجىريبەسىن ءبولىستى. ەكىنشىدەن، جۇڭگو باستاماسىن العا قويدى. ۇشىنشىدەن، جۇڭگو جاۋاپكەرشىلىگىن ايگىلەدى.

  ەكىنشى، الەمدىك جونگە سالۋ جۇيەسى رەفورماسىنا تىڭ ورتاق تانىم ۇيىستىردى.

  ءۇشىنشى، الەمدىك ەكونوميكانىڭ قايتا جاندانۋىن جەبەۋگە جاڭا جوبا ازىرلەدى. الدىمەن، اشىق، توعىسپالى بولۋعا تاباندى بولۋ كەرەك. ەكىنشىدەن، سەلبەسىپ بىرگە يگىلىككە كەنەلۋگە تاباندى بولۋ كەرەك. ۇشىنشىدەن، رەفورما جاساپ، جاڭالىق اشۋعا تاباندى بولۋ كەرەك.

  ءتورتىنشى، الەمدىك ەكولوگيالىق وركەنيەت قۇرىلىسىنا جاڭا ۇلگى ورناتتى.

  بەسىنشى، الەمدىك ايەلدەر ىستەرىنە جاڭا دەمەۋشى كۇش قوستى.

  التىنشى، بىرلەسكەن مەملەكەتتەر ۇيىمىنىڭ وزەكتى رولىن قولداۋدا جاڭا جاۋاپكەرشىلىكتى ايگىلەدى.

  ۋاڭ ي بىلاي دەپ باسا دارىپتەدى: ءتوراعا شي جينپيڭنىڭ بيىلعى بىرلەسكەن مەملەكەتتەر ۇيىمى جينالىسىنداعى ءبىرسىپىرا جاڭا بايىمداۋلارى، جاڭا دارىپتەمەلەرى شي جينپيڭنىڭ ديپلوماتيا يدەياسىنىڭ نازاريالىق جانە امالياتتىق مازمۇنىن اناعۇرلىم بايىتتى جانە دامىتتى. 5 جىلدىڭ الدىندا ءتوراعا شي جينپيڭ 70 - كەزەكتى بىرلەسكەن مەملەكەتتەر ۇيىمىنىڭ جينالىسىنىڭ جاي تالقىسىندا ادامزاتتىڭ تاعدىرلاس ورتاق تۇلعاسىن قۇرۋ جونىندە ”بەستى ءبىر تۇلعالاندىرۋ“ سىندى جالپىلىق جولدى العا قويدى؛ 3 جىلدىڭ الدىندا بىرلەسكەن مەملەكەتتەر ۇيىمىنىڭ جەنەۆاداعى باس شتابىندا لەكسيا جاساعاندا ”بەس دۇنيە“ قۇرۋ سىندى جالپى تۇلعالىق ورنالاستىرۋدى ىشكەرىلەي العا قويدى. بيىلعى بىرلەسكەن مەملەكەتتەر ۇيىمى جينالىسى ماجىلىسىندە ءتوراعا شي جينپيڭ تاعى حالىقارالىق قوعامنىڭ ىندەت جونىندەگى تولعانىسىمەن ۇشتاستىرىپ، ماڭىزدى ”ءتورت ويدى“ العا قويدى. بىرلەسكەن مەملەكەتتەر ۇيىمىنداعى وسى 3 رەتكى ماڭىزدى ءسوز ادامزاتتىڭ تاعدىرلاس ورتاق تۇلعاسىن قۇرۋ يدەياسىنىڭ نازاريالىق جۇيەسىن كەمەلدەندىرىپ، جۇڭگوشا ءىرى ەلدىك ديپلوماتيا نازارياسى مەن امالياتىندا جاڭالىق اشۋعا جەتەكشىلىك ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن شي جينپيڭنىڭ ديپلوماتيا يدەياسىنىڭ ماڭىزدى قۇرامداس بولىگىنە اينالدى، بۇل ماڭىزدى نازاريالىق قۇنعا جانە داۋىرلىك قۇنعا يە، ءبىزدىڭ الداعى ديپلوماتيالىق قىزمەتىمىزگە اناعۇرلىم پارمەندى يدەيالىق قارۋ ازىرلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.