10 - ايدىڭ 1 - كۇنى نيڭبو قالاسىنىڭ شينجياڭعا كومەككە كەلگەن كادرلارى، كورلا قالاسى توعىسپالى اقپارات قۇرالدارى ورتالىعىنىڭ جۇمىسشى - قىزمەتشىلەرى مەن ساقساق ءمالىسى حۇيميڭ الەۋمەتتىك اۋماعىنداعى تۇرعىندارى «مەن جانە مەنىڭ وتانىم» ءانىن شىرقاپ، وتانعا دەگەن تىلەكتەرىن جەتكىزدى. سۋرەتتى نياز راحىمان تۇسىرگەن
10 - ايدىڭ 1 - كۇنى قالا تۇرعىندارى كورلا قالاسىنىڭ حالىق الاڭىندا مەملەكەت تۋىمەن بىرگە سۋرەتكە ءتۇسىپ، مەملەكەت مەرەكەسى، جۇڭچيۋ مەرەكەسى قوس مەرەكەنى بىرگە قۇتتىقتادى. سۋرەتتى ياڭ كۇن تۇسىرگەن
10 - ايدىڭ 1 - كۇنى توعىزتاراۋ اۋدانى توعىزتاراۋ قالاشىعى قازاق ءمالى الەۋمەتتىك اۋماعىنىڭ تۇرعىندارى ەرەكشە ايكۇلشە جاساپ، قۋانىشتى مەرەكەنى بىرگە قۇتتىقتادى. سۋرەتتى جاڭ لەي تۇسىرگەن
10 - ايدىڭ 1 - كۇنى قۇتىبي اۋدانى ارشىليديان قالاشىعى ارشىليديان قىستاعىنىڭ تۇرعىندارى ءان - ءبي ءنومىرىن ورىنداپ، وتاننىڭ تۋعان كۇنىن تويلادى. سۋرەتتى تاۋ ۋيميڭ تۇسىرگەن
10 - ايدىڭ 1 - كۇنى باعراش اۋدانى ۇلانجەكسىن اۋىلىنىڭ شارۋالارى قىزىل بۇرىشپەن جانە جۇگەرىمەن ”وتانعا تىلەك“ دەگەن جازۋدى ءتىزىپ، ءمول ءونىم قۋانىشىن ءبىلدىرىپ، وتاننىڭ گۇلدەنىپ - كوركەيۋىن تىلەدى. سۋرەتتى نيان لەي تۇسىرگەن
10 - ايدىڭ 1 - كۇنى قالا تۇرعىندارى ءۇرىمجى قالاسى شيداچياۋ كوپىرىندە شىراق سالتاناتىن تاماشالادى ءارى سۋرەتكە ءتۇستى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى تاڭ يۇڭ تۇسىرگەن
10 - ايدىڭ 1 - كۇنى بۇقارا لوپ اۋدانى حالىق باقشاسىندا ءان ايتىپ، ءبي بيلەپ مەرەكەنى قۇتتىقتادى. سۋرەتتى مامەتالي ءانۋار تۇسىرگەن
سۇي يۇنيان
التىن كۇزدە مەملەكەت مەرەكەسىن قارسى الىپ، گۇلدەنگەن زاماننىڭ شاتتىق جىرىن اسقاقتاتتى. 10 - ايدىڭ 1 - كۇنى شينجياڭنىڭ بايتاق دالاسىندا مەملەكەت تۋى جەلبىرەپ، ايكۇلشەنىڭ حوش ءيىسى اڭقىپ، گۇلدەر قۇلپىرىپ، بارلىق جەر شاتتىققا شومىپ، ءار ۇلت پەرزەنتتەرى وتاننىڭ مەرەي تويىن قۇتتىقتاپ، جۇڭچيۋ مەرەكەسىن بىرگە وتكىزدى.
”مەن جانە مەنىڭ وتانىم، ەشقاشان سەنەن ايرىلا المايمىن، مەيلى قايدا جۇرسەم دە، ساعان ماداق ايتامىن...“ جەر - جەردەگى بۇقارا مەملەكەت تۋىن شىعارىپ، مەملەكەت ءانىن ورىنداپ، ءان ايتىپ، ءبي بيلەپ، جاڭا داۋىردەگى تاماشا تۇرمىسقا ماداق ايتىپ، وتاننىڭ گۇلدەنىپ - كوركەيۋىن، ەلدىڭ تىنىش تىرشىلىك كەشۋىن تىلەدى.
تيانشاندا تولعان اي، جۇڭچيۋداعى ايرىقشا سۇيىسپەنشىلىككە ۇلاستى. تيانشان الابىندا سان مىڭداعان وتباسى باس قوسىپ، كادرلار مەن بۇقارا ءبىر اراعا قۋانىشپەن جينالىپ، جۇپ قۇراعان تۋىستار قۋانىشتى مەرەكەنى بىرگە قۇتتىقتادى. شات مەرەيگە تولى اۋەن اراسىندا جۇڭحۋا ۇلتىنىڭ ءداستۇرلى تاماشا ءمورالىنىڭ ءمان - ماڭىزى ۇلاسىپ، جۇڭحۋا ۇلتىنىڭ تاڭداۋلى ءداستۇرلى مادەنيەتى ۇرپاقتان - ۇرپاققا جالعاستى.
”وتباسى − شاعىن مەملەكەت، مەملەكەت − بارشا وتباسىلارىنان قۇرالعان جانۇيا“. قوس مەرەكە بىرگە كەلدى، ەل - جۇرتتىڭ تىنىش تىرشىلىگى مەن بارلىق وتباسى باس قوسۋى بىرگە ءوتتى، وتباسى، وتان سۇيىسپەنشىلىگى ءار ادامنىڭ جۇرەگىندە تاسقىنداپ، جۇڭحۋا پەرزەنتى بولۋدى ماقتانىش ەتۋ سەزىمى قاۋلادى. ءار ۇلت بۇقاراسى جۇرەكتەرىندە العىس ايتۋ سەزىمىن ساقتاپ، بورىش ارقالاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋدا!
