«شينجياڭ گازەتى» باسماقالاسى
بۇكىل رايونىمىزدا جوعارىدان تومەنگە دەيىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن ىشكەرىلەي ۇيرەنىپ، دايەكتىلەندىرىپ جاتقان ساتتە، اۆتونوميالى رايون شينجياڭ ۇيعۇر اۆتونوميالى رايونى قۇرىلعاندىعىنىڭ 65 جىلدىعىن قۇتتىقتاۋ اڭگىمە ءماجىلىسىن سالتاناتپەن اشىپ، 65 جىلدان بەرگى، اسىرەسە، پارتيا 18 - قۇرىلتايىنان بەرگى، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭنىڭ كۇرەس بارىسىن ەسكە الىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جاقسى جازۋدىڭ تاماشا بولاشاعىنا كوز تاستادى، بۇل بۇكىل رايونداعى قالىڭ پارتيالى كادرلاردى جانە ءار ۇلت بۇقاراسىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ونان ارى ۇيرەنۋگە، دايەكتىلەندىرۋگە جۇمىلدىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتى نۇسقاعان بەتالىستان بۇلجىماي، ەرلىكپەن العا باسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جونىنەن كەلەلى ماڭىز الادى.
1955 - جىلى 10 - ايدىڭ 1 - كۇنى شينجياڭ ۇيعۇر اۆتونوميالى رايونى قۇرىلعاندىعى جاريالاندى. وسىدان باستاپ، شينجياڭداعى ءار ۇلت حالقى سوتسياليزمنىڭ داڭعىل جولىمەن ءجۇردى. 65 جىلدان بەرى جۇڭگو كوممۋنيستىك پارتياسىنىڭ باسشىلىعىندا، پارتيانىڭ ۇلت ساياساتىنىڭ نۇر - شۇعىلاسىندا، بۇكىل رايونداعى ءار ۇلت كادر - بۇقاراسى باستان - اياق پارتيا نۇسقاعان دۇرىس بەتالىستى بويلاپ، بىرگە ىنتىماقتاسا كۇرەس جۇرگىزىپ، بىرگە گۇلدەنىپ - دامىپ، مەشەۋلىكتەن العا باسۋعا قادام تاستاعان، توماعا - تۇيىقتىقتان ەسىك اشۋعا قادام تاستاعان، كەدەيلىكتەن بايۋعا قادام تاستاعان ۇلى تاريحي بارىستى باستادى. پارتيا 18 - قۇرىلتايىنان بەرى، اسىرەسە، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، پارتيا ورتالىق كوميتەتى شينجياڭدى جونگە سالۋ زاڭدىلىعى جونىندەگى تانىم مەن سەنىمدى تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، ءار جاقتىڭ جاپالى قۇلشىنىسى ارقىلى شينجياڭ قىزمەتىندە ەلەۋلى ناتيجەگە قول جەتكىزىپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا بۇرىن بولماعان جەتىستىككە قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، باياندى تىنىشتىققا قادام تاستاۋعا مىعىم نەگىز قالادى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى.
كوك تىرەسە بايتەرەك، قالايدا تەرەڭ تامىرى، ساي تولتىرعان مول سۋدىڭ، قالايدا بار قاينارى. شۇعىلالى جەتىستىك جۇڭگو كوممۋنيستىك پارتياسىنىڭ باسشىلىعىنىڭ ارقاسى، پارتيا 18 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، جوبا - جوسپارىنىڭ، كوڭىل ءبولۋىنىڭ، قامقورلىعىنىڭ ارقاسى، بۇكىل ەلدەگى ءار ۇلت حالقىنىڭ، شينجياڭعا باعىتتامالى كومەكتەسكەن ولكە، قالالاردىڭ، ورتالىق پەن مەملەكەت ورگاندارىنىڭ، ورتالىق كاسىپورىندارى مەن ورتالىقتىڭ شينجياڭدا تۇراتىن ورىندارىنىڭ قالتقىسىز كومەگىنىڭ، بار ىقىلاسىمەن جاردەم بەرۋىنىڭ ارقاسى، شينجياڭداعى ءار ۇلت كادر - بۇقاراسىنىڭ ءبىر نيەتپەن كۇش قوسىپ، ىنتىماقتاسا كۇرەس جۇرگىزۋىنىڭ ارقاسى. تاريح مىنانى تالاسسىز دالەلدەدى: پارتيانىڭ ۇلت ساياساتى تەڭدەسسىز دۇرىس، ۇلتتىق وڭىرلىك اۆتونوميا ءتۇزىمى تەڭدەسسىز ابزال، ءبىز جۇڭگو كوممۋنيستىك پارتياسىنىڭ باسشىلىعىنا تيتتەي دە بۇلجىماي تاباندى بولىپ، باس شۋجي شي جينپيڭ نۇسقاعان بەتالىس بويىنشا تاباندى تۇردە جەڭىسپەن العا باسساق بولعانى، باتىلدىقپەن العا ۇمتىلاتىن، الماس قامالى بولمايتىن قۋاتتى كۇش قالىپتاستىرىپ، شينجياڭنىڭ باياندى تىنىشتىقتى جۇزەگە اسىرۋىن ىلگەرىلەتىپ، كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ شىت جاڭا تاراۋىن جازىپ شىعا الامىز.
بۇگىنگى كۇنگە جەتكىزگەن كەشەگى كۇن، كەلەشەككە جەتكىزەتىن دە بۇگىنگى كۇن. شي جينپيڭ جولداستى ۇيتقى ەتكەن پارتيا ورتالىق كوميتەتى تاياۋدا عانا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشتى، باس شۋجي شي جينپيڭ ماجىلىسكە قاتىناستى ءارى ماڭىزدى ءسوز سويلەپ، سوتسياليستىك وسىزاماندانعان قۋاتتى ەل قۇرۋ ساپارىنداعى شينجياڭ قىزمەتىن ىشكەرىلەي جوبالادى، بۇل جاڭا داۋىردەگى شينجياڭ قىزمەتىنىڭ تىڭ تاريحي باستامادا تۇرعاندىعىن ايگىلەيدى. بۇكىل رايون جوعارىدان تومەنگە دەيىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا اشىپ، وتاننىڭ شينجياڭىن اناعۇرلىم كورىكتى ەتىپ قۇرۋعا ۇمتىلۋ كەرەك.
كوتەرىلىپ الىپ جەلكەن سۋ ارناسىن كەڭەيتتى، بۋىرقانعان تولقىن جارا ىلگەرىلەيتىن كەز جەتتى. تىڭ تاريحي باستامادا تۇرعان شينجياڭ بۇرىن بولماعان كەلەلى ورايعا ءدوپ كەلدى. ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ايبىندى جورىعىندا تارتىمدى شينجياڭ تاراۋىن جازايىق.
