اۆتونوميالى رايون قۇرىلعاندىعىنىڭ 65 جىلدىعىن قۇتتىقتاۋ اڭگىمە ءماجىلىسى اشىلدى

چىن چۋانگو قاتىناستى ءارى ءسوز سويلەدى

سىمايىل تىلەبالدى، ابىلەت ابدىرەشيت ۇسىنىسپەن قاتىناستى

شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى

　　10 - ايدىڭ 3 - كۇنى اۆتونوميالى رايون شينجياڭ حالىق سارايىندا اڭگىمە ءماجىلىس اشىپ، اۆتونوميالى رايون قۇرىلعاندىعىنىڭ 65 جىلدىعىن قىزۋ قۇتتىقتادى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

　　شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 10 - ايدىڭ 3 - كۇنى ۇرىمجىدەن حابارلايدى. 65 جىل بوران - شاشىندى وتكەردى، جاڭا داۋىردە ارشىنداي العا باستى. بۇكىل رايوندا جوعارىدان تومەنگە دەيىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ساتتە، 10 - ايدىڭ 3 - كۇنى تۇستەن بۇرىن، اۆتونوميالى رايون شينجياڭ حالىق سارايىندا اڭگىمە ءماجىلىس اشىپ، اۆتونوميالى رايون قۇرىلعاندىعىنىڭ 65 جىلدىعىن قىزۋ قۇتتىقتادى.

　　اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى چىن چۋانگو ماجىلىسكە قاتىناستى ءارى ءسوز سويلەدى. مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەبالدى، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت ۇسىنىسپەن قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، لي ۋي، شۇي حايرۇڭ، ەركىن تۇنياز، تيان ۋىن، جاڭ چۇنلين، ۋاڭ ميڭشان قاتارلىلار قاتىناستى.

　　شينجياڭ حالىق سارايى سالتاناتتى، قىزۋ مەرەيگە شومدى. ءتوراعالار مىنبەسىنىڭ ءدال ورتاسىنا مەملەكەت گەربى ءىلىنىپ، 10 قىزىل تۋ ەكى جاعىنا ءبولىپ قويىلدى.

　　ساعات 11دە، اڭگىمە ءماجىلىس ايبىندى مەملەكەت انىمەن باستالدى.

　　حالىق ازاتتىق ارمياسىنىڭ ساقا اسكەريى، 3 ايماق توڭكەرىسى ۋاكىل قايراتكەرىنىڭ تۋىسى، شينجياڭنىڭ بەيبىت ازات بولۋىنىڭ ۋاكىل قايراتكەرىنىڭ تۋىسى، تاڭداۋلى نەگىزگى ساتى پارتيا ۇيىمدارىنىڭ ۋاكىلى، ۇلتتار ىنتىماعى، العاباسارلىعىنىڭ مەملەكەتتىك ۇلگىسى، رەفورما اتويشىسى اتاعىنىڭ يەگەرى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك جەكە وزات، وتانشىل ءدىني قايراتكەر سياقتى 8 ۋاكىل سوزگە شىعىپ لەبىز ءبىلدىرىپ، وزدەرىنىڭ باستان كەشكەندەرىمەن بىرلەستىرىپ، اۆتونوميالى رايون قۇرىلعان 65 جىلدان بەرگى وزگەشە تاريحي بارىستى تەرەڭ سەزىممەن ەسكە الىپ، پارتياعا العىستارىن جانە ۇلى وتانعا قىزۋ سۇيىسپەنشىلىكتەرىن اقتارىلا اڭگىمەلەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا دەگەن سەنىمدەرىن، بەكىمدەرىن تولىق بەينەلەدى.

　　چىن چۋانگو اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس جانە شينجياڭ ءوندىرىس - قۇرىلىس بيڭتۋانى اتىنان، بۇكىل رايونداعى ءار ۇلت جۇمىسشىلارىنا، ەگىنشى - مالشىلارعا، زيالىلارعا، كادرلارعا جانە ءار سالا قايراتكەرلەرىنە، شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى وفيتسەر - اسكەرلەرىنە، ساياسي زاڭ كادر - ساقشىلارىنا، بيڭتۋانداعى قالىڭ كادر - قىزمەتشىلەرگە، ورتالىقتىڭ شينجياڭدا تۇراتىن ورىندارىنداعى كادر - قىزمەتشىلەرگە جانە شينجياڭعا كومەكتەسەتىن بارشا كادرلارعا شىن ىقىلاستى سالەم جولدادى؛ ءارقايسى تاريحي كەزەڭدە شينجياڭنىڭ توڭكەرىس، قۇرىلىس جانە رەفورما ىستەرىنە ەلەۋلى ۇلەس قوسقان ساقا اسكەريلەرگە، ساقا جاۋىنگەرلەرگە، قارت جولداستارعا جانە قاھارمان - ۇلگىلەرگە ايرىقشا قۇرمەت ءبىلدىردى؛ شينجياڭنىڭ دامۋىنا، العا باسۋىنا كوڭىل بولگەن، قولداۋ كورسەتكەن ءار سالاداعى بارلىق قايراتكەرلەرگە شىن جۇرەكتەن العىس ايتتى.

　　چىن چۋانگو بىلاي دەدى: اۆتونوميالى رايون قۇرىلعان 65 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، پارتيانىڭ ۇلت ساياساتىنىڭ نۇر - شۇعىلاسىندا، بۇكىل رايونداعى ءار ۇلت كادر - بۇقاراسى باستان - اياق پارتيا نۇسقاعان دۇرىس بەتالىستى بويلاپ، بىرگە ىنتىماقتاسا كۇرەس جۇرگىزىپ، بىرگە گۇلدەنىپ - دامىپ، مەشەۋلىكتەن العا باسۋعا قادام تاستاعان، توماعا - تۇيىقتىقتان ەسىك اشۋعا قادام تاستاعان، كەدەيلىكتەن بايۋعا قادام تاستاعان ۇلى تاريحي بارىستى باستادى. پارتيا 18 - قۇرىلتايىنان، اسىرەسە، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭ قىزمەتىندە ەلەۋلى ناتيجە قولعا كەلىپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا بۇرىن بولماعان جەتىستىككە جەتىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. اۆتونوميالى رايون قۇرىلعان 65 جىلدان بەرى، اسىرەسە، پارتيا 18 - قۇرىلتايىنان بەرى 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى قول جەتكىزگەن جەتىستىكتەردىڭ بارلىعى جۇڭگو كوممۋنيستىك پارتياسىنىڭ باسشىلىعىنىڭ ارقاسى، پارتيا 18 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، جوبا - جوسپارىنىڭ، كوڭىل ءبولۋىنىڭ، قامقورلىعىنىڭ ارقاسى، بۇكىل ەلدەگى ءار ۇلت حالقىنىڭ، شينجياڭعا باعىتتامالى كومەكتەسكەن ولكە، قالالاردىڭ، ورتالىق پەن مەملەكەت ورگاندارىنىڭ، ورتالىق كاسىپورىندارى مەن ورتالىقتىڭ شينجياڭدا تۇراتىن ورىندارىنىڭ قالتقىسىز كومەگىنىڭ، بار ىقىلاسىمەن جاردەم بەرۋىنىڭ ارقاسى، شينجياڭداعى ءار ۇلت كادر - بۇقاراسىنىڭ ءبىر نيەتپەن كۇش قوسىپ، ىنتىماقتاسا كۇرەس جۇرگىزۋىنىڭ ارقاسى. شىندىق مىنانى تولىق دالەلدەدى: پارتيانىڭ ۇلت ساياساتى تەڭدەسسىز دۇرىس، ۇلتتىق وڭىرلىك اۆتونوميا ءتۇزىمى تەڭدەسسىز ابزال، ءبىز جۇڭگو كوممۋنيستىك پارتياسىنىڭ باسشىلىعىنا تيتتەي دە بۇلجىماي تاباندى بولىپ، باس شۋجي شي جينپيڭ نۇسقاعان بەتالىس بويىنشا تاباندى تۇردە جەڭىسپەن العا باسساق بولعانى، باتىلدىقپەن العا ۇمتىلاتىن، الماس قامالى بولمايتىن قۋاتتى كۇش قالىپتاستىرىپ، شينجياڭنىڭ باياندى تىنىشتىقتى جۇزەگە اسىرۋىن ىلگەرىلەتىپ، كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ شىت جاڭا تاراۋىن جازىپ شىعا الامىز.

　　چىن چۋانگو بىلاي دەدى: اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن دالەلدەدى. شينجياڭ قىزمەتىن ويداعىداي ىستەۋدە، ءسوز جوق، جۇڭگو كوممۋنيستىك پارتياسىنىڭ باسشىلىعىنا تيتتەي دە بۇلجىماي تاباندى بولۋ، ءسوز جوق، شينجياڭ قىزمەتىنە قاشاندا ستراتەگيالىق جاقتان باعامداۋ جانە ونى جوسپارلاۋ، ءسوز جوق، مىزعىماس تاباندىلىقپەن نازاردى شينجياڭ قىزمەتىنىڭ باس نىساناسىنا شوعىرلاندىرۋ، ءسوز جوق، قاشاندا اينىماس تاباندىلىقپەن جۇرت تىلەگىن توعىستىرۋدى ءتۇبىرلى نەگىز ەتۋ، ءسوز جوق، جۇڭحۋا ۇلتى ورتاق تۇلعا تانىمىن باتىلدىقپەن مىقتاپ ورناتۋ، ءسوز جوق، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ، ءسوز جوق، سوتسياليستىك وزەكتى قۇن كوزقاراسىن زور كۇشپەن اسقاقتاتۋ جانە جەتىلدىرۋ، ءسوز جوق، حالىق تۇرمىسىمەن تىعىز بايلانىستىرا وتىرىپ جوعارى ساپالى دامۋدى ىلگەرىلەتۋ، ءسوز جوق، بيڭتۋاننىڭ ورنىقتىلىقتى قورعايتىن، شەكارانى كۇزەتەتىن ەرەكشە رولىن تولىق ساۋلەلەندىرۋ، ءسوز جوق، پارتيا قۇرىلىسىن تاباندىلىقپەن كۇشەيتۋ كەرەك.

　　چىن چۋانگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشتى، باس شۋجي شي جينپيڭ ماجىلىسكە قاتىناسىپ ءارى ماڭىزدى ءسوز سويلەپ، سوتسياليستىك وسىزاماندانعان قۇدىرەتتى مەملەكەت قۇرۋ ساپارىنداعى شينجياڭ قىزمەتىن ىشكەرىلەي جوسپارلادى، بۇل جاڭا داۋىردەگى شينجياڭ قىزمەتىنىڭ تاعى ءبىر تىڭ تاريحي باستامادا تۇرعاندىعىن كورسەتەدى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، مىزعىماس تاباندىلىقپەن شي جينپيڭ جولداستى ۇيتقى ەتكەن پارتيا ورتالىق كوميتەتى نۇسقاعان دۇرىس بەتالىسپەن ەكپىندەي العا باسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، قوعامدىق كەلەلى جاعدايدىڭ ۇزدىكسىز ورنىقتى بولۋىن، ۇزاق ۋاقىت ورنىقتى بولۋىن ساقتاپ، جۇڭحۋا ۇلتى ورتاق تۇلعا تانىمىن مىقتاپ ورناتىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، يدەولوگيا سالاسى قىزمەتىن ىشكەرىلەي ويداعىداي ىستەپ، حالىقتى وزەك ەتە وتىرىپ ەكونوميكانىڭ جوعارى ساپالى دامۋىن ىلگەرىلەتىپ، بيڭتۋاننىڭ رەفورمانى تەرەڭدەتۋىن جانە وڭتۇستىككە قاراي دامۋىن قاجىماس تاباندىلىقپەن ىلگەرىلەتىپ، پارتيا قۇرىلىسىن مىزعىماس تاباندىلىقپەن كۇشەيتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ ءۇشىن قاجىماي - تالماي كۇرەس جۇرگىزۋ كەرەك.

　　اڭگىمە ماجىلىسكە تاعى ازاتتىق ارميا ساقا اسكەريلەرىنىڭ ۋاكىلدەرى، بيڭتۋانداعى ساقا جاۋىنگەرلەردىڭ ۋاكىلدەرى، قارت جولداستاردىڭ تۋىستارىنىڭ ۋاكىلدەرى، اۆتونوميالى رايونداعى، شينجياڭ اسكەري رايونىنداعى، بيڭتۋانداعى ولكە - جۇن دارەجەلى دەمالىسقا، زەينەتكە شىققان قارت جولداستاردىڭ ۋاكىلدەرى ۇسىنىسپەن قاتىناستى.

　　اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋاننىڭ باسشىلىق القا مۇشەلەرى؛ قارۋلى ساقشى ءبولىمى شينجياڭ باس اترەتىندەگى، اۋە ارمياسىنىڭ ءۇرىمجى بازاسىنداعى قاتىستى جاۋاپتى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار؛ ءبىر ءبولىم پارتيا 19 - قۇرىلتايىنىڭ ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەس مۇشەلەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەلەرى، اۆتونوميالى رايوندىق ساياسي كەڭەس تۇراقتى كوميتەتىنىڭ مۇشەلەرى؛ رايونعا (ورتالىق) توتە قاراستى ورىندار مەن بيڭتۋان ورگانىنىڭ تاراۋلارىنداعى، توتە قاراستى مەكەمەلەرىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار؛ مەملەكەت داڭق اتاعىنىڭ يەگەرلەرى مەن وزات ۇلگىلەردىڭ، وزات كوللەكتيۆتەردىڭ ۋاكىلدەرى، ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ ۋاكىلدەرى، وتانشىل ءدىني قايراتكەرلەردىڭ ۋاكىلدەرى، قوعام حاۋىپسىزدىگى كادر - ساقشىلارىنىڭ ۋاكىلدەرى، جاس ءوسپىرىم وقۋشىلاردىڭ ۋاكىلدەرى، ءار ۇلت، ءار سالا كادر - بۇقاراسىنىڭ ۋاكىلدەرى، ت . ب ماجىلىسكە قاتىناستى.