شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 10 - ايدىڭ 1 - كۇنى ۇرىمجىدەن حابارلايدى. كەزىندەگى الاسا، قاراڭعى، جەر سىلكىنىسىنە توتەپ بەرۋ حاۋىپسىزدىك كوففيتسەنتى تومەن توپىراق كەرپىش قالانعان ۇيلەر بولات شىبىقتى بەتون قۇرىلىمدى جاڭا ۇيلەرگە اينالدى؛ ەجەلدەن بەرى تاۋ قويناۋىندا، ءشول دالا قويناۋىندا قونىستانىپ ءومىر ءسۇرىپ كەلگەن ەگىنشى - مالشىلار اتا - بابالارىنان بەرى تۇرمىس كەشىرىپ كەلگەن جەرلەرىنە قوش ايتىپ، ەڭسەلى، جارىق، جاڭا ۇيلەرگە كوشىپ كىردى... ”13 - بەسجىلدىق“ كەزىندە، رايونىمىز اۋىل - قىستاقتارداعى كەدەي حالىقتىڭ قاتەرلى ۇيلەردە تۇرۋ تاريحىن تۇبەگەيلى اياقتاتتى، ءبىر ميلليون 187 مىڭ 700 وتباسى، 5 ميلليونعا جۋىق ەگىنشى - مالشى بەيقۇت ۇيگە كوشىپ كىردى.
كەريا اۋدانى مۇعاللا قالاشىعى باشقاچۇن قىستاعىنىڭ تۇرعىنى ايۋىزحان مامەتيمىن تەبىرەنىپ: ”وتباسى تىرلىگىمىزدىڭ دەنى سۋى تاپشى، ەلەكترى ماردىمسىز توپىراق كەسەكتەن قالانعان ۇيدە ءوتتى، پارتيا مەن ۇكىمەتتىڭ قامقورلىعىندا، ادەمى، بەرىك، جاڭا ۇيگە كىردىك، سۋدان، ەلەكتردەن تارىقپايتىن بولدىق، تۇرمىسىمىز بارعان سايىن جاقسارا ءتۇستى“ دەدى.
پارتيا ورتالىق كوميتەتى، مەملەكەتتىك كەڭەس شينجياڭنىڭ اۋىل - قىستاقتارىنىڭ تۇرعىن ءۇي قۇرىلىسىنا ايرىقشا ءمان بەرىپ، شينجياڭدا اۋىل - قىستاق بەيقۇت ءۇي ينجەنەرياسىن اتقارىپ، شينجياڭنىڭ اۋىل - قىستاقتارىنداعى ءار ۇلت بۇقاراسىنىڭ تۇرعىن ءۇي شارت - جاعدايىن جەدەل جاقسارتتى، بۇل − جاڭا جاعدايدا شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىلگەرىلەتۋدەگى كەلەلى شارا. 2011 - جىلى شينجياڭدا اۋىل - قىستاق بەيقۇت ءۇي ينجەنەريا قۇرىلىسى جاپپاي اتقارىلعاننان بەرى، اۆتونوميالى رايوندىق پارتكوم مەن ۇكىمەت ونى حالىق تۇرمىسىنا قاتىستى ماڭداي الدى قىزمەت رەتىندە زور كۇشپەن ىلگەرىلەتتى، ورتالىق قازىنانىڭ بار كۇشپەن قولداۋى مەن بۇكىل ەلىمىزدەگى 19 ولكە، قالانىڭ شينجياڭعا كومەكتەسۋىندە، رايونىمىز «شينجياڭنىڭ اۋىل - قىستاق بەيقۇت ءۇي ينجەنەريا قۇرىلىسى جوباسىندا» بەلگىلەنگەن مىندەتتەر بويىنشا، اۋىل - قىستاق بەيقۇت ءۇي ينجەنەريا قۇرىلىسىن بەلسەنە ىلگەرىلەتىپ، ەگىنشى - مالشىلاردىڭ تۇرعىن ءۇي حاۋىپسىزدىگى ماسەلەسىن كۇش سالا شەشتى.
پارتيا ورتالىق كوميتەتى كەدەيلىكتەن ارىلتۋدان قامال الۋ شايقاسىندا جەڭىسكە جەتۋ دابىلىن قاققاننان بەرى، رايونىمىز نازاردى اۋىر كەدەي وڭىرلەر مەن ەرەكشە قيىنشىلىعى بار قاۋىمعا شوعىرلاندىرىپ، اۋىل - قىستاقتارداعى تۇرعان ءۇيى ەڭ قاتەرلى، كىرىسى ەڭ تومەن كەدەي وتباسىلارىن ءجىتى قاداعالاپ، كەدەيلىكتەن ارىلتۋدان قامال الۋدا ”ەكىدەن تارىقتىرماۋ، ءۇشتى قامتاماسىز ەتۋدەي“ تۇرعىن ءۇي حاۋىپسىزدىگىن قامتاماسىزداندىرۋ قىزمەت نىساناسىنان جازباي، اۋىل - قىستاق بەيقۇت ءۇي ينجەنەريا قۇرىلىسىن بەلسەنە ىلگەرىلەتىپ، شارۋالاردىڭ نەگىزگى تۇرعىن ءۇي حاۋىپسىزدىگىنە شىنايى كەپىلدىك ەتتى. اۋىل - قىستاق بەيقۇت ءۇي ينجەنەرياسىن بار كۇشپەن اتقارىپ، ارحيۆ تۇرعىزىلىپ، كارتچكالاندىرىلعان 675 مىڭ 600 كەدەي وتباسىنىڭ تۇرعىن ءۇي حاۋىپسىزدىك ماسەلەسىن ءتۇيىندى تۇردە شەشتى، مۇنىڭ ىشىندە وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەردەگى 584 مىڭ 900 وتباسى قامتىلعان. 2019 - جىلدىڭ سوڭىندا اۋىل - قىستاق كەدەي حالقىنىڭ قاتەرلى ۇيلەردە تۇرۋ تاريحى تۇبەگەيلى اياقتاپ، كەدەي وتباسىلارىنىڭ تۇرعىن ءۇي حاۋىپسىزدىگىن قامتاماسىزداندىرۋ نىسانا - مىندەتى جاپپاي ورىندالىپ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزىپ، جاپپاي دوڭگەلەك داۋلەتكە جەتۋدىڭ شەشۋشى جەڭىسىنە قول جەتكىزۋگە بەرىك نەگىز قالاندى.
2016 - جىلدان بەرى تۇتاس رايون اۋىل - قىستاق بەيقۇت ءۇي ينجەنەريا قۇرىلىسى مىندەتى بويىنشا ءبىر ميلليون 187 مىڭ 700 تۇرعىن ءۇي سالىپ، 5 ميلليونعا جۋىق ەگىنشى - مالشى قاۋىم بەيقۇت ۇيگە، جايلى قونىسقا كوشىپ كىردى.
قازىر حاۋىپسىز، سەنىمدى، شىت جاڭا، يقۋاتى تولىق، ءوز ەرەكشەلىگىندە سالىنعان بەيقۇت ۇيلەر تيانشان الابىنداعى 8000نان استام قىستاقتا ەڭسە كوتەرىپ، ءار ۇلت بۇقاراسى بەيقۇت ۇيگە كوشىپ كىرىپ، تىڭ تۇرمىسقا بەت الدى.
