شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 10 - ايدىڭ 5 - كۇنى ۇرىمجىدەن حابارلايدى. ”13 - بەسجىلدىق“ كەزىندە، رايونىمىز نازاردى جىبەك جولى ەكونوميكالىق بەلدەۋى وزەكتى رايون قۇرىلىسى مەن قاتىناستا قۋاتتى ەل قۇرۋ قۇرىلىسىنا شوعىرلاندىرىپ، شينجياڭعا كىرىپ - شىعاتىن تەمىر جول، تاس جول ءىرى وتكەل قۇرىلىسىن زور كۇشپەن دامىتىپ، شينجياڭنىڭ ىشىندەگى تاس جول، تەمىر جول، حالىقتىق اۆياتسيا تورابىن كەمەلدەندىرىپ، ”شينجياڭنىڭ ىشىندە اينالمالى جەلى قالىپتاستىرۋ، شينجياڭعا كىرىپ - شىعۋدى تەزدەتۋ“ نىساناسىن جۇزەگە اسىرۋدى جەدەلدەتتى.
2016 - جىلدىڭ سوڭىندا رايونىمىزداعى تاس جولدىڭ جالپى ۇزىندىعى 182 مىڭ 100 كيلومەترگە (بيڭتۋاندى قامتيدى) جەتتى. 2019 - جىلدىڭ سوڭىنا دەيىن رايونىمىزداعى تاس جولدىڭ جالپى ۇزىندىعى 194 مىڭ 200 كيلومەترگە (بيڭتۋاندى قامتيدى) ۇزاردى، مۇنىڭ ىشىندە مەملەكەتتىك، ولكەلىك نەگىزگى تاس جولدىڭ جالپى ۇزىندىعى 34 مىڭ 400 كيلومەترگە جەتىپ، 2015 - جىلدىڭ سوڭىنداعىمەن سالىستىرعاندا جاڭادان 7761 كيلومەتر ۇزارعان؛ بۇكىل رايونداعى جوعارى قارقىندى تاس جولدىڭ جالپى ۇزىندىعى 5293 كيلومەتر بولىپ، بارلىق ايماق، وبلىس، قالا تۇگەلدەي جوعارى قارقىندى تاس جول داۋىرىنە قادام باستى؛ بۇكىل رايونداعى 105 اۋدان، قالا رايوندا 78 جوعارى قارقىندى (1 - دارەجەلى) تاس جول، 103 2 - دارەجەلى نەمەسە ودان جوعارى دارەجەلى تاس جول سالىندى.
شينجياڭنىڭ تەمىر جول قۇرىلىسى جىلدان - جىلعا جەدەلدەدى، باستابىنداعى ءبىر عانا تەمىر جولدان تارام تەمىر جولعا دامىپ، ودان بۇگىنگى كۇندەگى لانجوۋ - شينجياڭ جەلىسى، وڭتۇستىك شينجياڭ جەلىسى، ءۇرىمجى - جوڭعار جەلىسى، جىڭ - قۇلجا - قورعاس جەلىسى، لانجوۋ - شينجياڭ جوعارى قارقىندى تەمىر جولى سياقتىلاردى قامتىعان 3 تاۋ، 2 ويپاتتى كەسىپ وتەتىن شىت جاڭا جول تورابىن قالىپتاستىردى. بىلتىر قارامايلىدان شاۋەشەككە، بۇراتالاعا دەيىنگى تارماق جەلى تەمىر جولى سالىندى، شينجياڭنىڭ تەمىر جولدا قاتىناۋ ارالىعى 2016 - جىلعى 5869 كيلومەتردەن 2019 - جىلعى 6541.3 كيلومەترگە ۇزاردى.
”شينجياڭنىڭ ىشىندە اينالمالى جەلى قالىپتاستىرۋ، شينجياڭعا كىرىپ - شىعۋدى تەزدەتۋ“نىساناسىن كوزدەي وتىرىپ، شينجياڭنىڭ اۋەجاي تىعىزدىعى ۇزدىكسىز ارتتى. 2016 - جىلى شينجياڭدا 18 اۋەجاي سالىنىپ، 235 اۋە جولى اشىلىپ، ەل ىشىندە 68 قالا ءۇرىمجى اۋەجايىمەن قاتىناس بايلانىسىن ورناتتى. 2019 - جىلعا كەلگەندە، شينجياڭداعى اۋەجاي سانى 21گە، اشىلعان اۋە جولى 264كە جەتىپ، ەل ىشىندە 84 قالا ءۇرىمجى اۋەجايىمەن قاتىناس بايلانىسىن ورناتىپ، ”شينجياڭنىڭ ىشىندە توراپ قالىپتاستىرىپ، شىعىس - باتىسقا قانات جايۋ“سىندى اۋە جولى قۇرىلىسىن جەدەلدەتىپ، جىلدام، جوعارى ءونىمدى اۋە قاتىناسى تورابىن جەدەل قالىپتاستىردى.
