تيانشان تورى   ›   جاڭالىقتار   ›   شينجياڭ حابارلارى

بارلىق وتباسىنان شام ساۋلەسى جارقىرادى، بارشا جۇرت وتباسى، وتان قامىن ويلادى

حوۋ حۇي

  جۇڭچيۋ − مىڭ جىل جالعاسقان ۋادە؛ مەملەكەت مەرەكەسى − بايتاق جۇڭحۋا دالاسىنىڭ سالتاناتتى مەرەكەسى. ءبىرى بۇكىل ءۇي ىشىمەن باس قوسۋ بولعاندا، ەندى ءبىرى بۇكىل ەل بولىپ بىرگە شاتتىققا شومۋ بولىپ تابىلادى. بيىلعىداي ەرەكشە جىلدا قوس مەرەكەنىڭ قاتار كەلىپ، ونى ەل بولىپ ورتاق تويلاۋدىڭ ءمانى ءتىپتى دە تەرەڭ بولدى.

  اي تولعان شاقتا شام - شىراقتار سامالاداي جارقىرادى.

  ۇيدەگىلەر وتباسىندا قاۋىشىپ، جارقىراعان شام باۋىرمالدىقتى ايگىلەدى. جانۇيانىڭ باۋراۋ قۋاتى ەڭ زور. جانۇيا − كوڭىلىمىزدىڭ تۇكپىرىندەگى توتەنشە قانىق ءارى ەرەكشە قاستەرلى ءلاززات قاينارى.

  ول مەيىرىم نۇرى قۇيىلعان كوڭىل تياناعى − تەرەزەدەن كوزگە تۇسەتىن قۇت - بەرەكە شىراعى قايتار جولعا ءجون سىلتەيدى؛ قىز بالانىڭ قول تەلەفونداعى ءتاتتى داۋىسى بالانىڭ شەكسىز قيماستىعىن اڭعارتادى؛ تەلەفونداعى ءبىر اۋىز قاداعالاي تاپسىرۋ − ۇلكەندەردىڭ قاشاننان بەرگى قامقورلىعىنىڭ بەينەسى؛ ۋيچاتتاعى ءبىر مەرەكەلىك شاشۋ − ۇيدەگىلەردىڭ باقىتتى كۇلكىسى ىسپەتتى...

  حاۋىپ - قاتەر مەن قيىندىق الدىندا سانسىز وتباسى نيەتتەس بولدى.

  بيىل كوكتەمنەن كەيىن، شينجياڭ شىلىڭگىر جازدىڭ شىلدە ايىندا تاعى دا ىندەتتەن ساقتانۋ - تىزگىندەۋ شايقاستىق كۇيىنە ءوتتى. قاتاڭ سىناق الدىندا وتباسى ءبىزدىڭ كوكىرەك كەرە العا شىعىپ، ىندەتپەن ايانباي الىسۋداعى پارمەندى سۇيەنىشىمىز بولدى.

  بۇل ءبىر ەستەن كەتپەس شۋاقتى ەلەس − اكەسى ۇلىن ىندەتكە قارسى اتتانۋ ساپارىنا شىعارىپ سالدى، اناسى بالاسىنا ءوزىنىڭ ”قۇبىجىقتاردى سوعاتىنىن“ ايتتى، جاس جىگىت قالىڭدىعىنا ىندەتكە قارسى اتتانۋدان ورالعان سوڭ ۇيلەنۋگە ۋادە ەتتى، ەرىكتىلەر اتا - انالارىنا الىستان قاراپ، ەگىلە تۇرىپ قوشتاستى ...

  وسىناۋ ”شاعىن وتباسىن“قويا تۇرىپ، ”ۇلى شاڭىراق“ ءۇشىن كۇرەسكەن جاندار ءىس جۇزىندىك ارەكەتى مەن ىستىق قانى ارقىلى تامىلجىعان تابيعاتتان گورى وتباسى، وتان اناعۇرلىم رومانتيكالى بولاتىنىن؛ ەلجىرەي سىرلاسقاننان گورى ءوزىن وتانعا ارناۋدىڭ اناعۇرلىم اسەرلى بولاتىنىن ايقىن ۇعىندىردى.

  وسىنداي وتباسى مەن وتان ءبىر نيەت، ءبىر ماقساتتا بولعان ساتتەر مەن ناقتى ىستەر بۇل دۇنيەدەگى ەڭ تەرەڭ قاتپارلى، ەڭ باياندى سۇيىسپەنشىلىكتى اڭعارتىپ، بيىلعى جۇڭچيۋ مەرەكەسى مەن مەملەكەت مەرەكەسى سىندى ”قوس مەرەكەنىڭ توعىسۋىنا“وزگەشە ءمان ۇستەپ، ءاربىر ادامعا ”شاعىن وتباسى“مەن ”ۇلى شاڭىراقتىڭ“ءبىر - بىرىمەن تىنىستاس بولىپ، تىعىز ۇشتاسقانىن سەزىندىردى.

  وتباسى شاعىن مەملەكەت ىسپەتتى، وتان سانسىز وتباسىنان قۇرالعان. ءداۋىر وزگەرگەنىمەن، الەمنىڭ كوركەيۋى مەن كۇيرەۋىنە ەر ازاماتتىڭ ءبارى جاۋاپتى بولۋ سىندى جاسقانباي جاۋاپكەرشىلىك ارقالاۋ ەجەلدەن وزگەرگەن ەمەس؛ بۇل دۇنيە قۇبىلمالى بولعانىمەن، جۇڭحۋا ۇلتىنىڭ بەينەت پەن زەينەتتى بىرگە وتكەرەتىن، ىنتىماقتاسا ەكپىندەي ىلگەرىلەيتىن ىنتا - ىقىلاسى ەجەلدەن وزگەرگەن ەمەس. وسىنداي اسقاق وتباسى، وتان سۇيىسپەنشىلىگى تولاسسىز اققان وزەن ءتارىزدى جۇڭحۋا ۇلتىنىڭ قانىندا ماڭگى وركەشتەي اعىپ، تاريح تەگەرشىگىن العا قاراي اينالدىرۋدا ...

  ءاربىر بۇيرا تولقىن ءبارىبىر ەڭ سوڭىندا ۇلى تەڭىزگە قۇيادى.

  ءاربىر تامشى سۋدا تۇگەلدەي ەكپىندى كۇش - قۋات ساقتالادى.

  ءاربىر ”شاعىن وتباسى“تىنىش تا جاراسىمدى بولسا، قول ۇستاسا كۇرەس جاساسا، جەكە تۇلعا قۇنىنىڭ جۇزەگە اسۋى مەملەكەتتىڭ تاعدىرىمەن توعىسسا، جۇڭحۋا ۇلتى ”ۇلى شاڭىراعىنىڭ“كوركەيۋى سىندى تاريح كوشىن العا ىلگەرىلەتەدى.

  مىنە بۇل ەڭ تەرەڭ وتان، وتباسى سۇيىسپەنشىلىگى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءوندىرىستى قاۋىرت جۇرگىزىپ، كوكتەمگى ەگىسكە دايىندالدى
  • تاپسىرىستى بار كۇشپەن ۇلگىرتتى
  • بيڭتاڭشين الماسى قاۋىرت ساتىلدى
  • ءوندىرىس قاۋىرت، ساتىلىم كۇسەت
  • رەليستەردى جوندەستىرىپ، حاۋىپسىزدىكتى قامتاماسىزداندىردى