تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قىستاقتا تۇراتىن كادرلار بۇقاراعا مەيىر جەتكىزدى

شينجياڭ گازەتىنىڭ جالپىلىق اقپارات قۇرالدارى ءتىلشىسى گى يوۋجۇن

  مەملەكەت مەرەكەسى دەمالىسىندا رايونىمىزدىڭ ”ۇعىسۋ، تيىمدىلىك جاساۋ، توعىستىرۋ“بويىنشا قىستاقتاردا تۇراتىن قىزمەت اترەتتەرى ارالاۋ، حال سۇراۋ، وتباسىلارىنا بارىپ ۇگىت - لەكسيا جاساۋ، كۇزگى جيىن - تەرىنگە كومەكتەسۋ سياقتى تاسىلدەر ارقىلى ءار ۇلت بۇقاراسىمەن مەرەكەنى بىرگە وتكىزىپ، پارتيانىڭ مەيىرىن بۇقارانىڭ جۇرەگىنە ۇيالاتتى.

  10 - ايدىڭ 1 - كۇنى مەملەكەتتىك ساناق مەكەمەسى شينجياڭ تەكسەرۋ باس اترەتىنىڭ ءۇشتۇرپان اۋدانى جامانسۋ قىرعىز اۋىلى بوز قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“قىزمەت اترەتىنىڭ مۇشەلەرى ايكۇلشە، ۇن، ماي سياقتى مەرەكەلىك بۇيىمدارىن الىپ، كىرىسى تومەن وتباسىلارىنا بارىپ امانداسىپ، ولاردان مەرەكە بايلانىسىمەن حال سۇرادى ءارى ولاردىڭ ءوندىرىس، تۇرمىس بارىسىندا كەزىككەن قيىنشىلىقتارى مەن ماسەلەلەرىن ءبىر - بىرلەپ ۇعىستى. ارحيۆ تۇرعىزىلىپ، كارتچكالاندىرىلعان كەدەي وتباسى امينام ايۇپتىڭ ۇيىندە 7 جان بار، وسى بىرنەشە جىلدا قىزمەت اترەتىنىڭ كومەگىندە سىرتقا شىعىپ جۇمىس ىستەۋ، باعىمشىلىق كاسىبىن زور كۇشپەن دامىتۋ ارقىلى كىرىستەرى جىل سايىن جوعارىلادى. ”پارتياعا راقىمەت، ءبىز قازىرگى تاماشا تۇرمىسىمىزدى، ءسوز جوق، قاستەرلەيمىز. وتاننىڭ ءتىپتى دە گۇلدەنۋىن، بايۋىن، قۇدىرەتتەنۋىن تىلەيمىز!“، - دەدى امينام.

  10 - ايدىڭ 2 - كۇنى سانجى حۇيزۋ اۆتونوميالى وبلىستىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ موري قازاق اۆتونوميالى اۋدانى دۇڭچىڭ قالاشىعى جۇڭشيڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“قىزمەت اترەتىنىڭ باستىعى، ءبىرىنشى شۋجي جاڭ شينحىڭ اترەت مۇشەلەرىن باستاپ، قىستاق تۇرعىنى چىن پەيجۇننىڭ ۇيىنە كەلىپ امانداسىپ، حال سۇرادى ءارى ساياساتتى ۇگىتتەپ، ونىڭ كىرىستى ونان ارى ارتتىرۋ جوسپارىن جاساۋىنا كومەكتەستى. چىن پەيجۇن ءوزى مۇگەدەك، ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن. قىزمەت اترەتى جىل باسىندا ونى تازالىق ساقتاۋ الەۋمەتتىك قىزمەت ورنىنا ورنالاستىرىپ، ونىڭ تۇراقتى كىرىس تابۋىنا مۇمكىندىك جاسادى. مۇنان سىرت، قىزمەت اترەتى تاعى ونىڭ باعىمشىلىق كاسىبىن دامىتىپ، كىرىسىن ارتتىرۋىنا قولداۋ كورسەتتى. ”ساياسات بارعان سايىن جاقساردى، مەن قايراتتانا ءتۇسىپ، تۇرمىسىمدى ءتىپتى دە جاقسارتامىن“، - دەدى چىن پەيجۇن نىق سەنىممەن.

  قوس مەرەكە كەزىندە قارامايلى قالاسى ورقى رايوندىق ساياسي كەڭەس ورگانىنىڭ وسى رايوننىڭ ليۋشۋ ءمالىسى ليۋيۋان الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“قىزمەت اترەتى بۇقاراعا قامقورلىق جاساۋ، قىزمەت وتەۋدەن باستاپ ىسكە كىرىسىپ، جەلىلەس ”مەيىر ينجەنەرياسىن“ ورىستەتتى. ولار قاراستى اۋماقتاعى 56 ۇيدە جالعىز قالعان قارت، ەرەكشە قاۋىم، كەدەي وتباسى قاتارلىلارعا مەرەكەلىك ۇلكەن سي ۇسىندى ءارى تۇرعىنداردىڭ تۇرمىستاعى ”ءتۇيىندى شاعىن ماسەلەلەرىن“شەشۋىنە كومەكتەستى. الەۋمەتتىك اۋماق تۇرعىنى ي شۋحۋانىڭ بالالارى قىزمەت سەبەبىنەن ۇيلەرىنە قايتىپ قاريامەن بىرگە مەرەكە وتكىزە المادى. قىزمەت اترەتىنىڭ مۇشەلەرى مەن الەۋمەتتىك اۋماق قىزمەتكەرلەرى قاراستى اۋماقتاعى قاقتاۋ دۇكەنىنىڭ پىسىرۋشىسىمەن كۇنى بۇرىن بايلانىس جاساپ، ي شۋحۋا سياقتى جالعىز قالعان قارتتارمەن بىرگە ايكۇلشە پىسىرۋدى ۇيىمداستىردى. كوپشىلىك جۇمىس ءبولىسىپ سەلبەسە ىستەپ، ”تۋىسقاندىق“تىزبەك جەلىسىن قالىپتاستىردى، مەيىرگە تولى ايكۇلشەلەر پەشتەن پىسىپ شىققاندا قارتتاردىڭ جۇزىنەن شاتتىق كۇلكىسى ەستى. كوپشىلىك وسى مەملەكەت مەرەكەسىن كەشىگىپ كەلگەن كوكتەم مەرەكەسى سياقتى وتكىزدىك دەستى.

  ”قىزمەت اترەتىنىڭ ماقتامدى جيناسقاندىعىنا العىس ايتامىن، شىن نيەتپەن ولاردى القايمىن“، - دەدى 10 - ايدىڭ 4 - كۇنى ماناس اۋدانى لانجوۋۋان قالاشىعى شياچياۋزى قىستاعىنىڭ تۇرعىنى يە دىچيڭ.

  يە دىچيڭ بيىل 1000 مۋ جەرگە ماقتا ەككەن بولاتىن. جۋىردا ول ابايسىزدا جىعىلىپ جارالانىپ شيپاحاناعا جاتىپ، ۇيىندە ايەلى جالعىز قالدى، ماقتا جيناۋ مەزگىلى تاياپ قالعاندىقتان، يە دىچيڭ قاتتى ابىرجىدى. ماناس اۋداندىق سالىق ىستەرى مەكەمەسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“قىزمەت اترەتىنىڭ باستىعى لۋ يانجۇڭ ارالاپ جاعداي ۇعىسۋ بارىسىندا وسى جاعدايدى بىلگەننەن كەيىن، دەرەۋ قىزمەت اترەتىنىڭ مۇشەلەرىن باستاپ، كورشى قىستاقتان 2 ماقتا جيناۋ ماشيناسىن جانە تاسۋ ماشيناسىن سايكەستىرىپ، يە دىچيڭ مەن باسقا قىستاق تۇرعىندارىنىڭ ماقتا جيناۋىنا كومەكتەستى. قازىر يە دىچيڭ وتباسىنىڭ ماقتاسى تۇگەلدەي جينالىپ بولدى ءارى ءشيت ايىرۋ زاۆودىنا ساتىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى