تيانشان تورى   ›   جاڭالىقتار   ›   عىلىم جالپىلاستىرۋ

”جاسىل اۋىل شارۋاشىلىعىنىڭ كرەمنيلى اڭعارىن“ تۇلعالاۋ ءساتتى جۇرىلۋدە

− سانجى مەملەكەتتىك اۋىل شارۋاشىلىق عىلىم - تەحنيكا باقشا رايونىنان كورگەن - بىلگەندەرىمىز

شينجياڭ گازەتىنىڭ جالپىلىق اقپارات قۇرالدارى تىلشىلەرى ۋاڭ يۇڭفي، ليۋ شياڭ

  10 - ايدىڭ 4 - كۇنى شينجياڭ اۋىل شارۋاشىلىق كورمە باقشاسىنداعى اينەك جىلىجايدىڭ ىشىندە، ماشينا تەكشەلەرىندە قاتار - قاتار وسىرىلگەن قالۋەندەر جاپ - جاسىل بولىپ جايقالىپ، كوز تارتادى. بۇل شينجياڭ كىچۋاڭ تياندا اۋىل شارۋاشىلىق ينجەنەرياسى شەكتى سەرىكتەستىگى كورمەگە قويعان ەڭ جاڭا ۇرپاق بۇكىلدەي اۆتوماتتى فابريكالاندىرىلعان كوكونىس ءتىرى ورگانيزمىن ءوسىرۋ جۇيەسى ەدى.

  ”بۇل تەحنيكا اۆتوماتتاندىرۋ، سۋ مەن تىڭايتقىشتى ءبىر تۇلعالاندىرۋ سياقتى تەحنيكالاردى شوعىرلاندىرىپ، تۇرلىشە وسىمدىكتەردىڭ تۇرلىشە وندىرىستىك اينالىمىنا نەگىزدەلە وتىرىپ، قورەكتىكپەن قامداۋدى اۆتوماتتى رەتتەپ، وسىمدىكتەردىڭ وندىرىستىك اينالىمىن ءونىمدى قىسقارتادى. بۇرىنعى توپىراقسىز ءوسىرۋ تەحنيكاسىمەن سالىستىرعاندا، ادام كۇشىنىڭ جارتىسىن ۇنەمدەۋگە بولادى“، - دەدى سەرىكتەستىكتىڭ ءوندىرىس ءبولىمىنىڭ ديرەكتورى مۋ شياۋيۇن تىلشىگە.

  شينجياڭ اۋىل شارۋاشىلىق كورمە باقشاسى − سانجى مەملەكەتتىك اۋىل شارۋاشىلىق عىلىم - تەحنيكا باقشا رايونىنىڭ وسى زامانعى اۋىل شارۋاشىلىعى جاڭا تەحنيكالارىن، تىڭ تابىستارىن ايگىلەيتىن ۇلگى كورسەتۋ تەرەزەسى. جىبەك جولى ەكونوميكالىق بەلدەۋىندەگى دامۋعا جاڭالىق اشۋ ارقىلى دەم بەرۋ سىناق رايونىن الدىمەن قۇرۋداعى ءتۇيىندى باقشا رايونى رەتىندە، سانجى مەملەكەتتىك اۋىل شارۋاشىلىق عىلىم - تەحنيكا باقشا رايونى اۆتونوميالى رايون تۇراقتاندىرعان مەملەكەتتىك اۋىل شارۋاشىلىق جوعارى، جاڭا تەحنيكا كاسىپ سالاسىن قۇرۋدان ۇلگى كورسەتۋ رايونى، مۇنىڭ ماقساتى شينجياڭنىڭ ”جاسىل اۋىل شارۋاشىلىعى كرەمنيلى اڭعارىن“ تۇلعالاۋ.

  ”ءبىز شيتيانگۋانىڭ 14 ءتۇرلى جاڭا سورتىن مەملەكەتتىك نەگىزگى اۋىل شارۋاشىلىق داقىلدارىنا جاتپايتىن سورت تىزىمىنە الدىرۋعا ءوتىنىش ەتىپ وتىرمىز، بۇرىن تىزىمگە الدىرعان 27 ءتۇردى قوسقاندا، شيتيانگۋانىڭ جاڭا سورتى 41 تۇرگە جەتەدى“، - دەدى شينجياڭ نۇڭرىن تۇقىم عىلىم - تەحنيكا شەكتى جاۋاپكەرلىك سەرىكتەستىگىنىڭ باس ديرەكتورى ليۋ حۇڭ.

  سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونىندا نۇڭرىن تۇقىم عىلىم - تەحنيكا سەرىكتەستىگىن ۋاكىل ەتكەن ءبىر توپ تۇقىم جەتىلدىرۋ كاسىپورنى شيتيانگۋانىڭ جاڭا سورتىن جەتىلدىرۋگە كۇش سالۋدا، شيتيانگۋانىڭ ساپالى تۇقىمىن جەتىلدىرۋدەن ۇلگى كورسەتۋ، جالپىلاستىرۋ بۇكىل شينجياڭداعى 80 نەشە اۋداندى، قالا رايونىن، ەل ىشىندەگى 30 ولكەنى، رايوندى، قالانى، سونداي - اق امەريكا، اۆستراليا، نيدەرلاند سياقتى 15 مەملەكەت پەن رايوندى قامتىدى. كەزەكتە بۇل باقشا رايونىندا تۇقىم شارۋاشىلىعى باستاماشى كاسىپورىندارىنان 30 نەشەسى بار، جۇگەرى، ءبيداي، قىزاناق، شيتيانگۋا سياقتى كوپتەگەن ساپالى جاڭا سورتتاردى جەتىلدىرۋدە. ”باتىس بولەكتەگى تۇقىم شارۋاشىلىعى ورتالىعى“ وسى ارادا قالىپتاسۋدا.

  كۇزگى جيىن - تەرىن مەزگىلىندە سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونىنداعى لاۋلۇڭحى ۇلگى كورسەتۋ رايونى ماقتا اتىزىندا، سانجى قالاسى نۇڭجىشين اۋىل شارۋاشىلىق ماشينالارى كاسىپتىك سەلبەستىك كووپەراتيۆىنىڭ ماقتا تەرۋ ماشيناسى قۇيعىتىپ ءجۇر. بۇل ارادا ماقتانى ەگۋ، تەرۋ جۇمىستارى تۇگەلدەي ماشينالاسقان، ءتىپتى، زەردەلىلەنگەن، نۇڭجىشين سەلبەستىك كووپەراتيۆى بۇكىل مەملەكەتتەگى 20 مىقتى اۋىل شارۋاشىلىق ماشينالارى كاسىپتىك سەلبەستىك كووپەراتيۆىنىڭ قاتارىنا وتكەن.

  سوڭعى جىلدارى سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونى زات ماتەريالدىق ينتەرنەتى، 3S تەحنيكاسى، بۇلتتىق قىزمەت وتەۋ سياقتى وزىق عىلىم - تەحنيكالىق تاسىلدەردەن تولىق پايدالانىپ، اۋىل شارۋاشىلىعى تۇتاس ءوندىرىس جەلىسىن ءبىر تۇلعالاندىرۋ ينفورماتسيالىق تىرەك جۇيەسىن قالىپتاستىرىپ، ”ينتەرنەت +“ سىندى وسى زامانعى اۋىل شارۋاشىلىعى جوباسىن جاسادى.

  10 - ايدا جۇيجۇيدان مول ءونىم الاتىن مەزگىلدىڭ كەلۋىنە ىلەسە، شينجياڭ جىڭشىڭ قورەكتىك زەرتتەۋ ورنى (شەكتى سەرىكتەستىگى) تاعى دا جاڭا كەزەكتى جۇيجۇي ۇنتاعىن ءوندىرۋ مەزگىلىن كۇتىپ الدى. بۇل سەرىكتەستىك جۇيجۇي، نوقات، ءبيداي جانە جۇگەرى سياقتى اۋىل شارۋاشىلىق داقىلدارىن جىنتىكتەي مانەرلەيدى. ”ءبىز وندىرگەن جۇيجۇي ۇنتاعى مەن پولي پەپتيد بۇكىل ەلىمىزدىڭ جەر - جەرىنە ساتىلادى“، - دەدى سەرىكتەستىكتىڭ باس ديرەكتورى حوۋ فۋلياڭ.

  جىڭشىڭ قورەكتىك زەرتتەۋ ورنى سياقتى، سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونى وسى زامانعى اۋىل شارۋاشىلىعىنىڭ جىنتىكتەي مانەرلەۋ ۇلگى رايونىن دانەكەر ەتىپ، حۇي - ىر، چاڭلياڭ توبى، دابەينۇڭ سياقتى باستاماشى كاسىپورىنداردان 50 نەشەسىن ەنگىزىپ، اۋىل شارۋاشىلىق قوسىمشا ازىق - تۇلىكتەرىن مانەرلەۋ، اۋىل شارۋاشىلىعى بيو تەحنيكاسى، اۋىل شارۋاشىلىق قۇرال - جابدىقتارىن، اۋىل شارۋاشىلىق ماشينالارىن جابدىقتاۋ سياقتى كاسىپ سالاسىن شوعىرلى دامىتۋدى جۇزەگە اسىردى.

  مەملەكەت مەرەكەسىندەگى دەمالىستا، شينجياڭ اۋىل شارۋاشىلىق كورمە باقشاسىندا ساياحاتشىلار ءيىن تىرەسەدى. سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونى ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن تياناقتاندىرىپ، مەملەكەتتىك اۋىل شارۋاشىلىق باقشاسى قۇرىلىسىن ىلگەرىلەتىپ، يىنشياڭ شييۇي حالىقارالىق مادەنيەت - ساياحات كاسىپ باقشاسى، شينجياڭ اۋىل شارۋاشىلىق كورمە باقشاسى، حۋاشيڭ يوۋيوۋگۋ، لاۋلۇڭحى توراڭعى ورمانى كورىنىس ءوڭىرى سياقتى ءتۇيىندى نىسانداردى اتقارىپ، اۋىل شارۋاشىلىعىن ساياحات، سەيىل - سەرۋەن، وقۋ - اعارتۋ، مادەنيەت، دەنساۋلىق كۇتىمدەۋ سياقتى كاسىپ سالالارىمەن ىشكەرىلەي توعىستىرىپ، عىلىم - تەحنيكا جارمەڭكەسى، تۇقىم ساۋدا جارمەڭكەسى، كۇرەڭكەي گۇلى مەرەكەسى سياقتى ءىرى تيپتەگى كورمە، مەرەكەلىك جينالىستاردى ءوزارا ىقپالداستىرىپ، زەرتتەۋ - ۇيرەنۋ - ساياحاتتاۋ سياقتى تىڭ كاسىپ كۇيىن قارىشتاتا دامىتتى.

  اۋىل شارۋاشىلىعىن جوعارى ساپالى دامىتۋدى ىلگەرىلەتۋ، سايىپ كەلگەندە، حالىق تۇرمىسىنا تيىمدىلىك جەتكىزۋ ءۇشىن بولىپ تابىلادى. سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونى تابىستاردى كادەگە جاراتۋدى جانە جالپىلاستىرىپ قولدانۋدى كۇشەيتىپ، ”ەگىنشىلەرگە ىستەپ كورسەتتى، ەگىنشىلەردى ىستەۋگە ۇيرەتتى، ەگىنشىلەردى بايۋعا باستادى“. باقشا رايونىندا ءبيداي، ماقتا، مانەرلەنگەن قىزاناق سىندى 3 ءتۇرلى نەگىزگى داقىلدىڭ ورتاشا بىرلىك ءونىمى بۇكىل شينجياڭنىڭ ورتاشا ورەسىنەن جەكە - جەكە %25.4، %35، %34.4 جوعارى بولدى.

  بۇگىنگى كۇندە سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونى جاڭالىق اشۋ تۇعىرلارى قۇرىلىسىن، جاسامپاز دارىندىلار قوسىنى قۇرىلىسىن، عىلىم - تەحنيكالىق جەتىلدىرۋ جۇيەسى قۇرىلىسىن، قارجى قوسۋ مەحانيزمىن زەرتتەپ اشۋ قۇرىلىسىن ءبىر تۇلعالاندىرعان عىلىم - تەحنيكادا جاڭالىق اشۋ جۇيەسىن قالىپتاستىرىپ، عىلىم - تەحنيكادا جاڭالىق اشۋ قۋاتىن ءونىمدى جوعارىلاتىپ، 1 -، 2 -، 3 - كاسىپتەردىڭ توعىسۋىن جەدەلدەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى