شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 10 - ايدىڭ 6 - كۇنى ۇرىمجىدەن حابارلايدى. ”13 - بەسجىلدىق“ كەزىندە، رايونىمىز قالا - قالاشىقتاندىرۋ كەڭىستىك جۇيەسىن كۇش سالا ساپالىلاندىرىپ، قالا نەگىزدىك قۇرىلعىسىنداعى ولقىلىقتاردى تولىقتاپ، قالا اۋماعىن جەدەل كەڭەيتتى. ساندى مالىمەتتەر مىنانى كورسەتتى: 2015 - جىلدان 2019 - جىلعا دەيىن رايونىمىزدا قالا (اۋدان قالاشىعى) قۇرىلىسى اۋماعى 1683.49 شارشى كيلومەتردەن ارتىپ، 1898.07 شارشى كيلومەترگە جەتكەن (بيڭتۋاندى قامتىمايدى).
”13 - بەسجىلدىق“ كەزىندە، رايونىمىز اۋداندى كۇشىنەن قالدىرىپ قالا قۇرۋ، ايماقتى كۇشىنەن قالدىرىپ قالا قۇرۋ، جاڭا قالا قۇرۋ سياقتى اكىمشىلىك رايونعا ءبولىپ رەتتەۋدى جەدەلدەتىپ، اۋداندى كۇشىنەن قالدىرىپ قالا قۇرۋ بويىنشا كۇشار قالاسىن، ايماقتى كۇشىنەن قالدىرىپ قالا قۇرۋ بويىنشا تۇرپان قالاسىن، قۇمىل قالاسىن قۇرىپ، بيڭتۋاننىڭ شوعىرلى تۇتاسقان تىڭ يگەرۋ وڭىرلەرىندە قالا قۇرۋ اياق الىسىن جەدەلدەتۋىن قولداپ، كۇنيۇي قالاسى، حۋياڭحى قالاسى سياقتى قالالاردى جاڭادان قۇردى. قازىرگە دەيىن رايونىمىزداعى قۇرىلىمدىق قالالار 30عا جەتىپ، قۇرىلىمدىق قالا سانى ”12 - بەسجىلدىقتىڭ“ سوڭى كەزىندەگىدەن بەسەۋى ارتتى. مۇنىڭ ىشىندە ايماق دارەجەلى 2 قالا قوسىلدى.
قالا كەڭىستىگىن كەڭەيتۋ بارىسىندا، قالا نەگىزدىك قۇرىلعى قۇرىلىسى دا ورنىقتى ىلگەرىلەدى. 2019 - جىلدىڭ سوڭىنا دەيىن رايونىمىزداعى بارلىق قالالار تۇرمىس قوقسىعىن ءبىر جايلى ەتۋ قابىلەتىن تولىق ازىرلەپ (بيڭتۋاندى قامتىمايدى)، قالا - قالاشىق تۇرمىس قوقسىعىن كومىپ ءبىر جايلى ەتۋ ورنىنان 103ى سالىنىپ، زالالسىزداندىرىپ ءبىر جايلى ەتۋ سالىستىرماسى 2015 - جىلعى ％66.47تەن جوعارىلاپ، 2019 - جىلى ％88كە جەتتى.
قالا كولەمى كەڭەيۋمەن قاتار، ەكولوگيالىق ورتادا دا كورنەكتى وزگەرىستەر تۋىلدى. سوڭعى جىلدارى رايونىمىزدا جان باسىنا تۋرا كەلەتىن باقشا، كوگال جەر اۋدانى ۇزدىكسىز ارتىپ، ءتۇرلى باقشا، كوگالدار ءارقايسى ايماق، وبلىس، قالا، قالا رايونى كولەمىندە بارلىق جەرگە تارالىپ، ”جاسىل القاپتى بار جەردەن كورۋگە بولاتىن“، ”اتتاپ باسقان جەردەن باقشاعا جەتەتىن“ جاعداي جۇزەگە استى. مۇنان سىرت، رايونىمىز تاعى ۇلپا قالا، سۋ ۇنەمدەگىش قالا قۇرىلىسىن كۇش سالا ىلگەرىلەتىپ، قالالار بارعان سايىن ”تولىسىپ“، ”جاقسارىپ“ كەلەدى.
