شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي
مەملەكەت مەرەكەسى مەن جۇڭچيۋ مەرەكەسىن بىرگە تويلاۋ دەمالىستاعى بازارلارعا ومىرشەڭدىك الا كەلدى. ىندەتتەن ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرۋ العى شارتىندا، رايونىمىز ”ءجۇز كۇندە مىڭ كاسىپورىن شينجياڭعا توپتاسا تيىمدىلىك جەتكىزۋ“ تۇتىنۋدى ىلگەرىلەتۋ ماۋسىمى قيمىلىن ورىستەتتى، ءارقايسى ءىرى ساۋدا سارايلارى، ەرەن بازارلار، قوناق ۇيلەر سياقتى ناقتى دۇكەندەر ىركەس - تىركەس ۇتىمدى شارا قولدانىپ، الارمانداردى باۋراپ، ىشكى سۇرانىستى پارمەندى جەتەكتەدى، كوپتەگەن كورسەتكىشتەر بىلتىرعى سايكەس مەزگىلدەگىدەن جاقسى بولدى.
ساۋدا سارايلارىنىڭ، ەرەن بازارلاردىڭ تيجارات سوماسى ارتتى
10 - ايدىڭ 6 - كۇنى ءۇرىمجى قالاسى يوۋحاۋ بايشىڭ زات ساتىپ الۋ ورتالىعى، ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ۋاندا ساۋدا سارايى سياقتى كوپتەگەن ءىرى ساۋدا سارايلارىنان، ەرەن بازارلاردان ”200 يۋانعا تولسا 50 يۋان قايتارىلادى“، ”300 يۋانعا تولسا 200 يۋان ۇسىنىلادى“، ”10 پايىزدان 50 پايىزعا دەيىن ارزانداتىپ ساتىلادى“، ”ايرىقشا جەڭىلدىك“ سياقتى ارزانداتۋ جارناما قاعازدارىن بارلىق جەرىنەن كەزدەستىرۋگە بولادى، كاسساعا ادامدار ۇزىننان - ۇزاق كەزەككە تۇردى.
ءۇرىمجى قالاسى بەيجيڭ جولى حۇيجيا شىداي زات ساتىپ الۋ ورتالىعىنداعى ءبىر ايگىلى ماركالى كيىم - كەشەك دۇكەنىندە كيىمدى كيىپ كورىپ تۇرعان تۇتىنۋشى ۋاڭ شي - ۋي بىلاي دەدى: ”ناقتى كيىم - كەشەك دۇكەنىندە زور كولەمدەگى تيىمدىلىك قيمىلدارى بولىپ قالماستان، تاعى كيىپ كورۋگە بولادى ەكەن، ينتەرنەتتەن ساتىپ العاننان كيىپ كورىپ العان جاقسى عوي“.
الارمانداردىڭ تۇتىنۋداعى سەزىنۋىن ارتتىرۋ ءۇشىن، ۇرىمجىدەگى ءارقايسى ءىرى ساۋدا سارايلارى ىركەس - تىركەس مۋزيكالىق ورىنداۋ، كوركەمونەرلىك گاسترول سياقتى قيمىلدار ۇسىندى. ءۇرىمجى قالاسى CCMALL ءداۋىر الاڭى جۇمىس جۇرگىزۋ ءبولىمىنىڭ ديرەكتورى ۋاڭ يانليڭ بىلاي دەپ تانىستىردى: ”دەمالىس كەزىندە، جەڭىلدىك قيمىلدارى ورىستەتىلۋدەن تىس، تاعى ەرەن قابىلەتپەن عاجايىپ ويىن كورسەتۋ، اقىلدى ەرمەك حايۋانداردىڭ سەرۋەندەۋى سياقتى جەلىلەس قيمىلدار ۇيىمداستىرىلدى، بۇل بازاردى جانداندىرىپ، تۇتىنۋدى پارمەندى جەتەكتەدى“.
ءتىلشىنىڭ اۆتونوميالى رايوندىق ساۋدا مەڭگەرمەسىنەن ۇعىسۋىنا قاراعاندا، قوس مەرەكە دەمالىسىنىڭ العاشقى 4 كۇنىندە، بۇكىل رايونداعى ءتۇيىندى باقىلانعان 152 ءىرى ساۋدا سارايلارى، ەرەن بازارلار ساتىلىم سوماسىن 380 ميلليون يۋانعا جەتكىزىپ، سايكەس مەزگىلدەگىدەن ％8.57 ارتتىرعان.
وركەنيەتتى تاماقتانۋ سالتقا اينالدى
مەرەكە كەزىندە، ءبىر ءۇيلى جاننىڭ نەمەسە بىرنەشە دوس - جاراننىڭ سىرتقا شىعىپ تاماقتانۋى دا بولىپ تۇراتىن جايت.
10 - ايدىڭ 6 - كۇنى ءۇرىمجى قالاسى يوۋحاۋ سولتۇستىك جولىنا ورنالاسقان مەيمەي يوۋحاۋ زات ساتىپ الۋ ورتالىعىنىڭ 5 - قاباتىنداعى اس - سۋ الاڭىندا قوناقتاردىڭ اياعى ۇزىلمەدى، ءارقايسى اسحانالار ىركەس - تىركەس تيىمدىلىك قيمىلدارىن ورىستەتىپ، قاريدارلاردى باۋرادى.
ءتىلشى ءاربىر ۇستەلدە تۇگەلدەي ورتاق قاسىق جانە ورتاق ساقپى بار ەكەندىگىن بايقادى، تۇتىنۋشى يۋان ياجۇن: ”قازىر تاعامجايلارعا بارىپ تاماقتانعاندا، جۇرتتىڭ ءبارى ورتاق قاسىق جانە ورتاق ساقپى ىستەتۋگە ادەتتەنىپ كەتتى، بۇل تاماقتانۋدىڭ جاڭا سالتىنا اينالدى“، - دەدى.
مۇنان تىس، كوپتەگەن اس - سۋ ورىندارى ۇنەمشىلدىك ىستەۋدە ىركەس - تىركەس كەرەمەت ءادىس قولداندى، ايتالىق، تاماق سالىپ اكەتەتىن قالبىردى تەگىن بەردى، نەمەسە تۇتىنۋشىلارعا اناعۇرلىم ۇيلەسىمدى تاماق بۇيىرتۋ ۇسىنىستارىن بەردى، نەمەسە از مولشەردەگى تاماق جوباسىن ۇسىنىپ، تۇتىنۋشىلاردى جاسىل تۇتىنۋعا باستادى. ءۇرىمجى قالاسى دوستىق وڭتۇستىك جولىنا ورنالاسقان شۋنشۇي بالىق ەتى تاعامجايىندا قالا تۇرعىنى جاڭ چيۋچىڭ تاماق بۇيىرتقاندا، كۇتۋشى ادام سانىنا ساي بالىقتىڭ ۇلكەندىگى جانە قۋىرماش تاڭداۋ جونىندە ۇسىنىس بەردى.
”قازىر اسحانالار بىزگە قاجەتكە ساي قۋىرماش بۇيىرتۋعا ۇسىنىس بەرەدى، وسىلاي بولعاندا ىسىراپشىلدىقتان ساقتانۋعا بولادى“، - دەدى جاڭ چيۋچىڭ.
”دەمالىس كەزىندە اس - سۋ بازارىنداعى تۇتىنۋ دۋماندى بولدى“. ءۇرىمجى اس - سۋ قىزمەت وتەۋ كاسىبى قوعامىنىڭ باس حاتشىسى باي جيڭتاڭ بىلاي دەدى: ءۇرىمجىنىڭ اس - سۋ تۇتىنۋ بازارى الۋان تۇرلىلەنۋ، ەرەكشەلەنۋ، ساپالىلانۋعا قاراي دەڭگەيىن جوعارىلاتتى. اس - سۋدىڭ ەرەكشەلىگى، ءدامى، سەزىنۋ سيپاتى سياقتىلار تۇتىنۋشىلاردىڭ جاڭا تالپىنىسىنا اينالدى؛ ايتۋلى ماركا، ەرەكشە اس - سۋ، جەرگىلىكتى جەڭىل تاعامدار سياقتىلاردى ساياحاتشىلار قاتتى ۇناتتى؛ تەز تاماق، شاي - سۋسىن، تۇنگى تاماق سياقتىلار بۇقارانىڭ تىنىعىپ كوڭىل اشۋداعى تۇتىنۋ قاجەتىن اناعۇرلىم قاناعاتتاندىرۋدا.
ۇلكەن تاۋارلاردىڭ ساتىلۋى كۇسەت
10 - ايدىڭ 6 - كۇنى ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونى) ۋاندا ساۋدا سارايى سۋنيڭ يگوۋ دۇكەنىندە، ”90 - جىلداردىڭ تۇلەگى“، قالا تۇرعىنى ۋ بيڭشين جاڭا وتاۋىنا قاجەتتى زاتتار الۋدا، ”باعاسىن سالىستىرىپ كورسەم، مەملەكەت مەرەكەسىندە ءوتىمىن جەدەلدەتۋ تەبىنى شىنىمەن زور ەكەن، ءۇي ەلەكتر جابدىقتارىن ساتىپ العاندا ءبىرتالاي اقشا ۇنەمدەدىم، تاعى قول تەلەفوندا تاپسىرىس بەرسە، ۇيگە دەيىن جەتكىزىپ بەرەدى، ءتيىمدى دە قولايلى بولدى“.
شينجياڭ سۋنيڭ يگوۋدىڭ باس ديرەكتورى حان لەي بىلاي دەپ تانىستىردى: مەرەكە كەزىندە سۋنيڭ 100 مىڭ ءوتىمدى ۇلگىدە تاۋار دايىندادى، سونىمەن بىرگە تولسا ازايتۋ، تولىعىمەن ساتىپ العان تاۋار سوماسى ولشەمگە جەتسە، سول جەردەگى ءۇي ەلەكتر جابدىقتارىن ۇسىنۋ سياقتى تيىمدىلىكتەردى شىعارىپ، ءۇي ەلەكتر جابدىقتارىنىڭ كونەسىن جاڭاعا الماستىرۋ، جاسىل بولۋ، ەنەرگيا ۇنەمدەۋ قوسىمشا قاراجاتى، تولىعىمەن ساتىپ السا تيىمدىلىك جاساۋ سياقتى شارالار ءۇي ەلەكتر جابدىقتارى ونىمدەرىنىڭ ساتىلىم مولشەرىن جوعارىلاتۋدا ونىمدىلىگى ايرىقشا كورنەكتى بولدى.
ءتىلشى ءارقايسى ءۇي ەلەكتر جابدىقتارى ساۋدا سارايلارىندا، پايدالانۋشىلاردىڭ الۋان تۇرلىلەنۋ جانە دارالاندىرۋ قاجەتىنە نەگىزدەلىپ، جاسىل، زەردەلى ءۇي ەلەكتر جابدىقتارىنىڭ تۇتىنۋى ۇلكەن اۋقىمعا اينالعانىن بايقادى.
حان لەي بىلاي دەپ تانىستىردى: زەردەلى ءداۋىردىڭ كەلۋىنە ىلەسە، زەردەلى تاۋارلاردىڭ ساتىلۋى ۇزدىكسىز كۇسەت بولۋدا، تۇرمىس ساپاسىن جوعارىلاتاتىن جانە جاقسارتاتىن ءار ءتۇرلى زەردەلى شاعىن ءۇي ەلەكتر جابدىقتارىن دا تۇتىنۋشىلار ۇناتىپ ساتىپ الادى.
10 - ايدىڭ 3 - كۇنىنەن 8 - كۇنىنە دەيىن، شينجياڭ حالىقارالىق كورمە ورتالىعى حالىققا تيىمدىلىك جاساۋ بويىنشا اۆتوكولىك ساتىپ الۋ مەرەكەسىن وتكىزدى. اۆتوكولىك كورمەسىندە اۆتوكولىك ساتىپ السا، ەڭ جوعارى بولعاندا 3500 يۋان قوسىمشا قاراجاتتان يگىلىكتەنەدى، ءارقايسى ءىرى اۆتوكولىك ساتۋشى ساۋداگەرلەر دە اۆتوكولىك ساتىپ الۋ سي - سياپاتىن ۇسىنىپ، اۆتوكولىك تۇتىنۋ بازارىن قىزدىرا ءتۇستى.
قالا تۇرعىنى چىن شياڭجۇن اۆتوكولىك كورمەسىندە ءبىر SUV اۆتوكولىگىن ايىرباستاپ ساتىپ الدى، ”مەرەكە كەزىندەگى ءارقايسى تيىمدىلىكتەر بويىنشا قوسىمشا قاراجات بەرۋدىڭ تەبىنى ءبىرشاما زور، ناق اقشاعا سايادى، جاڭا اۆتوكولىك ايىرباستاپ ساتىپ الۋ ءبىرشاما ءتيىمدى بولدى“، - دەدى ول.
ساندى مالىمەتتەردە كورسەتىلۋىنشە، مەرەكەنىڭ الدىڭعى 3 كۇنىندە، ءار ءتۇرلى اۆتوكولىكتىڭ ءوتىمىن جەدەلدەتۋ قيمىلدارى اۆتوكولىك ساتىپ الۋ مولشەرىن سايكەس مەزگىلدەگىدەن ％38.56 جوعارىلاتقان.
