شينجياڭ گازەتىنىڭ جالپىلىق اقپارات قۇرالدارى ءتىلشىسى شيە حۇيبيان 10 - ايدىڭ 6 - كۇنى ۇرىمجىدەن حابارلايدى. تاياۋدا، اۆتونوميالى رايوندىق عىلىم - تەحنيكا مەڭگەرمەسى ”ماقتا ساپالى، ءتۇسىمدى، جوعارى ءونىمدى ولشەمدەنگەن ءوندىرىس تەحنيكاسىنان شوعىرلى ۇلگى كورسەتۋ نىسانى“ جانە ”شينجياڭ ءسۇت شارۋاشىلىعىندا جاڭالىق اشۋ نىسانى“ سىندى 2020 - جىلداعى 2 ەلەۋلى عىلىم - تەحنيكا ارناۋلى نىسانىن ارت - ارتىنان باستاپ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋگە، اۋىل - قىستاقتاردىڭ گۇلدەنۋىن جاپپاي ىلگەرىلەتۋگە دەم بەردى.
”ماقتا ساپالى، ءتۇسىمدى، جوعارى ءونىمدى ولشەمدەنگەن ءوندىرىس تەحنيكاسىنان شوعىرلى ۇلگى كورسەتۋ نىسانى“ شينجياڭنىڭ ماقتا ساپالى، ءتۇسىمدى، جوعارى ءونىمدى ولشەمدەنگەن ءوندىرىسى جانە اۋىل شارۋاشىلىعىن سۋ بايلىعىمەن حاۋىپسىز قامداۋ عىلىم - تەحنيكالىق قاجەتىنە مەڭزەس، شايار اۋدانىنداعى سۋدى بارىنشا ۇنەمدەيتىن 500 مىڭ مۋلىق ماقتا اتىزىن زەرتتەۋ وبيەكتى، ”وزىندىك قۇندى تومەندەتۋدى، ءونىم ساپاسىن جوعارىلاتۋدى، ونىمدىلىگىن ارتتىرۋدى“ نىسانا ەتىپ، تەحنيكادا جاڭالىق اشىپ جانە شوعىرلى پايدالانىپ، وڭتۇستىك شينجياڭ وڭىرىندە كوشىرىپ پايدالانۋعا، جالپىلاستىرۋعا بولاتىن ماقتا ءوندىرىسىنىڭ ساپالى ءتۇسىمدى، جوعارى ءونىمدى تاجىريبەلەرىن قالىپتاستىردى. بۇل نىسانعا قوسىلعان جالپى قارجى 31 ميلليون يۋان، مۇنىڭ ىشىندە اۆتونوميالى رايوننىڭ عىلىم - تەحنيكا ارناۋلى كومەك قارجىسى 15 ميلليون يۋان. نىسان بويىنشا شايار اۋدانىندا ءار مۋىنان 500 كيلوگرام ءشيتتى ماقتا وندىرىلەتىن 5000 مۋلىق وزەكتى ۇلگى كورسەتۋ اۋماعى سالىنادى، ونىڭ تەحنيكالىق اسەرى 500 مىڭ مۋ بولادى؛ ءار مۋىنان 450 كيلوگرام ءشيتتى ماقتا وندىرىلەتىن 10 مىڭ مۋدان استام ۇلگى كورسەتۋ اۋماعى سالىنادى، مۇنىڭ تەحنيكالىق اسەرى 500 مىڭ مۋ بولادى.
”شينجياڭ ءسۇت شارۋاشىلىعىندا جاڭالىق اشۋ نىسانىنا“ قوسىلعان جالپى قارجى 22 ميلليون يۋان، مۇنىڭ ىشىندە اۆتونوميالى رايوننىڭ عىلىم - تەحنيكالىق ارناۋلى كومەك قارجىسى 10 ميلليون يۋان. بۇل نىسان شينجياڭنىڭ ءسۇت شارۋاشىلىعىن دامىتۋ قاجەتىن ارقاۋ ەتىپ، ”ءسۇتتى سيىر باعىمشىلىعى − ءسۇت ونىمدەرىن زەرتتەۋ، اشۋ ءوندىرۋ − ايگىلى ماركا باسەكەلىك قۋاتى“ تۇتاس كاسىپ سالاسى تىزبەگى ماسەلەسىن باعدار ەتىپ، جالپىلىق سيپاتتى تەحنيكا مەن شەشۋشى تەحنيكانى زەرتتەپ، شوعىرلاندىرىپ، جالپىلاستىرىپ جانە ودان ۇلگى كورسەتىپ، ”ءسۇتتى سيىر باعىمشىلىعى − ءسۇت ونىمدەرىن مانەرلەۋ − ايگىلى ماركا ساۋداسى“ تۇتاس كاسىپ سالاسى تىزبەگى شەشۋشى تەحنيكاسىنىڭ دارەجەسىن جوعارىلاتىپ، كاسىپ سالاسى ءونىمىنىڭ ساپالىلانۋىن، دارەجەسىنىڭ جوعارىلاۋىن جانە جوعارى ساپالى دامۋىن تەحنيكالىق جولدارمەن، زەرتتەۋ - ۇلگى كورسەتۋمەن قامدايدى.