تيانشان تورىنىڭ حابارى (سۋرەتىن ءتۇسىرىپ، حابارىن جازعان ءتىلشى ۋاڭ چيميڭ) 10 - ايدىڭ 6 - كۇنىنەن 8 - كۇنىنە دەيىن، بۇراتالا موڭعۇل اۆتونوميالى وبلىسى اراسان اۋدانىنىڭ 12 ـ كەزەكتى ”نادام“ ساحارا سالتاناتى، اراسان اۋدانىنىڭ كۇزگى - قىسقى مادەنيەت ـ ساياحات مەرەكەسى ”از ۇلتتاردىڭ ٴداستۇرلى دەنەتاربيە جينالىسى“ بوعدا ات بايگە الاڭىندا وتكىزىلدى. ٴۇش كۇندىك جارىستا، الىپ جىعاتىن ءال قۋات پەن شالىپ جىعاتىن شەبەرلىكتى تالاپ ەتەتىن ۇلتتىق كۇرەس (قازاقشا كۇرەس، موڭعۇلشا بۇك، ۇيعۇرشا كۇرەس چيلىش)، اۋدارىسپاق، تەزدىك پەن دالمە - دالدىككە ءمان بەرىلەتىن ات ۇستىندە ساداق تارتۋ، ات بايگەسى، تۇيە جارىس، جورعا جارىس، كۇش سىنايتىن كامەر دومالاتۋ، بىلەك كۇش سىناسۋ، كۇش - قۋاتتى كوپ جۇمسايتىن ارقان تارتۋ جانە جەكە دارا ارقان تارتىسۋ، سونداي - اق اتەش تالاستىرۋ، قوشقار ءسۇزىستىرۋ قاتارلى دەنە - تاربيە ويىندارىن وتكىزىپ، كورەرمەندەردى كلاسسيكالىق ٴداستۇرلى سپورتتىڭ وزگەشە باۋراعىشتىعىن تاماشالاۋعا باستاپ، اراسان اۋدانىنىڭ قويۋ تۇسكە يە ساحارالىق سالت ـ سانا مادەنيەتىن سەزىندىردى.
