10 - ايدىڭ 6 - كۇنى قاشقار بايىرعى قالاسى كورىنىس اۋماعىنداعى ناقتى كورىنىستىك كونسەرت قىرۋار ساياحاتشىنى باۋرادى. سۋرەتتى ادىلجان ابدۇقادىر تۇسىرگەن
شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ، رىن جياڭ 10 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، ءۇشىنشى جاق سەرىكتەستىكتىڭ تەكسەرۋ ساناعىنا نەگىزدەلگەندە، مەملەكەت مەرەكەسى، جۇڭچيۋ دەمالىسى كەزىندە شينجياڭنىڭ ساياحات بازارى شالقىپ، ەل ءىشى ساياحاتشىلارىنان جيىنى 15 ميلليون 354 مىڭ 300 ادام - رەت قابىلداعان، بۇل سالىستىرمالى ولشەم بويىنشا بىلتىرعى سايكەس مەزگىلدەگىدەن ％10.78 ارتىپ، ساياحات كىرىسى 8 ميلليارد 413 ميلليون يۋان بولعان.
جەر - جەر ىندەتتەن ساقتانۋ - تىزگىندەۋدى ۇدايىلاندىرۋ شارالارىن مۇقيات، ويداعىداي تياناقتاندىرىپ، مادەنيەت، ساياحات، دەنە تاربيە جارىستارى، جەمىس - جيدەك ءۇزۋ سياقتى باي مازمۇندى قيمىلدار وتكىزىپ، ”ساياحات + “ ءتاسىلى ارقىلى قىرۋار ساياحاتشىلاردى باۋرادى.
10 - ايدىڭ 1 - كۇنى كوكتوعاي حالىقارالىق شاڭعى الاڭى تۇڭعىش شاڭعى تەبۋدى وتكىزدى. لوپنۇر اۋدانى لوپنۇرلىقتار قىستاعى كورىنىس ءوڭىرى ”بىرگە سۋرەتكە ءتۇسىپ، ءان شىرقاپ مەملەكەت مەرەكەسىن قۇتتىقتايمىز“، ”حانفۋ كيىپ، بايىرعى اسەم اۋەنمەن جۇڭچيۋدى تويلايمىز“، ”ءوز قولىمەن ايكۇلشە نان جاساۋ“ سياقتى جەلىلەس مادەنيەت، ساياحات قيمىلدارىن وتكىزدى. توقسۋ اۋدانى 3 - كەزەكتى اۋىل - قىستاق مادەنيەت، ساياحات مەرەكەسى جانە ءشول جازيراداعى گۇل تەڭىزى دەنە تاربيە سپورت جارىسى جەلىلەس قيمىلدارىن وتكىزدى. 10 - ايدىڭ 5 - كۇنى يوپۇرعا اۋدانىندا تۇيەمەن كوكبار تارتۋ جارىسى ءوتتى.
جەر - جەردەگى كورىنىس وڭىرلەرى تاعى دا ءبىر قىدىرۋ ءتيىمدى شارالاردى ورتاعا قويدى. اقسۋ ايماعى ەمدەۋ - كۇتىمدەۋ قىزمەتكەرلەرىنەن، قوعام حاۋىپسىزدىگى كادر - ساقشىلارىنان تۇتاس جىل بويى ەسىك بەلەتىن الماۋدى، دۇيسەنبىدەن جۇماعا دەيىن كورىنىس وڭىرلەرىنىڭ (تۇيىندەرىنىڭ) ەسىك بەلەتىن جارتى باعا ارزانداتۋدى جولعا قويدى. قۇمىل قالاسى جەرگىلىكتى ورىننىڭ ساياحات بازارىنا قاراتا، ءبىر قىدىرۋ سارا لەنيا جولدارىن جولعا قويىپ، كورىنىس وڭىرلەرىنىڭ ەسىك بەلەتىن، قوناقجايلاردىڭ قونالقى اقىسىن ارزانداتۋ سياقتى تيىمدىلىك جاساۋ قيمىلدارىن وتكىزدى.
جەر - جەردىڭ باي مازمۇندى، الۋان ءتۇرلى مادەنيەت قيمىلدارىندا وتانشىلدىق نەگىزگى اۋەنى مەملەكەت مەرەكەسى مەن جۇڭچيۋ دەمالىس كۇنىندە ساياحات بازارىنا جەتەكشىلىك ەتتى. دەمالىس كەزىندە جەكەلىك اۆتوموبيلمەن ساياحاتتاۋ كوپتەگەن ساياحاتشىنىڭ باستى تالعامىنا اينالىپ، ەكولوگيالىق سەرۋەندەۋ ساياحاتى توتەنشە قارسى الۋعا يە بولدى. بۇگۇر، پوسكام، موري سياقتى جەرلەر التىن كۇزدە توراڭعى ورمانىن ساياحاتتاۋعا ۋاعدالاسۋ قيمىلىن العا قويىپ، شينجياڭنىڭ ءىشى - سىرتىنان كەلگەن قالىڭ ساياحاتشىلاردى باۋرادى.
اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى جاۋاپتىسى بىلاي دەپ تانىستىردى: كورىنىس وڭىرلەرىنىڭ تيىمدىلىك جاساۋى، جوعارى جىلدامدىقتى تاس جول اقىسىنىڭ تەگىن بولۋى، مادەنيەت پەن ساياحاتتىڭ توعىسۋى، باقىلاپ - باسقارۋدىڭ كۇشەيۋى سياقتى ءتۇرلى فاكتورلار اسەرىنەن مەملەكەت مەرەكەسى، جۇڭچيۋ دەمالىسى كەزىندە ساياحاتشىلاردىڭ شينجياڭ ساياحاتىنا رازى - حوش بولۋ دارەجەسى ورنىقتى ارتتى.
