شينجياڭ گازەتىنىڭ جالپىلىق اقپارات قۇرالدارى ءتىلشىسى رىن جياڭ 10 - ايدىڭ 8 - كۇنى ۇرىمجىدەن حابارلايدى. تۇتاس جىلدا قابىلداعان ساياحاتشىلار سانى 81 ميلليون 20 مىڭ ادام - رەتتەن 213 ميلليون ادام - رەتكە ارتىپ، ساياحات كىرىسى 140 ميلليارد 100 ميلليون يۋاننان 363 ميلليارد 262 ميلليون يۋانعا قاۋىرت ارتتى. ”13 - بەسجىلدىقتان“ بەرى، شينجياڭ ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، تۇتاس وڭىرلىك ساياحاتتىڭ دامۋىن بارىنشا ىلگەرىلەتىپ، مادەنيەت پەن ساياحاتتىڭ تەرەڭدەي توعىسۋىن بەلسەنە جەبەدى، ساياحات كاسىبى قارىشتاپ دامىدى. 2016 - جىلدان 2019 - جىلعا دەيىن شينجياڭنىڭ ساياحات كاسىبى جىل سايىن تىڭ ساتىعا كوتەرىلىپ، قابىلداعان ساياحاتشىلار سانى ءۇرتىس رەكورد جاڭالادى.
2016 - جىلى شينجياڭ 81 ميلليون 20 مىڭ ادام - رەت ساياحاتشى قابىلداپ، سايكەس مەزگىلدەگىدەن ％24.3 ارتقان؛ 2017 - جىلى 107 ميلليون 255 مىڭ 100 ادام - رەت ساياحاتشى قابىلداپ، سايكەس مەزگىلدەگىدەن ％32.38 ارتقان؛ 2018 - جىلى 150 ميلليون 248 مىڭ 900 ادام - رەت ساياحاتشى قابىلداپ، سايكەس مەزگىلدەگىدەن ％40.09 ارتقان؛ 2019 - جىلى قابىلداعان ساياحاتشىلار سانى تۇڭعىش رەت 200 ميلليون ادام - رەتتەن اسىپ، 213 ميلليون ادام - رەتكە جەتىپ، سايكەس مەزگىلدەگىدەن ％41.96 ارتقان. ”13 - بەسجىلدىق“ كەزىندە ساياحات كاسىبى جەدەل ارتۋ جولىنا ءتۇستى.
ساياحات كاسىبىنىڭ قارقىندى دامۋى سارا كورىنىس وڭىرلەرىنىڭ، سارا لەنيالاردىڭ پارمەندى تىرەگىنەن ايرىلا المايدى. ”12 - بەسجىلدىقتىڭ“ سوڭىندا شينجياڭدا مەملەكەتتىك 5A دارەجەلى كورىنىس وڭىرىنەن 9ى بار ەدى. سارا كورىنىس ءوڭىرى قۇرىلىس ينجەنەرياسى سياقتىلار ارقىلى شينجياڭ كورىنىس وڭىرلەرىنىڭ ساپاسىن ءونىمدى جوعارىلاتتى. 2019 - جىلى شينجياڭدا (بيڭتۋاندى قامتيدى) مەملەكەتتىك 5A دارەجەلى كورىنىس وڭىرىنەن 13ى بار بولىپ، بۇكىل ەلدەگى ءارقايسى ولكە، قالا، رايون بويىنشا الدىڭعى قاتاردا تۇردى. مەملەكەتتىك 4A دارەجەلى كورىنىس ءوڭىرى 90عا جەتىپ، شينجياڭداعى مەملەكەتتىك 4A دارەجەلىدەن جوعارى كورىنىس ءوڭىرى 100دەن استى.
”13 - بەسجىلدىق“ كەزىندە شينجياڭ مادەنيەت پەن ساياحاتتىڭ توعىسۋىن بار كۇشپەن ىلگەرىلەتىپ، تۇتاس وڭىرلىك ساياحاتتىڭ دامۋىن زور كۇشپەن ىلگەرىلەتىپ، ساياحات ونىمدەرىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، ”ءۇش قيىن، ءبىر ىركىلىسسىز بولماۋ“ سياقتى ساياحاتتىڭ دامۋىنا تۇساۋ بولعان قيىن تۇستاردى كۇش سالا شەشتى. ”ساياحات +“ يگىلىكتى ىستەرى ارت - ارتىنان ىستەلىپ، اۋىل - قىستاق ساياحاتى، قار - مۇز ساياحاتى، ءوز اۆتوكولىگىمەن ساياحاتتاۋ، حالىقتىق تۇسەلحانا سياقتىلار قاۋىرت دامىدى.
بۇگىنگى كۇنى ”شينجياڭ جاقسى جەر“ ساياحات ماركاسى ونان ارى اسقاقتاپ، ساياحات كاسىبى جەتەكتەۋ قۋاتى ەڭ كۇشتى، حالىققا ەڭ كەڭىنەن يگىلىك جەتكىزەتىن حالىقتى بايىتۋ كاسىبىنە اينالۋدا.
