شينجياڭ گازەتىنىڭ جالپىلىق اقپارات قۇرالدارى ءتىلشىسى ياڭ شۋحان
”مەن ءار كۇنى قىستاقتا سەرۋەندەگەندە، بەينە سۋرەتتىڭ ىشىندە جۇرگەندەي بولامىن. قىستاعىمىز كورىكتەندى، قىستاق تۇرعىندارىنىڭ جىگەر - قايراتى تاسقىندادى“، - دەدى 10 - ايدىڭ 2 - كۇنى كۇز كۇندەرى قىستاق جولىندا سەرۋەندەپ جۇرگەن لوپ اۋدانى شارباع اۋىلى قوچاقارىق قىستاعىنىڭ تۇرعىنى سادىردين اتاوللا تەبىرەنىسپەن.
جۋىق جىلداردان بەرى قوچاقارىق قىستاعى جەرگىلىكتى جاعدايعا قاراي اۋىل شارۋاشىلىعىن، مادەنيەتتى، ساياحاتتى توعىستىرا دامىتۋ جولىن قاراستىرىپ، قىستاق كورىكتەنگەن، ادامدار بايىعان، كاسىپ سالاسى كوركەيگەن جاڭا كورىنىستى كەستەلەدى.
اۋىل شارۋاشىلىعى، مادەنيەت، ساياحات توعىسىپ، جاڭا قوزعاۋشى قۋاتتى قاۋلاتتى
”بۇرىن تۇراتىن ءۇيىم تار ەدى، ەشتەڭە ىستەمەيتىن ەدىم، ەشتەڭەگە دە زاۋقىم دا سوقپايتىن، قازىر ءۇيىمنىڭ ماڭايىندا جۇمىستاندىم، ءبىر ايدا 3000 يۋاننان استام اقشا تابا الامىن، وتباسىمىز كەڭ ۇيگە كوشىپ كىردى“، - دەدى 10 - ايدىڭ 2 - كۇنى قوچاقارىق قىستاعى تۇرعىندار كوميتەتىنىڭ ەسىك الدىنداعى لياڭلي اجارلاندىرۋ، شاش جاساۋ ءۇيىنىڭ قوجايىنى ءامينا ءبىر جاعىنان قاريدارىنىڭ بەتىن اجارلاندىرىپ جاتىپ.
ءامينا وتباسى بۇرىن ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن، قىستاق ساياحاتتى دامىتقاننان كەيىن، ول يۇيحۋ شارۋالار شاتتىعى ساياجايىنان جۇمىس تاۋىپ الدى. سونىمەن بىرگە، اجارلاندىرۋدى، شاش جاساۋدى ۇيرەنگەن ول قىستاقتان اجارلاندىرۋ، شاش جاساۋ ءۇيىن اشىپ، بوس ۋاقىتىندا تيجارات جۇرگىزدى. ”تۇرمىسىم بارعان سايىن جاقسارىپ كەلەدى“، - دەدى ءامينا شاتتانىپ.
جۋىق جىلداردان بەرى، قوچاقارىق قىستاعى وڭىرلىك باسىمدىقتى، سالىستىرمالى باسىمدىقتى ۇشتاستىرۋعا نازار اۋدارىپ، كەدەي وتباسىلارىنىڭ كىرىستەرىن ارتتىرىپ، بايۋ جولىنىڭ تار بولۋىنداي ناقتى جاعدايعا مەڭزەس، سايكەستى ءادىس - شارا قاراستىردى، مۇندا ەرەكشە كاسىپ سالاسىن جەتىلدىرۋ وزەك ەتىلگەن بولاتىن. بۇگىنگى كۇندەرى، كوكونىس ەگۋ، سيىر، قوي بورداقىلاۋ، ەرەكشە جەمىس - جيدەك سياقتى حالىقتى اۋقاتتانۋعا باستايتىن كاسىپ سالالارى دامىپ زورايىپ، وسى زامانعى اۋىل شارۋاشىلىعىنان ۇلگى كورسەتەتىن قىستاقتىڭ سۇلباسى العاشقى ادىمدا قالىپتاستى.
بۇل عانا ەمەس، قوچاقارىق قىستاعى اۋىل - قىستاق ساياحاتىن دامىتۋدى جوعارى دەڭگەيدە جوبالاۋدى كۇشەيتىپ، تۇتاس وڭىرلىك ساياحاتتى زور كۇشپەن دامىتىپ، ساياحات كورىنىس بەلدەۋىن قالىپتاستىرىپ، وسى زامانعى دەنساۋلىق كۇتىمدەۋ فاكتورلارىن ەنگىزىپ، كورىنىستىك اۋىل شارۋاشىلىعى، سەيىل - سەرۋەن ساياحاتى، وسى زامانعى اۋىل شارۋاشىلىعىنان ۇلگى كورسەتۋ، حالىقتىق سالت - سانا كاسىپ سالاسى ءبىر تۇلعالانعان اۋىل شارۋاشىلىعى، مادەنيەت، ساياحات توعىسقان جاڭا ۇلگى قالىپتاستىردى.
قوچاقارىق قىستاعىندا دارا ەرەكشەلىككە يە كاسىپ سالالارى ۇزدىكسىز جارىققا شىعىپ كەلەدى، اۋىل شارۋاشىلىعىن، مادەنيەتتى، ساياحاتتى توعىستىرۋ سارقىلماس قوزعاۋشى كۇش بەرىپ قانا قالماستان، قىستاق تۇرعىندارىن كىرىستەرىن ارتتىرىپ بايۋ جولىنا باستاپ، كاسىپ سالاسىن كوركەيتۋ، قىستاقتى كورىكتەندىرۋ، حالىقتى بايىتۋ سىندى 3 نىسانانى ورىندادى.
ورتانى وڭاپ، كورىكتى كورىنىس جەلىسىن قالىپتاستىردى
قوڭىر كۇزدە قوچاقارىق قىستاعىن سەرۋەندەيتىن بولساڭىز، سەمەنت جولدىڭ تەگىس تە تازا ەكەنىن، ۇيلەردىڭ رەتتى دە ەڭسەلى ەكەنىن، ءجۇزىم سورەلەرىنىڭ جەمىسكە سامسىپ تۇرعانىن بايقايسىز.
”بۇرىن قىستاعىمىز لاس، رەتسىز، ناشار بولۋىمەن اتى شىققان بولاتىن“. بۇرىنعىنى ەسكە العاندا، سادىردين باسىن شايقادى.
تاياۋ جىلداردان بەرى، كورىكتى اۋىل - قىستاق قۇرىلىسىن جۇرگىزۋ ءۇشىن، اۆتونوميالى رايوندىق پارتكوم ساياسات زەرتتەۋ كەڭسەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ بىرگە قۇلشىنىس جاساۋىندا، 10 كيلومەترلىك ءجۇزىم ءدالىزىن سالىپ، قىستاق دالىزبەن كورىكتەنىپ، اتى ايگىلى ءجۇزىم ءدالىزى قىستاعىنا اينالدى. بۇل ارادان تەك كورىكتى اۋىل - قىستاقتىڭ تىنىستى لەبىنەن عانا ەمەس، ونان دا ماڭىزدىسى، حالىقتىق تۇسەلحانالاردان اڭقىعان ”ءدامدى تاعامداردىڭ يىسىنەن“ ءلاززاتتانا الاسىز. قازىرگى بار 18 وتباسىنىڭ حالىقتىق تۇسەلحاناسى نەگىزىندە، قىستاق تاعى بوس تۇرعان ۇيلەردەن پايدالانىپ، حالىقتىق تۇسەلحانالاردى بارىنشا دامىتۋعا كۇش سالىپ، 3 جىلدا بۇقارانىڭ تۇتىنۋىنا ۇيلەسەتىن جۇزدەن استام حالىقتىق تۇسەلحانا سالماقشى بولىپ وتىر.
بۇل كۇندەرى قىستاقتىڭ ءوندىرىس، تۇرمىس شارت - جاعدايى كورنەكتى جاقساردى، بۇقارانىڭ رۋحاني بەت - بەينەسى جاڭاردى، يدەيا، كوزقاراستارى ايتارلىقتاي وزگەردى، كەدەيلىكتەن ارىلىپ بايۋ سەنىمى ونان ارى نىعايدى، 2019 - جىلى بۇل قىستاق ”لوپ اۋدانىنداعى قونىستانۋ ورتاسىن وڭاۋداعى ۇلگى كورسەتۋ قىستاعى“ بولىپ باعالانسا، 2020 - جىلى 2 - توپتاعى اۋىل - قىستاق ساياحاتىنداعى مەملەكەتتىك ءتۇيىندى قىستاق تىزىمىنە ەنگىزىلدى.
مادەنيەتپەن نارلەندىرۋ قىستاق تۇرعىندارىنىڭ رۋحىن تاسقىنداتتى
بەيجيڭ شەتەل ءتىلى داشۋەسىنىڭ ساباقحاناسىندا بىلتىر قوچاقارىق قىستاعىنان داشۋەگە وتكەن زۇلنۇر روزىمامەت بىلاي دەدى: ”پارتيانىڭ ابزال ساياساتىنىڭ ارقاسىندا، قىستاقتا تۇرعان قىزمەت اترەتىنىڭ كومەگىندە، مەن بۇگىنگى كۇنگە جەتتىم، مەكتەپ تاۋىسقاننان كەيىن، ءسوز جوق، قۇلشىنىپ، وتان ءۇمىتىن اقتايمىن!“
بيىل قوچاقارىق قىستاعىنان تاعى 6 بالا ارمانداعان داشۋەلەرىنە ءوتتى. ”قازىر قىستاق تۇرعىندارى قايسى ءۇيدىڭ بالاسىنىڭ وقۋى جاقسى دەپ سالىستىراتىن بولدى، بالالاردىڭ داشۋەگە ءوتۋى قىستاق تۇرعىندارىنىڭ ەڭ ماقتانارلىق ىسىنە اينالدى“، - دەدى قوچاقارىق قىستاعى پارتيا ياچەيكاسىنىڭ شۋجيى مامەتجان قاسىم.
تاياۋ جىلداردان بەرى، قوچاقارىق قىستاعى شارۋالاردىڭ قاجەتىنە قاراي مادەنيەت قىزمەت وتەۋىمەن قامداپ، شارۋالاردى مادەنيەت قيمىلدارىن ورىستەتۋگە ۇيىمداستىرىپ، كوپ جاق كىرىسىپ، شارۋالاردىڭ ساپاسى مەن اۋىل سالتىنىڭ وركەنيەت دارەجەسىن ۇزدىكسىز جوعارىلاتىپ، قالىڭ قىستاق تۇرعىندارىنىڭ رۋحاني، مادەني تۇرمىسىن اناعۇرلىم بايىتتى، تۇرمىستارى ءتىپتى دە ۇمىتكە تولدى.
قىستاقتا 60 ادامدىق ادەبيەت - كوركەمونەر كونسەرت اترەتى ۇيىمداستىرىلىپ، ەر - ايەل، كارى - جاس دەمەي جابال تىزىمدەلدى. قازىر قىستاقتان ءسىز ءارقانداي ۋاقىتتا بۇرالا باسقان بيلەردى تاماشالاپ، جان تەبىرەنتەتىن ءان اۋەندەرىن ەستي الاسىز. ال بار كۇشپەن قۇرىلعان ”اشەكەيلى بازار“ ينتەرنەت جۇلدىزى كورىنىس ءتۇيىنى قىستاقتىڭ مادەنيەت رايىن ءتىپتى قويۋلاتتى، قىستاق تۇرعىندارى وزدىكتەرىنەن بارىپ سۋرەتكە ءتۇسىپ ۇگىت جاسادى، ”اشەكەيلى بازار“ ينتەرنەت جۇلدىزدارىنىڭ لوپ اۋدانىنداعى، ءسوزسىز، باراتىن جەرىنە اينالدى.
”رۋحاني سەرپىلىس مادەنيەتتىڭ دەمەۋىنەن كەلەدى، مادەنيەتتىڭ ارلەندىرۋى مەن نارلەندىرۋىنەن كەلەدى!“ تىلشىلىك بارىسىندا اۆتونوميالى رايوندىق پارتكوم ساياسات زەرتتەۋ كەڭسەسىنەن قوچاقارىق قىستاعىنا تۇسكەن ءبىرىنشى شۋجي حان جيانپيڭ تىلشىگە بىلاي دەدى: الداعى جەردە كەدەيلىكتەن ارىلتۋ جەتىستىكتەرىن ۇزدىكسىز بەكەمدەپ، بۇقارانىڭ كىرىستەرىن ارتتىرىپ، بايۋ جولىن كەڭەيتىپ، اۋىل - قىستاقتى گۇلدەندىرۋدى بار كۇشپەن ىلگەرىلەتەمىز.
