اۆتونوميالى رايوندىق 9 - كەزەكتى پارتكومنىڭ ونىنشى جالپى ءماجىلىسى اشىلدى"> تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق 9 - كەزەكتى پارتكومنىڭ ونىنشى جالپى ءماجىلىسى اشىلدى

 «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتى ونىنشى جالپى ءماجىلىسىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا اشۋ جونىندەگى قاۋلىسىن» قاراپ ماقۇلدادى

اۆتونوميالى رايوندىق پارتكومنىڭ تۇراقتى كوميتەتى ءماجىلىستى باسقاردى، چىن چۋانگو ءسوز سويلەدى

  10 - ايدىڭ 9 - كۇنىنەن 10 - كۇنىنە دەيىن، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ ونىنشى جالپى ءماجىلىسى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

   10 - ايدىڭ 9 - كۇنىنەن 10 - كۇنىنە دەيىن، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ ونىنشى جالپى ءماجىلىسى ۇرىمجىدە وتكىزىلدى. سۋرەتتە: ءماجىلىس زالى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 10 - ايدىڭ 10 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ ونىنشى جالپى ءماجىلىسى 10 - ايدىڭ 9 - كۇنىنەن 10 - كۇنىنە دەيىن وتكىزىلدى.

  ءماجىلىستى اۆتونوميالى رايوندىق پارتكومنىڭ تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى چىن چۋانگو ءسوز سويلەدى.

  ءماجىلىس 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى، چىن چۋانگونىڭ اۆتونوميالى رايوندىق پارتكوم تۇراقتى كوميتەتىنىڭ مىندەتتەۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتى ونىنشى جالپى ءماجىلىسىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا اشۋ جونىندەگى قاۋلىسىن» قاراپ ماقۇلدادى.

  شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، لي ۋي، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار قاتىناستى.

  اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى.

  ءماجىلىس بىلاي دەپ قارادى: بيىل جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكومنىڭ تۇراقتى كوميتەتى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بىرلەستىرىپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىن قولعا كەلتىرىپ، ەكونوميكانىڭ ورنىقتى، اقاۋسىز دامۋىن ساقتاپ، قوعامدىق كەلەلى جاعدايدىڭ ۇزدىكسىز جاراسىمدى، ورنىقتى بولۋىنا شىنايى كەپىلدىك ەتىپ، كەدەيلىكتەن ارىلتۋدان قامال الۋدىڭ تىڭعىلىقتى ورىستەتىلۋىن ىلگەرىلەتىپ، ءتۇرلى ىستەر ۇزدىكسىز العا باستى، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن دالەلدەدى.

  ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشىپ، جاڭا داۋىردەگى شينجياڭ قىزمەتىن ستراتەگيالىق جانە جالپى جاعداي تۇرعىسىنان جوسپارلاپ ىلگەرىلەتتى، بۇل اسا كەلەلى رەالدىق مانگە جانە ەرەكشە تەرەڭ تاريحي مانگە يە. باس شۋجي شي جينپيڭنىڭ ماڭىزدى ءسوزى كورەگەندىكپەن الىستى جوسپارلاپ، ءتيىمدى جاعدايدى يگەرىپ، اۋقىمدى باعامداپ، جالپى جاعدايمەن ساناسقان، يدەياسى تەرەڭ، مازمۇنى باي، ول 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى ناتيجەلەردى تولىق تۇراقتاندىرىپ، شينجياڭ قىزمەتى ءدوپ كەلگەن جاڭا جاعدايعا تەرەڭ تالداۋ جاساپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ باي ءمانىن جۇيەلى بايىمداپ، كەزەكتەگى جانە مۇنان كەيىنگى ءبىر مەزگىلدەگى شينجياڭ قىزمەتىنىڭ جەتەكشى يدەياسىن، نىسانا - مىندەتتەرىن، باعىت - ساياساتتارىن، ستراتەگيالىق شارالارىن ايقىن ورتاعا قويىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە قاتىستى ءتۇيىندى قىزمەتتەر جونىندە جالپى بەتتىك ورنالاستىرۋ جاسادى، اسا كۇشتى ساياسي سيپاتقا، يدەيالىق سيپاتقا، نازاريالىق سيپاتقا، جەتەكشى سيپاتقا، باعىتتامالى سيپاتقا يە، ماركسيزمدىك اقيقاتتىڭ شۇعىلاسىن شاشقان، شينجياڭ قىزمەتىن تۋراشىلدىقتى ساقتاپ جاڭالىق اشۋعا، جەڭىسپەن العا باسۋعا جەتەكتەيتىن قۇدىرەتتى يدەيالىق قارۋ، جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات. ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بەرىك، باتىل تۇردە يدەيا مەن ارەكەتتى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، سانالى تۇردە باس شۋجي شي جينپيڭنىڭ ماڭىزدى ءسوزىنىڭ رۋحىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، وسكەلەڭ ساياسي سانالىلىقپەن، يدەيالىق سانالىلىقپەن، ارەكەت سانالىلىعىمەن مىندەتتەردى تياناقتاندىرۋدى سانالى تۇردە ويداعىداي يگەرۋ كەرەك.

  ءماجىلىس مىنالاردى اتاپ كورسەتتى: بۇكىل رايونداعى ءار دارەجەلى پارتيا ۇيىمدارى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى كەزەكتەگى جانە مۇنان كەيىنگى ءبىر مەزگىلدەگى كەلەلى ساياسي مىندەت ەتىپ، باس شۋجي شي جينپيڭنىڭ ماڭىزدى ءسوزىنىڭ رۋحىنىڭ جۇرت جۇرەگىنە تەرەڭ ۇيالاۋىن، تيانشان الابىنا تەگىس تارالۋىن ىلگەرىلەتۋ كەرەك. رۋحاني ءمانىن ىشكەرىلەي ۇيرەنۋ، ءتۇسىنۋ كەرەك. ءار دارەجەلى باسشىلىق القالارى مەن باسشى كادرلار ءبىر قادام الدىمەن ۇيرەنىپ، ءبىر ساتى تەرەڭ ۇيرەنىپ، ۇدايىلانعان ۇيرەنۋ مەحانيزمىنەن ويداعىداي پايدالانىپ، پارتكومنىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋى، ارناۋلى تاقىرىپتىق ۇيرەنۋ ورىستەتۋ سياقتى فورمالار ارقىلى مۇقيات ۇيرەنىپ، جۇيەلى ۇيرەنىپ، تەرەڭدەي وي جۇگىرتىپ ۇيرەنىپ، ءىس جۇزىندىكپەن بايلانىستىرىپ ۇيرەنىپ، ۇيرەنۋدىڭ، دايەكتىلەندىرۋدىڭ تەرەڭدەۋىن، كوڭىلگە ۇيالاۋىن، ناقتىلانۋىن ىلگەرىلەتۋ كەرەك. كەڭ كولەمدە ۇگىتتەپ، جۇرت جۇرەگىنە تەرەڭ ۇيالاتۋ كەرەك. ءار دارەجەلى ۇگىت تاراۋلارى مەن اقپارات قۇرالدارىنىڭ رولىن تولىق ساۋلەلەندىرىپ، ينتەرنەت جەلىسىندەگى جانە ينتەرنەت جەلىسىنەن تىس ءتۇرلى بايلىقتاردان ويداعىداي پايدالانىپ، ءماجىلىس رۋحىن كوپ ارنامەن، جان - جاقتى حابارلاپ، ۇگىت قيمىلدارىن ساتىعا، تۇرگە ءبولىپ ىشكەرىلەي ورىستەتىپ، بۇقاراعا تۇسىنىكتى تىلمەن، قۋانا قابىلدايتىن تاسىلمەن ورتالىقتىڭ رۋحىن نەگىزگى ساتىعا جەتكىزىپ، بۇقاراعا ۇگىتتەپ، شىن مانىندە كوڭىلگە ۇيالاتۋ كەرەك. تياناقتاندىرۋدى مىقتاپ يگەرىپ، تياناقتانىپ تامىر تارتۋىنا شىنايى كەپىلدىك ەتۋ كەرەك. قىزمەت ءىس جۇزىندىگىمەن جانە قىزمەت جاۋاپكەرشىلىگىمەن، مىندەتپەن ۇشتاستىرىپ، ءتۇيىندى مىندەتتەردى تارماق بويىنشا، ءتۇر بويىنشا ەگجەي - تەگجەيلەندىرىپ، اشالاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن شىن مانىندە شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ءىس جۇزىندىك ونىمدىلىگىنە اينالدىرۋ كەرەك.

  ءماجىلىس مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك. ءبىرىنشى، ۇدايىلانعان ۇيرەنۋ مەحانيزمىن اقاۋسىزداندىرىپ، كەمەلدەندىرىپ، باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندەگى ماڭىزدى ءسوزىنىڭ رۋحىن ۇيرەنۋدى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ۇيرەنۋمەن ساباقتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، تەرەڭ ءتۇسىنىپ، جەتە يگەرىپ، جەتە ءتۇسىنىپ، شينجياڭ قىزمەتىنىڭ باستان - اياق باس شۋجي نۇسقاعان دۇرىس باعىتتى بويلاپ ىلگەرىلەۋىنە شىنايى كەپىلدىك ەتۋ كەرەك. ەكىنشى، نازاردى باس نىساناعا شوعىرلاندىرىپ، كەشەندى شارانى ويداعىداي جۇرگىزىپ، سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن قالىپتاستىرىپ، قوعامدىق كەلەلى جاعدايدىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك. ءۇشىنشى، جۇڭحۋا ۇلتى ورتاق تۇلعا تانىمىن بەكەمدەپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى جاعدايىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمى تاربيەسىن كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز تەرەڭدەتىپ، مەملەكەتتىك ۇلتتار ىنتىماعى، العاباسارلىعىنداعى ۇلگىلى رايوندى بەلسەندىلىكپەن قۇرىپ، ۇلتتار ىنتىماعىن بەكەمدەۋ، كۇشەيتۋ كەرەك. ءتورتىنشى، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، پارتيانىڭ ءدىن قىزمەتىنىڭ نەگىزگى باعىتىن جالپى بەتتىك دايەكتىلەندىرىپ، زاڭدى ءدىني قيمىلداردى زاڭ بويىنشا قورعاپ، قالىپتى ءدىني قاجەتتى قاناعاتتاندىرىپ، ءدىننىڭ اقاۋسىز دامۋىن جەبەۋ كەرەك. بەسىنشى، يدەولوگيا سالاسى قىزمەتىن ىشكەرىلەي جاقسى ىستەپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتىپ، ونەگە كورسەتىپ ادام تاربيەلەۋدى تىڭعىلىقتى ىلگەرىلەتىپ، ”بەستى شىنايى مويىنداۋدى“ ۇزدىكسىز كۇشەيتىپ، ۇلتتاردىڭ ورتاق رۋحاني مەكەنىن قۇرىپ، باياندى تىنىشتىقتىڭ يدەيالىق نەگىزىن بەكەمدەۋ كەرەك. التىنشى، جاڭا دامۋ ۇستانىمىن دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن جاقسى ىستەپ، ”التىنى قامتاماسىز ەتۋ“ مىندەتىن تياناقتاندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن تىڭعىلىقتى ىلگەرىلەتىپ، ەرەكشە باسىمدىققا يە كاسىپ سالالارىن جەتىلدىرىپ، ۇلعايتىپ، نەگىزدىك قۇرىلعى قۇرىلىسىن ۇزدىكسىز كۇشەيتىپ، قالا - قالاشىقتانۋدى بەلسەندىلىكپەن ىلگەرىلەتىپ، ەكولوگيالىق ورتانى قورعاۋدى جانە قۇرۋدى كۇشەيتىپ، وڭتۇستىك شينجياڭ قىزمەتىن كۇشەيتۋگە ءمان بەرىپ، شينجياڭعا باعىتتامالى كومەكتەسۋدى تىڭعىلىقتى ىلگەرىلەتىپ، حالىق تۇرمىسىمەن تىعىز جاناسا وتىرىپ ەكونوميكانىڭ جوعارى ساپالى دامۋىن ىلگەرىلەتۋ كەرەك. جەتىنشى، حالىق تۇرمىسىن قامتاماسىز ەتۋ جانە جاقسارتۋ دەڭگەيىن جوعارىلاتىپ، كەدەيلىكتەن ارىلتۋ مىندەتىن ۋاعىندا ورىنداپ، كەدەيلىكتەن ارىلتۋ جەتىستىگىن بەكەمدەپ، جۇمىستانۋدى، شارۋاشىلىق قۇرۋدى بار امالدى سالىپ جەبەپ، وقۋ - اعارتۋ ىستەرىن زور كۇشپەن دامىتىپ، مەديتسينالىق ەمدەۋدەن قىزمەت وتەۋ ورەسىن جوعارىلاتىپ، قوعامدىق قامتاماسىزداندىرۋ جۇيەسىن كەمەلدەندىرىپ، بۇقارانىڭ ءوندىرىس، تۇرمىس شارت - جاعدايىن جاقسارتىپ، حالىقتىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋ كەرەك. سەگىزىنشى، بيڭتۋاننىڭ رەفورمانى ۇزدىكسىز تەرەڭدەتۋىنە بار كۇشپەن قولداۋ كورسەتىپ، ورنىقتىلىقتى قورعاۋ قابىلەتى قۇرىلىسىن كۇشەيتىپ، وڭتۇستىككە قاراي دامۋدان بۇلجىماي، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتىپ، بيڭتۋاننىڭ ۇيىمدىق ارتىقشىلىعى مەن جۇمىلدىرۋ قابىلەتىن ۇزدىكسىز كۇشەيتىپ، ەرەكشە رولىن اناعۇرلىم ويداعىداي ساۋلەلەندىرۋ كەرەك. توعىزىنشى، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، ءار دارەجەلى باسشىلىق القالارى، پارتيانىڭ نەگىزگى ساتى ۇيىمدارى جانە ءار ۇلت كادرلار قوسىنى قۇرىلىسىن كۇشەيتىپ، پارتيا ستيلى، پاكتىك قۇرىلىسىن ىشكەرىلەي ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.

  ءماجىلىس مىنالاردى ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەتپەن ىنتىماقتاسىپ، شىنايى يگەرىپ، ناقتى ىستەپ، قوعام ورنىقتىلىعى مەن باياندى تىنىشتىقتى قۇلشىنا ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازايىق!

  اۆتونوميالى رايوندىق پارتكومنىڭ مۇشەسى، كانديدات مۇشەسى ەمەس ولكە دارەجەلى باسشى كادرلار، رايونىمىزداعى پارتيا 19 - قۇرىلتايىنىڭ ۋاكىلدەرى، اۆتونوميالى رايوندىق ءتارتىپ تەكسەرۋ كوميتەتىنىڭ مۇشەلەرى، ءارقايسى ايماق، وبلىستار مەن قاتىستى تاراۋلاردىڭ جاۋاپتى جولداستارى قاتارلىلار ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.