تيانشان تورى   ›   جاڭالىقتار   ›   ەل ءىشى حابارى

جاڭا داۋىردەگى مىندەت پەن بورىشتى اناعۇرلىم ويداعىداي ارقالايمىز

 − كۋرسانتتار باس شۋجي شي جينپيڭنىڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلاردى تاربيەلەۋ كۋرسىنىڭ وقۋ باستاۋ سالتىندا سويلەگەن ماڭىزدى ءسوزىن قىزۋ تالقىلادى

 شينحۋا اگەنتتىگىنىڭ ءتىلشىسى لين حۇي

  ”كادرلار، اسىرەسە، جاس كادرلار ساياسي قابىلەتىن، تەكسەرىپ - زەرتتەۋ قابىلەتىن، عىلمي شەشىم جاساۋ قابىلەتىن، رەفورما جاساۋدا قامال الۋ قابىلەتىن، شۇعىل جاعدايلارعا توتەپ بەرۋ، توسىن وقيعالاردى ءبىر جاقتى ەتۋ قابىلەتىن، بۇقارالىق قىزمەت قابىلەتىن، تياناقتاندىرۋدى يگەرۋ قابىلەتىن جوعارىلاتىپ، ماسەلەلەرگە باتىلدىقپەن تۋرا قاراپ، ءىس تىندىرعىسى كەلەتىن، ءىس تىندىرا الاتىن، ىستەن ناتيجە شىعاراتىن بولۋ، ۇزدىكسىز تۇردە ماسەلەلەردى شەشۋ، قيىن ماسەلەلەردى شەشۋ كەرەك“.

  باس شۋجي شي جينپيڭنىڭ 2020 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزى جالپى كۋرسانتتار اراسىندا قىزۋ اڭىس قوزعادى. كوپشىلىك مىنانى ءبىلدىردى: باس شۋجي شي جينپيڭنىڭ ماڭىزدى ءسوزىن جەتەكشى ەتىپ، ىسكە كىرىسىپ، اۋىر مىندەتتى جۇرەكتىلىكپەن ارقالاپ، ءىس جۇزىندىك ماسەلەلەردى شەشۋ قابىلەتىن ۇزدىكسىز جوعارىلاتىپ، پارتيا مەن حالىق جۇكتەگەن ءداۋىردىڭ اۋىر جۇگىن سانالىلىقپەن ارقالاۋىمىز كەرەك.

  ”باس شۋجيدىڭ ماڭىزدى ءسوزى ءوزىنىڭ قىزمەت كەشىرمەسىمەن جانە اسەر - سەزىمدەرىمەن بىرلەستىرىلگەن، جاندى دا تارتىمدى، جان - جاقتىلى ءارى تەرەڭ ماعىنالى بولىپ، ءبىز يدەيالىق جاقتان شىڭدالدىق“. ورتا بولىك وڭىرىنەن كەلگەن ءبىر كۋرسانت بىلاي دەدى: ”جاس كادرلار ءىس جۇزىندىك ماسەلەلەردى شەشۋ قابىلەتىن جوعارىلاتۋى كەرەك“ دەگەن وسى نەگىزگى تاقىرىپ ءدال كورسەتىپ، ايقىن نۇسقاعان. ءبىز باس شۋجي شي جينپيڭنىڭ ماڭىزدى سوزىمەن سالىستىرا وتىرىپ، ءوزىمىز كىرىسە وتىرىپ، ماسەلەگە ىلەسە قاداعالاپ، ماسەلەنى بەتكە الىپ، امالياتتىڭ دومنا پەشىندە جان - جاقتىلى سومدالۋىمىز، تولىسۋىمىز، ماماندانۋىمىز كەرەك.

  كادرلاردىڭ قىزمەتتى جاقسى ىستەۋىنە قاجەتتى ءتۇرلى قابىلەتتەردىڭ اراسىندا ساياسي قابىلەت ءبىرىنشى ورىندا تۇرادى.

  ”مىعىم ساياسي قابىلەت بولعاندا عانا، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى تۇردە ساقتاۋعا بولادى“. ورتالىق جانە مەملەكەت ورگانىنان كەلگەن ءبىر كۋرسانت بىلاي دەدى: كەزەكتەگى كۇردەلى جاعداي الدىندا، قالىڭ پارتيالى كادرلار ءتىپتى دە باس شۋجيدىڭ تالابىنا ساي، ساياسي سەزگىرلىك پەن ساياسي پارىقتاۋ قابىلەتىن كۇش سالا جوعارىلاتۋى، ۇلكەن دۇرىس پەن ۇلكەن بۇرىس الدىندا وي - سانانى سەرگەك ۇستاپ، ”ءتورت تانىمدى“كۇشەيتۋى، ”ءتورت سەنىمدى“ بەكەمدەۋى، ”ەكىنى قورعاۋدى“ ورىنداۋى، ءتۇرلى قىزمەتتەردىڭ دۇرىس بەتالىسقا قاراي ىلگەرىلەۋىنە شىنايى كەپىلدىك ەتۋلەرى كەرەك.

  تەكسەرۋ - زەرتتەۋگە باسا ءمان بەرۋ − پارتيامىزدىڭ توڭكەرىستىڭ، قۇرىلىستىڭ، رەفورمانىڭ ءاربىر تاريحي كەزەڭىندە باسشىلىق قىزمەتتى ويداعىداي جۇرگىزۋىنىڭ ماڭىزدى اسىل قازىناسى.

  ”باس شۋجيدىڭ جاس كادرلار، ءسوز جوق، تەكسەرۋ - زەرتتەۋ جۇرگىزۋدى ۇيرەنۋى، تەكسەرۋ - زەرتتەۋ بارىسىندا قىزمەت قابىلەتىن جوعارىلاتۋى كەرەك دەگەن تالابى ماعان تەرەڭ اسەر قالدىردى“. ورتالىق جانە مەملەكەت ورگانىنان كەلگەن ءبىر كۋرسانت بىلاي دەدى: ورتالىق جانە مەملەكەت ورگاندارى − پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدەگى، تياناقتاندىرۋداعى ”ەڭ العاشقى ءبىر كيلومەتر“، ەگەر ءىس جۇزىندىك جاعدايدى، نەگىزگى ساتىنىڭ جاعدايىن تۇسىنبەي، ۇيدە وتىرىپ باستى سيپاپ قويىپ ساياسات ويلاپ شىعارساق، ەلەۋسىز اعاتتىقتان ەسەپسىز زارداپ تۋىلۋى مۇمكىن. ءسوز جوق، نەگىزگى ساتىعا بارۋ، بۇقارا اراسىنا بارۋ كەرەك، ىشكەرىلەي تەكسەرۋ - زەرتتەۋ بارىسىندا ماسەلەنى شەشۋدىڭ ءادىسىن تابۋ كەرەك.

  عىلمي شەشىم جاساۋ − باسشىلىق قىزمەتتىڭ ماڭىزدى بۋىنى، عىلمي شەشىم جاساي الۋ - الماۋ حالىق بۇقاراسىنىڭ مۇددەسىنە جانە ءتۇرلى ىستەردى دامىتۋعا تىكەلەي بايلانىستى“. شىعىس بولىك وڭىرىنەن كەلگەن ءبىر كۋرسانت بىلاي دەدى: قازىر ءىشىنارا وڭىرلەردەگى پارتيالى كادرلاردىڭ شەشىم جاساۋ قابىلەتى حالىق بۇقاراسىنىڭ كۇتكەنىنەن الشاق جاتىر. بارلىعىندا ءىس جۇزىندىكتى نەگىز ەتۋگە تاباندى بولۋ، الىسقا نازار تاستاپ، تەرەڭگە وي جۇگىرتۋ كەرەك، ءىرى جوسپارلاردى، ۇلكەن ەسەپتەردى كوبىرەك جاساپ، جەرگىلىكتى ورىننىڭ قىزمەتىن پارتيا مەن مەملەكەت ىستەرىنىڭ دامۋ جالپى جاعدايىمەن توعىستىرىپ، ءبىر وڭىرگە داڭق اپەرۋ، ونان دا ماڭىزدىسى، جالپى جاعدايدىڭ مارتەبەسىن ارتتىرۋ كەرەك.

  ”تەك رەفورما جاساعاندار عانا العا باسادى، تەك جاڭالىق اشقاندار عانا قۇدىرەتتى بولادى، تەك رەفورما جاساپ، جاڭالىق اشقاندار عانا جەڭىسكە جەتەدى، جاس كادرلاردىڭ رەفورمادا قامال الۋ قابىلەتىن ءوسىرۋى توتەنشە قاجەتتى“. ورتالىققا قاراستى كاسىپورىننان كەلگەن ءبىر كۋرسانت بىلاي دەدى: ورتالىققا قاراستى كاسىپورىندار حالىق شارۋاشىلىعىنىڭ ماڭىزدى تىرەگى جانە ۇيتقى كۇشى، كەزەكتە كاسىپورىنداردىڭ جوعارى ساپامەن دامۋىن ىلگەرىلەتۋ ماڭىزدى مىندەتىنە ءدوپ كەلىپ وتىر. نەعۇرلىم تار جول، تايعاق كەشۋلەر بولعان سايىن، سولعۇرلىم العا ىلگەرىلەۋ ەرىك - جىگەرىن ساقتاۋ، جاۋاپكەرشىلىكتى ارقالاپ، بورىشتى ۇستىنە الۋ، مەملەكەت مەنشىگىندەگى كاسىپورىندار رەفورماسىن تەرەڭدەتۋدى ۇزدىكسىز ىلگەرىلەتۋ، مەملەكەت مەنشىگىندەگى كاسىپورىنداردىڭ ومىرشەڭدىك قۋاتى مەن باسەكەلىك قۋاتىن اناعۇرلىم كۇشەيتۋ كەرەك.

  ”حۋبەيدان كەلگەن كادر رەتىندە، ءبىز بيىل ىندەتكە قارسى اتتانۋ، تاسقىننان ساقتانىپ، تاسقىننان قورعانۋ سياقتى ءبىرسىپىرا ءىرى سىناقتاردى باسىمىزدان وتكەردىك، پارتيالى كادرلاردىڭ توتەنشە جاعدايعا توتەپ بەرىپ، توسىن وقيعالاردى ءبىر جاقتى ەتۋ قابىلەتىن ءوسىرۋىنىڭ ماڭىزدىلىعىن تەرەڭ سەزىندىك“. حۋبەيدان كەلگەن ءبىر كۋرسانت مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن تەرەڭ ءتۇسىنىپ، كۇندەلىكتى قىزمەت بارىسىندا حاۋىپ - قاتەر تانىمىن كۇشەيتىپ، العاشقى قادامدى جاقسى باسىپ، ىرىقتى شايقاستى ويداعىداي جۇرگىزىپ، ءتۇرلى حاۋىپ - قاتەر، سىن - سايىستارعا كەز كەلگەن ۋاقىتتا توتەپ بەرۋدىڭ دايىندىعىن جاقسى ىستەۋىمىز كەرەك.

  بۇقارالىق لۋشيان پارتيامىزدىڭ جان تامىرى جانە ءتۇبىرلى قىزمەت لۋشيانى.

  ”بۇقارالىق لۋشيانمەن ءجۇرۋ، بۇقارالىق قىزمەت ىستەۋ − كوممۋنيستىك پارتيا مۇشەسىنىڭ وزىندىك قاسيەتى بولۋمەن بىرگە ءارى كادرلار قابىلەتىنە قويىلاتىن تالاپ“. بۇقارالىق ۇيىمنان كەلگەن ءبىر كۋرسانت بىلاي دەدى: بۇقارانى ۇستاز تۇتۋ، بۇقارانى اعا بۋىندارداي سيلاۋ، بۇقارانى دوسىنداي ءسۇيۋ، بۇقارانى ايرىقشا قۇرمەتتەۋ كەرەك، بۇقارانىڭ پىكىرىن سابىرلىلىقپەن تىڭداپ، بۇقارانىڭ ارمان - تىلەگىن شىن ىقىلاسىمەن ءتۇسىنىپ، نەگىزگى ساتىنىڭ قيىن ماسەلەلەرىن شەشۋگە كومەگى تيەتىن، حالىقتىڭ باقىتىن ارتتىراتىن، پارتيا مەن بۇقارانىڭ قارىم - قاتىناسىن نىعايتاتىن ىستەردى كوبىرەك ىستەۋىمىز كەرەك.

  ءبىر ۇلەس ورنالاستىرۋدا، توعىز ۇلەس تياناقتاندىرۋدا، ءارقانداي تاماشا جوبا تۇگەلدەي ناقتى ءىس ىستەۋگە سۇيەنىپ جۇزەگە اسادى.

  ”ءىس تىندىرۋدا فورماشىلدىققا بوي ۇرماي، ءسوز جوق، تىڭعىلىقتى ىستەۋ، شىنايى يگەرىپ، ناقتى ىستەۋ كەرەك“. ورتالىق جانە مەملەكەت ورگانىنان كەلگەن ءبىر كۋرسانت بىلاي دەدى: اۋەلگى ماقساتتى ۇمىتپاي، بورىشتى ەستە بەرىك ساقتاۋ، جۇرەكتىلىكپەن جاۋاپكەرشىلىك ارقالاپ ىسكەرلىك كورسەتۋ كەرەك، شەگە قاعۋ رۋحىمەن بالعانى توقتاۋسىز سوعىپ، ءىس جۇزىندىك ماسەلەلەردى شەشۋ قابىلەتىن ۇزدىكسىز جوعارىلاتىپ، اناعۇرلىم ويداعىداي ءىس تىندىرۋ، كاسىپ جاراتۋ، جاڭا داۋىرگە ۇلەس قوسۋ كەرەك.

  (شينحۋا اگەنتتىگىنىڭ 10 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.