شينجياڭ گازەتىنىڭ جالپىلىق اقپارات قۇرالدارى تىلشىلەرى جىڭ جو، ليۋ ي، زوۋ ي، جۇڭ جاۋفىڭ
9 - ايدىڭ 29 - كۇنى تاڭ اعارا لوپ اۋدانى اڭگيا قالاشىعى حورازتوعىراق قىستاعىنىڭ تۇرعىنى ءارالى پيرۋدۇن ەسىك الدىنداعى شييۇيچۇن ءسۇت كاسىبى اسىل تۇقىمدى ساۋىن سيىر جەتىلدىرۋ شەكتى سەرىكتەستىگىنە قىزمەتكە كەلدى. ول قىزمەت ىستەگەندە 9 جاستاعى ۇلكەن ۇلى مەن 6 جاستاعى كىشى ۇلى جاقىن ماڭداعى باستاۋىش مەكتەپ پەن بالاباقشادا ساباق وقيدى. ”مۇعالىم ولاردىڭ ۇيرەنۋى مەن تۇرمىسىن جاقسى ورنالاستىرىپ، مەنىڭ الاڭسىز قىزمەت ىستەۋىمە مۇمكىندىك جاسادى“، - دەدى ءارالى.
قازىر ءارالى ايىنا 3500 يۋان ەڭبەكاقى الادى، سەرىكتەستىكتە ۇيرەنگەن ونەرىمەن ول ءوز ۇيىندە 2 ساۋىن سيىر باقتى، ايەلىنىڭ دە قىزمەتى بار، بارلىق كىرىسىن قوسقاندا ءبىر جىلدا 70 مىڭ يۋان تابادى. بىلتىر ءارالىنىڭ وتباسى كەدەي وتباسى قالپاعىن الىپ تاستادى.
”2 بالام پارتيانىڭ وقۋ - اعارتۋدا حالىققا تيىمدىلىك جەتكىزۋ ساياساتىنان يگىلىكتەنىپ، بالاباقشادان تولىق ورتا مەكتەپكە دەيىنگى ءار كەزەڭ وقۋدى ءساتتى تامامداي الادى“. ءارالى ماقتانىشپەن بىلاي دەدى: بالالاردىڭ ءوز ارمانى بار، ۇلكەنى شيپاگەر بولعىسى، كىشىسى قۇرىلىس شەبەرى بولعىسى كەلەدى، ”ولاردىڭ مەكتەپتىڭ ماپەلەۋى مەن ءوز قۇلشىنىستارى ارقىلى مەملەكەت قۇرىلىسىنا ۇلەس قوساتىن دارىندى بولىپ ەسەيۋىن ءۇمىت ەتەمىن“.
لوپ اۋداندىق 4 - باستاۋىش مەكتەپتىڭ شىت جاڭا وقىتۋ عيماراتىندا كوپ مەديالى جانە ينتەرنەت جەلىسىندەگى الىس ارالىقتى ساباقحانا قاتارلى وسى زامانعى وقىتۋ جابدىقتارىنىڭ بارلىعى بار. سوڭعى جىلداردان بەرى، لوپ اۋداندىق 4 - باستاۋىش مەكتەپ تەبىندى ارتتىرىپ، قاتتى بولشەك قۇرىلعىلارىن سالىپ، كەمەلدەندىردى، تاجىريبە عيماراتى، سپورت الاڭى، اسحانا، قوسىمشا سەپتەلگەن قۇرىلعىلار سياقتى وقۋ - اعارتۋ نەگىزدىك قۇرىلعىلارىن كورنەكتى جاقسارتتى.
بۇل مەكتەپتىڭ وزگەرىسى لوپ اۋدانىنىڭ وقۋ - اعارتۋ ارقىلى كەدەيلەردى سۇيەمەلدەۋ تەبىنىن ارتتىرعاندىعىنىڭ شاعىن كورىنىسى. 2014 - جىلدان بەرى، لوپ اۋدانى قارجى سالىپ، 95 مىڭ 245 شارشى مەترلىك مەكتەپ - جاتاق اۋدانىن جاقسارتىپ، وقىتۋ قوسىمشا جابدىقتارىن تولىقتاپ سەپتەپ، ”ينتەرنەت بارلىق مەكتەپتە تۇتاسۋ، وقىتۋ بايلىعى بارلىق ساباقحانادا تۇتاسۋ، ۇيرەنۋ كەڭىستىگى بارلىق ادامعا تۇتاسۋدى“ جۇزەگە اسىردى.
كەدەيلىكتىڭ ۇرپاقتار بويى جالعاسۋىن ءۇزىپ، ءار ادامعا ءوز كەلبەتىن ايگىلەيتىن وراي بەرۋدە وقۋ - اعارتۋ تەرەڭ رول اتقارۋدا.
ميھىرنيسا ءمامتىمىن دول اۋىلى باشارىق قىستاعىنداعى ءبىر كەدەي وتباسىنان كەلگەن، اۋداندىق كاسىپتىك تەحنيكالىق مەكتەبىنىڭ كىلەم توقۋ ماماندىعىنان وقۋ تاۋىسقاننان كەيىن، ول جەرگىلىكتى ورىنداعى ءبىر كىلەم زاۆودىنىڭ جوبالاۋشىسى بولىپ، ايىنا 3500 يۋان ەڭبەكاقى الدى، ونىڭ جەبەۋىندە وتباسى كەدەيلىك قالپاعىن الىپ تاستادى.
”مەكتەپكە بارىپ وقىماعان بولسام، تۇرمىس كەشىرەتىن شەبەرلىك يگەرمەي، كەدەيلىكتەن ارىلىپ جاقسى تۇرمىس وتكىزۋىم قيىن ەدى!“، - دەدى ميھىرنيسا.
18 جاستاعى نۇريمانگۇل تۇرسۇنجان لوپ اۋداندىق كاسىپتىك جوعارى مەكتەپتەن وقۋ تاۋىسقان، ارحيۆ تۇرعىزىلىپ، كارتچكالاندىرىلعان كەدەي بولاتىن. وقۋ تاۋىسقاننان كەيىن مەكتەپتىڭ تانىستىرۋىمەن اۋدانداعى ەلەكتروندى ساۋدا كاسىپ باقشاسىنداعى ”لولانگۇل“ ۇجىمىنا كىرىپ قىزمەت ىستەپ، ينتەرنەتتە زات تانىستىرىپ ساتاتىن ”جۇلدىزعا“ اينالدى.
وسى ۇجىمنىڭ جاۋاپتىسى گو رۇنزى بىلاي دەدى: ۇجىمعا قىزمەتكەر قابىلداۋدا كەدەي وتباسىلارىنىڭ وقۋ تاۋىسقان بالالارى الدىمەن قابىلدانادى، نۇريمانگۇل سياقتى كوپتەگەن جاستار وقۋ - اعارتۋ ارقىلى شىن مانىندە تاعدىرلارىن وزگەرتتى.
لوپ اۋدانى تاكلاماكان ءشولىنىڭ وڭتۇستىك جيەگىنە ورنالاسقان، حوتان ايماعىنداعى كەدەيلىك قالپاعى الىنباعان 5 كەدەي اۋداننىڭ ءبىرى. سوڭعى جىلداردان بەرى، لوپ اۋدانى وقۋ - اعارتۋ ارقىلى كەدەيلەردى سۇيەمەلدەۋدى تۇبىرىنەن وڭاۋ شاراسى ەتىپ، كەدەيلەردىڭ پەرزەنتتەرىنىڭ تاماشا نەگىزدىك تاربيە الىپ، جۇمىستانۋ، شارۋاشىلىق قۇرۋ شەبەرلىگىنە يە بولۋىنا شىنايى كەپىلدىك ەتىپ، كەدەيلىكتىڭ ۇرپاقتار بويى جالعاسۋىن ءۇزدى. قازىر بۇكىل اۋداندا تەگىن وقۋ - اعارتۋ جانە كەدەي ستۋدەنتتەرگە كومەكتەسۋ ساياساتى جالپى بەتتىك تياناقتانىپ، مەكتەپكە دەيىنگى 3 جىلدىق تاربيە بويىنشا بالاباقشاعا ءتۇسۋ سالىستىرماسى جانە 9 جىلدىق مىندەتتى وقۋ - اعارتۋدىڭ بەكەمدەلۋ سالىستىرماسى ％100كە، تولىق ورتا ساتىسىنداعى وقۋعا ءتۇسۋ سالىستىرماسى ％95تەن استامعا جەتىپ، بۇكىل اۋدانداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ بالالارى تۇگەلدەي وقۋعا ءتۇستى. اۋدان جاتاقتى مەكتەپ تۇزىمىندەگى تۇرمىستىق جاردەماقى ساياساتىن دالمە - ءدال اتقارىپ، مەملەكەتتىڭ وقۋ سيلىق اقىسى ءتۇزىمىن جالپى بەتتىك تياناقتاندىردى. لوپ اۋدانىنداعى كەدەيلەرى قونىس اۋدارىپ سۇيەمەلدەۋ بويىنشا بەلگىلەنگەن 4 ورنالاستىرۋ تۇيىنىندە 12 مەكتەپ سالىپ، 143 وقىتۋشى سەپتەدى.
”ءبىر ادامدى باۋلىپ، ءبىر ادامدى كاسىپتەندىرىپ، ءبىر وتباسىن كەدەيلىكتەن ارىلتۋ“ نىساناسىن جۇزەگە اسىرۋ ءۇشىن، لوپ اۋدانى كاسىپتىك تاربيەنى كۇشەيتىپ، ”باۋلۋدى يگەرۋ، شەبەرلىكتى ارتتىرۋ، جۇمىستانۋدى جەبەۋ، كىرىستى ورنىقتىرۋ“ ۇستانىمىمەن ۇشتاستىرىپ، 2019 - جىلدان قازىرگە دەيىن 15 ماماندىق، سونداي - اق سايكەستى ناقتى جاتتىقتىرۋ بولمەسىن قۇرىپ، وقۋشىلاردىڭ 190نان استام جۇمىستاندىرۋ كەلىسىمى بار كاسىپورىنعا بارىپ قىزمەت ىستەي ءجۇرىپ پراكتيكادان ءوتۋىن، الدىن الا جۇمىستانۋ مەن پراكتيكانىڭ ساڭلاۋسىز ۇشتاسۋىن جۇزەگە اسىرىپ، وقۋ - اعارتۋدى اقىل - پاراسات، جىگەرىن جانۋ جاعىنان قوس سۇيەمەلدەۋدىڭ، كەدەيلىكتەن ارىلتۋدان قامال الۋعا دەم بەرۋدىڭ ماڭىزدى تۇتقاسى ەتتى.
