شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 10 - ايدىڭ 11 - كۇنى ۇرىمجىدەن حابارلايدى. ”13 - بەسجىلدىق“ كەزىندە رايونىمىز مەكتەپكە دەيىنگى تاربيەنى الدىمەن دامىتۋعا تاباندى بولىپ، جوعارى دەڭگەيدە جوبالاۋدى كۇشەيتىپ، وزىق جوسپار جاساۋعا باسا نازار اۋدارىپ، وڭتۇستىك شينجياڭداعى 4 ايماق - وبلىستى ءتۇيىن ەتە وتىرىپ، مەكتەپكە دەيىنگى تاربيەنى اۋىل - قىستاقتا جالپىلاستىرۋدى جەدەلدەتتى، بۇكىل رايونداعى 4 جاستان 6 جاسقا دەيىنگى وقۋ جاسىنداعى بالالاردىڭ ”بالاباقشاعا كىرۋگە تيىستىلەرى تۇگەل كىردى“.
رايونىمىز اۋىل - قىستاقتاردا بالاباقشا سالۋ شارت - جاعدايىن جوعارىلاتۋعا كۇش سالدى. 2016 - جىلى، 2017 - جىلى 16 ميلليارد 300 ميلليون يۋان قارجى جۇمساپ، اۋىل - قىستاقتاردا 4408 بالاباقشانى جاڭادان، وزگەرتىپ، كەڭەيتىپ سالىپ، اۋىل - قىستاقتارداعى بالاباقشالاردىڭ ”سالىنۋعا تيىستىلەرىنىڭ ءبارىن سالۋدى“ جۇزەگە اسىردى، بۇكىل رايوننىڭ قالا - قالاشىقتارىندا سەنترلى بالاباقشانىڭ قامتۋ سالىستىرماسىن ％100كە جەتكىزىپ، مەملەكەتتىڭ ”2020 - جىلعا بارعاندا ءارقايسى اۋىل - قالاشىقتا پرينسيپتىك جاقتان، از دەگەندە، ۇكىمەت اشقان ءبىر بالاباقشانى ويداعىداي قۇرۋ، كولەمدى قىستاقتاردا دەربەس بالاباقشا سالۋ نەمەسە بولىمشە بالاباقشا قۇرۋ، شاعىن قىستاقتاردا بىرلەسكەن بالاباقشا قۇرۋ“ ورنالاستىرۋى جوسپار نىساناسىن مەرزىمنەن بۇرىن ورىندادى.
رايونىمىز مەكتەپكە دەيىنگى تاربيەنى بەلسەندى دامىتۋ ارقىلى بالاباقشا قۇرىلىسى سياقتى شارالاردى كۇش سالا ويداعىداي يگەرىپ، ءار ۇلتتىڭ مەكتەپكە دەيىنگى وقۋ جاسىنداعى سابيلەرىنىڭ ”بالاباقشاعا ءتۇسۋى قيىن بولۋ، بالاباقشاعا ءتۇسۋى قىمبات بولۋ“ ماسەلەسىن ءونىمدى شەشتى. ساناقتا كورسەتىلۋىنشە، 2016 - جىلى بۇكىل رايونىمىزدا جيىنى 4643 بالاباقشا بار بولىپ، بالاباقشاداعى بالا سانى 919 مىڭ 600گە جەتىپ، مەكتەپكە دەيىنگى تاربيە بويىنشا جالپى بالاباقشاعا ءتۇسۋ سالىستىرماسى ％76.29 بولعان؛ 2019 - جىلدىڭ سوڭىنا جەتكەندە بۇكىل رايوندا جيىنى 7725 بالاباقشا بار بولىپ، بالاباقشاداعى بالا سانى ءبىر ميلليون 519 مىڭ 500گە جەتىپ، مەكتەپكە دەيىنگى 3 جىلداعى جالپى بالاباقشاعا ءتۇسۋ سالىستىرماسى ％97.51كە جەتىپ، مەكتەپكە دەيىنگى تاربيەدە تاريحي سيپاتتى تابىسقا قول جەتكەن.
بالالاردى ”بالاباقشاعا كىرە الاتىن“ ەتۋمەن بىرگە، تاعى ”ويداعىداي بالاباقشاعا كىرگىزۋ“ كەرەك. ”13 - بەسجىلدىق“ كەزىندە اۆتونوميالى رايون ءتۇرلى ادىستەردى پايدالانا وتىرىپ ارناۋلى وقىتۋشىلاردى تولىق، كۇشتى سەپتەپ، وقىتۋشىلاردى قىزمەتكە قابىلداۋ ساياساتىنا رەفورما جۇرگىزىپ، بالاباقشا مۇعالىمدارىن تولىقتاۋ تەبىنىن ۇزدىكسىز كۇشەيتتى. 2016 - جىلدان 2019 - جىلعا دەيىن جيىنى 44 مىڭ 800 بالاباقشا وقىتۋشىسىن قىزمەتكە قابىلدادى. سونىمەن بىرگە، داشۋە وقۋشىلارىنىڭ پراكتيكا جاساۋى، وقىتۋشىلاردى وقىتۋعا كومەكتەسۋگە جىبەرۋ جوسپارىن ۇزدىكسىز اتقارىپ، وڭتۇستىك، سولتۇستىك شينجياڭداعى بالاباقشا باستىقتارى جۇپ قۇراپ بىرگە قۇرۋ، ەكى جاقتى مىندەتكە ءىلۋ قىزمەتىن ورىستەتىپ، بۇكىل شينجياڭ كولەمىندە وزىق وقۋ - اعارتۋ ۇستانىمى مەن باسقارۋ ادىسىنەن ءوزارا تەڭ يگىلىكتەنۋدى ىلگەرىلەتىپ، بالاباقشا باستىقتارىنىڭ جانە وقىتۋشىلارىنىڭ ساياسي ساپاسىن، كاسىپتىك ساپاسىن، سونداي - اق باسقارۋ قابىلەتىن جوعارىلاتۋعا كۇش سالدى.
