شينحۋا اگەنتتىگىنىڭ 10 - ايدىڭ 11 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «شىنجىندا جۇڭگوشا سوتسياليزمنەن الدىمەن ۇلگى كورسەتۋ رايونى كەشەندى رەفورما سىناق ءتۇيىنىن قۇرۋ جونىندەگى اتقارۋ جوباسىن (2020 − 2025 - جىل)» باسىپ تاراتتى ءارى حابارلاندىرۋ شىعارىپ، وڭىرلەردىڭ، تاراۋلاردىڭ ءىس جۇزىندىكپەن بىرلەستىرىپ مۇقيات دايەكتىلەندىرۋىن، تياناقتاندىرۋىن تالاپ ەتتى.
«اتقارۋ جوباسىندا» مىنالار اتاپ كورسەتىلدى: ەكونوميكالىق ەرەكشە رايون قۇرىلعاندىعىنىڭ 40 جىلدىعىن وراي ەتىپ، ورتالىقتىڭ رەفورمانى جوعارى دەڭگەيدە جوبالاۋىندا جانە ستراتەگيالىق ورنالاستىرۋىندا، شىنجىننىڭ كەشەندى ۇقىق بەرۋ رەفورما سىناق ءتۇيىنىن اتقارۋىنا قولداۋ كورسەتۋ − جاڭا داۋىردە شىنجىننىڭ رەفورما جاساۋ، ەسىك اشۋدا قايتالاي اتتانىسقا كەلۋىن ىلگەرىلەتۋدەگى تاعى ءبىر رەتكى كەلەلى شارا، جۇڭگوشا سوتسياليزمنەن الدىمەن ۇلگى كورسەتۋ رايونىن قۇرۋداعى شەشۋشى ءادىس ءارى رەفورمانىڭ تاسىلىندە، ادىسىندە جاڭالىق اشۋداعى شىت جاڭا ىزدەنىس.
«اتقارۋ جوباسىندا» العا قويىلعان جەتەكشى يدەيا: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى، ورنالاستىرۋلارى بويىنشا، دۇرىس رەفورما باعدارىن مىقتاپ يگەرىپ، جۇڭگوشا سوتسياليزمنەن الدىمەن ۇلگى كورسەتەتىن رايوننىڭ ستراتەگيالىق ورنى مەن ستراتەگيالىق نىساناسىن ارقاۋ ەتىپ، شىنجىنعا ءتۇيىندى سالالار مەن شەشۋشى بۋىندار رەفورماسىندا اناعۇرلىم كوپ دەربەس بولۋ ۇقىعىن بەرىپ، شىنجىننىڭ اناعۇرلىم بيىك باستامادا، اناعۇرلىم جوعارى ساتىدا، اناعۇرلىم جوعارى نىسانادا رەفورما جاساۋدى، ەسىك اشۋدى ىلگەرىلەتۋىنە قولداۋ كورسەتىپ، ءار جاقتارداعى ءتۇزىمدى الدىمەن كەمەلدەندىرىپ، جوعارى ساپالى دامۋ ءتۇزىلىسىن، مەحانيزمىن ورناتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، رەفورمانى جاپپاي تەرەڭدەتۋدىڭ، ەسىك اشۋدى جاپپاي كەڭەيتۋدىڭ جاڭا ارناسىن جەدەل قالىپتاستىرىپ، شىنجىن مەن شياڭگاڭنىڭ اناعۇرلىم جوعارى ورەدەگى سەلبەستىگىن جەبەپ، گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسىنداعى وزەكتى قوزعالتقىش يقۋاتىن كۇشەيتىپ، سوتسياليستىك وسىزاماندانعان قۇدىرەتتى ەلدىڭ قالا ۇلگىسىن قۇلشىنا قۇرۋ.
«اتقارۋ جوباسىندا» العا قويىلعان باستى نىسانا: 2020 - جىلى فاكتورلاردى بازارلاندىرىپ سەپتەۋ، شارۋاشىلىق - ساۋدا ورتاسىن جاقسارتۋ، قالا كەڭىستىگىن ءبىر تۇتاس جوسپارلاپ پايدالانۋ سياقتى ماڭىزدى سالالاردا ءبىر توپ كەلەلى رەفورما شارالارىن شىعارىپ، تۇڭعىش توپتاعى كەشەندى ۇقىق بەرۋ ىستەرى تىزىمدىگىن جاساپ، اتقارىپ، سىناق ءتۇيىنىنىڭ جاقسى باستالىپ، جاقسى جولعا ءتۇسۋىن جەبەۋ. 2022 - جىلى ءار جاقتارداعى ءتۇزىم قۇرىلىسىندا ماڭىزدى ىلگەرىلەۋشىلىككە قول جەتكىزىپ، ءبىر توپ كوشىرىپ پايدالانۋعا، جالپىلاستىرۋعا بولاتىن كەلەلى تۇزىمدىك جەتىستىكتەردى قالىپتاستىرىپ، سىناق تۇيىنىندە كەزەڭدىك ونىمدىلىككە قول جەتكىزۋ. 2025 - جىلى ماڭىزدى سالالار مەن شەشۋشى بۋىندار رەفورماسىندا بەلگى سيپاتتى جەتىستىككە قول جەتكىزىپ، سىناق ءتۇيىنى رەفورما مىندەتىن نەگىزىنەن ورىنداپ، بۇكىل ەلدىڭ ءتۇزىم قۇرىلىسىندا ماڭىزدى ۇلگى كورسەتۋ.
«اتقارۋ جوباسى» 7 جاقتان ايقىن تالاپتاردى ورتاعا قويدى، ولار جەكە - جەكە مىنالار: فاكتوردى بازارلاندىرىپ سەپتەۋ ءتۇزىلىس - مەحانيزمىن كەمەلدەندىرۋ؛ بازارلانعان، زاڭمەن جونگە سالىنعان، حالىقارالانعان شارۋاشىلىق - ساۋدا ورتاسىن تۇلعالاۋ؛ عىلىم - تەحنيكادا جاڭالىق اشۋ ورتاسى ءتۇزىمىن كەمەلدەندىرۋ؛ جوعارى ورەلى، اشىق ەكونوميكا ءتۇزىلىسىن كەمەلدەندىرۋ؛ حالىق تۇرمىسىنا قىزمەت وتەۋ قامداۋى ءتۇزىلىسىن كەمەلدەندىرۋ؛ ەكولوگيالىق ورتانى جانە قالا كەڭىستىگىن جونگە سالۋ ءتۇزىلىسىن كەمەلدەندىرۋ؛ قامتاماسىزداندىرۋ شارالارىن كۇشەيتۋ.
