تيانشان تورى   ›   جاڭالىقتار   ›   شينجياڭ حابارلارى

قاشقار، كورلا اۋەجايىنىڭ بيىل قابىلداعان جانە جونەلتكەن جولاۋشىلار سانى بىردەي ءبىر ميلليون ادامنان (رەت) استى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ، ەرىكتى ءتىلشى ياڭ ياۋ 10 - ايدىڭ 11 - كۇنى ۇرىمجىدەن حابارلايدى. 10 - ايدىڭ 11 - كۇنى ساعات 11دەن 30 مينۋت وتكەندە، حۋاشيا اۆياتسياسىنىڭ G54941 شينيڭ - كورلا كەزەكتى ۇشاعىنا وتىرعان جولاۋشى ليۋ مىرزانىڭ ۇشاق بولمەسىنەن شىعۋىمەن، كورلا اۋەجايىنىڭ 2020 - جىلى قابىلداعان جانە جونەلتكەن جولاۋشىلار سانى ءبىر ميلليون ادامنان (رەت) استى. 10 - ايدىڭ 8 - كۇنى قاشقار اۋەجايىنىڭ 2020 - جىلى قابىلداعان جانە جونەلتكەن جولاۋشىلار سانى ءبىر ميلليون ادامنان (رەت) استى. وسىعان دەيىن شينجياڭداعى 2 ۇلكەن قوسالقى جەلى اۋەجايىنىڭ بيىلعى قابىلداعان جانە جونەلتكەن جولاۋشىلار سانى بىردەي ءبىر ميلليون ادامنان (رەت) استى.

  كەزەكتە قاشقار، كورلا اۋەجايىنىڭ ”كەڭىستىك الەۋمەتتىك قاتىناس“ اۋە جولى تورى باستاپقى قادامدا قالىپتاستى. قاشقار اۋەجايى شينجياڭ كولەمىندە 13 قالاعا، شينجياڭنان سىرت 15 قالاعا قاتىنايتىن اۋە جولىن اشتى. كورلا اۋەجايى شينجياڭ كولەمىندە 15 قالاعا، شينجياڭنان سىرت 13 قالاعا قاتىنايتىن اۋە جولىن اشتى.

  مەملەكەت مەرەكەسى جانە جۇڭچيۋ دەمالىسى كەزى شينجياڭ ساياحاتىنىڭ التىن مەزگىلى، قاشقار اۋەجايى كۇنىنە ورتا ەسەپپەن 6614 جولاۋشى (رەت) قابىلدادى جانە جونەلتتى، كورلا اۋەجايى كۇنىنە ورتا ەسەپپەن 6081 جولاۋشى (رەت) قابىلدادى جانە جونەلتتى، اۋەجايعا كەلىپ تۇسكەن جولاۋشىلاردىڭ باسىم كوبىن ساياحاتشىلار ۇستادى.

  مۇنان سىرت، قاشقار اۋەجايىنداعى شاڭحايدىڭ شينجياڭعا كومەكتەسۋى بويىنشا ساياحات ۇشاعىن جالعا الۋ جانە كورلا اۋەجايىنداعى حىبەيدىڭ شينجياڭعا كومەكتەسۋى بويىنشا ساياحات ۇشاعىن جالعا الۋ قيمىلى جەكە - جەكە 9 - ايدىڭ 16 - كۇنى جانە 10 - ايدىڭ 2 - كۇنى باستالدى. ساياحات بويىنشا ۇشاق جالداپ الۋ جەرگىلىكتى ورىننىڭ ساياحات كاسىبىنىڭ قايتا جاندانۋىن پارمەندى جەبەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى