− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (2)
شينجياڭ گازەتىنىڭ شولۋشىسى
باعدار جولدى بەلگىلەيدى، جول تاعدىردى بەلگىلەيدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تەرەڭدەي بايىمداپ بىلاي دەپ باسا دارىپتەدى: ”كەزەكتە جانە بۇدان بىلايعى ءبىر مەزگىلدە، شينجياڭ قىزمەتىن ويداعىداي ىستەۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك“.
”قوس 100 جىلدىق“ كۇرەس نىساناسى توعىسقان شەشۋشى تۇيىندە، ”13 - بەسجىلدىقتى“ اياقتاتىپ، ”14 - بەسجىلدىقتى“ جوسپارلايتىن شەشۋشى كەزەڭدە، شينجياڭ قىزمەتى جاڭا جاعدايعا، جاڭا مىندەتتەرگە ءدوپ كەلگەن شەشۋشى ساتتە، شي جينپيڭ جولداستى ۇيتقى ەتكەن پارتيا ورتالىق كوميتەتى 3 - رەتكى ورتالىقتىڭ شينجياڭ قىزمەتى اڭگىمە ءماجىلىسىن اشىپ، ستراتەگيالىق جانە جالپى جاعداي تۇرعىسىنان شينجياڭ قىزمەتىن جوسپارلادى، اسىرەسە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تەرەڭدەي بايىمداپ، جاڭا داۋىردەگى شينجياڭ قىزمەتىن ويداعىداي ىستەۋدىڭ العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى.
اۆتونوميالى رايوندىق 9 - كەزەكتى پارتكومنىڭ ونىنشى جالپى ءماجىلىسى مىنالاردى باسا دارىپتەدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى، تياناقتاندىرۋدى كەلەلى ساياسي مىندەت ەتىپ، تولىق، دالمە - ءدال دايەكتىلەندىرۋ جاعىنا كۇش سالىپ، شينجياڭ قىزمەتىنىڭ دۇرىس ساياسي بەتالىستى باستان - اياق ساقتاۋىنا شىنايى كەپىلدىك ەتۋ كەرەك.
پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭدى جونگە سالۋ زاڭدىلىعى جونىندەگى تانىم مەن يگەرۋدى تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، شينجياڭ قىزمەتىن ستراتەگيالىق جاقتان باعامداۋعا جانە جوبالاۋعا تاباندى بولدى، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولدى، جۇرت تىلەگىن ۇيىستىرۋدى ءتۇبىرلى نەگىز ەتۋگە تاباندى بولدى، جۇڭحۋا ۇلتى ورتاق تۇلعا تانىمىن سومداۋعا تاباندى بولدى، ەلىمىزدە ءدىندى جۇڭگوشالاندىرۋ بەتالىسىنا تاباندى بولدى، سوتسياليستىك وزەكتى قۇن كوزقاراسىن اسقاقتاتۋعا، جەتىلدىرۋگە تاباندى بولدى، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولدى، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولدى.
جاڭا داۋىردەگى پارتيانىڭ شينجياڭدى جونگە سالۋ جالپى جوباسىندا باس شۋجي شي جينپيڭنىڭ شينجياڭ جاعدايى جونىندەگى تەرەڭ تۇسىنىگى، شينجياڭ قىزمەتى جونىندەگى تەرەڭ ويلارى قامتىلعان، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ ماڭىزدى قۇرامداس بولىگى، جاڭا جۇڭگو قۇرىلعاننان بەرگى پارتيامىزدىڭ شينجياڭدى جونگە سالۋ، شينجياڭدى ورنىقتىرۋ، شينجياڭدى گۇلدەندىرۋ نازارياسىنىڭ جاۋھارى جانە ارلەنۋى، شينجياڭ قىزمەتىن توتەنشە كۇردەلى بارىستا تۋراشىلدىقتى ساقتاپ جاڭالىق اشۋعا، قايشىلىقتار مەن حاۋىپ - قاتەرلەر اراسىنان جەڭىسپەن العا باسۋعا جەتەكتەيتىن قۇدىرەتتى يدەيالىق قارۋ بولىپ، شينجياڭ قىزمەتىن العا ىلگەرىلەتۋدە كەلەلى ناتيجەلەرگە قول جەتكىزدى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى.
تانىم ارەكەتتىڭ باستالۋى، ارەكەت تانىمنىڭ ورىندالۋى. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدە، الدىمەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، تەرەڭ ءتۇسىنىپ، ونىڭ وزەكتى مازمۇنى مەن رۋحاني ءمانىن تەرەڭ يگەرۋ كەرەك. قازىر بۇكىل رايون جوعارىدان تومەنگە دەيىن، اسىرەسە، ءار دارەجەلى باسشىلىق القالارى مەن پارتيالى باسشى كادرلار قايتا - قايتا ۇيرەنىپ، باس شۋجي شي جينپيڭنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسى جونىندەگى تەرەڭ بايىمداۋىن جانە تۇسىنگىن تەرەڭىنەن يگەرىپ، باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندەگى ماڭىزدى ءسوزىنىڭ رۋحىن ۇيرەنۋدى باس شۋجيدىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ۇيرەنۋمەن ساباقتاستىرىپ، وندا قامتىلعان ماركسيزمدىك تۇرعىنى، كوزقاراستى، ادىستەردى ىشكەرىلەي يگەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ساناعا، جۇرەككە ۇيالاتىپ، ونى جاڭا داۋىردەگى شينجياڭ قىزمەتىن ويداعىداي ىستەۋدەگى قۇدىرەتتى كۇشكە اينالدىرۋ كەرەك.
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدە شەشۋشى ءتۇيىن − جاۋاپكەرشىلىك سەزىمدى، بورىشتىلىق سەزىمىن كۇشەيتىپ، ءتۇرلى مىندەتتەردىڭ تياناقتانۋىن تاباندىلىقپەن ويداعىداي يگەرۋ. ءبىز قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىن مىقتاپ يگەرىپ، مەملەكەتتى جاپپاي زاڭمەن جونگە سالۋ تالابىن شينجياڭ قىزمەتىنىڭ ءار سالاسىندا تياناقتاندىرۋىمىز كەرەك. جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ءار ۇلتتىڭ ۇلى ىنتىماعىن ۇزدىكسىز بەكەمدەۋىمىز كەرەك. حالىقتى وزەك ەتكەن دامۋ يدەياسىن امالياتتا ايگىلەپ، حالىق تۇرمىسىنا تىعىز جاناسىپ جوعارى ساپالى دامۋدى ىلگەرىلەتۋىمىز كەرەك. پارتيانىڭ جاپپاي باسشىلىعىن مىزعىماستان كۇشەيتىپ، باس نىسانانى جۇزەگە اسىرۋعا پارمەندى ساياسي كەپىل ازىرلەۋىمىز كەرەك.
جوسپار الدەقاشان جاسالدى، ارماندى جۇزەگە اسىرۋ ءۇشىن تەك عانا تاباندى ارەكەت كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەتپەن ىنتىماقتاسىپ، ەل بىرلىگىنەن قامال تۇرعىزىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جۇرگىزەيىك!
