تيانشان تورى   ›   ۇيرەنۋ   ›   شولۋ

ءىس جۇزىندىك ماسەلەلەردى شەشۋ قابىلەتىن ۇزدىكسىز جوعارىلاتايىق

 − باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

 حالىق گازەتىنىڭ شولۋشىسى

  ”ءىس جۇزىندىك ماسەلەلەردى شەشۋ قابىلەتىن جوعارىلاتۋ − كەزەكتەگى كۇردەلى جاعدايعا توتەپ بەرۋدىڭ، جاپالى مىندەتتەردى ورىنداۋدىڭ كوكەي تەستى قاجەتى ءارى جاس كادرلاردىڭ ءوسىپ - جەتىلۋىنىڭ قاجەتتى تالابى“. باس شۋجي شي جينپيڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى: ”كۇردەلى جاعداي مەن جاپالى مىندەتتەر الدىندا ءبىز داعدارىس بارىسىندا ءتيىمدى وراي جەتىلدىرۋىمىز، وزگەرىس بارىسىندا جاڭا جاعداي اشۋىمىز كەرەك، كادرلار، اسىرەسە، جاس كادرلار ساياسي قابىلەتىن، تەكسەرۋ - زەرتتەۋ قابىلەتىن، عىلمي شەشىم جاساۋ قابىلەتىن، رەفورمادا قامال الۋ قابىلەتىن، شۇعىل جاعدايلارعا توتەپ بەرۋ، توسىن وقيعالاردى ءبىر جاقتى ەتۋ قابىلەتىن، بۇقارالىق قىزمەت قابىلەتىن، تياناقتاندىرۋدى يگەرۋ قابىلەتىن جوعارىلاتىپ، ماسەلەلەرگە باتىلدىقپەن تۋرا قاراپ، ءىس تىندىرعىسى كەلەتىن، ءىس تىندىرا الاتىن، ىستەن ناتيجە شىعاراتىن بولۋ، ۇزدىكسىز تۇردە ماسەلەلەردى شەشۋ، قيىن ماسەلەلەردى شەشۋ كەرەك“.

  كەزەكتە دۇنيە جۇزىندە 100 جىلدا بولماعان زور وزگەرىس جەدەل دامىپ، ەلىمىز دامۋىنىڭ ىشكى شارت - جاعدايى مەن سىرتقى ورتاسىندا تەرەڭ دە كۇردەلى وزگەرىستەر تۋىلۋدا. ”14 - بەسجىلدىق“ مەزگىلىندە ەلىمىز جاڭا دامۋ كەزەڭىنە وتەدى، شەشۋگە ءتيىستى ماسەلەلەر بارعان سايىن تۇرلىلەنىپ، بارعان سايىن كۇردەلىلەنە تۇسەدى. ءبىز، ءسوز جوق، ەل ءىشى - سىرتىنداعى اۋقىمدى ديالەكتيكالىق تۇرعىدا تانىپ جانە يگەرىپ، ەكى كەلەلى جاعدايدى ءبىر تۇتاس جوسپارلاپ، ەلىمىز قوعامىنداعى نەگىزگى قايشىلىقتار دامۋىنىڭ وزگەرىستەرى الا كەلگەن جاڭا ەرەكشەلىكتەردى، جاڭا تالاپتاردى تەرەڭدەي تانىپ، قىم - قۋىت، كۇردەلى حالىقارالىق ورتا الا كەلگەن جاڭا قايشىلىقتاردى، جاڭا سىن - سايىستاردى تەرەڭدەي تانىپ، وزگەرىستى ءدال تانىپ، وزگەرىسكە عىلمي سايكەسىپ، وزگەرىسكە ىرىقتىلىقپەن تالپىنىپ، داۋىلدى تولقىنعا قارسى باتىلدىقپەن جەلكەن كوتەرىپ، حاۋىپ - قاتەردى ورايعا اينالدىرۋعا شەبەر بولىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا قۇلشىنۋىمىز كەرەك. مۇندا، ەڭ ماڭىزدى ءبىر تارماق، كادرلار، اسىرەسە، جاس كادرلار ءىس جۇزىندىك ماسەلەلەردى شەشۋ قابىلەتىن ۇزدىكسىز جوعارىلاتىپ، شىڭدالعان قابىلەتتەرى ارقىلى ىسكەرلىكتەرىن ايگىلەپ، بورىشتارىن وتەۋى كەرەك. باس شۋجي شي جينپيڭنىڭ 7 ءتۇرلى قابىلەتتى جوعارىلاتۋدى دارىپتەۋى ءدال جاڭا جاعدايدى، جاڭا مىندەتتى كوزدەپ، كادرلارعا، اسىرەسە، جاس كادرلارعا قويعان ايقىن تالابى، كەلەلى امالياتتىق ءمانى مەن تەرەڭ تاريحي ءمانى بار.

  كادرلاردىڭ قىزمەتتى جاقسى ىستەۋىنە قاجەتتى ءتۇرلى قابىلەتتەردىڭ اراسىندا ساياسي قابىلەت ءبىرىنشى ورىندا تۇرادى. ىسىلعان ساياسي قابىلەت بولعاندا عانا، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى تۇردە ساقتاۋعا بولادى، ءارقانداي كەزدە، ءارقانداي جاعدايدا ”كوشپەلى بۇلتتىڭ كوز الدىمىزدى توسۋىنان قورىقپاۋعا“، ”تۇيدەك بۇلتتار كوشسە دە قايىسپاي ەركىن تۇرۋعا بولادى“. ساياسي قابىلەتتى جوعارىلاتۋدا، ەڭ الدىمەن، دۇرىس ساياسي بەتالىستى يگەرىپ، پارتيانىڭ باسشىلىعىنا تاباندى بولۋعا جانە ەلىمىزدىڭ سوتسياليستىك تۇزىمىنە ءتيىمدى بولعان ىستەردى بۇلجىماي ىستەۋ، پارتيانىڭ باسشىلىعىنا تاباندى بولۋعا جانە ەلىمىزدىڭ سوتسياليستىك تۇزىمىنە ءتيىمسىز بولعان ىستەردى استە ىستەمەۋ كەرەك! ساياسي سەزگىرلىك پەن ساياسي پارىقتاۋ قابىلەتىن ۇزدىكسىز جوعارىلاتۋ كەرەك، اۋقىمدى باقىلاپ - تالداۋ جاساعاندا، ەڭ الدىمەن، ساياسي فاكتوردى يگەرۋ، اسىرەسە، قۇبىلىستان مانگە كوز جىبەرىپ، سەرگەك بولۋ، ءىستى ەرتە باستان بايقاۋ، تەز قيمىلداۋ كەرەك. پارتيانىڭ ساياسي ءتارتىبى مەن ساياسي قاعيداسىنان يمەنۋ سەزىمىندە بولىپ، ساياسي شىڭدالۋدى سانالى تۇردە كۇشەيتىپ، ساياسي ۇستامدىلىقتى ارتتىرىپ، باستان - اياق ساياسيدا ”اڭعارلى ادام“، ”ادال ادام“ بولۋ كەرەك. ماركسيزمدىك نازاريالىق ورەنى جوعارىلاتۋعا باسا ءمان بەرىپ، ىشكەرىلەي ۇيرەنىپ، جەتە ءتۇسىنىپ، تولىق ۇعىنىپ، ديالەكتيكالىق ماتەرياليزم مەن تاريحي ماتەرياليزمدى يگەرىپ، وندا باستان - اياق ساباقتاسىپ جاتقان ماركسيزمدىك تۇرعىنى، كوزقاراستى، ءادىستى يگەرىپ، جۇڭگوشالاندىرىلعان ماركسيزمدى يگەرىپ، ماركسيزمنىڭ تاباندى سەنۋشىلەرى، ادال امالياتتا ايگىلەۋشىلەرى بولۋ كەرەك.

  باس شۋجي شي جينپيڭ مىنانى تەرەڭدەي اتاپ كورسەتتى: ”مەيلى ءىس تىندىرىپ، ناتيجە شىعارۋدا بولسىن، الدە قامال الىپ، قيىندىقتى جەڭۋدە بولسىن، كەڭ يىقتى قاجەت ەتىپ قانا قالماستان، قۇرىش يىقتى دا قاجەت ەتەدى؛ ساياسيدا ىسىلعان بولۋدى قاجەت ەتىپ قانا قالماستان، جوعارى قابىلەتتى دە قاجەت ەتەدى“. تەكسەرۋ - زەرتتەۋ قابىلەتىن جوعارىلاتىپ، بۇقارانىڭ اراسىنا بارۋعا، امالياتقا ارالاسۋعا تاباندى بولىپ، نەگىزگى ساتىداعى كادر - بۇقارانىڭ ويلاعانىنا، اسىققانىنا، اڭساعانىنا قۇلاق ءتۇرىپ، شىنايى جاعدايدى ۇعىسۋ جانە يگەرۋ كەرەك. عىلمي شەشىم جاساۋ قابىلەتىن جوعارىلاتىپ، ستراتەگيالىق كورەگەندىكتى ساقتاپ، مەملەكەت ءۇشىن نەنىڭ ماڭىزدى ەكەندىگى جونىندە كوكەيدە ەسەپ بولۋ، وڭىرلەر مەن تاراۋلاردىڭ قىزمەتىن پارتيا مەن مەملەكەت ىستەرىنىڭ ۇلكەن جاعدايىمەن توعىستىرۋعا شەبەر بولىپ، ءبىر وڭىرگە داڭق اپەرۋ، ونان دا ماڭىزدىسى، جالپى جاعدايدى ارلەي ءتۇسۋ كەرەك. رەفورمادا قامال الۋ قابىلەتىن جوعارىلاتىپ، ماشاقاتتى، قاتەرلى بولعان سايىن العا ۇمتىلاتىن مويىماس جىگەر ساقتاپ، ءىس تىندىرۋ ىنتاسى مەن عىلمي رۋحتى ۇشتاستىرىپ، شىعارىلعان ءار ءتۇرلى رەفورما شارالارىنىڭ وبيەكتيۆ زاڭدىلىققا، قىزمەت قاجەتىنە، بۇقارانىڭ مۇددەسىنە ۇيلەسۋىنە مۇمكىندىك جاساۋ كەرەك. شۇعىل جاعدايعا توتەپ بەرۋ، توسىن وقيعالاردى ءبىر جاقتى ەتۋ قابىلەتىن جوعارىلاتىپ، حاۋىپ - قاتەرلەردى الدىن الا تۇجىرىمداۋعا شەبەر بولىپ، حاۋىپ - قاتەرلەردىڭ بەتالىسىن يگەرىپ، العاشقى قادامدى جاقسى باسىپ، ىرىقتى شايقاستى ويداعىداي جۇرگىزىپ، شۇعىل جاعدايلارعا توتەپ بەرىپ، توسىن وقيعالاردى ءبىر جاقتى ەتۋدەگى ءوي ءورىستى جانە جۇرەكتىلىكتى ۇزدىكسىز كۇشەيتىپ، ءونىمدى تۇردە جاعدايدى مەڭگەرىپ، داعدارىستى شەشۋ كەرەك. بۇقارالىق قىزمەت قابىلەتىن جوعارىلاتىپ، پارتيا ورتالىق كوميتەتىنىڭ حالىققا تيىمدىلىك جاساۋ ساياساتتارىن مۇقيات تياناقتاندىرىپ، بۇقارا ”اسىققان، ۋايىمداعان، ويلاعان، كۇتكەن“ ماسەلەلەردى تىڭعىلىقتى ويداعىداي شەشىپ، شىن مانىندە بۇقارانىڭ جاقىن جان اشىرى بولۋ كەرەك. تياناقتاندىرۋدى يگەرۋ قابىلەتىن جوعارىلاتىپ، جوعارى تومەنگە ونەگە بولىپ، شىنايى يگەرىپ، ناقتى ىستەپ، تاسقا تاڭبا، تەمىرگە تاپ قالدىرىپ، نىق قاداممەن العا تارتىپ، قيىن ماسەلەلەردى ۇزدىكسىز شەشۋ ارقىلى قىزمەتتىڭ جاڭا جاعدايىن اشۋ كەرەك.

  ماسەلەنى بايقاۋ، ماسەلەنى زەرتتەۋ، ماسەلەنى شەشۋ باستان - اياق ءبىر مەملەكەتتى، ءبىر ۇلتتى العا دامۋعا جەبەيتىن ماڭىزدى قوزعاۋشى كۇش. ءىرى ىستەر ىستەۋ مۇمكىن بولعان جاڭا داۋىردە تۇرىپ، وسكەلەڭ ساياسي جاۋاپكەرشىلىك سەزىممەن تاريحي بورىشتىلىق سەزىممەن جانە قابىلەتىم جەتپەيدى دەيتىن داعدارىستىق سەزىممەن ءىس جۇزىندىك ماسەلەلەردى شەشۋ قابىلەتىن ۇزدىكسىز جوعارىلاتىپ، بوران - شاشىندى باستان وتكەرىپ، ءومىردى تانۋ بارىسىندا دەنەنى شىنىقتىرىپ، قابىلەتتى جەتىلدىرسەك، ءبىز باستان - اياق حاۋىپ - قاتەردەن قورىقپايمىز، بوگەتتەردەن اداسپايمىز، قامال الۋ، قيىندىقتاردى جەڭۋ بارىسىندا ىستەردىڭ دامۋىن جاڭا ورىسكە قاراي ۇزدىكسىز ىلگەرىلەتە الامىز.

 (شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.