تيانشان تورى   ›   جاڭالىقتار   ›   شينجياڭ حابارلارى

3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇگىتتەۋگە، لەكسيا جاساۋعا جۇمىلدىرۋ جانە توپتىق ساباق دايىنداۋ ءماجىلىسى اشىلدى

ءماجىلىس رۋحىنىڭ نەگىزگى ساتىعا ىشكەرىلەي جەتكىزىلۋىن، جۇرت جۇرەگىنە تەرەڭ ۇيالاۋىن ىلگەرىلەتەيىك

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ 10 - ايدىڭ 12 - كۇنى ۇرىمجىدەن حابارلايدى. 10 - ايدىڭ 12 - كۇنى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇگىتتەۋگە، لەكسيا جاساۋعا جۇمىلدىرۋ جانە توپتىق ساباق دايىنداۋ ءماجىلىسى ۇرىمجىدە اشىلدى. ءماجىلىس 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ۇعىنىپ، ىشكەرىلەي تالقى وتكىزىپ، توپتىق ساباق دايىنداپ، ۇگىت - لەكسيا قىزمەتىن ويداعىداي ىستەۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ماجىلىسكە قاتىناستى ءارى ءسوز سويلەدى.

  جۋىقتا اۆتونوميالى رايون تىرەكتى كۇشتەردى شىعارىپ، ۇگىت - لەكسيا ۇيىرمەسىن ۇيىمداستىردى، ولار ءارقايسى مەڭگەرمە - مەكەمەلەرگە، ايماق، وبلىستارعا، جوعارى مەكتەپتەرگە بارىپ، ورگانداردا، الەۋمەتتىك اۋماقتاردا، اۋىل - قىستاقتاردا، كاسىپورىنداردا، مەكتەپتەردە بەتپە - بەت، ىقپالداسۋ فورماسىندا ۇگىت - لەكسيا جۇرگىزەدى.

  ءماجىلىس مىنانى باسا دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ كەزەكتەگى جانە بۇدان كەيىنگى ءبىر مەزگىلدەگى كەلەلى ساياسي مىندەت. ءبىز ۇگىت - لەكسيا قيمىلىن ورىستەتۋدىڭ كەلەلى ءمانىن تولىق تانىپ، ۇگىت - لەكسيانىڭ ماڭىزدى ءتۇيىنىن جاپپاي دالمە - ءدال يگەرۋىمىز كەرەك. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلۋىنىڭ كەلەلى ءمانى، جاڭا داۋىردەگى شينجياڭ قول جەتكىزگەن بۇرىن بولماعان تاريحي جەتىستىكتەر، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي ءمانى، شينجياڭنىڭ باياندى تىنىشتىعىن جۇزەگە اسىرۋدىڭ ستراتەگيالىق ورنالاستىرۋى سياقتىلاردى ءتۇيىندى تۇردە ۇگىتتەپ، بايلانىستىرا، جاپپاي يگەرە، توعىستىرا، ساباقتاستىرا وتىرىپ، دالمە - ءدال ۇگىت - لەكسيا جۇرگىزۋ كەرەك.

  ءماجىلىس مىنالاردى تالاپ ەتتى: ساياسي جەتەكشىلىكتى كورنەكتىلەندىرىپ، جىگەر - شابىت بەرۋدى كورنەكتىلەندىرىپ، ءىس جۇزىندىكپەن بايلانىستىرۋدى كورنەكتىلەندىرىپ، ۇگىت - لەكسيا ءونىمىن كورنەكتىلەندىرىپ، بۇقاراعا ۇعىنىقتى ءتىل، قۋانا قابىلدايتىن ءتاسىل جانە بۇقارا سەزىنەتىن وزگەرىستەر ارقىلى جەتىستىكتەردى ايتىپ، بولاشاقتى بايانداپ، ۇگىت - لەكسيانىڭ باعىتتامالىلىعىن، تارتىمدىلىعىن، يدەيالىلىعىن، ناقتى ونىمدىلىگىن كۇشەيتىپ، ءماجىلىس رۋحىنىڭ نەگىزگى ساتىلارعا ىشكەرىلەي جەتكىزىلۋىن، جۇرت جۇرەگىنە تەرەڭ ۇيالاۋىن ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ جويقىن كۇش - قۋاتىن ۇيىستىرۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.