تيانشان تورى   ›   جاڭالىقتار   ›   شينجياڭ حابارلارى

شينجياڭ ماشينامەن تەرىلەتىن ماقتانىڭ جاڭا سورتىن تاڭداپ وسىرۋدە تابىسقا جەتتى

 ماشينامەن تەرىلگەن ماقتانىڭ ساپاسى ناشار بولۋ جاعدايىن وزگەرتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جىڭ جو 10 - ايدىڭ 12 - كۇنى اقسۋدان حابارلايدى. 10 - ايدىڭ 12 - كۇنى باتىس سولتۇستىكتەگى ىشكى قۇرلىق ماقتالى وڭىرىندە ماشينامەن تەرىلەتىن ماقتا كەشەندى باعىبانشىلىق سايكەستى تەحنيكاسىنىڭ جۇمىس باسى ماجىلىسىنەن ۇعىسۋىمىزشا، شينجياڭ ءوزى جەتىلدىرگەن ماشينامەن تەرىلەتىن ماقتانىڭ جاڭا سورتىنىڭ مۋ باسىندىق ءونىمى 690 كيلوگرامنان اسىپ، ساپا جاعىندا قوس 31 ولشەمگە جەتىپ، بۇرىنعى ماشينامەن تەرىلگەن ماقتانىڭ ساپاسى ناشار بولۋ جاعدايىن وزگەرتتى.

  شينجياڭ اۋىل شارۋاشىلىعى اكادەمياسى ەكونوميكالىق داقىلداردى زەرتتەۋ ورنىنىڭ زەرتتەۋشىسى لي شۋەيۋان تانىستىرىپ بىلاي دەدى: كەزەكتە جوعارى ساپالى ساراپشاڭ مانەرلەپ شىعاتىن ماقتانىڭ ولشەمى قوس 29 ولشەم (ياعني تالشىعىنىڭ ۇزىندىعى مەن تالشىعىنىڭ بەرىكتىك دارەجەسى 29دان جوعارى بولۋ)، الايدا ماشينامەن تەرىلگەن ماقتانىڭ ەڭ ۇلكەن ماسەلەسى تەرۋ بارىسىندا ارالاسپا زات كوپ بولىپ، 2 − 3 رەت ءشيت ايىرۋدان وتكەننەن كەيىن، تالشىق ۇزىندىعى زياندالىپ، تالشىعىنىڭ بەرىكتىگى مەن جىڭىشكەلىك دارەجەسى تومەندەپ، ورتاشا، تومەن تالشىقتى ماقتامەن قامداۋ قاجەتسىنۋدەن اسىپ كەتۋ جايتىن تۋدىردى. كوپ جىلدان بەرى شينجياڭ اۋىل شارۋاشىلىعى اكادەمياسى ەكونوميكالىق داقىلداردى زەرتتەۋ ورنى مەملەكەتتىك ماقتا ءوندىرىسى تەحنيكالىق جۇيەسى، مەملەكەتتىك ءتۇيىندى زەرتتەۋ - اشۋ، مەملەكەتتىك جاراتىلىس قورى جانە اۆتونوميالى رايوندىق ءتۇيىندى زەرتتەۋ - اشۋ سياقتى ينجەنەريالارعا سۇيەنىپ، ماقتا ەگەتىن بازالارمەن سەلبەستىك ورناتىپ، ەرتە پىساتىن، ساپالى، جوعارى ءونىمدى ماشينامەن تەرىلەتىن ماقتانىڭ جاڭا سورتى − يۋانميان 11 - ءنومىردى جەتىلدىردى. مۇنداي جاڭا سورتتى ماقتانىڭ تالشىق ۇزىندىعى 31.6 ميلليمەتر بولىپ، ماقتا تالشىعىنىڭ بەرىكتىگىنەن، ءشيت ايىرعاننان كەيىن دە ماقتا تالشىعىنىڭ ۇزىندىعى مەن بەرىكتىگىنە اۋەلگىدەي كەپىلدىك ەتىپ، ورتاشا، جوعارى دەڭگەيلى ءوندىرىس كاسىپورىندارىنىڭ ساپالى ماقتاعا دەگەن تالابىن تولىق قاناعاتتاندىرىپ، رايونىمىزدىڭ جوعارى ساپالى، ماشينامەن تەرىلەتىن ماقتا ءوندىرىسىن دامىتۋى ءۇشىن نەگىز قالادى.

  سونىمەن بىرگە، جاڭا سورتتى، ماشينامەن تەرىلەتىن ماقتا سورتىن نەگىز ەتكەن زەرتتەۋ قىزمەتكەرلەرى تاعى دا سۋلياۋ جارعاق جابۋدى دالمە - ءدال تەجەيتىن، حيميالىق شەك قوياتىن، ۇتىمدى تۇردە جاپىراعىن ءتۇسىرۋ، پىسۋىن جەدەلدەتۋ، ۇشىن كەسىپ رەتتەۋ سياقتى ءتۇيىندى تەحنيكالاردى جيناقتاپ، جۇيەلىلەندىردى. ”سايكەستى تەحنيكا ارقىلى ادام كۇشىمەن ىستەۋ وزىندىك قۇنىن جانە اتىز - ارىقتى باسقارۋدىڭ قيىندىق دارەجەسىن ءونىمدى تومەندەتتى“. جۇڭگو اۋىل شارۋاشىلىعى داشۋەسىنىڭ پروفەسسورى تيان شياۋلي بىلاي دەدى: شينجياڭنىڭ كليمات ورتاسىمەن بىرلەستىرە وتىرىپ رەتسەپ تەحنيكاسىن ۇزدىكسىز جاقسارتۋدان ءدارى ۇشقىشسىز ۇشاق، ماقتا تەرۋ ماشيناسى سياقتى ماشينا جابدىقتارعا قولدانۋعا ءتىپتى دە ۇيلەستى.

  لي شۋەيۋان بىلاي دەدى: جاڭا سورتتى، ماشينامەن تەرىلەتىن ماقتانىڭ جالپىلاستىرىلۋى جيىن - تەرىننىڭ وزىندىك قۇنى ماسەلەسىن شەشە الادى، ءبىر مۋ جەردەن ءونىم جيناۋدىڭ وزىندىك قۇنى قولمەن تەرگەندەگى 700 يۋاننان ماشينامەن تەرگەندەگى 150 يۋانعا تومەندەدى؛ ماشينامەن تەرىلەتىن ماقتا سورتىنىڭ تۇقىمىن اسىلداندىرۋدى جانە ءدارى مولشەرىن، جاپىراعىن تۇسىرەتىن، پىسۋىن جەدەلدەتەتىن ءدارىنى جاقسارتۋدى حيميالىق رەتكە سالىپ، ماشينامەن تەرۋدىڭ تازالىق دارەجەسى، تەرۋ مولشەرىن جوعارىلاتتى، ءار مۋ جەردە ىسىراپ بولاتىن ءدارى 30 كيلوگرامنان استام ازايىپ، ءونىم مولشەرى مەن شارۋالاردىڭ كىرىسى سايكەستى جوعارىلايدى. شارۋا وتباسى، عىلمي زەرتتەۋ ورنى، كاسىپورىن سىندى كوپ جاقتىڭ سايكەسۋىندە، ”ماقتا توقىماشىلىق كاسىپورنى + وڭدەلمەگەن ماقتانى مانەرلەۋ كاسىپورنى + وڭىرلىك ءوندىرىس - سەلبەستىك كووپەراتيۆى + شارۋا وتباسى“ سىندى كەمەلدى ءوندىرىس تىزبەگىن بىرتىندەپ قالىپتاستىرىپ، شينجياڭنىڭ ماقتاسىنىڭ جوعارى ساپالى دامۋىنا كۇش قوستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى