تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

شاڭحاي قالالىق پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل عوپۇر 10 - ايدىڭ 12 - كۇنى قاشقاردان حابارلايدى. 10 - ايدىڭ 10 - كۇنىنەن 12 - كۇنىنە دەيىن شاڭحاي قالالىق پارتكومنىڭ ورىنباسار شۋجيى، قالا باستىعى گۇڭ جىڭ شاڭحاي قالالىق پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ باعىتتامالى كومەكتەسۋ قىزمەتىن تەكسەرىپ، ەكى جەردىڭ سەلبەستىگىن، اۋىس - كۇيىسىن ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن اڭگىمە ماجىلىسكە جانە قاتىستى قيمىلدارعا قاتىناستى.

  10 - ايدىڭ 10 - كۇنى كەشتە شاڭحايدىڭ شينجياڭعا باعىتتامالى كومەكتەسۋ قىزمەتى اڭگىمە ءماجىلىسى ياركەن اۋدانىندا وتكىزىلدى.

  شوكىرات زاكىر اڭگىمە ماجىلىستە بىلاي دەدى: شاڭحاي قالالىق پارتكوم مەن قالالىق ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭعا كومەكتەسۋ قىزمەتىن باستان - اياق ماڭىزدى ورىنعا قويىپ، شىنايى سۇيىسپەنشىلىكپەن، بار ىقىلاسىمەن كومەكتەستى، قىزمەت وي جەلىسى ايقىن، ساياسات شارالارى ناقتى، ىلگەرىلەتۋ تەبىنى كۇشتى، شينجياڭعا كومەكتەسۋ ءونىمى جاقسى بولىپ، شينجياڭنىڭ كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋىنە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋىنە، قوعام ورنىقتىلىعى مەن باياندى تىنىشتىقتى جۇزەگە اسىرۋىنا ماڭىزدى ۇلەس قوستى. شينجياڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ اناعۇرلىم كۇشەيتىپ، ”ءتورت سەنىمدى“ اناعۇرلىم بەكەمدەپ، ”ەكىنى قورعاۋدى“ اناعۇرلىم ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شاڭحاي قالاسىنىڭ وزىق تاجىريبەلەرىنەن ۇيرەنىپ، ۇلگى الىپ، تۇلعالىق رولىن ساۋلەلەندىرىپ، ناقتى سەلبەستىكتى ىلگەرىلەتىپ، شينجياڭعا باعىتتامالى كومەكتەسۋ قىزمەتىنىڭ ناقتى ونىمدىلىگىن ۇزدىكسىز جوعارىلاتىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىن، شينجياڭعا باعىتتامالى كومەكتەسۋدىڭ ەرەكشە ابزالدىلىعىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ناقتى امالياتىنا شىنايى اينالدىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋ شەشۋشى شايقاسىنىڭ جەڭىسىنە جەتۋ نىسانالارىن، مىندەتتەرىن جۇزەگە اسىرۋعا شىنايى كەپىلدىك ەتەدى.

  گۇڭ جىڭ اڭگىمە ماجىلىستە بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ءار ۇلت كادرلارى مەن بۇقارانىڭ ورتاق قۇلشىنۋىندا، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان ناتيجەگە قول جەتكىزدى، بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى جەڭىسپەن اشىلدى، باس شۋجي شي جينپيڭنىڭ ماڭىزدى ءسوزى كەزەكتەگى جانە بۇدان بىلايعى ءبىر مەزگىلدەگى شينجياڭ قىزمەتىن جانە شينجياڭعا كومەكتەسۋ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەپ بەردى. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، شينجياڭ قىزمەتى باس نىساناسىن مىقتاپ يگەرىپ، قالالىق پارتكومنىڭ باسشىلىعىندا شينجياڭعا باعىتتامالى كومەكتەسۋ قىزمەتتەرىن كۇش سالا ويداعىداي ىستەيمىز. نازاردى كەدەيلىكتەن ارىلتۋدىڭ جەتىستىكتەرىن بەكەمدەۋگە شوعىرلاندىرىپ، كومەكتەسۋ - سۇيەمەلدەۋدىڭ جالپىلىق ونىمدىلىگىن جوعارىلاتۋ كەرەك. نازاردى حالىقتى بايىتىپ، شينجياڭدى گۇلدەندىرۋگە شوعىرلاندىرىپ، كومەككە يە بولعان وڭىرلەردىڭ ىشكى دامۋ قوزعاۋشى كۇشى مەن دامۋ ومىرشەڭدىك كۇشىن كۇشەيتۋ كەرەك. نازاردى حالىق تۇرمىسىن قامتاماسىز ەتۋگە، جاقسارتۋعا شوعىرلاندىرىپ، بۇقارانىڭ تابىس سەزىمىن اناعۇرلىم ارتتىرۋ كەرەك. نازاردى شينجياڭدى ىنتىماقتاسا ورنىقتىرۋعا شوعىرلاندىرىپ، كەڭ كولەمدە ارالاسۋدى، جان - جاقتى ىشتەسۋدى، تەرەڭ توعىسۋدى جەبەۋ كەرەك. بولاشاققا كوز جىبەرىپ، ەكى جەردىڭ سەلبەستىگىندە جاڭا جاعداي اشۋ كەرەك. شاڭحايدىڭ شينجياڭعا كومەككە كەلگەن كادرلارىنىڭ ماڭىزدى تاپسىرمانى ورىنداپ، بورىشتارىن وتەپ، جاڭا ناتيجەلەر جاراتۋىن ءۇمىت ەتەمىز.

  شينجياڭداعى كەزىندە شاڭحاي قالالىق پارتيا، ۇكىمەت ۋاكىلدەر ۇيىرمەسى قاشقار ايماعىنىڭ قاشقار قالاسى، ياركەن اۋدانى، پوسكام اۋدانى، قاعىلىق اۋدانى سياقتى جەرلەرگە بارىپ، كاسىپورىنداردى، شيپاحانالاردى، مەكتەپتەردى، اۋىل - قىستاقتاردى ىشكەرىلەي ارالاپ، شينجياڭعا كومەكتەسۋ نىساندارىنىڭ ىلگەرىلەۋ جاعدايىن سول جەردىڭ وزىندە تەكسەرىپ، نەگىزگى ساتىداعى از ۇلت بۇقاراسىنان احۋال ۇعىستى، شينجياڭعا كومەككە كەلگەن كادر - دارىندىلارعا امانداسا بارىپ، حال سۇرادى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، شاڭحاي قالاسىنىڭ ورىنباسار باستىعى پىڭ چىنلەي جوعارىدا اتالعان قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.