− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (3)
شينجياڭ گازەتىنىڭ شولۋشىسى
قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى، شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ءتۇيىندى قىزمەتتەرىن جالپى بەتتىك ورنالاستىرىپ، ”شينجياڭ قىزمەتىنىڭ باس نىساناسىن مىقتاپ يگەرۋ“ كەرەكتىگىن باسا دارىپتەدى. بۇل كەزەكتەگى جانە بۇدان كەيىنگى ءبىر مەزگىلدەگى شينجياڭ قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى. اۆتونوميالى رايوندىق 9 - كەزەكتى پارتكومنىڭ ونىنشى جالپى ءماجىلىسى مىنانى ورتاعا قويدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جان - جاقتىلى دايەكتىلەندىرۋدە، تياناقتاندىرۋدا نازاردى باس نىساناعا شوعىرلاندىرىپ، كەشەندى شارانى ويداعىداي قولدانىپ، قوعامدىق كەلەلى جاعدايدىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك.
ەجەلدەن بەرى شەكارا ءوڭىر ورنىقتى بولسا، مەملەكەت تىنىش بولعان؛ شەكارا ءوڭىر بىلىقسا، مەملەكەتتىڭ تىنىش بولۋى قيىنعا تۇسكەن. شينجياڭ قىزمەتىنىڭ جاقسى ىستەلۋ - ىستەلمەۋىندە، تۇپتەپ كەلگەندە، بولشەكتەۋشىلىككە قارسى كۇرەستىڭ قالاي جۇرىلگەندىگىنە، تىنىش، ىنتىماقتى ساياسي جاعدايدىڭ، جاراسىمدى، ورنىقتى قوعامدىق جاعدايدىڭ ساقتالعان - ساقتالماعاندىعىنا قاراۋ كەرەك. 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، بارلىق قىزمەتتى شينجياڭ قىزمەتىنىڭ باس نىساناسىن تىعىز ارقاۋ ەتىپ ورىستەتتى. ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتىپ، شينجياڭدى زاڭمەن جونگە سالۋعا، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، كەشەندى شارا قولدانۋعا تاباندى بولىپ، قوعامدىق كەلەلى جاعدايدىڭ ءۇرتىس ورنىقتىلىعىنا شىنايى كەپىلدىك ەتتى. بۇكىل رايوندا ءۇرتىس 3 جىل 10 اي زورلىقتى كۇش لاڭكەستىك دەلوسى تۋىلمادى، ءار ۇلت بۇقاراسىنىڭ حاۋىپسىزدىك سەزىمى كورنەكتى كۇشەيدى. اماليات مىنانى دالەلدەدى: باس نىسانا شينجياڭ قىزمەتىنە جەتەكشىلىك ەتەتىن تۋ جانە بەتالىس، جاڭا داۋىردەگى پارتيانىڭ شينجياڭدى جونگە سالۋ جالپى جوباسى بۇكىلدەي دۇرىس، ءسوز جوق، تيتتەي دە بوساڭسىماۋ، ۇزاق ۋاقىت تاباندى بولۋ كەرەك.
بۇگىنگى شينجياڭدا قوعام ورنىقتى، حالىق تىنىش ءومىر، شات - شادىمان تىرشىلىك كەشىرۋدە. ايتسە دە، تىنىش كۇندە بەيعامدىققا سالىنباۋىمىز كەرەك، نەعۇرلىم وسىنداي كەزدەردە، ءبىز ايرىقشا قىراعىلىقتى سولعۇرلىم ساقتاپ، شينجياڭ قىزمەتىنىڭ باس نىساناسىن مىقتاپ يگەرىپ، لاڭكەستىككە قارسى تۇرۋ، ورنىقتىلىقتى قورعاۋ كەشەندى شارالارىن ويداعىداي قولدانىپ، قوعام ورنىقتىلىعى تابىستارىن ونان ارى بەكەمدەۋىمىز كەرەك.
باس نىسانانى مىقتاپ يگەرۋدە لاڭكەستىككە قارسى تۇرىپ، ورنىقتىلىقتى قورعاۋدى زاڭمەن جونگە سالۋدى، ۇدايىلاندىرۋدى تىڭعىلىقتى ىلگەرىلەتۋ كەرەك. شينجياڭدى زاڭمەن جونگە سالۋ − باس نىسانانى جۇزەگە اسىرۋدىڭ ءتۇبىرلى قامتاماسىزدىعى، مەملەكەتتى جاپپاي زاڭمەن جونگە سالۋدىڭ ماڭىزدى بەينەسى. ءبىز سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى جاپپاي زاڭمەن جونگە سالۋدىڭ تالاپتارىن شينجياڭ قىزمەتىنىڭ ءارقايسى سالالارىندا تياناقتاندىرۋىمىز كەرەك. زاڭمەن جونگە سالۋ وي جەلىسىنەن جانە زاڭمەن جونگە سالۋ تاسىلىنەن شەبەرلىكپەن پايدالانىپ حاۋىپ - قاتەردەن ساقتانىپ، قىلمىسقا سوققى بەرىپ، ماسەلەلەردى ءبىر جايلى ەتىپ، قايشىلىقتاردى شەشۋ؛ لاڭكەستىككە قارسى تۇرىپ، ورنىقتىلىقتى قورعاۋ ساياساتتارى مەن تاكتيكالارىن جانە تاسىلدەر مەن ادىستەرىن ونان ارى ساپالىلاندىرىپ، دالمە - ءدال بولۋ جاعىنا كۇش سالۋعا قۇلشىنىپ، لاڭكەستىككە قارسى تۇرىپ، ورنىقتىلىقتى قورعاۋدى ۇدايىلاندىرۋ كەرەك.
باس نىسانانى مىقتاپ يگەرۋدە قاتاڭ سوققى بەرۋدىڭ تەگەۋرىندى كۇيىن ساقتاۋدان اۋىتقىماۋ كەرەك. قاتاڭ سوققى بەرۋ كۇرەسى − شينجياڭنىڭ ورنىقتىلىعىن قورعاۋدىڭ، ءار ۇلت بۇقاراسىنىڭ ءتول مۇددەسىن قورعاۋدىڭ قاجەتى. ءبىز زاڭ بويىنشا قاتاڭ سوققى بەرۋ باعىتىنان اۋىتقىماۋعا تاباندى بولىپ، قاتاڭ سوققى بەرۋ كۇرەسىنىڭ ۇزاق ۋاقىتتىق ءونىمدى مەحانيزمىن اقاۋسىزداندىرىپ، زورلىقتى كۇش لاڭكەستىك قاتەرىن قىلپى بىلىنگەن كەزدە، تۋىلماي تۇرعان كەزدە - اق باتىل تيۋىمىز، وڭاي - وسپاق قولعا كەلمەگەن ورنىقتى جاعدايدىڭ كەرى كەتۋىنە استە جول بەرمەۋىمىز كەرەك.
باس نىسانانى مىقتاپ يگەرۋدە بۇقارالىق قىزمەتتى ىشكەرىلەي، ەگجەي - تەگجەيلى ويداعىداي ىستەۋ كەرەك. بۇقارالىق قىزمەتتى تىڭعىلىقتى، ويداعىداي ىستەگەندە عانا، باس نىسانانى جۇزەگە اسىرۋعا بەرىك نەگىز قالاۋعا بولادى. ءبىز ءبىر جاعىنان، زورلىقتى كۇش لاڭكەستىك ەلەمەنتتەرگە زاڭ بويىنشا سوققى بەرۋگە، ەندى ءبىر جاعىنان، جۇرت تىلەگىن بارىنشا بىرىكتىرىپ - ۇيىستىرۋعا تاباندى بولىپ، حالىققا تيىمدىلىك جەتكىزۋ ينجەنەريالارىن شىن مانىندە ويداعىداي جۇرگىزىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىمىن شىنايى سەزىندىرۋىمىز كەرەك. قوعامدىق جونگە سالۋدى بۇقارالىق قىزمەتتى ويداعىداي ىستەۋمەن تىعىز ۇشتاستىرىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرت ات سالىساتىن، زاڭمەن جونگە سالۋمەن قامتاماسىز ەتەتىن قوعامدىق جونگە سالۋ ءتۇزىلىسىن جالپى بەتتىك قالىپتاستىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن تۇلعالاپ، باس نىسانانى جۇزەگە اسىرۋدى قورعاۋ كەرەك.
ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ − 25 ميلليون تيانشان ۇلاندارىنىڭ ءتۇبىرلى مۇددەسى، سونداي - اق ءبىر ميلليارد 400 ميلليون جۇڭحۋا ۇلاندارىنىڭ ورتاق مۇراتى. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسى جونىندەگى تانىمىمىزدى ۇزدىكسىز تەرەڭدەتىپ، شينجياڭ قىزمەتىنىڭ باس نىساناسىن مىقتاپ يگەرسەك بولعانى، شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى مادەنيەتپەن نارلەندىرۋدىڭ، حالىقتى بايىتىپ شينجياڭدى گۇلدەندىرۋدىڭ، شينجياڭدى باياندى كوركەيتۋدىڭ جەتەكشىلىك ۇقىعى مەن ىرىقتىلىق ۇقىعىنا قول جەتكىزىپ، وتانىمىزدىڭ شينجياڭىن بارعان سايىن كوركەم ەتىپ قۇرىپ شىعا الامىز.
