شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسى ورتالىق كوميتەتىنىڭ قىزمەت ەرەجەسىن» (تومەندە قىسقاشا «ەرەجە» دەلىندى) باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان مۇقيات دايەكتىلەندىرۋدى، تياناقتاندىرۋدى تالاپ ەتتى.
حابارلاندىرۋدا مىنالار اتاپ كورسەتىلدى: «ەرەجەنىڭ» جاسالىپ، جاريالانۋى پارتيا مەن مەملەكەتتىڭ ساياسي ومىرىندەگى ءىرى ءىس، پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىنا سايادى. پارتيانىڭ جالپى بەتتىك باسشىلىعىنا تاباندى بولۋدا جانە ونى كۇشەيتۋدە، ەڭ ماڭىزدىسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ؛ پارتيانىڭ باسشىلىق ءتۇزىمى جۇيەسىنە تاباندى بولۋ جانە ونى كەمەلدەندىرۋدە ەڭ شەشۋشى تەتىك − ”ەكىنى قورعاۋدىڭ“ تۇزىمدىك قامتاماسىزدىعىن كۇشەيتۋ. «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ۋستاۆىن ءتۇبىرلى بويسۇنۋ ولشەمى ەتىپ، ۇزاق ۋاقىتتان بەرگى، اسىرەسە، پارتيا 18 - قۇرىلتايىنان بەرگى پارتيا ورتالىق كوميتەتىنىڭ ەل باسقارۋداعى، پارتيانى باسقارۋداعى، پارتيانى جونگە سالۋداعى امالياتتىق تاجىريبەلەرىن تەرەڭ قورىتىندىلاپ، ورتالىق كوميتەتتىڭ قىزمەتىن كۇشەيتۋدى كوزدەي وتىرىپ، پارتيا ورتالىق كوميتەتىنىڭ باسشىلىق ورنى، باسشىلىق ءتۇزىلىسى، باسشىلىق قىزمەت ۇقىعى، باسشىلىق ءتاسىلى، شەشىم − ورنالاستىرۋ جاساۋى، ءوز قۇرىلىسى سياقتىلار جونىندە جالپى بەتتىك بەلگىلەمە جاساپ، پارتيا ورتالىق كوميتەتىنىڭ پارتيا مەن مەملەكەت ىستەرىنە ورتالىقتانعان ءبىر تۇتاس باسشىلىعىنا كەپىلدىك ەتۋ ءۇشىن نەگىزگى بويسۇنۋ ولشەمىن ازىرلەدى.
حابارلاندىرۋدا مىنالار تالاپ ەتىلدى: ورتالىق كوميتەتتىڭ، ورتالىق كوميتەت ساياسي بيۋروسىنىڭ جانە ونىڭ تۇراقتى كوميتەتىنىڭ قۇرامىنداعىلار «ەرەجەنى» قاتاڭ اتقارۋى جانە وعان قاتاڭ بويسۇنۋى، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باستاماشىلدىقپەن قورعاۋى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋى كەرەك. وڭىرلەر، تاراۋلار جانە قالىڭ پارتيا مۇشەلەرى، كادرلار «ەرەجەنى» دايەكتىلەندىرۋ، تياناقتاندىرۋ ساياسي سانالىلىعىن كۇشەيتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە باستان - اياق وسكەلەڭ ءبىر اۋىزدىلىقتى ساقتاپ، جاپپاي دوڭگەلەك داۋلەتتى قوعام ورناتۋ كۇرەس نىساناسىن جۇزەگە اسىرۋ، سوتسياليستىك وسىزاماندانعان مەملەكەتتى جاپپاي قۇرىپ شىعۋدىڭ جاڭا ساپارىن باستاۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك! وڭىرلەر، تاراۋلار «ەرەجەنى» دايەكتىلەندىرۋ، تياناقتاندىرۋ بارىسىنداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋى كەرەك.
«ەرەجەنىڭ» تولىق ءماتىنى تومەندەگىدەي.
جۇڭگو كوممۋنيستىك پارتياسى ورتالىق كوميتەتىنىڭ قىزمەت ەرەجەسى
(جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋرو ماجىلىسىندە 2020 - جىلى 9 - ايدىڭ 28 - كۇنى قارالىپ بەكىتىلدى، 2020 - جىلى 9 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتى جاريالادى)
1 - تاراۋ جالپى ەرەجە
1 - تارماق پارتيانىڭ ورتالىق كوميتەتىنىڭ قىزمەتىن كۇشەيتۋ ءۇشىن، «جۇڭگو كوممۋنيستىك پارتياسىنىڭ ۋستاۆىنا» ساي، وسى ەرەجە جاسالدى.
2 - تارماق پارتيانىڭ ەڭ جوعارى باسشى ورگانى − پارتيانىڭ مەملەكەتتىك قۇرىلتايى جانە ول سايلاعان ورتالىق كوميتەت. مەملەكەتتىك قۇرىلتاي جابىق كەزدە ورتالىق كوميتەت پارتيانىڭ بارلىق قىزمەتىنە باسشىلىق ەتەدى، سىرتقا قاراتا جۇڭگو كوممۋنيستىك پارتياسىنا ۋاكىلدىك ەتەدى.
3 - تارماق ورتالىق كوميتەت جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باستاماشىلدىقپەن ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جالپى جاعدايدى ءبىر تۇتاس مەڭگەرىپ، ءارقايسى جاقتاردى سايكەستىرىپ، باتىل، دۇرىس ساياسي تۇرعىمەن جانە ساياسي باعدارمەن بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، سوتسياليستىك وسىزاماندانعان قۇدىرەتتى مەملەكەتتى جالپى بەتتىك قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزەدى.
4 - تارماق ورتالىق كوميتەت قىزمەت ورىستەتكەندە، مىنا پرينسيپتەردى مىقتاپ يگەرەدى:
(1) پارتيانىڭ بارلىق قىزمەتكە باسشىلىعىنا تاباندى بولىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا شىنايى كەپىلدىك ەتۋ.
(2) جۇڭگوشا سوتسياليزمگە تاباندى بولىپ جانە ونى دامىتىپ، پارتيانىڭ نەگىزگى نازاريالارىن، نەگىزگى لۋشيانىن، نەگىزگى جالپى جوباسىن جالپى بەتتىك تياناقتاندىرۋ.
(3) يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە ىلگەرىلەۋگە، شىندىققا جۇگىنىپ، ناقتى جۇمىس تىندىرۋعا تاباندى بولۋ.
(4) بۇكىل ىنتا - پەيىلمەن حالىق ءۇشىن قىزمەت ىستەۋگە، حالىقتى وزەك ەتۋگە، حالىق ءۇشىن بيلىك جۇرگىزۋگە، حالىققا سۇيەنىپ بيلىك جۇرگىزۋگە تاباندى بولۋ.
(5) دەموكراتيالىق ورتالىقتاندىرۋ تۇزىمىنە تاباندى بولىپ، پارتيا ىشىندەگى دەموكراتيانى تولىق ساۋلەلەندىرىپ، دۇرىس، ءونىمدى ورتالىقتاندىرىپ، پارتيانىڭ ىنتىماعىن، بىرلىگىن قورعاۋ.
(6) پارتيانى قاتاڭ باسقارۋعا، پارتيانى قاتاڭ جونگە سالۋعا تاباندى بولىپ، پارتيانىڭ العاباسارلىعى مەن كىرشىكسىزدىگىن ماڭگى ساقتاۋ.
2 - تاراۋ باسشىلىق ورنى
5 - تارماق ورتالىق كوميتەت، ورتالىق كوميتەتتىڭ ساياسي بيۋروسى، ورتالىق كوميتەت ساياسي بيۋروسىنىڭ تۇراقتى كوميتەتى پارتيانىڭ ۇيىمدىق جۇيەسىنىڭ ۇلكەن ميى جانە ورتالىق اپپاراتى، جۇڭگوشا سوتسياليزم ىستەرىن ىلگەرىلەتۋدە باعداردى مەڭگەرىپ، كەلەلى جاعدايدى جوسپارلاپ، ساياساتتار بەلگىلەپ، رەفورمالاردى ىلگەرىلەتەدى. بۇكىل پارتيالىق، بۇكىل مەملەكەتتىك كەلەلى باعىت - ساياساتتارعا ساياتىن ماسەلەلەردە تەك پارتيا ورتالىق كوميتەتىنىڭ عانا شەشىم جاساۋ جانە ءتۇسىندىرۋ ۇقىعى بار.
پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ يدەيانى بىرلىككە كەلتىرۋىنىڭ، ەرىك - جىگەردى بىرلىككە كەلتىرۋىنىڭ، ارەكەتتى بىرلىككە كەلتىرۋىنىڭ نەگىزى.
6 - تارماق پارتيا ورتالىق كوميتەتى ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، رەفورما، دامۋ، ورنىقتىلىق، ىشكى ساياسات، سىرتقى ىستەر، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ سياقتى ءار سالا، ءار جاقتاعى قىزمەتكە جالپى بەتتىك باسشىلىق ەتىپ، پارتيا مەن مەملەكەت ىستەرىنىڭ دامۋىنداعى كەلەلى قىزمەتتەرگە ورتالىقتانعان ءبىر تۇتاس باسشىلىق جۇرگىزەدى.
7 - تارماق ءار دارەجەلى حالىق قۇرىلتايى، ۇكىمەت، ساياسي كەڭەس، باقىلاۋ - تەكسەرۋ ورگاندارى، سوت ورگاندارى، پروكۋراتۋرا ورگاندارى، قارۋلى كۇشتەر، ءارقايسى دەموكراتيالىق پارتيا - توپتار مەن پارتيادا، توپتا جوق قايراتكەرلەر، حالىقتىق ۇيىمدار، كاسىپورىندار، ءىسورىندارى، نەگىزگى ساتىداعى بۇقارالىق ءوزىن - ءوزى باسقاراتىن ۇيىمدار، قوعامدىق ۇيىمدار، ت.ب بارلىعى پارتيا ورتالىق كوميتەتىنىڭ باسشىلىعىن، ءسوز جوق، سانالى تۇردە قابىلداۋ كەرەك.
8 - تارماق بۇكىل پارتيانىڭ ءارقايسى ۇيىمدارى جانە بارلىق پارتيا مۇشەلەرى، ءسوز جوق، پارتيا ورتالىق كوميتەتىنە سانالى تۇردە بويسۇنۋى، پارتيا ورتالىق كوميتەتىنە قاراپ قاتار تۇزەۋى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋى، پارتيا ورتالىق كوميتەتىمەن سانالى تۇردە يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاۋى كەرەك.
3 - تاراۋ باسشىلىق ءتۇزىلىس
9 - تارماق ورتالىق كوميتەتتى پارتيانىڭ مەملەكەتتىك قۇرىلتايى سايلاپ شىعادى، ول مۇشەلەردەن جانە كانديدات مۇشەلەردەن قۇرالادى، ءار كەزەگىنىڭ مىندەت وتەۋ مەرزىمى 5 جىل. مەملەكەتتىك قۇرىلتاي مەرزىمنەن بۇرىن نەمەسە كەشىكتىرىلىپ وتكىزىلسە، ورتالىق كوميتەتتىڭ مىندەت وتەۋ مەرزىمى دە سايكەستى تۇردە وزگەرەدى.
ورتالىق كوميتەتتىڭ مۇشەلەرى مەن كانديدات مۇشەلەرىنىڭ سانىن مەملەكەتتىك قۇرىلتاي بەلگىلەيدى. ورتالىق كوميتەتتىڭ مۇشەلەرى مەن كانديدات مۇشەلەرىنىڭ پارتيالىق ستاجى، ءسوز جوق، 5 جىلدان جوعارى بولۋ كەرەك. سايلاناتىندارعا جەر - جەردەگى، تاراۋلارداعى، ءارقايسى شەپتەردەگى، ءار سالاداعى پارتيانىڭ بيلىك جۇرگىزۋشى تىرەكتىلەرى مەن تاڭداۋلى ۋاكىلدەرى شوعىرلانۋعا ءتيىس، ولار ساياسيدا تاباندى، ساپاسى تاڭداۋلى، ورنالاسىمى بىركەلكى، قۇرىلىمى ۇيلەسىمدى بولۋ، پارتيانى جونگە سالۋدىڭ، مەملەكەتتى جونگە سالۋدىڭ، ارميانى جونگە سالۋدىڭ، جاڭا داۋىردەگى جۇڭگوشا سوتسياليزم ىستەرىن ىلگەرىلەتۋدىڭ تاريحي ماڭىزدى مىندەتىن ارقالاي الۋ كەرەك.
ورتالىق كوميتەت مۇشەلەرىنىڭ ورنى بوس قالسا، بوس ورىن يە بولعان داۋىس سانىنا قاراي ورتالىق كوميتەتتىڭ كانديدات مۇشەلەرىمەن رەتىمەن تولىقتىرىلادى.
10 - تارماق ورتالىق كوميتەتتىڭ ساياسي بيۋروسىن، ورتالىق كوميتەت ساياسي بيۋروسىنىڭ تۇراقتى كوميتەتىن جانە ورتالىق كوميتەتتىڭ باس شۋجيىن ورتالىق كوميتەتتىڭ جالپى ءماجىلىسى سايلايدى. ورتالىق كوميتەتتىڭ باس شۋجيى، ءسوز جوق، ورتالىق كوميتەت ساياسي بيۋروسى تۇراقتى كوميتەتىنىڭ مۇشەلەرى اراسىنان سايلانۋ كەرەك.
ورتالىق كوميتەتتىڭ شۋجيچۋى − ورتالىق كوميتەت ساياسي بيۋروسىنىڭ جانە ونىڭ تۇراقتى كوميتەتىنىڭ ءىس باسقارۋ قۇرىلىمى؛ ونىڭ قۇرامىنداعىلاردى ورتالىق كوميتەت ساياسي بيۋروسىنىڭ تۇراقتى كوميتەتى كورسەتىپ، ورتالىق كوميتەتتىڭ جالپى ءماجىلىسى ماقۇلدايدى.
ءار كەزەكتى ورتالىق كوميتەت سايلاپ شىققان ورتالىق كوميتەتتىڭ باسشىلىق قۇرىلىمى مەن ورتالىق كوميتەت باسشىلارى كەلەسى كەزەكتى مەملەكەتتىك قۇرىلتاي اشىلعان مەزگىلدە پارتيانىڭ ۇنەمىلىك قىزمەتتەرىن جالعاستى باسقارادى، كەلەسى كەزەكتى ورتالىق كوميتەتتىڭ جاڭا باسشىلىق قۇرىلىمى مەن باسشىلارىن سايلاپ شىققانعا دەيىن باسقارا بەرەدى.
11 - تارماق پارتيا ورتالىق كوميتەتىنىڭ باسشىلىعىندا ورتالىق اسكەري ىستەر كوميتەتى پارتيا مەن مەملەكەتتىڭ ەڭ جوعارى اسكەري باسشىلىق ورگانى قىزمەت جاۋاپكەرشىلىگىن اتقارادى. ورتالىق اسكەري ىستەر كوميتەتى ءتوراعا جاۋاپتى بولۋ ءتۇزىمىن جۇرگىزەدى.
12 - تارماق پارتيا ورتالىق كوميتەتىنىڭ باسشىلىعىندا ورتالىق ءتارتىپ تەكسەرۋ كوميتەتى (مەملەكەتتىك باقىلاۋ - تەكسەرۋ كوميتەتى) پارتيانىڭ ەڭ جوعارى ءتارتىپ تەكسەرۋ ورگانىنىڭ (مەملەكەتتىك ەڭ جوعارى باقىلاۋ - تەكسەرۋ ورگانى) قىزمەت جاۋاپكەرشىلىگىن اتقارادى.
13 - تارماق پارتيا ورتالىق كوميتەتى ءبىرقانشا شەشىم قابىلداۋ، اقىلداسۋ، سايكەستىرۋ قۇرىلىمدارىن قۇرادى، ولار پارتيا ورتالىق كوميتەتىنىڭ باسشىلىعىندا قاتىستى كەلەلى قىزمەتتەر جونىندە جوعارى دەڭگەيدە جوبالاۋعا، ءبىر تۇتاس جوسپارلاپ سايكەستىرۋگە، تۇتاس تۇلعادا ىلگەرىلەتۋگە، تياناقتاندىرۋعا قۋزاۋعا جاۋاپتى بولادى.
پارتيا ورتالىق كوميتەتى ءبىرقانشا قىزمەت ورگاندارىن قۇرادى، ولار پارتيا ورتالىق كوميتەتىنىڭ باسشىلىعىندا ورتالىقتىڭ قاتىستى قىزمەتتەرىن باسقارادى نەمەسە تىندىرادى.
پارتيا ورتالىق كوميتەتى مەملەكەتتىك حالىق قۇرىلتايىنىڭ تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى سياقتىلاردا پارتيا باسشىلىق گرۋپپاسىن قۇرادى، ولار پارتيا ورتالىق كوميتەتىنىڭ الدىندا جاۋاپتى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرەدى، اتقارادى.
4 - تاراۋ باسشىلىق قىزمەت ۇقىقتارى
14 - تارماق پارتيانىڭ مەملەكەتتىك قۇرىلتايى جابىق كەزدە ورتالىق كوميتەت مەملەكەتتىك قۇرىلتايدىڭ قارارلارىن اتقارادى، مىناداي قىزمەت ۇقىقتارىن جۇرگىزەدى:
(1) مەملەكەتتىك قۇرىلتايدى شاقىرۋ، مەملەكەتتىك قۇرىلتاي ۋاكىلدەرىنىڭ سانىن جانە سايلانۋ ءادىسىن بەلگىلەۋ؛ ورتالىق كوميتەتتىڭ مەملەكەتتىك قۇرىلتايعا بايانداماسىن، ورتالىق ءتارتىپ تەكسەرۋ كوميتەتىنىڭ مەملەكەتتىك قۇرىلتايعا بايانداماسىن، پارتيا ۋستاۆىنا وزگەرىس ەنگىزۋ جوباسىن تالقىلاۋ، سونداي - اق مەملەكەتتىك قۇرىلتايدىڭ تەكسەرۋىنە جانە قاراۋىنا ۇسىنۋ تۋرالى شەشىم جاساۋ. قاجەت دەپ تاپقان كەزدە پارتيانىڭ مەملەكەتتىك قۇرىلتايىن شاقىرۋ تۋرالى شەشىم جاساۋ، مەملەكەتتىك قۇرىلتاي ۋاكىلدەرىنىڭ سانىن جانە سايلانۋ ءادىسىن بەلگىلەۋ.
(2) ورتالىق باسشىلىق قۇرىلىمىن جانە ورتالىق كوميتەتتىڭ باس شۋجيىن سايلاپ شىعۋ، ورتالىق كوميتەت شۋجيچۋىنىڭ قۇرامىنداعىلاردى ماقۇلداۋ، ورتالىق اسكەري ىستەر كوميتەتىنىڭ قۇرامىنداعىلاردى بەلگىلەۋ، ورتالىق ءتارتىپ تەكسەرۋ كوميتەتى جالپى ماجىلىسىندە سايلانىپ شىققان تۇراقتى كوميتەتتىڭ مۇشەلەرىن جانە شۋجيىن، ورىنباسار شۋجيلەرىن بەكىتۋ؛ ورتالىق باسشىلىق قۇرىلىمىنىڭ مۇشەلەرىن كوبەيتىپ سايلاۋ، تولىقتىرۋ، ورتالىق كوميتەت شۋجيچۋىنىڭ قۇرامىنداعىلاردى، ورتالىق اسكەري ىستەر كوميتەتىنىڭ قۇرامىنداعىلاردى تولىقتىرۋ.
(3) ورتالىق كوميتەت ساياسي بيۋروسىنىڭ قىزمەت بايانداماسىن تىڭداۋ جانە تالقىلاۋ.
(4) پارتيا مەن مەملەكەت ىستەرى دامۋىنىڭ جالپى جاعدايىنا ساياتىن ەلەۋلى ماسەلەلەردى تالقىلاۋ جانە ول جونىندە شەشىم جاساۋ.
(5) مەملەكەت ءتوراعاسىنا، ورىنباسار ءتوراعاسىنا كورسەتىلگەن ادامدار جونىندە تالقى جۇرگىزۋ جانە شەشىم جاساۋ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ورتالىق اسكەري ىستەر كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ باسشىلارىنا كورسەتىلگەن ادامدار جونىندە تالقى جۇرگىزۋ جانە شەشىم جاساۋ.
(6) ورتالىق كوميتەت مۇشەلەرىن تولىقتىرۋ جونىندە شەشىم جاساۋ؛ ورتالىق كوميتەتتىڭ مۇشەسىنە، كانديدات مۇشەسىنە پارتيا ىشىندەگى مىندەتىنەن الۋ، پارتيادا قالدىرىپ بايقاپ كورۋ نەمەسە پارتيادان شىعارۋ جازاسىن بەرۋ نەمەسە سوڭىنان بەرۋ تۋرالى شەشىم جاساۋ.
(7) پارتيانىڭ ەل باسقارۋ، پارتيانى باسقارۋ، پارتيانى جونگە سالۋىنداعى باسقا دا كەلەلى ماسەلەلەر مەن ىستەردى تالقىلاۋ جانە ول جونىندە شەشىم جاساۋ.
ورتالىق كوميتەتتىڭ جالپى ءماجىلىسى جابىق كەزدە ورتالىق كوميتەتتىڭ قىزمەت ۇقىعىن ورتالىق كوميتەتتىڭ ساياسي بيۋروسى مەن ونىڭ تۇراقتى كوميتەتى جۇرگىزەدى.
15 - تارماق ورتالىق كوميتەتتىڭ ساياسي بيۋروسى مەملەكەتتىك قۇرىلتايدىڭ جانە ورتالىق كوميتەتتىڭ قاۋلىسىن، قارارىن دايەكتىلەندىرەدى، اتقارادى، ورتالىق كوميتەتتىڭ جالپى ماجىلىسىنە قىزمەتتەن بايانداما جاسايدى، باقىلاۋىن قابىلدايدى، تومەندەگى قىزمەت ۇقىقتارىن جۇرگىزەدى:
(1) ورتالىق كوميتەتتىڭ جالپى ءماجىلىسىن شاقىرۋ ءارى باسقارۋ، ورتالىق كوميتەتتىڭ جالپى ماجىلىسىندە قاراۋعا تاپسىراتىن ماسەلەلەر مەن ىستەردى اقىلداسىپ شەشىم جاساۋ.
(2) پارتيا مەن مەملەكەت ىستەرىنىڭ دامۋ جالپى جاعدايىنا ساياتىن كەلەلى ماسەلەلەر مەن ىستەردى تالقىلاۋ جانە ول جونىندە شەشىم جاساۋ.
(3) ورتالىق كوميتەتتىڭ جالپى ءماجىلىسى جابىق كەزدە ورتالىق كوميتەت مۇشەسىنە، كاندايدات مۇشەسىنە پارتيا ىشىندەگى مىندەتىنەن الۋ، پارتيادا قالدىرىپ بايقاپ كورۋ نەمەسە پارتيادان شىعارۋ جازاسىن بەرۋدى ۇيعارۋ، مۇنى سوڭىنان ورتالىق كوميتەتتىڭ جالپى ءماجىلىسى اشىلعان كەزدە مويىنداۋ؛ قىلمىستىق ىستەر زاڭىنا اۋىر دارەجەدە قايشىلىق جاساعان ورتالىق كوميتەت مۇشەسىن، كانديدات مۇشەسىن پارتيادان شىعارۋ شەشىمىن جاساۋ.
(4) قاتىستى بەلگىلەمە بويىنشا كادرلاردى كورسەتۋ، ۇسىنۋ، مىندەتكە تاعايىنداۋ، مىندەتىنەن قالدىرۋ؛ پارتيانىڭ باسشى كادرلارىن ءبىر جاقتى ەتۋگە، جازالاۋعا قاتىستى ىستەر جونىندە شەشىم جاساۋ.
(5) ورتالىق كوميتەتتىڭ ساياسي بيۋروسى شەشىم جاساۋعا ءتيىستى باسقا دا كەلەلى ماسەلەلەر مەن ىستەردى اقىلداسىپ شەشىم جاساۋ.
16 - تارماق ورتالىق كوميتەت ساياسي بيۋروسىنىڭ تۇراقتى كوميتەتى مەملەكەتتىك قۇرىلتايدىڭ جانە ورتالىق كوميتەتتىڭ قاۋلىسىن، قارارىن دايەكتىلەندىرەدى، اتقارادى، ورتالىق كوميتەتتىڭ ساياسي بيۋروسى جاساعان باعىت - ساياساتتاردى ۇيىمداستىرىپ اتقارادى، تومەندەگى قىزمەت ۇقىقتارىن جۇرگىزەدى:
(1) پارتيا ورتالىق كوميتەتىنىڭ كۇندەلىكتى قىزمەتىن ءبىر جاقتى ەتۋ.
(2) پارتيا مەن مەملەكەت ىستەرىنىڭ دامۋ جالپى جاعدايىنا ساياتىن كەلەلى ماسەلەلەر مەن ىستەردى اقىلداسۋ، تالقىلاۋ ءارى پىكىردى ورتاعا قويۋ، ورتالىق كوميتەت ساياسي بيۋروسىنىڭ قاراۋىنا تاپسىرۋ.
(3) پارتيا مەن مەملەكەت قىزمەتىندەگى كەلەلى ماسەلەلەر مەن ىستەردى اقىلداسىپ شەشىم جاساۋ.
(4) ماڭىزدى توسىن وقيعالار جونىندە ءبىر جاقتى ەتۋ شەشىمىن جانە قىزمەت ورنالاستىرۋىن جاساۋ.
(5) ورتالىق كوميتەت شۋجيچۋىنىڭ قىزمەت بايانداماسىن جانە ورتالىق ءتارتىپ تەكسەرۋ كوميتەتى (مەملەكەتتىك باقىلاۋ - تەكسەرۋ كوميتەتى)، مەملەكەتتىك حالىق قۇرىلتايى تۇراقتى كوميتەتى پارتيا باسشىلىق گرۋپپاسى، مەملەكەتتىك كەڭەس پارتيا باسشىلىق گرۋپپاسى، مەملەكەتتىك ساياسي كەڭەس پارتيا باسشىلىق گرۋپپاسى، ەڭ جوعارى حالىق سوتى مەكەمەسى پارتيا باسشىلىق گرۋپپاسى، ەڭ جوعارى حالىق پروكۋراتۋراسى پارتيا باسشىلىق گرۋپپاسى قاتارلىلاردىڭ قىزمەت مالىمەتىن تىڭداۋ.
(6) قاتىستى بەلگىلەمە بويىنشا كادرلاردى كورسەتۋ، ۇسىنۋ، مىندەتكە تاعايىنداۋ، مىندەتىنەن قالدىرۋ؛ پارتيانىڭ باسشى كادرلارىن ءبىر جاقتى ەتۋگە، جازالاۋعا قاتىستى ىستەر جونىندە شەشىم جاساۋ.
(7) ورتالىق كوميتەتتىڭ ساياسي بيۋروسى شەشىم جاساۋعا ءتيىستى باسقا دا كەلەلى ماسەلەلەر مەن ىستەردى اقىلداسىپ شەشىم جاساۋ.
17 - تارماق ورتالىق كوميتەتتىڭ باس شۋجيى ورتالىق كوميتەت ساياسي بيۋروسىنىڭ ءماجىلىسىن جانە ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن شاقىرۋعا جاۋاپتى بولادى ءارى ورتالىق كوميتەت شۋجيچۋىنىڭ قىزمەتىن باسقارادى.
18 - تارماق ورتالىق كوميتەتتىڭ شۋجيچۋى ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ جانە ورتالىق كوميتەتتىڭ باس شۋجيىنىڭ نۇسقاۋى، ورنالاستىرۋى بويىنشا قىزمەت ورىستەتەدى.
5 - تاراۋ باسشىلىق ءادىسى
19 - تارماق پارتيا ورتالىق كوميتەتى كوممۋنيستىك پارتيانىڭ بيلىك جۇرگىزۋ زاڭدىلىعىن، سوتسياليستىك قۇرىلىس زاڭدىلىعىن، ادامزات قوعامىنىڭ دامۋ زاڭدىلىعىن جەتە يگەرىپ، ماركسيزمنىڭ يدەيالىق ادىسىنە جانە قىزمەت ادىسىنە تاباندى بولىپ جانە ونى دامىتىپ، جاڭا ءداۋىردىڭ جاڭا تالابىنا ۇيلەسىپ، باسشىلىق ءادىسىن جاقسارتىپ جانە كەمەلدەندىرىپ، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن كۇشەيتىپ، پارتيانىڭ عىلمي بيلىك جۇرگىزۋ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ ورەسىن جوعارىلاتادى.
20 - تارماق پارتيا ورتالىق كوميتەتى تۋ ۇستاپ، بەتالىستى تۇراقتاندىرىپ، رول ۇستاپ، جول باستاپ، پارتيا مەن مەملەكەت ىستەرىنىڭ ىلگەرىلەۋ بەتالىسىنا جەتەكشىلىك ەتەدى. ساياسي جەتەكشىلىكتى كۇشەيتىپ، جۇڭگوشا سوتسياليزم جولىمەن مىزعىماستان جۇرەدى. يدەيالىق جەتەكشىلىكتى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرادى، حالىقتى تاربيەلەيدى. ۇلگىلىك جەتەكشىلىكتى كۇشەيتىپ، قۇدىرەتتى اقيقات كۇشىمەن جانە مىنەز - قۇلىق كۇشىمەن پارتيا تىلەگىن، ارميا تىلەگىن، حالىق تىلەگىن ۇيىستىرادى.
21 - تارماق پارتيا ورتالىق كوميتەتى جالپى جاعدايدى ءبىر تۇتاس مەڭگەرىپ، ءارقايسى جاقتاردى سايكەستىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ءبىر تۇتاس ەرىكپەن، ءبىر تۇتاس ارەكەتپەن، بىردەي اياق الىسپەن العا ىلگەرىلەۋىنە شىنايى كەپىلدىك ەتەدى. قىزمەتتەردى ءبىر تۇتاس مەڭگەرىپ، پارتيا مەن مەملەكەتتىڭ ءار جاقتارداعى ىستەرىن تۇتاس تۇلعالى ىلگەرىلەتەدى. ءار جاقتاردىڭ كۇشىن ءبىر تۇتاس مەڭگەرىپ، ءار دارەجەلى، ءار ءتۇرلى ۇيىمدار مەن قالىڭ پارتيا مۇشەلەرىنىڭ، كادرلاردىڭ، بۇقارانىڭ ءبىر تۇلعالى ارەكەتىنە باسشىلىق ەتەدى. مەملەكەتتى جونگە سالۋدى ءبىر تۇتاس مەڭگەرىپ، جۇڭگوشا سوتسياليزم تۇزىمىنە تاباندى بولادى جانە ونى كەمەلدەندىرەدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتەدى.
22 - تارماق پارتيا ورتالىق كوميتەتى وسكەلەڭ جاۋاپكەرشىلىك ارقالاۋمەن، كۇشتى تاۋقىمەت تانىمىمەن، تايسالماس توڭكەرىستىك رۋحپەن، بۇكىل پارتيانىڭ وزىنە ۇلى توڭكەرىس جاساۋ ارقىلى قوعامدىق ۇلى توڭكەرىسكە جەتەكشىلىك ەتۋىنە باسشىلىق ەتىپ، جاڭا داۋىردەگى جۇڭگوشا سوتسياليزم ۇلى ىستەرىن ۇزدىكسىز العا ىلگەرىلەتەدى.
6 - تاراۋ شەشىم جاساۋ، ورنالاستىرۋ
23 - تارماق پارتيا ورتالىق كوميتەتى كوللەكتيۆ باسشىلىق ەتۋ، دەموكراتيالىق ورتالىقتاندىرۋ، ايىرىم اقىلداسۋ، ماجىلىستە قاۋلى شىعارۋ پرينسيبى بويىنشا پارتيا مەن مەملەكەت قىزمەتىندەگى كەلەلى ماسەلەلەرگە شەشىم جاسايدى. قاجەتكە قاراي جەكە - جەكە ورتالىق كوميتەتتىڭ جالپى ءماجىلىسىن، ورتالىق كوميتەت ساياسي بيۋروسىنىڭ ءماجىلىسىن، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن اشىپ، تالقىلاپ شەشىم جاسايدى.
پارتيا ورتالىق كوميتەتى كەلەلى شەشىم، ورنالاستىرۋ جاساعاندا، ءسوز جوق، ىشكەرىلەي تەكسەرۋ - زەرتتەۋ جۇرگىزىپ، ءار جاقتاردىڭ پىكىرى مەن ۇسىنىستارىن كەڭ كولەمدە تىڭداپ، تالداۋ جاساۋدى، دالەلدەۋدى كۇشەيتىپ، اقىل - پاراسات، ورتاق تانىم ۇيىستىرىپ، عىلمي شەشىم جاساۋدى، دەموكراتيالىق شەشىم جاساۋدى، زاڭ بويىنشا شەشىم جاساۋدى ورىندايدى.
24 - تارماق ورتالىق كوميتەتتىڭ جالپى ءماجىلىسى جىلىنا كەمىندە ءبىر رەت وتكىزىلەدى. ءماجىلىستىڭ كەڭەستىك تاقىرىپتارى جونىندە ورتالىق كوميتەت ساياسي بيۋروسى پارتيا ىشىندە بەلگىلى كولەمدە پىكىر العاننان كەيىن تۇراقتاندىرادى.
ورتالىق كوميتەتتىڭ جالپى ءماجىلىسى ورتالىق كوميتەت مۇشەلەرىنىڭ جارىمىنان استامى قاتىناسقاندا عانا اشىلۋى ءتيىس. ورتالىق كوميتەتتىڭ مۇشەسى، كانديدات مۇشەسى بەلگىلى سەبەپپەن ماجىلىسكە قاتىناسا المايتىن بولعاندا، ماجىلىستەن بۇرىن رۇقسات سۇراۋى ءتيىس، پىكىرىن جازباشا جەتكىزۋىنە بولادى. قاجەتكە ساي، قاتىستى ادامداردى ماجىلىسكە سىرتتاي قاتىناسۋعا ورنالاستىرۋعا بولادى.
تالقىلاناتىن جانە شەشىم جاسالاتىن ىستەردىڭ تۇرلىشە بولۋىنا قاراي، قول كوتەرۋ، جاسىرىن داۋىس بەرۋ سياقتى تاسىلدەر ارقىلى داۋىسقا سالىنادى، قۇپتاۋ داۋىس سانى ماجىلىسكە قاتىناسۋعا ءتيىستى مۇشەلەر سانىنىڭ جارتىسىنان اسسا ماقۇلدانادى. ماجىلىسكە قاتىناسپاعان مۇشەنىڭ پىكىرى داۋىس سانىنا ەسەپتەلمەيدى. كانديدات مۇشە داۋىسقا سالۋعا قاتىناسپايدى.
ورتالىق كوميتەت مۇشەلەرىنە، كانديدات مۇشەلەرىنە پارتيا ىشىندەگى مىندەتىنەن الىپ تاستاۋ، پارتيادا قالدىرىپ بايقاپ كورۋ نەمەسە پارتيادان شىعارۋ جازاسىن بەرۋدى، ءسوز جوق، ورتالىق كوميتەت جالپى ماجىلىسىندە ۇشتەن ەكىدەن ارتىق داۋىسپەن ۇيعارۋ كەرەك. ورتالىق كوميتەتتىڭ جالپى ءماجىلىسى جابىق كەزدە، الدىمەن ورتالىق كوميتەت ساياسي بيۋروسى ءبىر جاقتى ەتۋ جونىندە قاۋلى شىعارادى، سوڭىنان ورتالىق كوميتەتتىڭ جالپى ءماجىلىسى اشىلعان كەزدە مويىندالادى.
25 - تارماق ورتالىق كوميتەت ساياسي بيۋروسىنىڭ ءماجىلىسى ادەتتە بەلگىلى مەرزىم بويىنشا اشىلادى، ماڭىزدى جاعدايلار كەزدەسكەندە كەز كەلگەن ۋاقىتتا اشۋعا بولادى. ءماجىلىستىڭ كەڭەستىك تاقىرىپتارىن ورتالىق كوميتەتتىڭ باس شۋجيى بەلگىلەيدى.
ورتالىق كوميتەت ساياسي بيۋروسىنىڭ ءماجىلىسى ورتالىق كوميتەت ساياسي بيۋروسى مۇشەلەرىنىڭ جارىمىنان استامى قاتىناسقاندا عانا اشىلۋى ءتيىس. قاجەتكە ساي، قاتىستى ادامداردى ماجىلىسكە سىرتتاي قاتىناسۋعا ورنالاستىرۋعا بولادى.
ورتالىق كوميتەت ساياسي بيۋروسىنىڭ ءماجىلىسى ماسەلە جونىندە شەشىم جاساعاندا تولىق تالقىلاۋدان وتكىزۋ ءتيىس، كوپ ىستەرگە قاتىستىلارىن ءبىر - بىرلەپ تالقىلاۋ جانە شەشىم جاساۋ ءتيىس.
26 - تارماق ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى ادەتتە بەلگىلى مەرزىم بويىنشا اشىلادى، ماڭىزدى جاعدايلار كەزدەسكەندە كەز كەلگەن ۋاقىتتا اشۋعا بولادى. ءماجىلىستىڭ كەڭەستىك تاقىرىپتارىن ورتالىق كوميتەتتىڭ باس شۋجيى بەلگىلەيدى.
ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى ورتالىق كوميتەت ساياسي بيۋروسى تۇراقتى كوميتەتى مۇشەلەرىنىڭ جارىمىنان استامى قاتىناسقاندا عانا اشىلۋى ءتيىس. قاجەتكە قاراي، قاتىستى ادامداردى ماجىلىسكە سىرتتاي قاتىناسۋعا ورنالاستىرۋعا بولادى.
ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى ماسەلە جونىندە شەشىم جاساعاندا تولىق تالقىلاۋدان وتكىزۋ ءتيىس، كوپ ىستەرگە قاتىستىلارىن ءبىر - بىرلەپ تالقىلاۋ جانە شەشىم جاساۋ ءتيىس.
27 - تارماق پارتيا ورتالىق كوميتەتىنىڭ شەشىمىنە، ورنالاستىرۋىنا جانە ورتالىق كوميتەتتىڭ باس شۋجيىنىڭ نۇسقاۋىنا، تالابىنا ساي، ورتالىق كوميتەت شۋجيچۋى كەڭسە ءماجىلىسىن اشىپ قاتىستى ىستەردى اقىلداسادى، تالقىلايدى. ءماجىلىستىڭ كەڭەستىك تاقىرىپتارىن ورتالىق كوميتەتتىڭ باس شۋجيى بەلگىلەيدى.
28 - تارماق پارتيا ورتالىق كوميتەتى قاجەتكە قاراي قىزمەت ءماجىلىسى، ارناۋلى تاقىرىپتىق ءماجىلىس سياقتىلاردى اشىپ، جاعدايعا تالداۋ جاسايدى، قىزمەت ورنالاستىرادى.
29 - تارماق پارتيا ورتالىق كوميتەتىنىڭ شەشىمىنە، ورنالاستىرۋىنا جانە ورتالىق كوميتەتتىڭ باس شۋجيىنىڭ نۇسقاۋىنا، تالابىنا ساي، پارتيا ورتالىق كوميتەتىنىڭ شەشىم قابىلداۋ، كەڭەسۋ، سايكەستىرۋ قۇرىلىمى ءماجىلىس اشىپ، قاتىستى سالالارداعى كەلەلى قىزمەتتەردى اقىلداسىپ شەشىم جاسايدى، ورنالاستىرادى، سايكەستىرەدى. ءماجىلىستىڭ كەڭەستىك تاقىرىپتارىن ورتالىق كوميتەتتىڭ باس شۋجيى بەلگىلەيدى نەمەسە قاراپ بەكىتەدى.
قاتىستى ىستەردى پارتيا ورتالىق كوميتەتىنىڭ شەشىم قابىلداۋ، كەڭەسۋ، سايكەستىرۋ قۇرىلىمى ماجىلىسىندە قاراعاننان كەيىن، قاجەتكە قاراي ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە قاراۋعا تاپسىرادى.
30 - تارماق پارتيا ورتالىق كوميتەتى پارتيا مەن مەملەكەتتىڭ ماڭىزدى باعىت - ساياساتى، كەلەلى ماسەلەلەرى، ماڭىزدى كادرلار ىستەرى ورنالاستىرۋى سياقتىلاردى كەڭەسەدى، ءارقايسى دەموكراتيالىق پارتيا - توپتاردىڭ ورتالىق كوميتەتتەرى، بۇكىل مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدايدى، ماڭىزدى جاعدايلاردى حابارلاندىرادى، يدەيالىق بايلانىس جاسايدى، ورتاق تانىمدى ارتتىرادى.
7 - تاراۋ وزىندىك قۇرىلىس
31 - تارماق ورتالىق كوميتەتتىڭ، ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسىنىڭ تۇراقتى كوميتەتىنىڭ قۇرامىنداعىلار، ءسوز جوق، ”ەكىنى قورعاۋدى“ ءتۇبىرلى ساياسي تالاپ ەتىپ، باستاماشىلىقپەن ”ەكىنى قورعاۋدى“ ورىنداپ، پارتيا ورتالىق كوميتەتىنىڭ ساياسي بۇيرىقتارىنىڭ ىركىلىسسىزدىگىنە، بۇيرىقتارىنىڭ بۇلجىتپاي اتقارىلۋىنا شىنايى كەپىلدىك ەتۋ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىنە شىنايى كەپىلدىك ەتۋ.
32 - تارماق ورتالىق كوميتەتتىڭ، ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسىنىڭ تۇراقتى كوميتەتىنىڭ قۇرامىنداعىلار، ءسوز جوق، وزدەرىنىڭ پارتيانىڭ ەڭ جوعارى باسشى ورگانىنىڭ ءبىر مۇشەسى ەكەندىگىن ەستە بەرىك ساقتاپ، ۇيىمدىق پرينسيپكە جانە پارتيالىلىق پرينسيپكە تاباندى بولىپ، ساياسي ءتارتىپ پەن ساياسي قاعيدانى قاتاڭ ساقتاپ، ءتارتىپ بويىنشا ءىس ىستەپ، ەرەجە بويىنشا ءىس ىستەپ، كوللەكتيۆتىڭ ەركى بويىنشا ءىس ىستەپ، پارتيانىڭ ىنتىماعىن، بىرلىگىن باتىل قورعايدى.
ورتالىق كوميتەتتىڭ، ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسىنىڭ تۇراقتى كوميتەتىنىڭ قۇرامىنداعىلار پارتيا ۋستاۆى قاتارلى پارتيا ىشىندەگى زاڭ ەرەجەلەردى سانالى اتقارىپ، پارتيانىڭ بۇقارالىق لۋشيانىن سانالى دايەكتىلەندىرىپ، ورتالىقتىڭ 8 ءتۇرلى بەلگىلەمەسىن قاتاڭ اتقارىپ، فورماشىلدىققا، تورەشىلدىككە، راقاتقۇمارلىققا جانە استا - توك ىسىراپشىلدىققا باتىل قارسى تۇرىپ، سانالى تۇردە ەرەكشە ۇقىق يدەياسىمەن جانە ەرەكشە ۇقىق جايتىمەن كۇرەس جاساپ، قاي - قاشان دا كىرشىكسىز، پاك ساياسي قاسيەتتى ساقتايدى.
ورتالىق كوميتەت ساياسي بيۋروسىنىڭ مۇشەلەرى قىزمەت بارىسىنداعى كەلەلى شەشىمدەر، كەلەلى ىستەر، ەلەۋلى جاعدايلار جونىندە دەر كەزىندە پارتيا ورتالىق كوميتەتىنەن نۇسقاۋ سۇراۋ، مالىمدەۋ ءتيىس. اتقارۋ بارىسىندا پارتيا ورتالىق كوميتەتىنىڭ شەشىمىنە، قاۋلىسىنا جانە ەلەۋلى قىزمەت ورنالاستىرۋىنا رەتتەۋ جۇرگىزۋ كەرەك بولعاندا، ءسوز جوق، پارتيا ورتالىق كوميتەتىنىڭ بەكىتۋىنە مالىمدەيدى.
33 - تارماق ورتالىق كوميتەتتىڭ، ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسىنىڭ تۇراقتى كوميتەتىنىڭ قۇرامىنداعىلار پارتيا ىشىندەگى دەموكراتيانى باستاماشىلىقپەن ساۋلەلەندىرىپ، پارتيا ۋستاۆى قاتارلى پارتيا ىشىندەگى زاڭ ەرەجەلەر بەلگىلەگەن دەموكراتيالىق پرينسيپ پەن ءتارتىپتى مۇقيات اتقارۋ ءتيىس. ورتالىق كوميتەت ساياسي بيۋروسى ءار جىلى دەموكراتيالىق تۇرمىس جيىنىن اشادى. ورتالىق كوميتەتتىڭ مۇشەلەرى، كانديدات مۇشەلەرى ورتالىق كوميتەتتىڭ جالپى ماجىلىسىنە قاتىناسقاندا پارتيا مەن مەملەكەت قىزمەتى جونىندە بەلسەندىلىكپەن پىكىر ايتادى، ۇسىنىس العا قويادى.
8 - تاراۋ قوسىمشا ەرەجە
34 - تارماق بۇل ەرەجەنى ورتالىق كوميتەت كەڭسەسى تۇسىندىرۋگە جاۋاپتى بولادى.
35 - تارماق بۇل ەرەجە جاريالانعان كۇننەن باستاپ اتقارىلادى.
