شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى. ”كەدەيلىكتەن ارىلتۋ جانە ساياسي پارتيانىڭ جاۋاپكەرشىلىگى“ حالىقارالىق نازاريا زەرتتەۋ - تالقى جيىنى 10 - ايدىڭ 12 - كۇنى فۋجيان ولكەسىنىڭ فۋجوۋ قالاسىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ جيىنعا قۇتتىقتاۋ حات جولدادى.
شي جينپيڭ مىنانى ءبىلدىردى: جۇڭگونىڭ كەدەيلەردى سۇيەمەلدەۋ مەملەكەتتىك كۇنى جانە كەدەيلىكتى جويۋ حالىقارالىق كۇنى كەلۋ قارساڭىندا ”كەدەيلىكتەن ارىلتۋ جانە ساياسي پارتيانىڭ جاۋاپكەرشىلىگى“ حالىقارالىق نازاريا زەرتتەۋ - تالقى جيىنى بۇگىن فۋجوۋدا اشىلدى، مەن جيىننىڭ اشىلعاندىعىن قىزۋ قۇتتىقتايمىن.
شي جينپيڭ بىلاي دەپ اتاپ كورسەتتى: كەدەيلىكتى جويۋ، حالىق تۇرمىسىن جاقسارتۋ، بىرگە بايۋدى جۇزەگە اسىرۋ − جۇڭگوشا سوتسياليزمنىڭ ماندىك تالابى، جۇڭگو كوممۋنيستىك پارتياسىنىڭ ماڭىزدى بورىشى. جۇڭگو كوممۋنيستىك پارتياسىنىڭ 18 - قۇرىلتايىنان بەرى، ءبىز جاپپاي دوڭگەلەك داۋلەتتى قوعام ورناتۋ تالابىن نەگىزگە الا وتىرىپ، كەدەيلىكتەن ارىلتۋدان قامال الۋدى ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ءتۇيىندى مىندەتى ەتىپ، ءبىرسىپىرا كەلەلى ورنالاستىرۋلار جانە جايعاستىرۋلار جاساپ، كەدەيلىكتەن ارىلتۋدان قامال الۋ شايقاسىن جالپى بەتتىك باستادىق، جۇڭحۋا ۇلتىن نەشە مىڭ جىلدان بەرى مازالاپ كەلە جاتقان مۇلدە كەدەيلىك ماسەلەسى تاريحي سيپاتتى شەشىلۋ الدىندا تۇر. كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزىپ، «بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك تارتىبىندەگى» كەدەيلىكتى ازايتۋ نىساناسىن 10 جىل بۇرىن جۇزەگە اسىرىپ، جۇڭحۋا ۇلتى ءۇشىن، ادامزات قوعامى ءۇشىن كەلەلى مانگە يە وسى ۇلى ءىستى ورىنداۋعا ءبىزدىڭ سەنىمىمىز كامىل، قابىلەتىمىز جەتەدى.
شي جينپيڭ بىلاي دەپ باسا دارىپتەدى: كەزەكتە ءار جاقتىڭ بىرگە قۇلشىنۋىندا، دۇنيە جۇزىندە كەدەيلىكتى ازايتۋ ءىسى ارشىندى ىلگەرىلەۋشىلىككە قول جەتكىزدى، الايدا ءدوپ كەلگەن قيىنشىلىقتار مەن سىن - سايىستار ءالى دە اسا قاتاڭ، بۇل ءار ەلدىڭ ساياسي پارتيالارىن قامتىعان حالىقارالىق قوعامنىڭ ورتاق تانىم ۇيىستىرىپ، قول ۇستاسا سەلبەسىپ، كوپ جاقتىلىققا تاباندى بولىپ، بەيبىتشىلىك پەن ورنىقتىلىقتى قورعاپ، كۇللى جەر شارىندا كەدەيلىكتى ازايتۋ ءۇردىسىن جەدەل ىلگەرىلەتۋدى قاجەت ەتىپ وتىر. جيىنعا قاتىناسقان سيلى قوناقتاردىڭ تاجىريبە الماسۋ، زاڭدىلىقتاردى قورىتىندىلاۋ ارقىلى كۇللى جەر شارىندا كەدەيلىكتى ازايتۋ ءىسىن ىلگەرىلەتۋ جونىندە بىرگە اقىلداسۋىن، كەدەيلىكتى جەڭۋدىڭ سەنىمىن كۇشەيتىپ، «بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك تارتىبىندەگى» نىسانالاردى جۇزەگە اسىرۋ ءۇشىن اقىل - پاراسات جانە كۇش - قۋات قوسۋىن ءۇمىت ەتەمىن.
”كەدەيلىكتەن ارىلتۋ جانە ساياسي پارتيانىڭ جاۋاپكەرشىلىگى“ حالىقارالىق نازاريا زەرتتەۋ - تالقى جيىنىن جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى مەن جۇڭگو كوممۋنيستىك پارتياسى فۋجيان ولكەلىك كوميتەتى بىرلەسىپ وتكىزگەن. لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭ، ناميبيا حالىقتىق ۇيىم پارتياسىنىڭ ءتوراعاسى، زۇڭتۇڭ گەينگوب، زيمبابۆە افريكا ۇلتتىق وداعى - وتانشىلدىق شەبىنىڭ ءتوراعاسى، قوسىمشا ءبىرىنشى شۋجيى، زۇڭتۇڭ منانگاگۋا، ورتا افريكا رەسپۋبليكاسى ءبىر نيەتتى ىنتىماق قوزعالىسىنىڭ نەگىزىن قالاۋشى، زۇڭتۇڭ توۇادەرا، مالاۆي كونگرەس پارتياسىنىڭ ءتوراعاسى، زۇڭتۇڭ چاكۋەرا، ارگەنتينانىڭ زۇڭتۇڭى فەرناندەز، سۋرينام العاباسار رەفورما پارتياسىنىڭ ءتوراعاسى، زۇڭتۇڭ سانتوحي قاتارلىلار جازباشا نەمەسە بەينە ەكران تاسىلىمەن قۇتتىقتاۋ ءبىلدىرىپ، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا جۇڭگونىڭ كەدەيلىكتەن ارىلتۋدان قامال الۋدا قول جەتكىزگەن تاريحي جەتىستىكتەرىن جوعارى باعالاپ، ءبىر اۋىزدان ءار ەل ساياسي پارتيالارىنىڭ ساياسي جەتەكشىلىك رولىن ساۋلەلەندىرىپ، ءار جاقتى ورتاق تانىمعا ۇيىستىرىپ، كەدەيلىكتى ازايتۋدىڭ حالىقارالىق سەلبەستىگىن جەبەۋ ءتيىس دەپ قارادى. 100 نەشە مەملەكەتتەن كەلگەن 400گە تارتا ساياسي پارتيانىڭ ۋاكىلى مەن جۇڭگودا تۇراتىن ەلشىلەر، حالىقارالىق قۇرىلىمداردىڭ جۇڭگودا تۇراتىن ۋاكىلدەرى، وركەندەپ كەلە جاتقان ەلدەر اقپارات قۇرالدارىنىڭ جۇڭگودا تۇراتىن ۋاكىلدەرى، پاراسات قامباسى وقىمىستىلارى، ت. ب ينتەرنەت جەلىسىندە نەمەسە ينتەرنەت جەلىسىنەن تىس تاسىلمەن جيىنعا قاتىناستى.
