تيانشان تورى   ›   ۇيرەنۋ   ›   شولۋ

جاڭا داۋىردەگى رەفورما جاساپ، ەسىك اشۋدىڭ جاڭا ۇلگىسىن ورناتايىق

 − شىنجىن سياقتى ەكونوميكالىق ەرەكشە رايوندار قۇرىلعاندىعىنىڭ 40 جىلدىعىن قىزۋ قۇتتىقتايمىز

 «حالىق گازەتى» باسماقالاسى

  ەكونوميكالىق ەرەكشە رايون قۇرۋ − پارتيامىز بەن مەملەكەتىمىزدىڭ رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋ ءۇشىن شىعارعان كەلەلى شەشىمى. 40 جىلدىڭ الدىندا رەفورما جاساپ، ەسىك اشۋدىڭ ۇلكەن شىمىلدىعى العاش اشىلعان تۇستا، پارتيا ورتالىق كوميتەتى شىنجىن، جۋحاي، شانتوۋ، شيامىن سىندى 4 ەكونوميكالىق ەرەكشە رايون قۇرۋدى ۇيعارىپ، ەرەكشە ساياسات پەن يكەمدى شارا اتقارىپ، بۇكىل ەلدىڭ رەفورما جاساپ، ەسىك اشۋى جانە سوتسياليستىك وسىزامانداندىرۋ قۇرىلىسى ءۇشىن ماڭىزدى تەرەزەلىك جانە ۇلگى كورسەتۋ رولىن ساۋلەلەندىردى. شىنجىن سياقتى ەكونوميكالىق ەرەكشە رايوندار وسىدان باستاپ ەلىمىزدىڭ رەفورما جاساپ، ەسىك اشۋداعى ەڭ الدىڭعى لەگىندە باستان - اياق ءجۇرىپ، اسقاق سەزىم الاۋلاعان ”كوكتەمگى حيكايانى“ جازدى.

  رەفورما جاساپ، ەسىك اشۋدان تۋىندادى، رەفورما جاساپ، ەسىك اشقاندىقتان كوركەيدى، 40 جىلدان بەرى شىنجىن باۋراۋ كۇشىنە، قوزعاۋشى كۇشكە، ومىرشەڭدىك كۇشكە تولى حالىقارالانعان جاڭالىق اشۋ ۇلگىسىندەگى قالاعا اينالدى، وڭىرلىك ءوندىرىس جالپى ءونىم قۇنى جىلىنا ورتا ەسەپپەن %20.7تىك قارقىنمەن جەدەل ارتىپ، 2019 - جىلى 2 تريلليون 690 ميلليارد يۋانعا جەتىپ، دۇنيە ءجۇزىنىڭ ونەركاسىپتەنگەن، قالالانعان جانە وسىزاماندانعان دامۋ تاريحىنداعى كەرەمەتتى جاراتتى. اسىرەسە، پارتيا 18 - قۇرىلتايىنان بەرى شىنجىن باس شۋجي شي جينپيڭنىڭ گۋاڭدۇڭ، شىنجىن تۋرالى سويلەگەن ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتى جۇكتەگەن ”جۇڭگوشا سوتسياليزمنەن الدىمەن ۇلگى كورسەتۋ رايونىن قۇرۋ بەتالىسىنا قاراي العا ىلگەرىلەپ، سوتسياليستىك وسىزاماندانعان قۇدىرەتتى ەلدىڭ قالا ۇلگىسىن قۇرۋعا قۇلشىنۋ“ سىندى وسكەلەڭ بورىشتى ارقالاپ، جۇرەكتىلىكپەن ىزدەنىس جاساپ، باتىلدىقپەن جاڭالىق اشىپ، تىڭ ناتيجە جاراتتى، جاڭا ابزالدىلىق ۇستەدى، جاڭا ساتىعا كوتەرىلدى. شىنجىن − ەلىمىزدىڭ ەكونوميكالىق ەرەكشە رايونىنىڭ ءبىر جارقىن ىقشام كارتيناسى، 40 جىلدان بەرى شىنجىن سياقتى ەكونوميكالىق ەرەكشە رايوندار جۇڭگوشا سوتسياليزم قۇرۋدىڭ ۇلى تاريحي بارىسىندا باتىلدىقپەن ەكپىندەۋدىڭ، ءورىس اشا ىلگەرىلەۋدىڭ ايبىندى تاراۋىن جازدى، ءتۇزىلىس رەفورماسىندا تاجىريبە اتىزىندىق رول اتقاردى، سىرتقا ەسىك اشۋدا ماڭىزدى تەرەزەلىك رولىن ساۋلەلەندىردى، بۇكىل ەلدىڭ رەفورما جاساپ، ەسىك اشۋىنا جانە سوتسياليستىك وسىزامانداندىرۋ قۇرىلىسىنا كەلەلى ۇلەس قوستى. اماليات مىنانى تولىق دالەلدەدى: پارتيا ورتالىق كوميتەتىنىڭ ەكونوميكالىق ەرەكشە رايون قۇرۋ جونىندەگى ستراتەگيالىق شەشىمى بۇكىلدەي دۇرىس، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ ساپارىندا ەكونوميكالىق ەرەكشە رايوندى ۇزدىكسىز اتقارىپ قالماستان، ونىڭ ۇستىنە اناعۇرلىم جاقسى اتقارۋ، اتقارۋ دەڭگەيىن كوتەرۋ كەرەك.

  شىنجىن سياقتى ەكونوميكالىق ەرەكشە رايون قول جەتكىزگەن جەتىستىك رەفورما جاساپ، ەسىك اشقاننان بەرى ەلىمىزدىڭ تاريحي وزگەرىستى جۇزەگە اسىرۋىنىڭ، تاريحي سيپاتتى جەتىستىككە قول جەتكىزۋىنىڭ جاندى بەينەسى. 40 نەشە جىلدان بەرى جاڭا مەزگىلدى اشۋدان جاڭا عاسىرعا اتتاۋعا دەيىن، جاڭا باستامادا تۇرۋدان جاڭا داۋىرگە اياق باسۋعا دەيىن پارتيامىز حالىقتى ىنتىماقتاستىرىپ، باستاپ، قۇلاشىن كەڭ جايعان ايبىنى كۇشتى تاريحي كارتينانى كەستەلەپ، بايۋ، قۇدىرەتتەنۋ ساپارىندا شەشۋشى سيپاتتى قادام باستى. دۇنيە جۇزىندەگى 2 - ءىرى ەكونوميكالىق تۇلعا، جاساۋ كاسىبىندەگى 1 - ءىرى ەل، زات ساۋداسىنداعى 1 - ءىرى ەل، تاۋار تۇتىنۋىنداعى 2 - ءىرى ەل، شەتەل قارجىسىنىڭ ەنۋىندەگى 2 - ءىرى ەل، سىرتقى پەرەۋات قورى ءۇرتىس تالاي جىل دۇنيە جۇزىندە 1 - ورىندا بولىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەس مولشەرى كوپ جىلدان بەرى %30تەن اسىپ كەلدى... رەفورما جاساپ، ەسىك اشۋ جۇڭگونىڭ بەت - بەينەسىن، جۇڭحۋا ۇلتىنىڭ بەت - بەينەسىن، جۇڭگو حالقىنىڭ بەت - بەينەسىن، جۇڭگو كوممۋنيستىك پارتياسىنىڭ بەت - بەينەسىن بارىنشا جاقسارتىپ، قازىرگى زامانعى جۇڭگونىڭ ەڭ كورنەكتى ەرەكشەلىگىنە، ەڭ ايبىندى بەينەسىنە اينالدى. اماليات مىنانى تولىق دالەلدەدى: رەفورما جاساپ، ەسىك اشۋ − پارتيامىز بەن حالقىمىزدىڭ ءبىر رەتكى ۇلى ويانۋى، جۇڭحۋا ۇلتىنىڭ دامۋى تاريحىنداعى ءبىر رەتكى ۇلى توڭكەرىس؛ رەفورما جاساپ، ەسىك اشۋ − پارتيا مەن حالىقتىڭ ءداۋىردى ارشىندى قاداممەن قۋىپ جەتۋدەگى ماڭىزدى اسىلى، جۇڭگوشا سوتسياليزمگە تاباندى بولۋدا جانە ونى دامىتۋدا، ءسوزسىز، باساتىن جولى، قازىرگى زامانعى جۇڭگونىڭ تاعدىرىن بەلگىلەيتىن شەشۋشى ءادىس ءارى ”قوس 100 جىلدىق“ كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى بەلگىلەيتىن شەشۋشى ءادىس.

  بۇگىنگى تاڭدا دۇنيە ءجۇزى 100 جىلدا بولماعان زور وزگەرىستى باستان كەشىرۋدە، جاڭا تيپتى ايدارشا ۆيرۋس وكپە قابىنۋ ىندەتىنىڭ تۇتاس جەر شارىندا جاپپاي تارالۋى وسى زور وزگەرىس جاعدايىنىڭ جىلدام وزگەرۋىنە مۇرىندىق بولىپ، ەكونوميكانىڭ جاھاندانۋى تەرىس اعىنعا جولىقتى، ءبىز الدا ءتىپتى دە كوپ جەلگە، اعىنعا قارسى جۇرەتىن سىرتقى ورتاعا ءدوپ كەلەمىز. كەلەر جىلى ەلىمىز ”14 - بەسجىلدىق“ مەزگىلىنە وتەدى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايدى، كوپ جاقتىلىققا يە ابزالدىلىق پەن شارت - جاعدايدى ۇزدىكسىز دامىتادى، الايدا دامۋدىڭ بىركەلكى بولماۋى، تولىق بولماۋى ماسەلەسى ءالى دە كورنەكتى بولادى، رەفورما جاساۋ قامال الۋ مەزگىلىنە جانە تەرەڭ الاپقا ءوتتى ءارى جاڭا ءبىر تاريحي كەزەڭگە جەتتى، رەفورمانى ىلگەرىلەتۋدىڭ كۇردەلىلىك دەڭگەيى، كىلتەڭدىك دەڭگەيى، جاپالىلىق دەڭگەيى 40 نەشە جىلدىڭ الدىنداعىدان كەم تۇسپەيدى. باس شۋجي شي جينپيڭ بىلاي دەپ باسا دارىپتەدى: ”ورتا نەعۇرلىم كۇردەلى بولعان سايىن، ءبىز اناعۇرلىم بەرىك سەنىم، اناعۇرلىم پارمەندى شارالار ارقىلى رەفورما جاساۋدى، ەسىك اشۋدى سولعۇرلىم ۇزدىكسىز ىشكەرىلەي ىلگەرىلەتۋىمىز كەرەك“. العا باسۋ جولىندا ءبىز جاعدايعا عىلمي تالداۋ جاساپ، دامۋدىڭ ۇلكەن اۋقىمىن يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، جاڭا دامۋ ارناسىن كۇش سالا ورناتىپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، دامۋ، حاۋىپسىزدىك سىندى ەكى ءىرى ءىستى ويداعىداي اتقارىپ، داعدارىس بارىسىندا ۇتىمدى ورايدى جەتىلدىرىپ، وزگەرىس بارىسىندا جاڭا جاعداي اشىپ، جۇڭگونىڭ ەكونوميكالىق دامۋىنا جاڭا كەڭىستىك اشىپ، دۇنيە ءجۇزى ەكونوميكاسىنىڭ جاندانۋى مەن ارتۋىنا قوزعاۋشى كۇش ۇستەۋىمىز كەرەك. رەفورمانىڭ قامال الۋ جانە جەتەكتەۋ رولىن ويداعىداي ساۋلەلەندىرىپ، باتىلدىقپەن العا ۇمتىلاتىن، بوران - شاشىننان تايسالمايتىن ستراتەگيالىق تۇراقتىلىقتى ساقتاپ، اناعۇرلىم تەرەڭ دەڭگەيدە رەفورمانى ىلگەرىلەتىپ، اناعۇرلىم جوعارى دەڭگەيدە ەسىك اشۋدى اتقارىپ، دامۋداعى بوگەتتەردى جويۋ، دامۋ ابزالدىلىعىن شوعىرلاندىرۋ، دامۋ قوزعاۋشى كۇشىن ارتتىرۋ كەرەك. جاڭا جاعداي، جاڭا مىندەت، جاڭا سىن - سايىس ەكونوميكالىق ەرەكشە رايونعا جاڭا تاريحي بورىش جۇكتەدى، شىنجىن سياقتى ەكونوميكالىق ەرەكشە رايوندار ۇلى كۇرەستى، ۇلى ينجەنەريانى، ۇلى ىستەردى، ۇلى ارماندى ىلگەرىلەتۋ بارىسىندا جاڭا الاپ قاراستىرىپ، جاڭا ستراتەگيالىق ورىندى ويداعىداي يگەرىپ، ەلىمىزدىڭ رەفورما جاساپ، ەسىك اشۋىنىڭ ماڭىزدى تەرەزەسىنە، تاجىريبە تۇعىرىنا جانە ءورىس اشۋشىسىنا، ەگەيىنە ۇزدىكسىز اينالىپ، جاڭا تانىمدى ۇزدىكسىز تەرەڭدەتىپ، جاڭا جوباعا ۇلەس قوسىپ، بۇكىل ەلدىڭ جەر - جەرىن اناعۇرلىم كوپ كوشىرۋگە، جالپىلاستىرۋعا بولاتىن تاجىريبەمەن قامداپ، اسقاق رۋحاني كۇي ارقىلى رەفورمانىڭ كىدىرمەۋىن، ەسىك اشۋدىڭ توقتاماۋىن ىلگەرىلەتۋ كەرەك.

  40 جىلدان بەرى شىكوۋدا ”تاۋ قوپارعان“ تاريحي زور ۇننەن، ”بوس ءسوز ەل ىسىنە نۇقسان جەتكىزەدى، ناقتى ءىس ەلدى كوركەيتەدى“، ”ۋاقىت − اقشا، ونىمدىلىك − ءومىر“ دەيتىن ءداۋىر ۇنىنەن يدەياداعى، امالياتتاعى ءبىر قىدىرۋ ىزدەنىس پەن جاسامپازدىققا دەيىن، شىنجىن سياقتى ەكونوميكالىق ەرەكشە رايوندار قايتا - قايتا باتىلدىقپەن سىناق ەتىپ، ەلىمىزدىڭ رەفورما جاساپ، ەسىك اشۋ اۋقىمىنىڭ الدىڭعى لەگىندە جۇرۋىنە باستان - اياق ءجون سىلتەدى. تىڭ تاريحي باستامادان تاعى اتتانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم جولىمەن بۇلجىماي ءجۇرىپ، رەفورما جاساپ، ەسىك اشۋ تۋىن اناعۇرلىم بيىك ۇستاپ، باتىلدىقپەن ۇمتىلىپ، باتىلدىقپەن سىناپ، باتىلدىقپەن الدا ءجۇرىپ، تاۋدى بۇزىپ جول سالىپ، سۋ جولىقسا كوپىر سالىپ، ناقتى ءىس ىستەپ، جاڭالىققا تالپىنىپ، قامال الىپ، قيىندىقتى جەڭەتىن بولسا، شىنجىن سياقتى ەكونوميكالىق ەرەكشە رايوندار، ءسوز جوق، جاڭا داۋىردەگى رەفورما جاساپ، ەسىك اشۋدىڭ جاڭا ولشەمىن ورناتاتىن، جۇڭحۋا ۇلتى، ءسوز جوق، جاڭا دا اناعۇرلىم زور كەرەمەتتەردى جاراتاتىن بولادى.

 (شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.