− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكونوميكالىق ەرەكشە رايوننىڭ دامۋىنا كوڭىل بولۋىنەن ەستەلىك
شينحۋا اگەنتتىگىنىڭ تىلشىلەرى
ەكونوميكالىق ەرەكشە رايون − جۇڭگونىڭ رەفورما جاساۋىنىڭ، ەسىك اشۋىنىڭ تاماشا كورىنىسى. رەفورما جاساعاننان، ەسىك اشقاننان بەرى شىنجىن، جۋحاي، شانتوۋ، شيامىن، حاينان قاتارلى 5 ەكونوميكالىق ەرەكشە رايون ىركەس - تىركەس قۇرىلىپ، جۇڭگوشا سوتسياليزم قۇرۋدىڭ ۇلى ۇردىسىندە ءداۋىر تولقىنىنىڭ الدىڭعى لەگىندە ءجۇرىپ، ءورىس اشا العا ىلگەرىلەۋدىڭ ايبىندى تاراۋىن جازدى، جەتىستىكتەرىنە كۇللى دۇنيە كوز تىكتى.
”ەكونوميكالىق ەرەكشە رايون جۇمىسىن ۇزدىكسىز جۇرگىزۋمەن بىرگە، اناعۇرلىم ويداعىداي جۇرگىزۋ، جوعارى دەڭگەيدە جۇرگىزۋ كەرەك“ − باس شۋجي شي جينپيڭنىڭ ايبىندى دا اسقاق سوزدەرى جاڭا داۋىردەگى رەفورما جاساۋدىڭ، ەسىك اشۋدىڭ اناعۇرلىم باياندى بولاتىندىعىن جاريالادى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەكونوميكالىق ەرەكشە رايون اناعۇرلىم جوعارى باستامادا قايتا اتتانىپ، جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ جاڭا ساپارىندا باستاماشىلدىق، ۇلگىلىك رول اتقارىپ، كۇللى دۇنيەنى جالت قاراتقان تىڭ دا اناعۇرلىم زور كەرەمەتتەر جاراتتى.
جاڭا ءداۋىر كەرەمەتىن جازدى
− شي جينپيڭ جولداستى ۇيتقى ەتكەن پارتيا ورتالىق كوميتەتى ەكونوميكالىق ەرەكشە رايون رەفورماسىنىڭ، دامۋىنىڭ تىڭ سەكىرىسىن جۇزەگە اسىرۋعا جەتەكتەپ، رەفورما جاساۋدىڭ، ەسىك اشۋدىڭ زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا ەكەندىگىن ىشكەرىلەي ايگىلەدى
”بۇل رەت گۋاڭدۇڭعا تەكسەرۋ - زەرتتەۋمەن كەلگەندەگى ماقساتىم جۇڭگونىڭ رەفورما جاساۋىنىڭ، ەسىك اشۋىنىڭ الدىڭعى لەگىندە جۇرگەن جەرگە كەلىپ، جۇڭگونىڭ رەفورما جاساعان، ەسىك اشقان تاريحي ۇردىسىنە قايىرىلا قاراپ، رەفورما جاساۋدى، ەسىك اشۋدى ۇزدىكسىز العا ىلگەرىلەتۋ“.
2012 - جىلى 12 - ايدىڭ 7 - كۇنى شي جينپيڭ جولداس جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولعاننان كەيىن العاش رەت بەيجيڭنەن اتتانىپ قىزمەت تەكسەرگەندە، ەڭ الدىمەن شىنجىننىڭ چيانحايىنا كەلدى.
چيانحايداعى تاستىڭ جانىندا باس شۋجي شي جينپيڭ رەفورما جاساۋعا، ەسىك اشۋعا قايتا اتتانۋ ۇندەۋىن جاريالادى، سونداي - اق تەرەڭ ىقىلاسپەن چيانحايعا: ”دەن قويا ەڭبەك ەتىپ، تاپتەشتەي جۇمىس ىستەپ، جىل سايىن جاڭالانىپ وتىردى، ءبىر پاراق اق قاعازعا نولدەن باستاپ ەڭ كوركەم، ەڭ تاماشا سۋرەت كەسكىندەدى“ دەپ ءسوز ارنادى.
2018 - جىلى 10 - ايدىڭ 24 - كۇنى جۇڭگو رەفورما جاساۋدىڭ، ەسىك اشۋدىڭ 40 جىلدىعىن قارسى الار ساتتە، باس شۋجي شي جينپيڭ چيانحايعا تاعى ءبىر مارتە ات باسىن تىرەدى.
بۇرىنعى جاعالاۋ قايراڭىنان ەندى مىنە جالىندى ومىرشەڭدىك قاۋلاعان: 200دەن استام ءزاۋلىم عيمارات كوككە بوي سوزىپ، اسپان كوكجيەگىن ۇزدىكسىز كەڭەيتە تۇسۋدە...
باس شۋجي شي جينپيڭ چيانحايدىڭ قۇرىلىسشىلارىنىڭ جانە كۋاگەرلەرىنىڭ ۋاكىلدەرىمەن بىرگە وراسان زور وزگەرىستەر تۋرالى ءسوز قوزعادى. ول: ”اماليات رەفورما جاساۋ، ەسىك اشۋ جولىنىڭ دۇرىستىعىن دالەلدەدى، ءسوز جوق، دايەكتى تۇردە تاباندى بولىپ، قاجىماي - تالماي جالعاستىرىپ، قايراتقا قايرات ۇستەۋ كەرەك“، - دەپ اتاپ كورسەتتى.
باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاعان چيانحاي بۇگىنگى تاڭدا ارشىندى قاداممەن ۇزدىكسىز العا باسۋدا.
2013 - جىلدان بەرى، جاڭادان تىركەلگەن كاسىپورىندار 173 مىڭعا، كاسىپورىنداردىڭ جىلدىق ارتقان قۇنى 228 ميلليارد 800 ميلليون يۋانعا، جىلدىق سالىق كىرىسى 42 ميلليارد 800 ميلليون يۋانعا جەتتى، 560 جاڭالىق اشۋ جەتىستىگىن ورتاعا قويدى، بيىل الدىڭعى جارتى جىلدا يمپورت - ەكسپورتتىڭ جالپى سوماسى ءتيىمسىز جاعدايدا ％21.4 ءوستى... سان - سيفرلار وسىناۋ ىرىستى توپىراقتىڭ جالىندى ومىرشەڭدىگىن دالەلدەۋدە.
چيانحاي جاڭا داۋىردەگى ەكونوميكالىق ەرەكشە رايون رەفورماسىنىڭ، دامۋىنىڭ جاندى كارتيناسى سانالادى.
ءبىر رەت شيامىنعا، 2 رەت شىنجىنعا، 2 رەت جۋحايعا، 3 رەت حاينانعا باردى... پارتيا 18 - قۇرىلتايىنان بەرى، باس شۋجي شي جينپيڭ ەكونوميكالىق ەرەكشە رايوندارعا كوپ رەت كەلىپ قىزمەت تەكسەرىپ، ەكونوميكالىق ەرەكشە رايوننىڭ رەفورماسىنا، دامۋىنا قاشاندا كوڭىل ءبولدى.
باس شۋجي شي جينپيڭ ورتالىق كوميتەتتىڭ ساياسي بيۋرو ءماجىلىسى، ورتالىق رەفورمانى تەرەڭدەتۋ كوميتەتىنىڭ ءماجىلىسى سياقتىلاردى كوپ رەت باسقارىپ اشىپ، قاتىستى كەلەلى دامۋ ستراتەگيالارىن اقىلداسىپ، ورنالاستىرىپ، كوپ رەت شەشۋشى كەزەڭدە ماڭىزدى نۇسقاۋ بەرىپ، بەكىتۋ جاساپ، ستراتەگيالىق جانە جالپى جاعداي بيىگىنەن ەكونوميكالىق ەرەكشە رايوننىڭ رەفورماسى، دامۋى ءۇشىن جول نۇسقاپ، باعىت كورسەتتى.
2018 - جىلى مەملەكەتتىك ەكى ماجىلىستەگى گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقان كەزدە باس شۋجي شي جينپيڭ ەكونوميكالىق ەرەكشە رايوننىڭ ۇلگىلىك، باستاماشىلىق رولىن ويداعىداي ساۋلەلەندىرۋ كەرەكتىگىن ورتاعا قويدى، شىن ىقىلاستى قامقورلىق ەكونوميكالىق ەرەكشە رايونعا دەگەن تەرەڭ سۇيىسپەنشىلىك پەن ۇلكەن ءۇمىتتى ارقالادى.
ەكونوميكالىق ەرەكشە رايون ءار جۇڭگولىقتىڭ جۇرەگىندە وزگەشە سالماققا يە.
تاريحتىڭ اپپارات كوزىن 40 جىلدىڭ الدىنا تۋرالايىق، ول كەزدە جۇڭگو ”قايدا بارۋدىڭ“ جول ايىرىعىندا قايراڭداپ تۇرعان ەدى. پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلىپ، رەفورما جاساۋدىڭ، ەسىك اشۋدىڭ ۇلى شىمىلدىعى ءتۇرىلدى.
1979 - جىلى شي جۇڭشۇن قاتارلى گۋاڭدۇڭ ولكەلىك پارتكومداعى جاۋاپتى جولداستار ورتالىققا شياڭگاڭمەن، اۋمىنمەن ىرگەسى ءتيىپ جاتقان شىنجىندا، جۋحايدا جانە ماڭىزدى چياۋمين اۋىلى شانتوۋدا ەكسپورتتىق وڭدەۋ اۋماعىن اشۋ تۋرالى ۇسىنىس قويىپ، دىڭ شياۋپيڭ جولداستىڭ زور كۇشپەن قولداۋىنا يە بولادى.
پارتيا ورتالىق كوميتەتىنىڭ ءبىر تۇتاس جوسپارلاپ ورنالاستىرۋىندا، 1980 - جىلى 8 - ايدىڭ 26 - كۇنى شىنجىن، جۋحاي، شانتوۋ، شيامىن 4 ەرەكشە ەكونوميكالىق رايون قۇرىلىپ، ەكونوميكالىق ەرەكشە رايون جۇڭگودا رەسمي دۇنيەگە كەلدى. جۇڭگو دا وسىدان سوڭ سىرتقا ەسىك اشۋدىڭ ايبىندى كارتيناسىن اشتى.
1988 - جىلى جۇڭگونىڭ ەڭ ۇلكەن ەكونوميكالىق ەرەكشە رايونى − حاينان ەكونوميكالىق ەرەكشە رايونى قۇرىلدى.
رەفورما جاساۋدىڭ، ەسىك اشۋدىڭ كوكتەمگى تاسقىنى بوگەۋ بەرمەس ارىنمەن جوڭكىلىپ، ميلليارد حالىقتىڭ ومىرشەڭدىك كۇشى تولىق ىسكە قوسىلىپ، جۇڭگونىڭ بەت - بەينەسى، جۇڭحۋا ۇلتىنىڭ بەت - بەينەسى، جۇڭگو حالقىنىڭ بەت - بەينەسى وسىدان سوڭ ءبىرجولا جاڭاردى.
”اماليات رەفورما جاساۋدىڭ، ەسىك اشۋدىڭ زامانىمىزداعى جۇڭگونىڭ دامۋىنىڭ، العا باسۋىنىڭ ومىرشەڭدىك قاينارى، پارتيامىز بەن حالقىمىزدىڭ ارشىندى قاداممەن ءداۋىردىڭ العا باسۋ اياق الىسىنا ىلەسۋدەگى ماڭىزدى اسىلى، جۇڭگوشا سوتسياليزمگە تاباندى بولۋدا جانە ونى دامىتۋدا قالايدا باسىپ وتەر جول ەكەندىگىن دالەلدەدى“. 2012 - جىلى 12 - ايدا باس شۋجي شي جينپيڭنىڭ گۋاڭدۇڭدا قىزمەت تەكسەرگەندە سويلەگەن ءمانى تەرەڭ، ماعىناسى شالقار ءسوزى بيىكتەن الىستى بولجادى.
سول جولعى قىزمەت تەكسەرۋدە باس شۋجي شي جينپيڭ شىنجىنداعى ليانحۋاشان باقشاسىنا كەلىپ، ءبىر ءتۇپ گاۋشانرۇڭ اعاشىن ەكتى.
دىڭ شياۋپيڭ جولداستىڭ مىس ءمۇسىنى اسقاق بوي سوزىپ تۇرعان شىنجىننىڭ ليانحۋا تاۋى شىنجىندىقتاردىڭ، سونداي - اق جۇڭگو حالقىنىڭ كوڭىلىندەگى رەفورما جاساۋدىڭ، ەسىك اشۋدىڭ ءبىر ”اسقار شىڭى“؛ سول ماڭداعى شيانحۋ وسىمدىكتەر باقشاسىنا 1992 - جىلى شىنجىنعا تاعى دا كەلگەن دىڭ شياۋپيڭ جولداس تا ءبىر تۇپ گاۋشانرۇڭ اعاشىن ەككەن بولاتىن.
قوس گاۋشانرۇڭ اعاشى كوكتەمنىڭ حيكاياسىن شەرتىپ، ەرەكشە رايوننىڭ دامۋ حيكىمەتىن ۇزدىكسىز جىرلاۋدا.
پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ءداۋىر بولگىشتىك رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى تاريحىنىڭ جاڭا ءداۋىرىن اشتى، پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى دە ءداۋىر بولگىشتىك رەفورمانى جاپپاي تەرەڭدەتىپ، رەفورمانى جۇيەلى، تۇلعالى جوسپارلاپ ىلگەرىلەتۋدىڭ جاڭا ءداۋىرىن اشىپ، جۇڭگونىڭ رەفورما جاساۋىنىڭ، ەسك اشۋىنىڭ جاپپاي تەرەڭدەۋىنىڭ شىت جاڭا جاعدايىن اشتى.
336 ءتۇرلى كەلەلى رەفورما شارالارىن ارقاۋ جانە ءورىس ەتكەن پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى جاپپاي تەرەڭدەتۋدىڭ جاڭا قادامىن اشتى، ەكونوميكالىق ەرەكشە رايون دا جاڭا دامۋدى قارسى الدى، جاڭا شارىقتاۋدى جۇزەگە اسىردى.
......
تىڭ دا اناعۇرلىم بيىك باستامادا باس شۋجي شي جينپيڭ گۋاڭدۇڭ - شياڭگاڭ - اۋمىن ۇلكەن شىعاناق رايونىن، شىنجىن جۇڭگوشا سوتسياليزمنەن باستاماشى ۇلگى كورسەتۋ رايونىن جانە حاينان ەركىن ساۋدا پورتى قۇرىلىسىن ءوزى جوسپارلاپ، ءوزى ورنالاستىرۋ جاساپ، ءوزى ىلگەرىلەتىپ، ەكونوميكالىق ەرەكشە رايونعا تىڭ دا كەلەلى بورىش جۇكتەپ، جاڭا داۋىردەگى جۇڭگونىڭ رەفورما جاساۋعا، ەسىك اشۋعا تاعى دا اتتانۋىنا ايبىندى جوبا جاساپ، قۋاتتى قوزعاۋشى كۇش ۇستەدى.
”40 جىلدان بەرى، شىنجىن، جۋحاي، شانتوۋ، شيامىن، حاينان 5 ەكونوميكالىق ەرەكشە رايون ەل ءۇمىتىن اقتادى“، ”تۇتاس ەلدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى ءۇشىن كەلەلى ۇلەس قوستى“... باس شۋجي شي جينپيڭنىڭ ەكونوميكالىق ەرەكشە رايونداعى ءسوزى بەينە كوكتەم جاڭبىرى سياقتى، ەكونوميكالىق ەرەكشە رايوننىڭ تاعى دا اتتانۋ قادامىنىڭ اناعۇرلىم بەرىك تە پارمەندى بولۋىنا مۇمكىندىك جاسادى.
قاشاندا ءداۋىردىڭ الدىندا ارىندادى
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جوبالاۋىندا، ورنالاستىرۋىندا جانە ىلگەرىلەتۋىندە ۇزدىكسىز ورىستەگەن، جاڭالىق اشقان ەكونوميكالىق ەرەكشە رايون جۇڭگوشا سوتسياليزمنىڭ امالياتىنا تاباندى بولۋ مەن دامىتۋدىڭ جالىندى جىرىنا اينالدى
شىنجىن تاريحى، ەرەكشە رايون تاريحى − جۇڭگو كوممۋنيستىك پارتياسىنىڭ ميلليارد حالىقتى ىنتىماقتاستىرىپ، باستاپ، جۇڭگوشا سوتسياليزم جولىنىڭ جاڭا ءورىسىن ۇزدىكسىز اشقان امالياتىنىڭ ايعاعىنا اينالدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەكونوميكالىق ەرەكشە رايون باستان - اياق رەفورما جاساۋدىڭ، ەسىك اشۋدىڭ ەڭ الدىڭعى لەگىندە ءجۇرىپ، دامۋدىڭ جاڭا ءورىسىن ۇزدىكسىز اشىپ، جۇڭگوشا سوتسياليزمنىڭ امالياتىنا تاباندى بولۋدىڭ جانە ونى دامىتۋدىڭ جالىندى جىرىنا اينالدى.
باستان - اياق رفورما رۋحىنان جازبادى، بۇل ەكونوميكالىق ەرەكشە رايوننىڭ قارىشتاپ دامۋىن جۇزەگە اسىرۋدىڭ ءتۇبىرلى نەگىزى −
”پارتيانىڭ 18 - قۇرىلتايىنان كەيىن، مەن تەكسەرۋ - زەرتتەۋ جۇرگىزگەن تۇڭعىش بەكەت وسى شىنجىن ەدى، رەفورما جاساپ، ەسىك اشۋدىڭ 40 جىلدىعى قارساڭىندا تاعى دا وسىندا كەلۋدەگى ماقساتىم دۇنيە جۇزىنە جۇڭگونىڭ رەفورما جاساۋىنىڭ كىدىرمەيتىندىگىن، ەسىك اشۋدىڭ توقتامايتىندىعىن، جۇڭگونىڭ، ءسوز جوق، دۇنيە ءجۇزىن تاڭداي قاقتىرار جاڭا، اناعۇرلىم كەسەك كەرەمەتتەرگە قول جەتكىزەتىندىگىن جاريالاۋ“. 2018 - جىلى شىنجىنعا تاعى دا كەلىپ تەكسەرۋ - زەرتتەۋ جۇرگىزگەن باس شۋجي شي جينپيڭ وسىلاي دەگەن بولاتىن.
ۇزدىكسىز ەسىك اشۋ بارىسىندا دۇنيەگە نازار سالدى، بۇل ەكونوميكالىق ەرەكشە رايوننىڭ گۇلدەنىپ دامۋدى جۇزەگە اسىرۋىنىڭ تەتىگى −
2015 - جىلى 9 - ايدىڭ 23 - كۇنى امەريكا سيەتل، بوين سەرىكتەستىگىنىڭ ساۋدالىق ۇشاق جاساۋ زاۆودى.
ءدال وسى ۋاقىتتا امەريكادا ساپاردا جۇرگەن باس شۋجي شي جينپيڭ تەرەڭ سەزىممەن وتكەن ىستەردى ەسىنە الدى.
”30 جىلدىڭ الدىندا مەن شيامىن قالاسىنىڭ ۇنەمىلىك ىستەرگە جاۋاپتى ورىنباسار قالا باستىعى مىندەتىن اتقارىپ، شيامىن اۆياتسيا سەرىكتەستىگىن باسقارۋعا جاۋاپتى بولىپ، ونىڭ ۇيىمداستىرىلۋى مەن العاش قۇرىلۋ كەزەڭىنە ات سالىستىم، العاشقى قۇرىلۋ كەزەڭىندەگى شيامىن اۆياتسيا سەرىكتەستىگى، ءتىپتى، شيامىن اۋەجايى دا حالىقارالىق قارىزدان پايدالانىپ دامىعان ەدى، سول كەزدە بىرنەشە عانا ۇشاعى بار بولاتىن...“ شيامىن اۆياتسيا سەرىكتەستىگىنىڭ دۇنيەگە كەلۋى جۇڭگونىڭ حالىقتىق اۆياتسيا ءتۇزىلىسى رەفورماسىنىڭ العاشقى سىناعى ەدى. بۇل كۇندەرى شيامىن اۆياتسيا ۇشاق اترەتىنىڭ كولەمى 200 ۇشاقتان اسىپ كەتتى، جالپى دۇنيە - مۇلكى 50 ميلليارد يۋاننان استام بولىپ، جۇڭگونىڭ حالىقتىق اۆياتسياسىنداعى بىردەن - ءبىر 33 جىل بويى پايدا تاپقان اۆياتسيا سەرىكتەستىگىنە اينالىپ، دۇنيەگە قانات قاققان شيامىننىڭ جاڭا تانىسقىسىنا اينالدى.
”بۇل كۇندەرى تەڭىز جەلى باياعىداي سوعىپ، تەڭىز تولقىنى باياعىداي وركەشتەنىپ جاتىر. بايىرعى شيامىن شىت جاڭا بەينەگە ەندى“. 2017 - جىلى 9 - ايدىڭ 3 - كۇنى باس شۋجي شي جينپيڭ شيامىندە بريكس ەلدەرى ساۋدا - ونەركاسىپشىلەر تالقى مىنبەرىنىڭ اشىلۋ راسىمىنە قاتىناسىپ ءارى ءسوز سويلەپ، بۇكىل دۇنيەگە وسىناۋ اشىق قالانى بىلاي دەپ تانىستىردى: ”شيامىن ەجەلدەن بەرى ساۋدا جاساپ مولشىلىققا كەنەلگەن ەلدىڭ پورتى، سونداي - اق اشىق سەلبەستىك جاساۋدىڭ ەسىگى، سوندىقتان دا ’شيامىندا باس قوسىپ 5 قۇرلىقتىڭ قوناعى، سانسىز تولقىن قاۋىشتى ءبىر ارادا‘ دەگەن وسى “.
ەسىك اشۋ − ەكونوميكالىق ەرەكشە رايوننىڭ تابيعي قاسيەتى، ونان دا ماڭىزدىسى، جاڭا داۋىردەگى جۇڭگونىڭ اشىق ەكونوميكالىق ءتۇزىلىستى جەدەل قۇرۋدا، ءسوزسىز، باساتىن جولى. ءتىپتى دە بيىك ورەلى ەسىك اشۋ − جاڭا داۋىردەگى ەكونوميكالىق ەرەكشە رايوننىڭ ومىرشەڭدىك كۇشىن ۇزدىكسىز قاۋلاتادى.
تاباندىلىقپەن جاڭالىق اشۋعا تالپىنۋدان جازباۋ − ەكونوميكالىق ەرەكشە رايوننىڭ دامۋ قوزعاۋشى كۇشىنىڭ سارقىلماس قاينارى −
”جىگەرلى جانە قايراتتى بولىپ، دەربەس جاڭالىق اشۋ قابىلەتى مەن ناقتى كۇشىن جەدەل كۇشەيتىپ، شەشۋشى، وزەكتى تەحنيكالاردى دەربەس مەڭگەرۋدى جۇزەگە اسىرۋعا قۇلشىنۋ كەرەك “. 2018 - جىلى 10 - ايدا باس شۋجي شي جينپيڭ گىلي ەلەكتر اسپاپتارىنا تەكسەرۋ - زەرتتەۋ جۇرگىزگەن كەزدە كاسىپورىندى جاڭالىق اشا دامۋدىڭ ىرىقتىلىعىن ءوز قولدارىندا مىقتى ۇستاۋعا شابىتتاندىردى.
2018 - جىلى مەملەكەتتىك ەكى ءماجىلىس كەزىندە باس شۋجي شي جينپيڭ گۋاڭدۇڭ ولكەسى ۋاكىلدەرىنىڭ تالقىسىنا قاتىناسقاندا بىلاي دەپ اتاپ كورسەتتى: ”وسى جىلدارى شىنجىننىڭ جوعارى، جاڭا تەحنيكا كاسىپ سالاسىنىڭ دامۋى بۇكىل ەلدىڭ تۋىنا اينالدى، ۇلگىلىك، باستاماشىلىق رولىن ساۋلەلەندىرۋى كەرەك“.
شىنجىندى نەگىزگى شەپ ەتكەن امبەباپ مەملەكەتتىك عىلىم ورتالىعىن قۇرۋ، شىنجىننىڭ 5G قۇرىلىسى، جاساندى زەردە، ينتەرنەت كەڭىستىگى عىلىمى جانە تەحنيكاسى، تىرشىلىك ينفورماتسياسى جانە بيولوگيالىق ءدارى - دارمەك تاجىريبەحانالارى سياقتى ماڭىزدى جاڭالىق اشۋ دانەكەرلەرىن قولداپ، شەشۋشى، وزەكتى تەحنيكادان قامال الۋ قيمىلىن جۇرگىزدى...
ءبىر - بىرلەگەن جاڭالىق اشۋ شارالارى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ شىنجىندا جۇڭگوشا سوتسياليزمنەن الدىمەن ۇلگى كورسەتۋ رايونىن قۇرۋدى قولداۋ جونىندەگى پىكىرىندە» ايقىندالدى، سونداي - اق شىنجىننىڭ جاڭالىق اشۋ بيىگىن قۇرۋىنا ايقىن بەتالىس كورسەتىپ بەردى.
حالىقتى وزەك ەتۋگە تاباندى بولۋ − ەكونوميكالىق ەرەكشە رايون رەفورماسىنىڭ، دامۋىنىڭ باستاماسى جانە تياناعى −
حاينان سانيا يالۇڭۋان ماڭىنداعى بوحوۋ قىستاعىندا تاۋ مەن تەڭىز قورشاپ جاتقان اسەم گۇل تەڭىزى بار، وندا ساياحاتتايتىنداردىڭ اياعى ۇزىلمەيدى.
2013 - جىلى باس شۋجي شي جينپيڭ وسى اراعا كەلىپ، كاسىپكەرلەرمەن جانە ديقاندارمەن دامۋدى ءسوز ەتىپ، كىرىس ارتتىرۋدى اڭگىمەلەپ، ”دوڭگەلەك داۋلەتتىلىككە جەتكەن - جەتپەگەندىگىنىڭ تەتىگى اۋىلداستاردا“ دەگەن ىقىلاستى تاپسىرماسىن قالدىرعان ەدى.
بۇگىنگى بوحوۋ قىستاعىندا قىستاق تۇرعىندارى حالىقتىق تۇسەلحانا اشىپ، ساياحاتپەن شۇعىلدانىپ، كىسى باسىندىق جىلدىق كىرىسى 24 مىڭ 500 يۋانعا جەتىپ، حاينان ەكونوميكالىق ەرەكشە رايونىنىڭ ەكولوگياسى كوركەم، كاسىپ سالاسى گۇلدەنگەن، بۇقارا بايىعان جاعدايىنىڭ ىقشام كورىنىسىنە اينالدى.
جاپپاي دوڭگەلەك داۋلەتتى قوعام ورناتۋ جۇزەگە اسۋ الدىندا، حالىقتى دامۋدىڭ جەتىستىگىنەن تولىق يگىلىكتەندىرۋدە ەكونوميكالىق ەرەكشە رايوننىڭ جۇڭگوشا سوتسياليزمنىڭ جاڭالىق اشۋ امالياتىندا ءتىپتى زور شۇعىلا جاراتاتىندىعى داۋسىز.
كەلەسى 40 جىلعا قادام تاستادى
− جاڭا دامۋ ساتىسىندا جاڭا دامۋ ارناسىن ورناتىپ، جاپپاي سوتسياليستىك وسىزاماندانعان قۋاتتى ەل قۇرۋدىڭ جاڭا جولىن قاراستىرۋدا ەكونوميكالىق ەرەكشە رايون رەفورما جاساۋدىڭ، ەسىك اشۋدىڭ ۇلى تۋىن اناعۇرلىم بيىك كوتەردى
بەتالىس جولدى بەلگىلەيدى، جول تاعدىردى بەلگىلەيدى.
2018 - جىلى 10 - ايدىڭ 23 - كۇنى تۇستەن بۇرىن ساعات 10 مولشەرى، جۋحاي شەكارا وتكەلى. باس شۋجي شي جينپيڭ شياڭگاڭ - جۋحاي - اۋمىن كوپىرىندە رەسمي قاتىناس باستالاتىندىعىن جاريالادى.
”كوپىر سالىنىپ، قاتىناس باستالىپ، ءبىزدىڭ جۇڭگوشا سوتسياليزم جونىندەگى جول سەنىمىمىزدى، نازاريا سەنىمىمىزدى، ءتۇزىم سەنىمىمىزدى، مادەنيەت سەنىمىمىزدى ونان ارى بەكەمدەپ، سوتسياليزم ەڭبەكپەن كەلەدى، جاڭا ءداۋىر دە ەڭبەكپەن كەلەدى دەگەندى تولىق ءتۇسىندىردى!“
بۇگىنگى ەرەكشە رايون، بۇگىنگى جۇڭگو ەكپىندەي ىلگەرىلەۋ جولىندا، بولاشاعى شەكسىز.
”رەفورما جاساۋدىڭ، ەسىك اشۋدىڭ ماڭىزدى تەرەزەسى بولۋ كەرەك“.
”رەفورما جاساۋدىڭ، ەسىك اشۋدىڭ سىناق تۇعىرى بولۋ كەرەك“.
”رەفورما جاساۋدىڭ، ەسىك اشۋدىڭ ءورىس اشۋشىسى بولۋ كەرەك“.
”رەفورما جاساۋدىڭ، ەسىك اشۋدىڭ ەگەيى بولۋ كەرەك“.
2018 - جىلى 4 - ايدا باس شۋجي شي جينپيڭ حايناننىڭ ولكە جانە ەكونوميكالىق ەرەكشە رايون بولىپ قۇرىلعانىنىڭ 30 جىلدىعىن قۇتتىقتاۋ جينالىسىندا سويلەگەن سوزىندە ەكونوميكالىق ەرەكشە رايوننىڭ بولاشاق دامۋىنا تىڭ ستراتەگيالىق ورىن بەلگىلەدى.
كەلەسى 40 جىلعا قادام تاستاعاندا ەكونوميكالىق ەرەكشە رايون رەفورما جاساۋدىڭ، ەسىك اشۋدىڭ ۇلكەن تۋىن اناعۇرلىم بيىك ۇستاپ، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋىنە تىڭ جول قاراستىرادى −
ەكونوميكالىق ەرەكشە رايوننىڭ مىندەتى رەفورما جاساۋ! ەل ءىشى جانە حالىقارا سىندى ەكى كەلەلى جاعدايدى كوزدە ۇستاپ، تاريحي جاۋاپكەرشىلىكتى باتىلدىقپەن ارقالاپ، ەكونوميكالىق ەرەكشە رايون بۇكىل ەلدىڭ رەفورما جاساۋىنا، ەسىك اشۋىنا ۇزدىكسىز جاقسى ”اۆانگارد قوسىن“ بولۋ كەرەك.
”تۇزىمدەردى جيناقتاۋدى، تۇزىمدە جاڭالىق اشۋدى كورنەكتى ورىنعا قويىپ، يدەيانى ازات ەتىپ، جۇرەكتىلىكپەن جاڭالىق اشىپ، بىرەۋى كەمەلدەنسە بىرەۋىن شىعارىپ، نىق قاداممەن باياندى جۇرگىزىپ، ۇزاق ۋاقىت ەڭبەك ەتۋ كەرەك“ دەپ باس شۋجي شي جينپيڭ قاداعالاي تاپسىردى.
كەلەسى 40 جىلعا قادام تاستاعاندا، ەكونوميكالىق ەرەكشە رايون تىڭ جورىقتا ۇزدىكسىز باتىلدىقپەن اتويشى بولىپ، تاۋ جولىقسا جول اشىپ، وزەن جولىقسا كوپىر سالىپ، جاڭا دامۋ جۇلگەسىن جەدەل ورناتۋعا تىڭ جول قاراستىرادى −
2018 - جىلى 10 - ايدا باس شۋجي شي جينپيڭ گۋاڭدۇڭدا قىزمەت تەكسەرگەندە جۋحاي، شانتوۋ ەكى ەكونوميكالىق ەرەكشە رايوننىڭ دامۋىن جەدەلدەتىپ، شانتوۋدى، جانجياڭدى ماڭىزدى دامۋ ۇيەگى ەتىپ، وسىزاماندانعان تەڭىز جاعالاۋى ەكونوميكالىق بەلدەۋىن قالىپتاستىرۋدى ايقىن تالاپ ەتتى.
كەلەسى 40 جىلعا قادام تاستاعاندا، ەكونوميكالىق ەرەكشە رايون ”ءورىس اشۋشى، ەگەيى بولۋ“ سىندى كۇرەس بەينەسىن ۇزدىكسىز ساقتاپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ امالياتىندا الدىڭعى قاتاردا جۇرەدى −
2000 شارشى كيلومەترگە جەتپەيتىن جەر 20 ميلليوننان استام حالىقتى كوتەرۋدە، ”بۇرالاڭ جولدان ارىنداپ ءوتىپ كەلە جاتقان“ شىنجىن ەرەكشە ۇلكەن قالالاردىڭ دامۋدىڭ وسال تۇستارىن شەشۋىنە كوشىرۋگە، جالپىلاستىرۋعا بولاتىن قۇندى تاجىريبەلەر ازىرلەيدى.
”سوتسياليستىك وسىزاماندانعان قۇدىرەتتى ەل قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ۇتىلامالى جۇگىرىس سانالادى، ءبىز ۇتىلامالى تاياقشانى بىرىنەن سوڭ ءبىرىن الىپ جۇگىرۋىمىز، ءار بۋىن كەلەر بۋىن ءۇشىن جاقسى ناتيجە شىعارا جۇگىرۋى كەرەك“.
باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا العا قويعان ۇندەۋىنىڭ سالماعى اۋىر، كىسىنى ەكپىندەي ىلگەرىلەۋگە جەلپىندىرەدى.
بولاشاقتى بەتكە العان ەكونوميكالىق ەرەكشە رايون اۋىر مىندەت ارقالاپ، جاڭا داۋىردەگى ۇلى جورىعىن تاعى باستادى...
(تىلشىلەر شۇي جينپىڭ، جاڭ شۇيدۇڭ، حان جيە، يە چيان، ان بەي)
(شينحۋا اگەنتتىگىنىڭ 10 - ايدىڭ 13 - كۇنى شىنجىننان بەرگەن حابارى)
