تيانشان تورى   ›   ۇيرەنۋ   ›   شولۋ

جۇڭحۋا ۇلتى ورتاق تۇلعا تانىمىن سومدايىق

 − 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (4)

شينجياڭ گازەتىنىڭ شولۋشىسى

  جۇڭحۋا ۇلتى ورتاق تۇلعا تانىمى − مەملەكەت تۇتاستىعىنىڭ نەگىزى، ۇلتتار ىنتىماعىنىڭ تياناعى، رۋحاني كۇش - قۋاتتىڭ جانى. باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى: ”جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ءار ۇلت حالقىنىڭ ۇلى ىنتىماعىن ۇزدىكسىز بەكەمدەۋ كەرەك“. بۇل بۇكىل رايوننىڭ جوعارىدان تومەنگە دەيىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرۋگە، نازاردى باياندى تىنىشتىققا ساياتىن تەرەڭ قاتپارلى ماسەلەلەرگە شوعىرلاندىرا وتىرىپ كۇش سالۋعا ايقىن باعىت، جول نۇسقادى.

  جۇڭحۋا ۇلتى ورتاق تۇلعا تانىمىن سومداۋ − جاڭا داۋىردەگى ۇلت قىزمەتىنىڭ نەگىزگى جەلىسى، جۇڭحۋا ۇلتىنىڭ ۇلى گۇلدەنۋىنىڭ قاجەتتى تالعامى، شينجياڭ قىزمەتىن جاقسى ىستەۋدەگى ەڭ نەگىزگى، ەڭ ۇزاق ۋاقىتتىق ماسەلە. ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جالپى بەتتىك دايەكتىلەندىرۋىمىز، اۆتونوميالى رايوندىق 9 - كەزەكتى پارتكوم ونىنشى جالپى ءماجىلىسىنىڭ ورنالاستىرۋلارىنا ساي، ۇلتتاردىڭ ۇلى ىنتىماعى تۋىن بيىك ۇستاپ، ۇزاق بولاشاقتىق شارا قاراستىرىپ، نەگىزدى بەكەمدەۋ امالىن قولدانىپ، جۇڭحۋا ۇلتى ورتاق تۇلعا تانىمىن ءار ۇلت كادر - بۇقاراسىنىڭ جۇرەك تۇكپىرىنە تەرەڭ ۇيالاتىپ، كوركەم شينجياڭ قۇرۋدىڭ، وتان ارمانىن بىرگە ورىنداۋدىڭ جويقىن كۇشىن ۇيىستىرۋىمىز كەرەك.

  پارتيانىڭ 18 - قۇرىلتايىنان بەرى، اسىرەسە، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەگىندە، اۆتونوميالى رايوندىق پارتكوم بۇكىل شينجياڭداعى ءار ۇلت كادر - بۇقاراسىن ىنتىماقتاستىرا باستاپ ۇلتتار ىنتىماعىن ەڭ ۇلكەن بۇقارالىق قىزمەت ەتۋگە تاباندى بولدى، پارتيانىڭ ۇلت ساياساتىن جالپى بەتتىك دايەكتىلەندىردى، ۇلتتار ىنتىماعى، العاباسارلىعى ۇگىت - تاربيەسىن ىشكەرىلەي ورىستەتتى، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ىشكەرىلەي ورىستەتتى، مەملەكەتتىك ۇلتتار ىنتىماعى، العاباسارلىعىنداعى ۇلگىلى رايونداردى بەلسەندىلىكپەن قۇردى، ۇلتتاردىڭ ارالاسۋىن، ىشتەسۋىن، توعىسۋىن جەبەپ، اناردىڭ دانىندەي تىعىز ۇيىسىپ، ۇلتتار ىنتىماعىنىڭ ”سەنترلەس شەڭبەرىن“ ونان ارى ۇلكەن سىزىپ، جۇڭحۋا ۇلتى ورتاق تۇلعا تانىمىن كۇننەن - كۇنگە جۇرت جۇرەگىنە تەرەڭ ۇيالاتتى. اماليات مىنانى دالەلدەدى: جاڭا داۋىردەگى شينجياڭ قىزمەتىن جاقسى ىستەۋدە جۇڭحۋا ۇلتى ورتاق تۇلعا تانىمىن بۇلجىماستان مىقتاپ سومداپ، ۇلتتاردىڭ ۇلى ىنتىماعىن بەكەمدەپ، كۇشەيتىپ، باس نىسانانى جۇزەگە اسىرۋعا بەرىك نەگىز قالاۋ كەرەك.

  ۇلتتار ىنتىماعى − ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ىرگە تاسى. جۇڭحۋا ۇلتى ورتاق تۇلعا تانىمىن سومداۋدا تاسىلگە جاڭالىق ەنگىزىپ، دانەكەردى بايىتىپ، ۇلتتار ىنتىماعى، العاباسارلىعى ىستەرىن تەرەڭ ىلگەرىلەتۋ كەرەك. جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى جۇيەسىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمى تاربيەسىن شينجياڭنىڭ كادرلار تاربيەسىنە، جاستار مەن ورەندەر تاربيەسىنە، قوعامدىق تاربيەگە ەنگىزىپ، ءار ۇلت كادر - بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا تاربيەلەپ، جەتەكتەپ، جۇڭحۋا ۇلتى ورتاق تۇلعا تانىمىن كوڭىل تۇكپىرىنە تەرەڭ ۇيالاتۋ؛ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز تەرەڭدەتۋ؛ مەملەكەتتىك ۇلتتار ىنتىماعى، العاباسارلىعىنداعى ۇلگىلى رايونداردى بەلسەندىلىكپەن قۇرۋ؛ كىرىكپەلى قوعامدىق قۇرىلىم جانە الەۋمەتتىك اۋماق ورتاسىن جەدەل ورناتىپ، ۇلتتاردىڭ كەڭ كولەمدە ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەۋ كەرەك.

  ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ ءدىننىڭ وزىندىك اقاۋسىز دامۋىنا سايادى، قوعام ورنىقتىلىعىنا جانە ۇلتتار ىنتىماعىنا سايادى، شينجياڭ قىزمەتىنىڭ كەلەلى جاعدايىنا سايادى. جۇڭحۋا ۇلتى ورتاق تۇلعا تانىمىن سومداۋدا شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، پارتيانىڭ ءدىن قىزمەتى جونىندەگى نەگىزگى باعىتىن جالپى بەتتىك دايەكتىلەندىرىپ، زاڭدىلارىن قورعاۋدان، زاڭسىزدارىنا تيىم سالۋدان، ۇشقارىلىقتى اۋىزدىقتاۋدان، سىنالاپ كىرۋگە قارسى تۇرۋدان، قىلمىسقا سوققى بەرۋدەن جازباي، ءدىندى سوتسياليستىك قوعامعا ۇيلەسۋگە بەلسەنە باستاۋ كەرەك.

  يدەولوگيالىق قىزمەت حالىقتىڭ قولداۋ - قولداماۋىنا سايادى. جۇرت كوڭىلى ورنىقتى بولسا، باياندى تىنىشتىق بولادى؛ جۇرت كوڭىلى جاي تاپپاسا، ىشتە ورنىقسىزدىق تۋىلادى. جۇڭحۋا ۇلتى ورتاق تۇلعا تانىمىن سومداۋدا يدەولوگيا سالاسى قىزمەتىن ىشكەرىلەي جاقسى ىستەۋ كەرەك. مادەنيەت ارقىلى شينجياڭدى نارلەندىرۋ ينجەنەرياسىن ىشكەرىلەي ورىستەتىپ، ۇزدىك رۋحاني مادەنيەت تۋىندىلارىن سالتقا اينالدىرىپ، ونىمەن ادام تاربيەلەپ، ورتاق تانىم ۇيىستىرۋ؛ ونەگە كورسەتىپ ادام تاربيەلەۋدى تىڭعىلىقتى ىلگەرىلەتىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامدارىن قۇلشىنا تاربيەلەۋ؛ زيالىلار قىزمەتىن ىشكەرىلەي جاقسى ىستەپ، ەڭبەككە قۇرمەت ەتەتىن، بىلىمگە قۇرمەت ەتەتىن، دارىندىلارعا قۇرمەت ەتەتىن، جاڭالىق جاساۋعا قۇرمەت ەتەتىن قويۋ راي قالىپتاستىرىپ، ”بەستى شىنايى مويىنداۋدى“ ۇزدىكسىز كۇشەيتىپ، ۇلتتارعا ورتاق رۋحاني مەكەن قۇرىپ، باياندى تىنىشتىقتىڭ يدەيالىق نەگىزىن بەكەمدەۋ كەرەك.

  تامىرى تەرەڭ بولسا، جاپىراعى جايقالادى، ءدىڭى مىقتى بولسا، اعاش ماۋەلى وسەدى، جۇڭحۋا ۇلتى ورتاق تۇلعا تانىمىن كوڭىل تۇكپىرىنە تەرەڭ ۇيالاتساق، ۇلتتار ىنتىماعىنىڭ بايشەشەگى ۇزاق ۋاقىت جايقالا اشىلادى، شينجياڭداعى ءار ۇلت كادر - بۇقاراسىنىڭ اناعۇرلىم تىعىز ىنتىماقتاسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى جاقسى جاڭا داۋىردەگى جۇڭگوشا سوتسياليستىك شينجياڭ قۇرۋعا زەيىن - زەردە، كۇش - قۋات ۇيىستىراتىندىعى داۋسىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.