شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جاڭا داۋىردەگى وقۋ - اعارتۋدى باعالاۋ رەفورماسىن تەرەڭدەتۋ جالپىلىق جوباسىن» باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىكپەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبادا» مىنالار اتاپ كورسەتىلدى: وقۋ - اعارتۋدى باعالاۋ وقۋ - اعارتۋدىڭ دامۋ بەتالىسىنا سايادى، باعالاۋدىڭ جەتەكشى تاياقشاسى قانداي بولسا، مەكتەپ باسقارۋدىڭ باعدارى سونداي بولادى. باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىنىڭ جانە مەملەكەتتىك وقۋ - اعارتۋ ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ونەگە كورسەتىپ ادام تاربيەلەۋ ءتۇزىلىس - مەحانيزمىن كەمەلدەندىرىپ، وقۋ - اعارتۋدى باعالاۋدىڭ عىلمي بولماۋ باعدارىن وزگەرتىپ، نومىرگە عانا قارايتىن، جوعارىلاپ وقۋدى، ديپلومدى عانا كوزدەيتىن، عىلمي ماقالاعا، قالپاققا عانا قارايتىن ءسىڭىستى سىرقاتتاردى باتىل جەڭىپ، وقۋ - اعارتۋدى جونگە سالۋ قابىلەتى مەن دەڭگەيىن جوعارىلاتىپ، وقۋ - اعارتۋدى وسىزامانداندىرۋدى جەدەل ىلگەرىلەتۋ، وقۋ - اعارتۋدا قۋاتتى ەل قۇرۋ، حالىق رازى بولاتىن وقۋ - اعارتۋ جۇرگىزۋ ءۇشىن وسى جوبا جاسالدى.
«جوبا» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، سوتسياليستىك مەكتەپ باسقارۋ بەتالىسىنا تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋ زاڭدىلىعىنا بويسۇنىپ، وقۋ - اعارتۋدى باعالاۋ رەفورماسىن جۇيەلى ىلگەرىلەتىپ، ساپا وقۋ - اعارتۋىن دامىتىپ، بۇكىل پارتيانى، بۇكىل قوعامدى وقۋ - اعارتۋدى دامىتۋدىڭ عىلمي كوزقاراسىن، دارىندىلاردى جەتىلدىرۋدىڭ عىلمي كوزقاراسىن، ادام تاڭداۋدىڭ، ادام ىستەتۋدىڭ عىلمي كوزقاراسىن ورناتۋعا جەتەكتەپ، جالپى حالىقتىڭ ءومىر بويى ۇيرەنۋىنە قىزمەت وتەيتىن وقۋ - اعارتۋ جۇيەسىن ورناتۋدى ىلگەرىلەتىپ، ۇلتتى گۇلدەندىرۋدىڭ كەلەلى مىندەتىن ارقالايتىن جاڭا ءداۋىر ادامدارىن جەتىلدىرۋگە قۇلشىنىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن جەتىلدىرۋدى ماقسات ەتتى.
«جوبانىڭ» باستى پرينسيبى: ونەگە كورسەتىپ ادام تاربيەلەۋگە تاباندى بولىپ، پارتيا ءۇشىن ادام تاربيەلەۋ، وتان ءۇشىن دارىندى تاربيەلەۋ بورىشىن ەستە بەرىك ساقتاپ، وقۋ - اعارتۋدى باعالاۋدىڭ جەتەكشى تاياقشا رولىن تولىق ساۋلەلەندىرىپ، ادام تاربيەلەۋدىڭ عىلمي نىساناسىن ورناتۋعا جەتەكتەپ، وقۋ - اعارتۋدىڭ دۇرىس دامۋ بەتالىسىنا شىنايى كەپىلدىك ەتۋ. ماسەلەنى باعدار ەتۋگە تاباندى بولىپ، پارتيا ورتالىق كوميتەتى كوڭىل ءبولىپ، بۇقارا ءجىتى قاداعالاپ، قوعام نازار اۋدارىپ وتىرعان ماسەلەلەردەن ىسكە كىرىسىپ، جويۋ مەن ورناتۋدى قاتار مەڭگەرىپ، وقۋ - اعارتۋدى باعالاۋدىڭ شەشۋشى سالالارىنداعى رەفورمالاردىڭ ناقتى سەرپىلىسكە قول جەتكىزۋىن ىلگەرىلەتۋ. عىلمي، ءونىمدى بولۋعا تاباندى بولىپ، ناتيجەنى باعالاۋدى جاقسارتىپ، بارىسىن باعالاۋدى كۇشەيتىپ، ارتقان قۇندى باعالاۋ جونىندە ىزدەنىس جاساپ، جالپىلىق باعالاۋدى اقاۋسىزداندىرىپ، ينفورماتسيا تەحنيكاسىنان تولىق پايدالانىپ، وقۋ - اعارتۋدى باعالاۋدىڭ عىلميلىعىن، كاسىبيلىگىن، وبيەكتيۆتىگىن جوعارىلاتۋ. ءبىر تۇتاس جوسپارلاپ، تەڭ ءمان بەرۋگە تاباندى بولىپ، تۇرلىشە تۇلعالار مەن تۇرلىشە وقۋ كەزەڭدەرىنە، تۇرلىشە تيپتەگى وقۋ - اعارتۋدىڭ ەرەكشەلىكتەرىنە باعىتتاي وتىرىپ، تۇرلەر بويىنشا جوبالاپ، ورنىقتى قاداممەن ىلگەرىلەتىپ، رەفورمانىڭ جۇيەلىلىگىن، تۇتاس تۇلعالىلىعىن، سايكەسىمدىلىگىن كۇشەيتۋ. جۇڭگوشا ەرەكشەلىككە تاباندى بولىپ، جۇڭگوعا تامىر تارتىپ، جۇڭگو مەن شەتەلدىكىن توعىستىرىپ، ءداۋىردى تياناق ەتىپ، بولاشاقتى بەتكە الىپ، جۇڭگوشا سوتسياليستىك وقۋ - اعارتۋدى دامىتۋ جولىمەن بۇلجىماي ءجۇرۋ.
«جوبادا» تۇراقتاندىرىلعان رەفورما نىسانالارى: 5تە 10 جىل قۇلشىنۋ ارقىلى ءار دارەجەلى پارتكوم مەن ۇكىمەتتىڭ قىزمەت جاۋاپكەرشىلىگىن عىلمي اتقارۋ دەڭگەيىن ايتارلىقتاي جوعارىلاتۋ، ءار دارەجەلى، ءار ءتۇرلى مەكتەپتىڭ ونەگە كورسەتىپ ادام تاربيەلەۋدى تياناقتاندىرۋ مەحانيزمىن اناعۇرلىم كەمەلدەندىرۋ، وقىتۋشىلاردى زەر سالا ادام تاربيەلەۋگە جەتەكتەيتىن باعالاۋ ءتۇزىمىن اناعۇرلىم اقاۋسىزداندىرۋ، وقۋشىلاردىڭ جان - جاقتى جەتىلۋىن جەبەيتىن باعالاۋ ءادىسىن اناعۇرلىم كوپ نەگىزدەندىرۋ، قوعامنىڭ ادام تاڭداۋ، ادام ىستەتۋ ءتاسىلىن اناعۇرلىم عىلميلاندىرۋ. 2035 - جىلعا بارعاندا، ءداۋىر ەرەكشەلىگىنە باي، جۇڭگو ەرەكشەلىگىن ايگىلەيتىن، دۇنيە جۇزىلىك دەڭگەيدى بەينەلەيتىن وقۋ - اعارتۋدى باعالاۋ جۇيەسىن نەگىزىنەن قالىپتاستىرۋ.
«جوبادا» كورسەتىلگەن ءتۇيىندى مىندەتتەر: پارتكوم مەن ۇكىمەتتىڭ وقۋ - اعارتۋ قىزمەتىن باعالاۋىنا رەفورما جاساپ، قىزمەت جاۋاپكەرشىلىگىن عىلمي اتقارۋدى ىلگەرىلەتۋ؛ مەكتەپ باعالاۋىنا رەفورما جاساپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋدى ىلگەرىلەتۋ؛ وقىتۋشىلاردى باعالاۋعا رەفورما جاساپ، ءبىلىم بەرىپ ادام تاربيەلەۋ بورىشىن امالياتتا ايگىلەۋدى ىلگەرىلەتۋ؛ وقۋشىلاردى باعالاۋعا رەفورما جاساپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلۋدى جەبەۋ؛ ادام ىستەتۋدى باعالاۋعا رەفورما جاساپ، وقۋ - اعارتۋدى دامىتۋدىڭ تاماشا ورتاسىن بىرگە قالىپتاستىرۋ.
«جوبانى» ۇيىمداستىرىپ اتقارۋدا، بىرىنشىدەن، رەفورما جاۋاپكەرشىلىگىن تياناقتاندىرۋ، ەكىنشىدەن، مامانداندىرۋ قۇرىلىسىن كۇشەيتۋ، ۇشىنشىدەن، تاماشا بەينە قالىپتاستىرۋ كەرەك.
