تيانشان تورى   ›   جاڭالىقتار   ›   شينجياڭ حابارلارى

شينجياڭ 750 كيلوۆولتتىق ەلەكتر تورىمەن تۇتاس قامتۋدى جۇزەگە اسىردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 10 - ايدىڭ 14 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋعا قاراعاندا، 10 - ايدىڭ 14 - كۇنى التاي - جۇنبەي 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى رەسمي ىسكە قوسىلعان. سونىمەن 750 كيلوۆولتتىق ەلەكتر تورى شينجياڭنىڭ ەڭ سولتۇستىك شەتىنە جەتىپ، 750 كيلوۆولتتىق ەلەكتر تورىمەن بۇكىل شينجياڭدى قامتۋ جۇزەگە استى.

  التاي - جۇنبەي 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنا جيىنى ءبىر ميلليارد 670 ميلليون يۋان قارجى قوسىلىپ، 2018 - جىلى 9 - ايدا قۇرىلىس باستالعان. جەلى ينجەنەرياسى تارباعاتاي 750 كيلوۆولتتىق كەرنەۋ وزگەرتۋ پۋنكتى مەن قاناس 750 كيلوۆولتتىق كەرنەۋ وزگەرتۋ پۋنكتىن تۇتاستىرادى، تارباعاتاي ايماعىنىڭ قوبىقسارى موڭعۇل اۆتونوميالى اۋدانىن، سونداي - اق التاي ايماعىنىڭ بۋىرشىن اۋدانىن، جەمەنەي اۋدانىن باسىپ وتەدى، جالپى ۇزىندىعى قوس باعىتتا 341 كيلومەتر، تەمىر مۇنارادان جيىنى 725سى بار. ينجەنەريا ىسكە قوسىلعاننان كەيىن، التاي ەلەكتر تورىنىڭ سىرتقا ەلەكتر جەتكىزۋ قۋاتى 2 ميلليون كيلوۆاتقا جەتەدى.

  التاي - جۇنبەي 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ رەسمي ىسكە قوسىلۋىنا بايلانىستى، مەملەكەت ەلەكتر تورى شەكتى سەرىكتەستىگى شينجياڭدا 136 ميلليارد 800 ميلليون يۋان قارجى قوسىپ، ءۇرىمجىنى سەنتر ەتكەن، شىعىستا قۇمىلعا، باتىستا بۇراتالا موڭعۇل اۆتونوميالى وبلىسىنا، ىلە قازاق اۆتونوميالى وبلىسىنا، وڭتۇستىكتە قاشقار، حوتان ايماقتارىنا جەتەتىن، سولتۇستىكتە التاي ايماعىن تۇتاستىراتىن 750 كيلوۆولتتىق نەگىزگى جەلى قۇرىلىمىن قۇرىپ، شىعىستان باتىسقا قاراي 2000 كيلومەتردى ەندەي وتەتىن، وڭتۇستىكتەن سولتۇستىككە قاراي 3300 كيلومەتردى كەسىپ وتەتىن، قامتيتىن ءوڭىرى ءبىر ميلليون 300 نەشە مىڭ شارشى كيلومەتر كەلەتىن ”ىشكى قامداۋدىڭ 4 اينالمالى تورابى“ نەگىزگى جەلى قۇرىلىمى جاعدايىن قالىپتاستىردى.

  شينجياڭنىڭ ەنەرگيا بايلىعى مول، جەرى كەڭ، بۇكىل شينجياڭنىڭ ەلەكتر تورىن ءوزارا تۇتاستىرۋدى، ۇلاستىرۋدى جۇزەگە اسىرۋدا الىس ارالىقتى، سيىمدىلىعى زور، جۇمسالۋى تومەن سياقتى ەرەكشەلىكتەرگە يە اسقىن جوعارى كەرنەۋلى ەلەكتر تورىن دامىتۋ كەرەك.

  قازىرگە دەيىن شينجياڭدا 750 كيلوۆولتتىق كەرنەۋ وزگەرتۋ پۋنكتىنەن 23ى سالىنىپ، كەرنەۋ وزگەرتۋ سيىمدىلىعى 57 ميلليون 500 مىڭ كيلوۆولت - امپەر بولدى؛ ەلەكتر جەتكىزۋ جەلىسىنەن 56سى بار، جالپى ۇزىندىعى 7764.73 كيلومەتر، بەرىك تە سەنىمدى ەلەكتر تورى شينجياڭنىڭ قوعام ورنىقتىلىعى مەن ەكونوميكالىق دامۋىن جەتكىلىكتى ەنەرگيامەن قامتاماسىز ەتتى ءارى شينجياڭنىڭ ەلەكترىن سىرتقا زور كولەمدە جەتكىزۋگە مىعىم نەگىز قالادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى