تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ 2020 - جىلعى 100 زاڭگەردىڭ 100 كەزەك بايانداما جينالىسى بويىنشا ۇگىت - لەكسيا ارناۋلى بايانداما جينالىسى وتكىزىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي يۇنيان 10 - ايدىڭ 14 - كۇنى ۇرىمجىدەن حابارلايدى. 10 - ايدىڭ 13 - كۇنى اۆتونوميالى رايوننىڭ 2020 - جىلعى 100 زاڭگەردىڭ 100 كەزەك بايانداما جينالىسى بويىنشا ۇگىت - لەكسيا ارناۋلى بايانداما جينالىسى وتكىزىلدى.

  اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى، شينجياڭ زاڭ عىلىمى قوعامىنىڭ ورىنباسار باستىعى ۋاڭ ميڭشان بايانداما جينالىسىن باسقاردى.

  ”100 زاڭگەردىڭ 100 كەزەك بايانداما جينالىسىن“ ورتالىق كوميتەت ۇيىمداستىرۋ ءبولىمى، ۇگىت ءبولىمى، ساياسي - زاڭ كوميتەتى، جۇڭگو زاڭ عىلىمى قوعامى، وقۋ - اعارتۋ مينيسترلىگى، ءادىليا مينيسترلىگى بىرگە ۇيىمداستىرعان، باستى ۇگىت - لەكسيا وبيەكتىسى ءار دارەجەلى باسشى كادرلار، ول − ورتالىقتىڭ قاتىستى رۋحتارىن، اسىرەسە، زاڭمەن جونگە سالۋ سالاسىنداعى كەلەلى شەشىمدەرىن، ورنالاستىرۋلارىن جەتكىزەتىن، دايەكتىلەندىرەتىن ماڭىزدى قيمىل.

  بايانداما جينالىسىندا جۇڭگو زاڭ عىلىمى قوعامى پارتيا باسشىلىق گرۋپپاسىنىڭ مۇشەسى، ارناۋلى مىندەتتەگى ورىنباسار باستىعى، قوسىمشا باس حاتشىسى جاڭ ميڭچي ازاماتتىق زاڭنامانىڭ قۇراستىرىلۋ، جاسالۋ ارتقى كورىنىسىن، ۇلگى - قۇرىلىمىن، ايقىن ەرەكشەلىكتەرىن، سونداي - اق تۇزىمدىك جاڭالىق اشۋ تۇيىندەرىن جالپى بەتتىك بايىمدادى.

  ءماجىلىس مىنالاردى تالاپ ەتتى: باس شۋجي شي جينپيڭنىڭ مەملەكەتتى جاپپاي زاڭمەن جونگە سالۋ جاڭا ۇستانىمدارىن، جاڭا يدەيالارىن، جاڭا ستراتەگيالارىن جەتەكشى ەتىپ، وسى رەتكى ازاماتتىق زاڭنامانى ءتۇسىندىرۋ لەكسياسىن وراي ەتىپ، باستاماشىلدىقپەن زاڭ ۇيرەنۋگە، زاڭعا بويسۇنۋدىڭ ونەگەسى بولۋعا، باسشى كادرلاردىڭ زاڭ ۇيرەنۋىن ۇدايىلاندىرۋدى، تۇزىمدەندىرۋدى ىلگەرىلەتۋگە تاباندى بولىپ، نەگىزگى زاڭ مەن زاڭدار بارىنەن جوعارى تۇرادى، زاڭ الدىندا بارلىق ادامنىڭ تەرەزەسى تەڭ، ۇقىقتى زاڭ بەلگىلەيدى، بيلىك زاڭ بويىنشا جۇرگىزىلەدى سياقتى زاڭمەن جونگە سالۋ نەگىزگى ۇستانىمدارىن بەرىك ورناتىپ، زاڭمەن جونگە سالۋ ويىنان جانە زاڭمەن جونگە سالۋ تاسىلىنەن پايدالانىپ رەفورمانى تەرەڭدەتۋ، دامۋدى ىلگەرىلەتۋ، ورنىقتىلىقتى قورعاۋ، قايشىلىقتاردى شەشۋ، قوعامنىڭ ادىلدىگى مەن تۋراشىلدىعىن قورعاۋ قابىلەتىن شىنايى جوعارىلاتۋ كەرەك. پارتيا، ۇكىمەت ورىندارىنداعى نەگىزگى جاۋاپتى ادامدار زاڭمەن جونگە سالۋ قۇرىلىسىن ىلگەرىلەتۋدەگى ءبىرىنشى جاۋاپتى ادامدىق قىزمەت جاۋاپكەرشىلىگىن مۇقيات اتقارىپ، شينجياڭدى جاپپاي زاڭمەن جونگە سالۋدىڭ، زاڭمەن جونگە سالىناتىن شينجياڭ قۇرۋدىڭ ماڭىزدى ۇيىمداستىرۋشىلارىنان، ىلگەرىلەتۋشىلەرىنەن، دارىپتەۋشىلەرىنەن جانە ۇلگى كورسەتۋشىلەرىنەن بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، تياناقتاندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن تىڭ دا اناعۇرلىم زور ۇلەس قوسۋعا قۇلشىنۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.