تيانشان تورى
تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

لياۋنيڭ ولكەلىك پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى يۋان لەي، لي ياڭ 10 - ايدىڭ 14 - كۇنى ۇرىمجىدەن حابارلايدى. 10 - ايدىڭ 10 - كۇنىنەن 14 - كۇنىنە دەيىن، لياۋنيڭ ولكەلىك ساياسي كەڭەستىڭ ءتوراعاسى شيا دىرىن باستاعان لياۋنيڭ ولكەلىك پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەرىپ، ەكى جەردىڭ سەلبەستىگىن، اۋىس - كۇيىسىن ىلگەرىلەتتى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن قاتىستى قيمىلدارعا قاتىناستى.

  10 - ايدىڭ 13 - كۇنى تۇستەن كەيىن، لياۋنيڭ . شينجياڭ جانە بيڭتۋاننىڭ باعىتتامالى كومەكتەسۋ قىزمەتى جونىندەگى اڭگىمە ءماجىلىسى ۇرىمجىدە اشىلدى. شوكىرات زاكىر اڭگىمە ماجىلىستە بىلاي دەدى: لياۋنيڭ ولكەلىك پارتكوم مەن ولكەلىك ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ قىزمەتىن كەلەلى ساياسي جاۋاپكەرشىلىك رەتىندە قاراپ، ماڭىزدى ورىنعا قويىپ جاپپاي ىلگەرىلەتىپ، شينجياڭنىڭ ورنىقتىلىعىنا، دامۋىنا ماڭىزدى ۇلەس قوستى، شينجياڭداعى ءار ۇلت حالقىنىڭ العىس سەزىمى جۇرەككە ۇيالادى. قازىر شينجياڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، جاڭا داۋىردەگى شينجياڭ قىزمەتىن قۇلشىنا ىلگەرىلەتۋدىڭ شەشۋشى كەزەڭىندە تۇر، ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، پارتيا ورتالىق كوميتەتىنىڭ شينجياڭعا كومەكتەسۋ قىزمەتى جونىندەگى ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، تۇلعالىق رولىمىزدى ساۋلەلەندىرىپ، وزىق تاجىريبەلەردى ۇيرەنىپ، تەرەڭ سەلبەستىكتى ىلگەرىلەتىپ، شىنايى تۇردە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىن، لياۋنيڭ حالقىنىڭ قالتقىسىز كومەگىن، شينجياڭعا باعىتتامالى كومەكتەسۋدىڭ ەرەكشە ابزالدىلىعىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ قۋاتتى قوزعاۋشى كۇشىنە اينالدىرىپ، جاڭا داۋىردەگى شينجياڭنىڭ ورنىقتىلىعىنىڭ، دامۋىنىڭ جاڭا داستانىن قۇلشىنا جاقسى جازۋىمىز كەرەك.

  شيا دىرىن لياۋنيڭ ولكەلىك پارتكوم مەن ولكەلىك ۇكىمەت اتىنان شينجياڭنىڭ جۋىق جىلداردان بەرى ەكونوميكالىق، قوعامدىق دامۋدا قول جەتكىزگەن كەلەلى تابىستارىن قۇتتىقتاپ، شينجياڭنىڭ ۇزاق ۋاقىتتان بەرى لياۋنيڭدى قولداعاندىعىنا، كومەكتەسكەندىگىنە جانە شينجياڭعا باعىتتامالى كومەكتەسكەن كادرلارعا، دارىندىلارعا كوڭىل بولگەندىگىنە، قامقورلىق جاساعاندىعىنا شىن كوڭىلدەن العىس ايتتى. ول بىلاي دەدى: لياۋنيڭ ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىنە باستان - اياق وسكەلەڭ ءمان بەرىپ، پارتيا ورتالىق كوميتەتىنىڭ شينجياڭ قىزمەتى جونىندەگى ءبىر قىدىرۋ كەلەلى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، شينجياڭ حالقىمەن بىرگە ”ءبىر ايماق، ەكى شىنىڭ“ ەكونوميكالىق، قوعامدىق دامۋىن ورتاق ىلگەرىلەتىپ كەلەدى. كەلەسى قادامدا لياۋنيڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات تياناقتاندىرىپ، كومەكتەسۋ سەرپىنىن ونان ارى ارتتىرىپ، ”14 - بەسجىلدىق“ بويىنشا شينجياڭعا كومەكتەسۋ جوباسىن عىلمي جاساپ، كاسىپ سالاسى سەلبەستىگىن ىشكەرىلەي ىلگەرىلەتىپ، وقۋ - اعارتۋ، مەديتسينالىق ەمدەۋ ارقىلى شينجياڭعا كومەكتەسۋ جۇمىسىن ۇزدىكسىز ويداعىداي ىستەپ، ءار ۇلتتىڭ كەڭىنەن ىشتەسۋىن، جاپپاي ارالاسۋىن، ىشكەرىلەي توعىسۋىن ونان ارى جەبەپ، شينجياڭعا كومەكتەسۋ قىزمەتىن دەن قويا، سۇيىسپەنشىلىكپەن، كۇش سالا ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا ءتيىستى ۇلەسىن قوسادى.

  شينجياڭداعى كەزىندە لياۋنيڭ ولكەلىك پارتيا، ۇكىمەت ۋاكىلدەر ۇيىرمەسى شىحىزى قالاسى، شاۋەشەك قالاسى، ءدوربىلجىن اۋدانى سياقتى جەرلەرگە بارىپ، شيپاحانالارعا، مەكتەپتەرگە، ونەركاسىپ باقشا رايوندارىنا، شەكارا وتكەلىنە بارىپ، سول جەردىڭ وزىندە شينجياڭعا باعىتتامالى كومەكتەسۋ نىساندارىنىڭ ىلگەرىلەۋ جاعدايىن تەكسەرىپ، شينجياڭعا كومەككە كەلگەن كادرلارعا - دارىندىلارعا امانداسا بارىپ حال سۇرادى.

  اۆتونوميالى رايون جانە بيڭتۋان باسشىلارىنان ليۋ سۋشى، كۇڭ شيڭلۇڭ، ءيلھام سابىر جوعارىداعى قيىملدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.