− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (5)
شينجياڭ گازەتىنىڭ شولۋشىسى
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ ”دامۋ − شينجياڭنىڭ باياندى تىنىشتىعىنىڭ ماڭىزدى نەگىزى“ دەپ اتاپ كورسەتتى، سونداي - اق 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ورتاعا قويىلعان ”شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە“ تاباندى بولۋدى ”شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ“ دەپ كەڭەيتتى. دامۋدىڭ شينجياڭ قىزمەتى باس نىساناسىن جۇزەگە اسىرۋداعى ماڭىزدى ءمانىن اشالاپ تۇسىندىرۋدە بولسىن نەمەسە ”حالىقتى بايىتىپ شينجياڭدى گۇلدەندىرۋدى“ ماڭىزدى ورىنعا قويۋدا بولسىن، بارلىعىندا تۇگەلدەي شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت بۇقاراسىن تاماشا تۇرمىسقا كەنەلدىرۋدەي شىنايى ءۇمىتى قامتىلعان.
اۆتونوميالى رايوندىق 9 - كەزەكتى پارتكومنىڭ ونىنشى جالپى ءماجىلىسى بىلاي دەپ باسا دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جاپپاي دايەكتىلەندىرۋدە جاڭا دامۋ ۇستانىمىن دايەكتىلەندىرىپ، حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتۋ كەرەك.
پارتيا 18 - قۇرىلتايىنان بەرى، باس شۋجي شي جينپيڭ شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ستراتەگيالىق بيىگىندە تۇرىپ، ”دامۋدى يگەرۋ، حالىق تۇرمىسىنا تيىمدىلىك جەتكىزۋ ارقىلى بۇقارانىڭ ىستەيتىن ءىسى، تاباتىن تاپاۋاتى، ءۇمىتى بولۋىنا مۇمكىندىك جاساپ، پارتيانىڭ ءار ۇلت بۇقاراسىنىڭ اراسىنداعى ۇيىستىرۋ قۋاتىن ۇزدىكسىز كۇشەيتۋ، وتاندى ءسۇيۋدىڭ، شينجياڭدى ءسۇيۋدىڭ وڭ ەنەرگياسىن ۇزدىكسىز مولايتۋ كەرەك“، ”ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ءار ۇلت بۇقاراسىنىڭ كوكەي تەستى ماسەلەلەرىن كوبىرەك شەشىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرۋ كەرەك“ دەپ باسا دارىپتەگەن. باس شۋجيدىڭ ءبىر قىدىرۋ ماڭىزدى سوزدەرى مەن ماڭىزدى نۇسقاۋلارىنىڭ رۋحى دامۋ ”كىم ءۇشىن، كىمگە سۇيەنۋ“ سىندى تەرەڭ تاقىرىپتى ىشكەرىلەي ءتۇسىندىردى. باس شۋجيدىڭ نۇسقاعان باعىتىن بويلاپ، شينجياڭدا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن اسا تاماشا جاعداي جارىققا شىعىپ، باياندى تىنىشتىققا قادام تاستاۋعا بەرىك نەگىز قالاندى. اماليات حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتۋ − باياندى تىنىشتىققا ساياتىن تەرەڭ قاتپارلى ماسەلەلەردى شەشۋدىڭ ”التىن كىلتى“ ەكەندىگىن دالەلدەدى.
وسى بىرنەشە جىلدا مەملەكەتتىڭ سىرتقا ەسىك اشۋدى كەڭەيتۋىنە، باتىس بولىكتى قاۋىرت اشۋىنا، ”ءبىر بەلدەۋ، ءبىر جول“ قۇرىلىسىن ۇزدىكسىز ىلگەرىلەتۋىنە ىلەسە شينجياڭ سالىستىرمالى تۇردە جابىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالىپ، جوعارى ساپالى دامۋ ماڭىزدى ورايدى قارسى الدى. حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتۋدە جاڭا دامۋ ۇستانىمىن دايەكتىلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، ەكونوميكانىڭ اقاۋسىز، ورنىقتى دامۋىن جۇزەگە اسىرۋ كەرەك. جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، شينجياڭنىڭ وزىندىك وڭىرلىك سيپاتتى ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن سومداۋ كەرەك. ەرەكشە باسىمدىققا يە كاسىپ سالالارىن جەتىلدىرىپ، ۇلعايتىپ، بۇقارانى كىرىستەرىن ارتتىرىپ، بايۋعا باستاۋ؛ ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ، دارەجەسىن ءوسىرۋدى ىلگەرىلەتىپ، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن جەبەۋ كەرەك. نەگىزدىك قۇرىلعى قۇرىلىسىن ۇزدىكسىز كۇشەيتىپ، دامۋعا تۇساۋ بولاتىن شەكتەمەلەردى ۇزدىكسىز جويۋ كەرەك. قالا - قالاشىقتاندىرۋدى بەلسەندى ىلگەرىلەتىپ، اۋىل - قىستاقتاعى ءتىپتى دە كوپ از ۇلت بۇقاراسىنىڭ قالاعا كەلىپ قىزمەت ىستەپ، تۇرمىس كەشىرۋىنە مۇمكىندىك جاساۋ كەرەك. وڭتۇستىك شينجياڭ قىزمەتىنە باسا ءمان بەرىپ، كۇشەيتىپ، وڭتۇستىك شينجياڭنىڭ ەكونوميكالىق، قوعامدىق دامۋىن جانە حالىق تۇرمىسىن جاقسارتۋدى زور كۇشپەن ىلگەرىلەتىپ، دامۋ بارىسىندا حالىق تۇرمىسىنا ساياتىن ولقىلىقتاردى تولىقتاۋ كەرەك. شينجياڭعا باعىتتامالى كومەكتەسۋدى تىڭعىلىقتى ىلگەرىلەتىپ، اناعۇرلىم كوپ كاسىپورىنداردىڭ شينجياڭعا كەلىپ قارجى قوسۋىنا، دامۋىنا مۇمكىندىك جاساپ، شينجياڭعا كومەكتەسۋدىڭ ىشكى مازمۇنىن بايىتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ كەرەك. تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ەكولوگيانى قورعاۋدىڭ قىزىل سىزىعىن باتىل ساقتاپ، قۇمدى تىزگىندەۋ، سۋدى تىزگىندەۋ جانە ورماندى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتىپ، بايتاق، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.
حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتسەك، ءبىز شينجياڭ قىزمەتىنىڭ باس نىساناسىن جۇزەگە اسىرۋدىڭ زاتتىق نەگىزىن ۇزدىكسىز بەكەمدەپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن ۇزدىكسىز قاناعاتتاندىرىپ، سوتسياليستىك وسىزاماندانعان مەملەكەتتى جاپپاي قۇرىپ شىعۋدىڭ جاڭا ساپارىندا گۇلدەنىپ - كوركەيۋدى، دامۋدى بىرگە جوسپارلاۋدىڭ، تاماشا تۇرمىستان بىرگە يگىلىكتەنۋدىڭ جاڭا كارتيناسىن بىرگە سالىپ شىعا الامىز.
