تيانشان تورى   ›   ۇيرەنۋ   ›   شولۋ

ەكونوميكالىق ەرەكشە رايوندى اناعۇرلىم جاقسى قۇرايىق، دەڭگەيىن ءتىپتى دە جوعارىلاتايىق

 − باس شۋجي شي جينپيڭنىڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى

 حالىق گازەتىنىڭ شولۋشىسى

  ەكونوميكالىق ەرەكشە رايون قۇرۋ − پارتيا مەن مەملەكەتتىڭ رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋ ءۇشىن جۇرگىزگەن ۇلى باستاماسى. 1980 - جىلى 8 - ايدا پارتيا مەن مەملەكەت شىنجىندى، جۋحايدى، شانتوۋدى، شيامىندى ەكونوميكالىق ەرەكشە رايون ەتىپ قۇرۋدى بەكىتتى، 1988 - جىلى 4 - ايدا حاينان ەكونوميكالىق ەرەكشە رايونىن قۇرۋدى دا بەكىتىپ، ەكونوميكالىق ەرەكشە رايوننىڭ بۇكىل ەلدىڭ رەفورما جاساپ، ەسىك اشۋداعى جانە سوتسياليستىك وسىزامانداندىرۋ قۇرىلىسىنداعى ماڭىزدى تەرەزەلىك جانە ۇلگى كورسەتۋ، جەتەكتەۋ رولىن ساۋلەلەندىرۋىن ايقىن تالاپ ەتتى. ۇزاق ۋاقىتتان بەرى، پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەلدىڭ بار كۇشپەن قولداۋىندا، ءارقايسى ەكونوميكالىق ەرەكشە رايوندار يدەيانى ازات ەتىپ، رەفورما جاساپ جاڭالىق اشىپ، بورىشتى باتىلدىقپەن ارقالاپ، قايراتتانا ەكپىندەي ىلگەرىلەپ، جۇڭگوشا سوتسياليزم قۇرۋدىڭ ۇلى بارىسىندا باتىلدىقپەن ەكپىندەۋدىڭ، ءورىس اشا ىلگەرىلەۋدىڭ ايبىندى تاراۋىن جازدى، بۇكىل ەلدىڭ رەفورما جاساۋىنا، ەسىك اشۋىنا جانە سوتسياليستىك وسىزامانداندىرۋ قۇرىلىسىنا كەلەلى ۇلەس قوستى.

  10 - ايدىڭ 14 - كۇنى تۇستەن بۇرىن باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا ماڭىزدى ءسوز سويلەپ، شىنجىن سياقتى ەكونوميكالىق ەرەكشە رايونداردىڭ جاراتقان شۇعىلالى تابىستارىن جوعارى باعالاپ، ەكونوميكالىق ەرەكشە رايوننىڭ 40 جىلعى رەفورما جاساۋدا، ەسىك اشۋدا، جاڭالىق اشا دامۋدا توپتاعان قۇندى تاجىريبەلەرىن تەرەڭدەي قورىتىندىلاپ، جاڭا داۋىردەگى ەكونوميكالىق ەرەكشە رايونداردىڭ اناعۇرلىم جوعارى باستامامەن رەفورما جاساۋدى، ەسىك اشۋدى ىلگەرىلەتۋى جونىندە كەلەلى ستراتەگيالىق ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، ەكونوميكالىق ەرەكشە رايون قىزمەتىندە جاڭا جاعداي اشۋدى ىلگەرىلەتۋ، جاپپاي سوتسياليستىك وسىزاماندانعان مەملەكەت قۇرۋعا، 2 - ءجۇز جىلدىق كۇرەس نىساناسىن جۇزەگە اسىرۋعا جاڭا دا اناعۇرلىم زور ۇلەس قوسۋ جونىنەن كەلەلى جەتەكشى مانگە يە، ءسوز جوق، بۇكىل پارتيانى، بۇكىل ەلدى، بۇكىل قوعامدى جاڭا ءداۋىردىڭ جاڭا ساپارىندا قۇلشىنا ءورىس اشۋعا، ەرلىكپەن العا باسۋعا شابىتتاندىراتىندىعى جانە اتتانىسقا كەلتىرەتىندىگى ءشۇباسىز.

  شىنجىن − رەفورما جاساعاننان، ەسىك اشقاننان كەيىن پارتيا مەن حالىق ءوز قولىمەن قۇرعان شىت جاڭا قالا، جۇڭگوشا سوتسياليزمنىڭ ءبىر پاراق اق قاعازعا تۇسكەن تارتىمدى كارتيناسى. شىنجىنداعى قالىڭ كادرلار مەن بۇقارا قيىندىقتاردى جەڭىپ، قاجىرلىلىقپەن ىستەپ، 40 جىل ۋاقىت جۇمساپ شەتەلدەگى ءىشىنارا حالىقارالىق ۇلكەن ورتالىق قالالاردىڭ ءجۇز جىلدان استام ۋاقىتتا باسىپ بولعان بارىسىن باسىپ ءوتتى، مەشەۋ شەكارالىق شاعىن قالاشىقتان الەمدىك ىقپال كۇشكە يە حالىقارالانعان ۇلكەن ورتالىق قالاعا دەيىنگى تاريحي سيپاتتى قارىشتاۋدى، ەكونوميكالىق ءتۇزىلىس رەفورماسىنان رەفورمانى جالپى بەتتىك تەرەڭدەتۋگە دەيىنگى تاريحي سيپاتتى قارىشتاۋدى، يمپورت - ەكسپورت ساۋداسىن نەگىز ەتۋدەن جان - جاقتى، جوعارى دەڭگەيدە سىرتقا ەسىك اشۋعا دەيىنگى تاريحي سيپاتتى قارىشتاۋدى، ەكونوميكالىق اشۋدان سوتسياليستىك زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ دامۋىن ءبىر تۇتاس جوسپارلاۋعا دەيىنگى تاريحي سيپاتتى قارىشتاۋدى، ىشەر اس، كيەر كيىمدى شەشۋدەن جوعارى ساپالى جاپپاي دوڭگەلەك داۋلەتتىلىككە دەيىنگى تاريحي سيپاتتى قارىشتاۋدى جۇزەگە اسىردى. سول جىلدارى شىكوۋدا تاۋ قويناۋىن اشقان جويقىن داۋىسى كۇنى كەشەگىدەي قۇلاق تۇبىندە جاڭعىرۋدا، قازىرگى تاڭداعى شىنجىن ەكونوميكالىق ەرەكشە رايونىندا جاندى دا جالىندى تىرشىلىك لەبى ەسۋدە، بۇل جۇڭگو حالقى جاراتقان دۇنيە ءجۇزىنىڭ دامۋ تاريحىنداعى ءبىر كەرەمەت، دۇنيە جۇزىنە ەلىمىزدىڭ رەفورما جاساۋداعى، ەسىك اشۋداعى ايبىندى ۇلى كۇشىن ايگىلەدى، جۇڭگوشا سوتسياليزمنىڭ جارقىن بولاشاعىن ايگىلەدى. شىنجىن سياقتى ەكونوميكالىق ەرەكشە رايونداردىڭ رەفورما جاساۋ، دامۋ ىستەرىندە قول جەتكىزگەن ناتيجەسى پارتيا ورتالىق كوميتەتىنىڭ پارمەندى باسشىلىعىنىڭ جەمىسى، قالىڭ كادرلار مەن بۇقارانىڭ ءورىس اشا ىلگەرىلەۋىنىڭ جەمىسى، بۇكىل ەل حالقى مەن شار تاراپتىڭ كەڭ كولەمدە قولداۋىنىڭ جەمىسى، بۇل پارتيا ورتالىق كوميتەتىنىڭ ەكونوميكالىق ەرەكشە رايون قۇرۋ جونىندەگى ستراتەگيالىق شەشىمىنىڭ بۇكىلدەي دۇرىس ەكەندىگىن تولىق دالەلدەدى. جاڭا داۋىردە ەكپىندەي ىلگەرىلەدى، جاڭا ساپاردى باستادى، بەينە باس شۋجي شي جينپيڭ دارىپتەگەندەي: ”ەكونوميكالىق ەرەكشە رايوندى ۇزدىكسىز جاقسى قۇرىپ قانا قويماي، اناعۇرلىم جاقسى قۇرۋ، دەڭگەيىن ءتىپتى دە جوعارىلاتۋ كەرەك“.

  ادەتتە جاي كورىنگەن ءىس، ءىس جۇزىندە ەڭ وزگەشە بولادى. ونى جۇزەگە اسىرۋ وڭاي سياقتى كورىنگەنىمەن، جاپا - ماشاقاتقا تولى بولادى. شىنجىن سياقتى ەكونوميكالىق ەرەكشە رايونداردىڭ باسىپ وتكەن جولىنداعى ءاربىر قادامىنىڭ بارلىعى جەڭىل - جەلپى بولعان ەمەس، بارلىعىندا جاپالى قۇلشىنىس جاسالعان، ۇلى كەرەمەت جاراتىپ قالماستان، ونان دا ماڭىزدىسى، قۇندى تاجىريبەلەر توپتادى: ءسوز جوق، پارتيانىڭ ەكونوميكالىق ەرەكشە رايون قۇرىلىسىنا بولعان باسشىلىعىنا تاباندى بولۋ كەرەك، ءسوز جوق، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ كەرەك، ءسوز جوق، دامۋ − داۋ جۇرمەيتىن شىندىق دەگەنگە تاباندى بولۋ كەرەك، ءسوز جوق، جان - جاقتى سىرتقا ەسىك اشۋعا تاباندى بولۋ كەرەك، ءسوز جوق، جاڭالىق اشۋ − ءبىرىنشى قوزعاۋشى كۇش دەگەنگە تاباندى بولۋ كەرەك، ءسوز جوق، حالىقتى وزەك ەتكەن دامۋ يدەياسىنا تاباندى بولۋ كەرەك، ءسوز جوق، زاڭدى عىلمي شىعارۋعا، زاڭدى قاتاڭ اتقارۋعا، ءادىليانى ءادىل جۇرگىزۋگە، جالپى حالىقتىڭ زاڭعا بويسۇنۋىنا تاباندى بولۋ كەرەك، ءسوز جوق، تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەۋ كەرەك، ءسوز جوق، ”ءبىر ەل، ەكى ءتۇزىم“ نەگىزگى باعىتىن جالپى بەتتىك دالمە - ءدال دايەكتىلەندىرۋ كەرەك، ءسوز جوق، بۇكىل ەل ءبىر تۇتاس جۇيەسىندە ەكونوميكالىق ەرەكشە رايوننىڭ قامتۋ، جەتەكتەۋ رولىن اناعۇرلىم ويداعىداي ساۋلەلەندىرۋگە تاباندى بولۋ كەرەك. بۇل ”10 ءسوز جوق“ پارتيامىزدىڭ جۇڭگوشا سوتسياليستىك ەكونوميكالىق ەرەكشە رايون قۇرىلىسى زاڭدىلىعى جونىندەگى تانىمىنىڭ تەرەڭدەۋى، جاڭا داۋىردەگى ەكونوميكالىق ەرەكشە رايون قۇرىلىسى جونىنەن كەلەلى جەتەكشى مانگە يە، ءسوز جوق، بارىنشا قاستەرلەپ، ۇزاق ۋاقىت تاباندى بولىپ، اماليات بارىسىندا ۇزدىكسىز بايىتۋ جانە دامىتۋ كەرەك.

  قازىرگى تاڭداعى دۇنيە ءجۇزى ءجۇز جىلدا بولماعان زور وزگەرىستى باستان كەشۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، ەكونوميكا جوعارى جىلدامدىقپەن ارتۋ ساتىسىنان جوعارى ساپالى دامۋ ساتىسىنا قاراي بۇرىلىس جاساپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جۇلگەسىن قالىپتاستىرۋدا، جوعارى ساپالى دامۋدى جۇزەگە اسىرۋدا ءالى دە كوپتەگەن ولقىلىقتار، ءالسىز تۇستار بار، ەكونوميكالىق ەرەكشە رايوننىڭ دامۋى دا ءىشىنارا قيىنشىلىق پەن سىن - سايىسقا ءدوپ كەلۋدە. جاڭا جاعداي جاڭا جاۋاپكەرشىلىك ارقالاۋدى قاجەت ەتەدى، جاڭا ىسكەرلىك كورسەتۋگە ۇندەيدى، جاڭا داۋىردەگى ەكونوميكالىق ەرەكشە رايوندار العان بەتىنەن قايتپايتىن كۇرەسكەرلىك بەينە، ەشقاشان بوگەلمەيتىن رۋحاني كۇي ارقىلى رەفورمانىڭ كىدىرمەۋىن، ەسىك اشۋدىڭ توقتاماۋىن ىلگەرىلەتۋ كەرەك، قالىڭ كادرلار مەن بۇقارا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي دايەكتىلەندىرىپ، تياناقتاندىرىپ، ”ۇمتىلۋ“ رۋحىن، ”قۇرۋ“ تەبىنىن، ”ىستەۋ“ ستيلىن ماڭگى ساقتاپ، اناعۇرلىم كوپ ”كوكتەمگى حيكايانى“ ۇزدىكسىز جازۋعا قۇلشىنۋ، دۇنيە ءجۇزىن جالت قاراتارلىقتاي جاڭا دا اناعۇرلىم زور كەرەمەتتەر جاراتۋعا قۇلشىنۋ كەرەك!

 (شينحۋا اگەنتتىگىنىڭ 10 - ايدىڭ 14 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.